好彩海鮮酒家

營業中

休息中

今日中午我們再去咗荃灣享和街嘅「好彩海鮮酒家」食午飯！我們叫咗鮮竹牛肉球、九製陳皮叉燒酥、美味冰鎮豬手同午市超優惠套餐：是日老火湯：杏汁豬肺湯「小」、南乳吊燒鷄「半隻」、籠仔蒜香蒸斑頭腩飯及兩款精美凍糕：鴛鴦咖啡糕，杞子桂花糕！鮮竹牛肉球嘅肉質相當嫩滑多汁，牛肉味好濃郁，芫茜嘅味道亦好清香！九製陳皮叉燒酥嘅酥皮非常鬆脆，叉燒相當香甜！美味冰鎮豬手嘅豬皮好爽口彈牙！午市超優惠套餐：是日老火湯：杏汁豬肺湯「小」真係火候十足，味道好香濃！南乳吊燒鷄「半隻」嘅鷄皮燒得非常香脆，肉質超嫩滑！籠仔蒜香蒸斑頭腩飯嘅斑頭腩肉質好新鮮嫩滑，魚肉嘅肉汁溶入晒蒸飯入面，令到蒸飯更加鮮味！兩款精美凍糕：鴛鴦咖啡糕係心型圖案，所以賣相非常吸引！杞子桂花糕嘅味道好清甜！呢個午市超優惠套餐有咁多嘢食，都只係$158蚊咋，真係超抵食呀！係本人嘅必食推介！

今日下午我們去咗荃灣享和街嘅「好彩海鮮酒家」飲下午茶！我們叫咗翡翠帶子腸、特級鮮蝦餃、蒜蓉瑤柱菠菜餃、玉蘭帶子餃、豉汁蒸美國珍寶鳳爪同煲仔棉花鷄！翡翠帶子腸嘅腸粉好晶瑩嫩滑，帶子相當鮮甜！特級鮮蝦餃嘅蝦非常大隻同爽口彈牙，鮮味十足！蒜蓉瑤柱菠菜餃嘅餃皮相當晶瑩剔透，口感好煙韌彈牙！玉蘭帶子餃嘅賣相非常精緻吸引！豉汁蒸美國珍寶鳳爪嘅鳳爪炆得好腍好入味！煲仔棉花鷄嘅鷄肉好嫩滑，醬汁嘅味道調教得恰到好處，唔會太鹹，魚肚吸晒醬汁嘅味道，非常惹味！

又是與家母茶聚的時間，今次她選擇在荃灣享和街的好彩海鮮酒家。光顧了此品牌十多年，一切，從長沙灣麗新分店開始，多年以來，好彩沒多大變化，反而另一條線彩晶軒，曾經在晚市給我一點驚喜。由中環坐930巴士過來，也要差不多四十分鐘，姍姍來遲，來到已見到家母與家弟，叫到一檯都係。煎腸粉，嫌有點Plain，蔥花也沒有一粒。牛肉腸拉得不錯，腸粉皮煙韌不糊口。蝦餃＄28一籠，夠紮實，外層爽身，餡料份量十足，蝦肉爽口而鮮甜。另一個不知所以的賽螃蟹餃，將蛋白釀入餃內，實在有點怪，是南北一家親嗎？潮州粉果外皮薄弱，一夾就爛，質素比小食店的現成貨更差，起碼他們的粉果，外層厚得不可破。鴨腳扎最好吃的一部份，是芋頭，道理與綿花雞上的魚肚一樣。煎窩貼的內餡頗乾，欠缺肉汁，感覺不爽。芋頭排骨飯的飯身筆挺，排骨饒富肉汁，但很奇怪，排骨與飯粒兩者像各有各玩？簡單去說，不夠入味。鮮竹卷一貫地油膩，怕肥就不要吃。燒賣質素甚佳，豬肉混合蝦肉後，味道香甜，入口爽而鬆化。集團式的酒家，除非偶然會有甚麼主題，否則，難以有驚喜位出現，不過勝在名氣大，好彩的名字，在普羅大眾圈子的滲透率，比那些星級名店高很多。住在你隔離的茂叔，順嫂，未必聽

