好彩海鮮酒家

營業中

休息中

環！境！仲！惡！劣！過！食！街！邊！大！排！檔！1）勁多蚊/蒼蠅飛泥飛去2）叫左個雞煲，上菜時煲底個盆勁多小強，爬哂去飯枱。走果陣仲發現有隻爬左去我地個手袋！不！能！接！受！

星期二午市前入座，坐位未滿，只有疏疏落落幾枱客人，侍應就只顧著跟熟客聊天，完全當其他客人透明。好不容易引起侍應的注意。终於點了一碗鹹魚雞粒炒飯，喝壽眉茶。上菜速度不算慢，十五分鐘內全部搞定，但是.........明明講好是壽眉，為什麼變了普洱？很明顯是侍應心不在焉，只顧吹水的後果......不過算了啦，懶得換！其實我不喜歡喝普洱至於那個鹹魚雞粒飯，收五十幾蚊，質數只是一般，雞粒質量雖OK, 但鹹魚就找不到，加上飯質太濕身，口感糊糊的並不好。如此質素及服務，未必有下次了。

今天要陪家人去西環做身體檢查，本來想去西環有名的傳統茶樓，歎下一盅兩件，但時間太趕了，並且家人下午還要上班，他介紹我去西環 - 好彩海鮮酒家。初時都抱少少無癮心態，因吃不到那間有名茶樓。但想不到出來效果比預計理想。酒樓位置也很方便，就系正海味街，匯豐銀行斜對面，大堂很大有很多張檯，不難找位。我們吃了脆皮燒肉，不過不失，份量比較少。而蜜汁叉燒腸，開心有很多又燒，口感不錯。還有點了鮮竹牛肉球，肉質嫩滑。豉汁蒸肉排，就少了些肉，骨太多。豉汁蒸鳳爪，肉質有咬口。最有驚喜的原來是鮮竹煎薄餅，單看餐牌想不到出來的效果是這樣的。它和平時吃的不一樣，它是用鯪魚肉加韮菜煎出來的，外面用鮮竹皮包住。薄薄一層，韮菜很多很多，吃起來好香口。下次有機會也再吃，因未曾見如此製法薄餅。

今日下午我們喺西環附近做完嘢之後，去咗西營盤嘅「好彩海鮮酒家」飲下午茶！我們叫咗百匯冰鎮豬手嘅質感好爽彈煙韌，因為係冰鎮，再沾埋酸醋一齊食，所以唔會有好油膩嘅感覺！特製蝦餃皇嘅餃皮好煙煙韌韌，蝦肉好爽甜彈牙，而且都幾多汁！蜜汁叉燒包嘅包質非常香滑軟熟，蜜汁嘅份量超多，就算唔駛撕開一半，都可以睇到好香甜嘅蜜汁，新鮮熱辣，真係好正呀！豉汁蒸鳳爪燜得好腍好入味，醬汁嘅味道相當惹味濃郁！鮮竹牛肉球食落有好清香嘅芫茜香味，肉質好鮮嫩多汁，牛肉味亦好香濃！原煲臘腸滑鷄飯嘅鷄肉肉質好鮮嫩，唔會因為過咗火而變到好乾身，臘腸亦好芳香惹味，而且啲油香亦滲透晒入啲米飯入面，最後再食埋好香口嘅飯焦，真係好好味呀！

叫個女侍應A拎張bb櫈黎，等左10分鐘。冇反應。再叫女侍應B拎張bb櫈黎，轉頭就拎左黎。個女侍應A後期終於黎拎左張櫈黎，就好大聲俾說話我聽:「唔識等下架你?要等下啦！」我冇回應。乜而家服務態度係咁?遲左送服務黎，唔好意思4個字都冇，仲要教訓客人?永不幫襯好彩。

星期日諗住同外父外母去飲茶，個女部長比一張六人枱給我們八個人坐，當然唔夠位坐，她重話冇位㗎啦，一係你地慢慢等下啦，一吐氣，咁既服務態度唔怪之得比其他酒樓超越，真係你地慢慢做啦。

