好德來小籠包店 (已結業)

因為見到12個笑笑 ，膽粗粗就入來試，友人已經說不要全信食評，中服太多次，因為好多食評都請槍，但都一場來到門口，我不入地獄誰入地獄 ～！一看餐牌，普通的裝修，收費卻一點也不便宜，4個小籠包賣40蚊！！真係貴過鼎泰豐呢 ！既然入到來點都試下，一來的時候，個碟薑絲+醋，如果你係開心價，我都可以當見唔到，但賣得咁貴，點都上檯時放得靚小小呀～個碟薑飛哂出來，個皮好黏，基本上不用夾，係黏住對筷子！我們已經好小心，個皮都爛哂汁到流哂出來！味道好一般，十蚊好貴唔值！另外叫左碟上海粗炒，又係賣相一般，食落唔麵條較硬身，唔夠入味，一條肉絲都見唔到，無料到！賣$76貴又麻麻呀！再叫左個豆沙鍋餅，稍為似樣少少，不過紅豆係溝粉，淡味，為左減低成本之作！唉！ 食完呢餐，承惠差不多2舊水，已經無野想叫～食完唔覺得飽！絕無下次，祝佢好運最後想提提，其實個度人唔多，帶位的成日放人迫埋一齊,見到有些人因為咁就走左無幫襯！其實我想講呢個價錢，可以有好多選擇，呢個環境，這樣的服務質素，其實跟本不用來這裡！我寧願去其他連鎖店，至少座得適服一點！

佐敦真的有不少的餐廳~ 有眾所周知的是澳洲牛奶公司、綠茶粉絲必食- 宏、出名醬油蟹的醬缸韓國料理等，真的數之不盡! 但從不認識這家好德來小籠包店，不是友人們帶領，也不懂如何走到這家店，我果然是路痴~ 因為是下午茶的關係，我們只淺嘗了幾道菜式，但真的覺得不錯!糖醋排骨 (半份) $36雖然只叫了半份，但排骨小巧得來又夠入味，肉很容易便能離骨，入味得連骨都有糖醋味，不錯。招牌小籠包 (4隻) $36想不到這小餐廳都有如此好質素的小籠包。皮薄餡又滑，而又夠多汁，意料之外的水準! 素菜餃 (4隻) $40足料的素菜餃，皮比小籠包的厚一點，當然啦，這是餃子嘛~ 但不要以為皮會太厚，完全是剛好。尤其是入面的素菜非常入味，蒸都覺得很惹味。高力豆沙球 (3件) $45鬆軟的高力豆沙，超愛!

今日陪老婆去產檢，順便上黎open rice睇下佐敦有咩好食，見到呢間野食評ok，又想食小籠包,所以就去左。點左豬扒面（即排骨面）、五香牛𦟌面、小籠包、高橋燒餅、高力流沙球。初時諗住d 食物應該無咩特別，所以無影相。現在唯有文字介紹吧！1，豬扒面；佢即時炸的，之前都其他地方食過豬扒面，但佢既豬扒炸得堅好食，好鬆化，肉既厚度都ok。個面就正常既上海幼面，湯係清湯。由於本人喜歡食濃味野，略嫌個湯清左少少。但都有味既。始終個重點係豬扒。 2，五香牛𦟌面；面同湯如上，個牛𦟌我就覺得份量俾得少左d。望上去有d乾，且食上去係凍凍地。相信本身係凍食的。不過我始終喜歡熱食同有返少少肉汁好d囉。不過就好夠五香味。3，小籠包；好多湯汁，皮都算薄，個人覺得都拍得上鼎X豐。 4，高橋燒餅，呢個要等20min的，整出黎好熱下，個餅d酥化做得好好。不過呢個我又覺得不是非常好食，要必食咁。只係正常，係酥皮做得唔錯，唔夠飽想試下都可以。5，高力流沙球，呢個我覺得必食，咬落去好似食緊煙煙韌韌既棉花糖咁，裡面既流沙饀都好好味，如果蛋王味多少少仲好，佢本身伴碟有糖霜，覺得仍不夠甜既可以再點下糖霜食。呢個有d驚喜。 6

佐敦食店除左澳奶，諗唔到任何一家食店值得一去再去。唯獨今晚試完好德來，真係會為左佢D小籠包再返黎！話明以小籠包命名當然要試招牌菜！今次先試豪華版---蟹粉小籠包！非常足料！好好味！唔腥！再黎必食平時都會叫既--豬扒湯麵！炸得非常出色！外皮好脆唔油膩！肉好Tender！最後甜品叫左高力流沙球！欣賞呢度可以自選奶皇或紅豆餡！岩哂我呢D平時麻麻地紅豆既人！好鍾意食呢個流沙球！做得好好味！唔會好粉！好鬆軟！奶皇做到真係流心D會更好！好德來整體係超水準！好有誠意！值得推介！👍👍👍