週末下午翳焗不已,頭上黑雲風雨欲來,似乎已來不及徒步走到西鐵站,這個時間最好找個可以坐得久一點的地方,環顧享和街最有條件就是好彩"大"酒家。先問問地下的知客小姐:"一個人要否搭枱??"答案是我中聽的!不過知客小姐補充一句:"要坐廳房最入的唷!" 最入?? 豈不是可以自閉?? 無問題之至! 這裡還習慣在地下取票的同時詢問客人飲什麼茶,這個流程比較罕見。這家酒家沒有電梯設備,客人都要爬樓梯上二樓,看到不少行動不太便利的公公婆婆也來飲茶,在午市價格不算太優惠情況下,應該是點心有點水準才會吸引到這批食客。週末午市時間定是座無虛席,由二樓侍應小姐引領下,我的座位真的深入深深處,在全家酒家最盡頭,佇立兩支花柱的"大"禮堂後的一角的小圓桌就是我的自閉位,換作他人會覺得太隱閉,對我來說坐在裡面自成一角更合我意,簡直度身訂做一樣,其他食客基本不知道這裡有位食客在飲茶。明知這桌子的條件是很難找到侍應,把握時間在她們送茶壺來之前劃好點心紙好了,那張活像以前公開考試的填充表(或六合彩)的點心紙,連劃格仔方式也有特定指示,絕對勾起以前考會考的回憶; 點心紙上選擇不算得太多,不過我想吃的也能找到,這就不是問題了。

以附近咁多間酒樓黎計 , 我自己比較喜歡肇順和稻香 , 不過公司請食飯 , 所以要跟大隊 , 俾錢果個話事以前仲有做小菜套餐既時候 , 因為點心比例少 , 所以覺得食物質素沒問題 ( 雖然是特價套餐 , 但是味道和份量都足巳令 大檯所有人食得飽兼要打包 , 但係自從取消套餐之後 , 點心比例佔大多數 , 所以逐漸覺得味道越來越一般 ,例如炸魷魚和脆素鵝 , 脆漿實在太硬太多 , 煎薄瓦礃唔知係唔係預早整定 , 感覺微暖 ; 雖然蝦肉爽口 , 但係蝦餃皮好厚 ,炸子雞無變過 , 夠味不過熟番些少會更好今次又係十幾人迫係張所謂大檯 , 我就坐係柱位旁邊 , 更加迫過人 , 門口既帶位阿姐真係唔掂當 , 唔理男客定女客 , 失驚無神用盡全力撞個 pat pat 入黎攞走餐牌 , 又唔預先揚聲 , 又唔叫客人遞過去, 唔通街坊級既酒樓真係連最基本既禮儀都欠奉 ,忽然又令我記起年初團年飯局 , 呢間酒樓女侍應唔理三七廿一 , 未攪清楚紅酒類別就幫客人加酒 , 總之見係紅酒就全部倒晒落酒杯

