好彩海鮮酒家

營業中

休息中

好耐之前來過一次，印象點心不錯，中下價食品服務一般的酒樓。今日心血來潮想食點心，女兒正好在附近學游泳，所以路過再試一次，非常意料之外這裡有一個非常好食的櫻花蝦腸粉，樱花蝦非常香，另外居然懂得用蝦油調味，肯定有高人教路！😉😉😉

以前好鍾意去好彩飲茶，冇論邊間都有好多嘢食，每次一班人叫到成枱嘢，覺得好開心好滿足。但西營盤的好彩，總係覺得點心選擇比較少，而且仲好耐冇轉過款添。三個人食咗七個點心同一碟星洲炒米，好似多咗D呵 。炸鮮蝦雲吞唔油，酥脆香口、醬汁酸甜適中。蘿白糕因蘿白唔係季節，唔夠清甜，但都 OK。咸水角個皮做得好，烟烟韌韌好好食 、但餡料得舊肉，而且略為大咗D。芝麻煎堆仔淋咗，好失望，上次嚟食好好味㗎 。覺得今日D煎、炸嘢唔太油 ，OK 喎。跟著蒸嘅點心嚟啦，小籠包D汁比人感覺油咗小小；燒賣同覓菜餃都係隱隱陣陣唔會有特別驚喜。星洲炒米做得唔錯，香辣惹味，亞仔食完仲讚辣得嚟好好味，不過D餸就多咗D，我哋想米粉多D 。呢度已經唔係好夠伙記，做緊嘢嘅就成日時運高，明明見到但原來都睇唔到D客，經理級的職員反應就好好多，但咪做死佢哋囉。

週未假期首選節目一盅兩件鮮蝦豆苗餃 (大點) 皮薄餡靚豆苗多紅棗千層糕 (中點) 又軟又滑紅棗味香濃麻蓉包 (中點) 花生香仲帶點流沙春風得意腸 (大點) 粉滑餡脆 生煎海鮮薄罉 (大點) 薄罉香口 , 海鮮欠奉生炒糯米飯 (大點) 飯身夠硬夠香好好味 整體點心都較咸 , 普洱茶就有怪味

全程勞氣的一齊飯，食足兩個鐘，埋單半個鐘，麥火都黎。好彩姐仔話落場喎，所以咁囉！1. 上菜慢，隔幾個字上一碟點心，根本唔夠份，好似爭食咁。2. 不合衛生，我地每人叫左個棷皇焞雪蛤膏，5知點解，有幾個棷皇D肉比人批哂見殼架，諗起都作嘔。3. 服務員永遠睇你唔到，無人加水，執枱，連落單，埋單都要叫幾次，應左你之後都要等等等，等班大帝慢慢行過黎。4. 勁多點心無黎十碟又五碟無到，又唔出聲無貨，埋單又見落左單喎，各位精明食家記得check單，佢計多左我地 $51.9！5. 水晶奶皇飽，叫左兩籠都酸，waiter話無可能，因為好好賣，唔夠賣，所以只可以扣一籠錢，我當然同佢理倫啦！兩籠都有問題扣一籠，佢無問題丫。6.叫一窩雞球麵，等左半個鐘，黎左窩魚米線，叫我地收貨，我當然唔肯啦！唯有再等15mins。6.下午茶時間，十個人埋單$659.9，個個唔飽，無食過咁，重衰過食車仔麵，第一次飲茶搞成咁，比錢買難受。依間好彩係西環區己經算貴價酒樓，無服務+食物質素差，下次我邊有理由再去丫，再去真係對唔住自己，一句講哂唔駛止意我再去~~~

話晒都係長期熟客,十幾年支持者～自從上次飲茶叫燒賣,竟然附加菜係入面我就失晒信心...今晚食一圍菜,比昨晚貴5成有多但係o野食又唔係好好味,不過就貴格D,有龍蝦龍躉~頭盤竟然唔係係乳豬全體係燒味拼盤就真係失望~我昨晚千幾元一圍都係乳豬全體啦...之後就龍蝦伊麵,味道OK o既~個魚翅唔掂...最好味可能係乳鴿~雖然睇落晚市都唔算好差生意,不過咁o既質素就算要說服係附近o既人去幫襯都有少少難度...

本想同屋企 食餐做東飯, 離哂譜架,食餐飯食成兩個鐘......仲要係上完兩個餸之後要等成半個鐘最慘係已經八點半開始食架啦,眼見間野已經剩番唔係好多人好多人都已經食飽等埋單真係唔明點解d食物上得咁慢問d waiters兩三次, 都仲係要等咁耐如果唔係因為叫左套餐, 真係想同佢講取消哂去好過仲要係服務態度勁差, 唔多友善真係唔知邊個唔o岩啦~~~下次唔駛止意我再去~~~

同同事放工黎食，知道無得任食都有D猶疑，怕食得太貴!有分18蚊、28蚊野食等類別菜、豆腐等就係18蚊類，肥牛之類就係28蚊類唔敢叫太多野，寧願去下場食都唔食咁飽住肥牛一碟28蚊5大塊，睇得出係靚野，幾厚幾大塊，食落都唔錯墨魚丸大塊28蚊有10粒，幾好食，唔係劣質丸野飲好貴，汽水12蚊一罐，大家最後都係忍住唔叫7個人食得半飽最後每人60幾蚊野食算係唔錯，但真係貴...同份量少