又到左星期日，不過爸媽有事，所以唔能夠family day，得自己一個人食飯。不過一向鍾情飲茶既我，點會放過任何飲茶既機會。 我大概兩點到去到西營盤既好彩海鮮酒樓，雖說係下午茶，但仍然有好多人等緊位，個酒樓坐無虛席。好彩係我自己一個人，所以等左15分鐘就入到去。 睇完張點心紙，發覺有好多點心選擇，咸既甜既，以至冷盤小食都有好多種類。但因為我太肚餓，最尾就決定叫左瑤柱蛋白炒飯同鮮蝦菜苗餃(3隻)。碟炒飯大大碟，而且有好多瑤柱同蛋白，加上仲有好多菜心片。整體黎講又唔多油，可算是一碟既健康炒飯，啱哂我成日要keep住身型fit既人。 而個菜苗餃就大大隻，隻蝦又大大隻，皮又薄，d豆苗又唔太苦。係一個點心送飯既好選擇。埋單100hkd都有找。雖說飲茶係成班人飲先開心，不過一個人都有一個人既食法。

態度差到不得了。打電話黎訂位，接電話既話唔需要訂，黎到個知客話冇位，叫我地等一等，我地都等左一陣, 冇耐換左另一個知客, 我地話返個情況佢知, 佢竟然態度好差咁叫我地"咁你地慢慢等啦""你咪等囉""我地接電話唔會咁講既"（佢細細聲仲講左句粗口）。都算喇, 我地有老有嫩, 費事嘈, 費事揾過第二間, 我地見有人埋單，問佢可唔可以坐果張枱，佢態度好差咁話"唔知喎，我點知呀"，結果朋友發火鬧佢，嘈到周圍d客都望住晒, 佢先至去揾經理。咁既服務，不知所謂。後來我地見原來遠處坐左個高級經理響度, 似乎同茶客傾訂宴會之類既事, 我地嘈個知客, 佢可能怕經理都聽到, 所以好快就揾左張枱俾我地。真係未試過要爆粗至有飯食，如果唔係有老有嫩，又已經係午市三點，我肯定唔會留低。

上周同屋企人飲茶，叫左個南乳羅漢炆桂林米，落單前已經問清楚係咪桂林米粉，唔係飯唔係其他野，個男侍應重覆講左係米粉，好啦，到上桌啦見到呆左，桂林米。。線。。剛才講的米粉去左邊？之後個男侍應變左縮頭烏龜，唔見左人啦，個女侍應就勁白痴講，啱家啦這就是桂林米粉。其實一落單我已經多次強調係咪米粉，又虎顯我話係，結果廚房就事旦拎個米線出來當粉，之後自己錯左又要個客人夾硬吞，咩世界？有圖有真相，大家評下理。

假日同一大班朋友踩完單車，返到西環搵到呢間，心諗成日經過今日就試下！頭盤平時會食白灼蝦，今日特別少少用蒜蓉蒸。味道剛剛好，開胃！之後燒味是值得一讚的！叫了雙併，海蜇併叉燒。海蜇正常，但叉燒真係好好味，完全無好實好難咬既感覺，一連食左幾舊！之後，還有小炒皇、清蒸東星班、豆腐魚肉煲。材料新鮮尤其是兩條東星真係無得頂！食左咁多肉都要食返兩個菜，蒜蓉炒西蘭花、金銀蛋莧菜！水平一般，沒有太大驚喜，不過不失。食完晒仲有甜品，有橙有紅豆沙。感覺都幾full！性價比算高，晚飯值得再來。

最熟識的地方，從細食到大，我們一家人非常喜歡黎好彩飲茶食飯，一黎近我地屋企，二黎菜式味道合到好處，不會太油膩同不會太多味精。蒸東星班係我地每次必食菜式，因為全家人都好like食魚，蒸得時間岩岩好，新鮮又嫩滑！燒鵝味道肥瘦均勻、皮脆肉香，食到我停不了口上湯蒜蓉火腿豆苗，雖然不是什麼特別菜式，但豆苗一定要用油煮，會怕食到成口油，但用左上湯剛好調和左油膩口感！最後生果盤是擁有維他命豐富的橙，平時我麻麻地橙，怕酸，特別是酒樓的水果，成日會覺得唔新鮮，但依碟橙非常香甜，我一口氣食左半碟