　　我們一行十六人到了這家茶樓享用午膳，這麼多人，我們一早料到可能要分開兩桌，但酒樓方面給了我們一張恰好坐到十六個人的大桌，真開心整個部門的主任可以濟濟一堂享用美食，還是部門主管的宴請。　　我們要了很多東西。我嘗試憶述：甲. 點心：1.蝦餃2.燒賣3.叉燒腸粉4.牛肉腸粉5.鮮蝦腸粉6.韮菜餃7.菜甫蟹黃餃8.鮮竹牛肉9.鹹水角10.鳳爪11.叉燒包12.奶黃包13.粉果14.春卷15.排骨16.馬拉糕17.蘿蔔糕18.腐皮卷乙. 飯/粉麵1.蘿菠炒飯2.福建炒飯3.乾燒米粉4.乾炒牛河丙.蔬菜類1.芥蘭2.苣菜丁.小吃/甜品1.芝麻卷2.桂花糕3.咖啡糕4.炸魚球應該還有更多的，但是我已經記不起來了。我沒有每一道都品嘗到。只能重點記下我有過的味覺體驗。燒賣的賣相很怪，每粒燒賣的正中央有一顆青豆，而且看起來很膩的充滿油光，所以我就沒打算試了。而蝦餃的粉皮做得很通透也夠靭，吃下去有口感，鮮蝦夠大，而且很新鮮，咬下去很爽口。鮮蝦腸粉異曲同工，腸粉皮如絲幼滑，蝦夠新鮮。叉燒腸粉和牛肉腸粉都給比了下去。　　　　韮菜餃是我的至愛，但是這次吃的比較遜色。首先是它的粉皮，不夠晶瑩通透，而且咬下去就散

6月18日在此用膳,當天可能早不用等位便有位,這裡雖然是一般酒樓,但環境清潔及同服務可以,價錢也相當抵食,10個8個點心不用200蚊埋單,而食物質素也不錯,排骨蒸飯排骨好入味飯粒好乾身,蝦餃皮不是很薄,但蝦肉很彈牙,總括來說這裡不錯的選擇.

昨日,去左一間酒樓食Lunch,我都很久沒有食叉燒,之後就order左一碟佢味道相當唔錯,有蒜蓉及五香粉味,而且肉質軟嫩多汁、色澤鮮明,外脆內軟蜜糖味很適中,鹵水唔太咸真係好正,真係想搵一日食多次

青瓜拌海蜤--普通例湯 幾好飲, 足料又無味精蘇格蘭聖子 幾大隻, 好新鮮xo醬西芹炒帶子貴花蚌 xo醬唔太辣, 炒出黎好香馬拉盞蒜子煮芥蘭 好鐘意食芥蘭, 特別係呢d嫩口的蟲草花蒸頭腩 幾特別, 第一次食覺得唔錯, 頭腩亦很肥美西蘭花炒球--普通粉絲什菜煲--好普通肉崧蒸滑蛋--送飯極品

2010年3月4日 ( 3-2 ) 荃灣 ( 好彩海鮮酒家 - 1 ) 日程：( 晨光餐廳 - 好彩海鮮酒家 - 元朗合興餅家 ) 於( 晨光餐廳餐)早餐後，我倆在荃灣閒逛商場，午間約同妹妹們同往( 好彩 )下午茶，今餐，我們吃的如下。爽滑蝦仁腸、腊味糯米飯、咸水角、京滬小籠包、超級豆苗燒買、田園煎迷你薄罉、特級蝦餃皇、潮州蒸粉果、淮香鮮東菇條、酥脆咸水角、薑蔥粉絲蝦皮年糕煲、原味牛腩西生菜、杏仁露、芒果布丁及芒果心太軟。( 好彩 )從03年至09年期間，已經光顧不知多少次，這裡飲食質素，在我們心中，一向佔的位置很高，不過今餐，令我們改觀了，你看那(超級豆苗燒買 )豆苗是黑黑的，雖然味道也可，但看到也倒胃呢！( 爽滑蝦仁腸 ) 蝦仁還爽滑，味道也好，腸粉皮粉粉腍腍，黐牙黏口，口感非常不對辦！即使以前好吃的( 芒果布丁 )，妹妹吃時說，味道怪怪的，不敢吃，我試吃發覺沒大問題，只是沒那樣新鮮呢，最後我吃晒了，其他食物普遍水準也下降了？ 唉........原因..........可能.........或是..........以前可能是即蒸，如今可能是翻叮。地球不停的在轉，