為了買水舞間的特價套票，專程出到尖沙咀的旅行社辦理。買好票後，再去佐敦幫妹妹拿禮物，完成要事後差不多快下午一點，既然趕不上兩點鐘的興趣班，那不如先食午飯再作打算吧﹗佐敦有不少齋舖，正想來一個齋的午餐，但想深一層平時在屯門都經常食齋了，難得人在外就不如試試新的東西吧﹗於是我就選擇了一直記錄在案的好德來小籠包店，餐廳地點並不在大街大巷，但如果有去過KUC吃午餐的話，好德來就在旁邊的小路裡啊，其實又不算難找啦。拉開重重的玻璃門，站在收銀處的老闆娘見到我，但我主動說"1位"，然後她叫服務員帶我入座，估不到服務員帶我去一個有著100%私隱的......自閉位，配以寬闊的空間令我可以肆無忌憚咁攤開自己的肉身。XD不過，我估到繁忙時間這自閉位應該會塞多一個人入去~餐廳地方不大，格局是"L"型，放滿大大小小的枱子，看來較適合4人或以下人數前來用餐。但當我看過舊舖的食評才知道舊舖地方是非常擠迫，坐多陣都會感到不好意思。既然有比較，我就明白到現在身處的新舖已經是好好多了。餐廳在每天中午開始營業，但下午就會落埸，如果要到此吃飯，真的要留意時間，以免白行一趟啊~枱上的餐紙也是餐牌，所提供的食物款式都印刷在上，

佐敦好吃的多, 不過大多數集中在白加士街、吳松街、廟街那邊。其實在德興街都有一家人氣小店好德來小籠包店, 時時都有很多人等位吃飯呢。店子雖小但食過的客人大多是讚不絕口。又怎可以不來試上一試?雞絲湯麵 HK$52下午才吃了喜喜冰室, 和T兩人實在不是太餓, 就打算輕食一點就算。雖然對上海粗湯麵有情意結, 但始終是雞絲湯麵感覺輕鬆一點。麵和菜的份量不太多, 主角亮點就落在了湯上。沒想到雞湯底非常的濃厚, 湯頭質地甚至是濃稠的。不喝湯的話就太浪費了。黃橋燒餅 HK$39再點一個小食。雖然好德來的小籠包個個都說好, 不過二擇其一, 最後還是黃橋燒餅勝出。由於是即叫即製, 等燒餅也花了大約十多二十分鐘。不過等待的時間是值得的, 事關當你一口咬下酥香的餅皮, 里面的蒸氣嘩啦一下衝出來辣到你的咀, 那下感覺是絕讚的! (聽上去有點變態但那是真的! 是真的!)黃橋燒餅的內餡很簡單, 只有一點蔥花和肉末, 比較似蔥油餅。酥皮多層鬆化, 入口香而不膩, 很是不錯。豆漿一支 HK$10吃上海菜不能不來一杯豆漿。一隻豆漿可以分兩杯, 剛好。豆味夠香, 又不算太甜, 收貨了。雖然只吃了兩樣東西, 但都感覺到店家

第一次來， 平日經過見幾多人， 上網睇過都好positive 就來試下叫左小籠包同酸辣雲吞----小籠包唔錯， 皮溥但唔易穿， 汁夠味酸辣雲吞湯: 酸辣味剛剛好， 鍾意食呢種， 雲吞正常， 唔算特別

雖然這裡裝修簡潔，但職員十分細心有禮,我們先後點了四道菜,味道都不錯,小籠包肉汁鮮甜,而且熱氣騰騰,好味 。其實我本人不太喜歡鍋貼,但我真心覺得這個煎鍋貼很香脆,而且內涵肉汁,完全唔干,可以一試。至於那個豆腐鍋也比較清,食材也新鮮,不錯