看前一食評已經是半年前的事。自從轉了工作地點後，什少機會到香港島那邊，更莫說嘆午餐。今天順路決定重遊舊地！當時少不了我最愛的「迷你什菜煲」，料轉了很多，多了一些勝瓜，份量依舊，味道也差不多，依然是三十蚊一個。「荷塘馬蹄糕」，很久沒吃過高水準的馬蹄糕，一直都認為此處的馬蹄糕質素最高，沒有平時酒樓加了黃糖的人做色水，這兒是透明的，糕內有滿滿的馬蹄粒，沒有太甜，很天然。「紅燒乳鴿」，二十六蚊一隻，比較失色的一味小菜．．．皮不夠脆，體積太細不見肉吃。「綠茶煎軟餅」，新點心是也！十分好味，喜歡綠茶的朋友一定喜歡！軟軟的餅身帶著陣陣的綠茶香味～久別重逢的感覺真好．．．．下次不知何時再有機會到這了！

「好彩」個名夠哂好彩頭加埋酒樓位置處於「政府慈善機構」(馬會)樓上可謂「福從天降」!o係呢個多福多彩的酒樓中成為了牠的不幸....紅燒乳鴿!!!生於世上...乳奶未斷未有拍翼振翅高飛...環遊世界...就被炸至金黃送上檯!一生最終的目的不是繁殖後代而是成為美味可口的食品為一間多彩多福的酒樓賺取利潤當然...酒樓不負所望果然將乳鴿炸至皮脆肉嫩味道一流...加上椒鹽的點綴...令牠變得更可口$26一隻...~相信利潤不少~小小的乳鴿既可為人類帶來味覺上的快感又可以為酒樓員工以至老細的「未來」作出貢獻真係偉大!!$26...值唔值見人見智....不過水準真的不錯...~用來送酒更是一流!!

上海、廣東、潮州三個地方共通之處除了都是中國城市外已扯不上任何關係下午o黎呢到飲茶成功地幫呢三個地方「拉關係」作為make in hk的上海人鐘意廣東獨有的飲茶文化貪佢俾幾蚊茶錢就可以「任飲唔嬲」而且興緻起的時候先拎起支筆o係點心紙到tick幾下點心就會有專人(阿嬸)送上門十足有錢仔女坐定定就有人餵埋你食~彌補一下平日窮人生活的失落感點心紙選擇唔多「鮮蝦欖菜餃」「見紅」(被highlight)既然係推薦就試下啦!一籠三隻有蝦...大點價錢走唔甩(有飲茶經驗的朋友一定清楚)隻餃十分飽滿料多...(只限欖菜)主角..蝦得2小隻因此...食落口味道極咸!!!!欖菜乃是潮州醃製食品...用大量欖菜務求隻餃睇落「飽滿」雖然可以令客人得到視覺上的快感但卻委屈了客人的味覺..食後出現嚴重缺水的情況!惡性循環...侍應要向茶壺不斷倒水(服務一流?)唔緊要~還掂茶錢已付~任飲唔嬲!!

又黎呢到飲茶由於驚星期六冇位於是提早入座坐低就想食野屋企人未到齊先叫住個小點食下先小點選擇唔多蘿蔔糕..上次食過太多油...唔食!試下呢個安蝦咸水角吧!咸水角呢個點心好多飲茶o既地方都有唔係o的咩特別o既點心理論上應該做得唔錯可惜...呢到再次令人「刮目相看」!人地其他酒樓o既咸水角隻隻都漲卜卜但係呢到!有相為証...dup左落去!賣相唔好之餘...裡面料唔多雖然係小點...咁common o既點心質素都唔應該咁差掛!!!食物價錢真係同質素成正比???

黎左勁多次好彩...為左「此生無悔」我決定要開始試唔同o既點心!!今次係「沙嗲金錢肚」喜出望外o既一個點心金錢肚厚厚的!而且沙嗲味十足!食落口好爽口!味道正~~~大大碟...唔貴~大點價錢可以接受~呢碟野o係呢到黎講算可取~下次再試下其他野先!!!!

黎到好彩次次都係食蕃薯餅今日諗起好耐冇食呢到o既蘿蔔糕就放棄一下蕃薯餅食下蘿蔔糕先啦!!!一上檯已經覺得唔掂賣相唔好....「其貌不揚..可能好好味呢!」點知一拎起件蘿蔔糕只見佢「油光滿面」好似成十年都冇洗面咁款!!食落口成口油冬天就話當潤唇膏...而家春天...真係頂佢唔順...食左一件就冇食....淨低兩件滄海遺珠...暴殄天物!!!!!無奈真係食唔落....佢大可以改名叫「油浸蘿蔔糕」咪叫家鄉煎蘿蔔糕吧...我家鄉煮野一定唔會俾咁多油....下次都係食返蕃薯餅好d!!!!

成日都覺得飲茶o既時菜鯪魚球有d似魚蛋都係一樣由魚肉整成球形~今日返完學黎呢到食lunch~見有早市特價~就叫個時菜鯪魚球~平夠哂平~可惜o既係粉太多~食唔到魚肉味...不過幾大舊~仲有3舊tim!夠醫飽肚仔~咁o既價錢...算係咁啦~~~

今日要幫fashion magazine做街訪o係條街到跑黎跑去影相用左唔少energy...累到死左...而且仲食左唔少「檸檬」!!!難得到lunch時間...梗係去好好嘆下茶先啦!最近幾次黎呢到飲茶都會叫蕃薯餅因為真係幾好味~煎得脆唔單只~味道仲好好tim~甜得好自然~冇加糖~係天然o既香口點心~不過今次叫o既叉雞飯就差左俾o既係雞翼同肥叉燒....即係雞冇肉...叉燒唔o岩我口味~所以唔可以夠食碗叉雞飯飽~真另外叫點心食~