幾個月也沒有在這裡飲茶, 這裡是我食過最價錢合理, 點心做得不錯的酒樓! 今天早上吃個多士奶茶, 居然未夠十二時已肚餓, 老公提議去陶源, 慳慳地還是好彩吧, 差不多平成一倍!中午時分特別多人, 等了半小時...坐了張頗大的桌子, 可惜馬拉糕已售罄, 於是提議連點心也不叫....索性吃個正正經經的中午飯菜:白灼芹蘭, $25...分量一般, 灼得剛剛好, 可惜稍涼了一點, 蠔油幾鮮味!咕嚕肉, $2x, 不脆, 夠腍, 甜酸度剛好, 伴飯吃是不錯的, 但水準仍不夠! 馬友肉片煲仔飯, $32, 我們最喜愛叫的一個飯, 肉片好腍, 馬友香...煲仔飯起焦是老公至愛 (其實我最討厭....因為會黏牙)!吃罷....回家...再工作!

要去隔離間實惠買野, 又見咁多好評, 我又中招....... 肉丸,牛肉粥; 粥底就可以既, 但 d 料唔得 叉燒腸粉: d 皮完全唔得, 又淡又痴住哂, 總知就成口麵粉喇 小龍包; 又係個皮唔得, 好肉酸, 好心唔好拎出黎喇 沙爹金錢肚: 呢個就好食, 汁濃.呀, 樓底好矮, 所以好嘈.服務 ok總括: 唔再黎.

年初一晨早跑完步想去大家樂...可惜仲未開, 大壩街就只有富都, 好多人...連警察都係度食, 無辦法下, 幸好, 還有我們的酒樓飯堂! 今天仍有特價點心, 簡單地叫了三款 - 叉燒包, 多子生財腸粉, 豆苗餃, 叉燒包脹卜卜, 腸粉內包了一條生菜, 不太適合用作餡料, 攞意頭姐, 腸粉皮依舊薄滑, 豆苗餃主要係豆苗同冬菇, 油份較多, 八點只有幾枱, 侍應多過客, 逗利是既多, 祝願大家身體健康, 日日有食神!

好耐無飲茶, 臨近新年, 各式各樣糕品推出, 從未買過一底蘿蔔糕, 年糕, 馬蹄糕, 芋頭糕, 連馬拉糕都有, 約 $48, 價錢唔係特別平/貴!今早好抵...叫了六個點心, $10 - $12.5, 馬拉糕 - 同樣鬆軟, 津絲什菜扎 - 大大件, 不過幾油, 蒸蘿蔔糕 - 老公飛佛, 夠健康, 夠多蘿蔔, 馬友肉片煲仔飯, 馬友夠香, $12.5 最抵食, 菜粒腸, 好彩腸粉皮出名夠滑! 今早最差係...出錯了雞絲粉皮, 等了大半個鐘再補上, 差差差!

因為爸爸要到荃灣, 今日我又八點幾起左身所以好乖仔咁陪三老去飲茶星期日茶樓都好貴, 聽聞這裡比較比所以就來這裡了來到一睇價錢, 其實一d都唔平, 甚至係貴過樓下添所以依餐都係小吃點慳番d錢算點了糯米雞, 平時茶樓多為珍珠雞, 已經好少有糯米雞了不過這裡的糯米雞好細隻又無咩料, 真係大失所望自己還叫了個” 流沙水晶包”, 因為好耐未食過水晶包所以叫一咬就後悔了, 超厚的皮! 有無半厘米?! 入面係蛋黃, 鹹的, 吃唔到d甜味…我想要豆沙或者奶皇呀!還有這裡的雞包極其差, 入面得d姑無咩雞無料之餘, 包做得一榻糊塗! 死實實!! 馬拉糕死甜, 份量細小, 不夠鬆軟鹹水角出面炸得過硬, 來到已經放涼了. 唉! 其他不評也罷. 這裡的大plasma電視不斷賣自己廣告, 想睇下奧運都唔得