今晚我們去咗西營盤嘅「好彩海鮮酒家」食晚飯！我們叫咗赤小豆粉葛鯪魚煲唐排煲得火候十足，湯底嘅味道非常香濃，湯料亦相當豐富！粟米斑塊飯嘅斑塊炸得好金黃香脆，外層炸粉超薄身，入面嘅肉質相當嫩滑彈牙！蒜蓉炒豆苗炒得非常夠鑊氣，就算加上惹味嘅香蒜粒，都唔會掩蓋到豆苗嘅清甜味！咖哩牛筋腩煲嘅牛腩肉質好鬆化軟滑，牛筋好煙韌彈牙，咖哩汁嘅味道調教得恰到好處，相當惹味濃郁，而且唔會過辣！皇牌孖寶：紅燒中鮑翅嘅湯底濃稠度啱啱好，味道好鮮味，鮑翅嘅質感非常爽滑彈牙！原隻鮑魚玉掌嘅鮑魚肉質相當爽口彈牙，味道非常鮮味，玉掌燜得好腍好入味！單點紅燒中鮑翅就$88，另外祇需要加多$20就可以有埋原隻鮑魚玉掌，真係超抵食呀！係本人嘅必食推介！南瓜露好香滑軟綿，加埋粒粒粟米，令到味道更加香甜！

第一次來好彩，只因為實在太想吃點心了。入口需從手扶梯上來，兩旁投射燈下的裸女浮雕令人哇聲連連，真沒想到有這樣的裝飾。一入廳內鬧聲滾滾，生意不錯，座位區為一個大L型，最特別是吸頂燈上照映出的一隻隻悠游鯉魚，配上天空色的天花，也不覺得太過壓迫了。一入座便有性急的仕應邊疾行邊對我們呼喊"要飲咩茶啊?"話不能好好說當然也不能好好聽啦，走過一回她沒聽到又再"行"過我們身邊問，真不明白這樣的意義何在。我們說完第二次、第三次也沒見她有什麼反應，只有瀟灑的背影。後來落單都盡量避開那位小姐，真不想引到她來糟蹋我們XD點完餐先去看我一向最有興致的活魚區，看上張圖片那一小角其實魚種也多，只是對魚來說像行在銅鑼灣街頭吧！被泰山壓頂的哭哭鰈魚😠有藤壺陪伴的龍蝦先生南非鮑魚水箱很乾淨，魚蝦蟹們都生猛得很。下次很想來試試清蒸啊~早晨餐牌→價格不錯，很想試試生滾粥可惜賣晒，不然單叫個生海蝦都超值。隨性點了幾樣，來看看素質如何吧！韭菜肉包與蘿蔔糕，後者調味是不錯，只不過裡面的蘿蔔是大大塊的加在粉漿裡蒸，我比較不喜歡這種方式，會讓我只想挑起蘿蔔跟臘肉蝦米來吃，反正它們粉漿也都黏不住。菜肉包滿好吃，只是餡料不均勻呀，韭菜切

今日下午我們去咗西營盤「好彩海鮮酒家」飲下午茶！我們叫咗豉汁蒸鳳爪、蜜汁叉燒包、櫻花蝦腸粉同滑蛋蝦仁帶子炒河！豉汁蒸鳳爪嘅鳳爪炆得好腍好入味！蜜汁叉燒包嘅包質非常鬆軟，蜜汁相當香甜美味！櫻花蝦腸粉，櫻花蝦嘅味道非常甘香，鹹度適中，真係創意十足！滑蛋蝦仁帶子炒河炒得鑊氣十足，蝦仁相當爽口彈牙，帶子亦好鮮甜！

今日下午我們去咗西營盤「好彩海鮮酒家」飲下午茶！我們叫咗特製蝦餃皇、鮮蝦翡翠餃、特級鮮蝦腸、豉汁蒸魚雲、五香牛𦟌伴海蜇同美極煎釀茄子！特製蝦餃皇嘅蝦好新鮮好大隻同爽口彈牙！鮮蝦翡翠餃嘅餃皮非常薄，相當晶瑩剔透，口感彈牙！豉汁蒸魚雲嘅魚雲相當新鮮，肉質非常嫩滑，豉汁嘅味道調教得恰到好處，唔會太鹹！五香牛𦟌伴海蜇嘅牛𦟌好爽口，牛肉味相當香濃，海蜇亦好彈牙！