上個評論寫了在"手拉麵小廚"吃小籠包的經驗，今趟再下一城，寫一下之前在另一近期頗受食客歡迎的這裡嚐過的小籠包....自阿蘇大讚過這兒的小籠包後，店子的生意便一日好過一日，到了現在更於同街找到了一間大了不少的舖位落戶。相對起舊店，這裡自不然是光猛又鬆動得多....不知何解對名物小籠包沒有留下多大印象，反而對多年前試過的煎窩貼及黃橋燒餅有點念念不忘。今天過來，某程度上是欲回來重溫昔日的舊滋味....但三個人吃的話只光吃點心好像會不夠飽，還是要來一些麵食及前菜加起來才可以....太太點了一個手拍青瓜來當開胃小食。一看底下頗明顯大部份的切件青瓜都是沒有預先被真的拍過，可幸蒜粒及醋是下得重手，的確是能起著醒胃的作用。可憐小友在吃了一件後，便立刻化身成食咗酸梅乾的超人....另一道太座點的是囗味淡而清新得多的紫菜豆腐魚羹。魚鮮並不算是很突出，所有的味道皆源自於四散在羹面上的紫菜。愛好吃清淡一些的朋友應會對這一道是甚滿意的，特別是在如斯炎夏，喝一口後感覺是十分良好....醬牛𦟌的肉只可以用"又硬又韌"來形容，完全屬不入流；麵的咬勁也不夠；湯底更是像一池的味精水一般，不吃也罷....麵食及小吃的水準令

尋晚去開佐敦, 諗住去吃小籠包去到先知原來搬左舖, 好彩都係同一條街舖面比之前大左好多枱與枱之間寬闊左, 而且吃飽仲可以坐多一陣抖抖之前舊舖因為太細, 吃飽都唔好意思霸住張枱說回食物是日兩個人晚餐點了兩客小籠包炸銀絲卷排骨麵豆漿埋單共 $146小籠包一客四個, 原本只叫一籠, 但因為好味, 最後叫多一籠皮夠薄, 肉汁同溫度都適中, 可以一口吃下一粒另外炸排骨好軟, 又係另一個好味同埋個麵身一條條, 無話一舊餅咁痴埋一齊都係果班老伙計, 招呼週到

為了吃好的，又不用等太久，我們又是趁開店的時間來吃。搬了店後好了一點點，起碼不用在危險的馬路邊等位了。我們是為小籠包而來，帶孩子嘗嘗甚麼是好吃的小籠包。不用多說，肉汁多，皮薄，一口放進去，湯汁流出，絕對媲美米芝蓮幾星級的名店出品。上次跟白老鼠嘗過，已一試難忘。，底部煎至金黃色，咬下皮脆肉汁多，我們一致認為一定是孩子喜歡吃的口味，果然成為他的新寵。酸辣度適中，不會過酸也不會過辣，上次跟白老鼠配麵吃，少不免變得味淡了一點，配雲吞來吃，不但沒有影響酸辣湯的原味，反而增加了一點肉香。上海排骨麵的炸排骨很多店都做得不太認真，有些店就以一塊煎豬排來充當排骨。看看價錢要51元一碗，好像貴了一點，但看見炸排骨也40多元一塊，便推算排骨應該是這兒的精品。幸好決定嘗嘗，才知道排骨製作得如此認真。首先是排骨的厚度，絕不是薄薄的一片豬排，而是厚切的肉排。別以為肉厚就沒有味道，肉厚而入味，味道均勻。外包一層薄薄的炸粉，令肉排更香脆，真的有皮脆肉嫩的效果，我終於明白湯麵為何只值幾塊錢。上次在舊店吃過，脆而不硬，味道剛好。這次吃完全不是那種味道。

當一個討論去到不理智的時候, 對話也許就要說到這裡了。好不常有就是跟食友難得食飯一聚, 吃過雞煲火鍋。問: “為何韭菜餃會有魚骨?”, 然而得到的答案竟是出人意表的辯說 : “是因為韭菜餡混入魚肉, 所有每隻餃有骨都是正常”的時候, 我只能半掩良心說句多謝便離開。餘下來的話題就是跟食友研究再到哪裡吃。及後他們提議到這好德來再聚, 吃吃他們的小籠包。這店以前位於德興街與德成街轉角位置, 回我工作地每每經過也想試。現搬到了德興街較近佐敦位置, 碰巧有一班人, 就來吃吃。小籠包一籠三十六蚊四隻, 價錢不算平。賣相東歪西倒, 只是一般, 不過味道卻不錯。雖然近收口位置皮較厚, 但整體皮也算薄, 入口汁多而有點肉鮮香。糖醋排骨, 半份收費三十五元, 只有寥寥四五件。黑醋味濃, 但甜味較搶, 肉質太淋而調味流於表面, 一點都不吸引。反而蒸素菜餃不錯, 一籠四隻, 收費四十元。雖則外皮頂部有點乾, 明顯蒸蓋打開了一段時間。不過餃皮也滑, 內餡素菜清鮮, 只是略覺麻油多了點, 有欠自然。鮮肉窩貼三隻, 要價三十三。不過窩貼底煎得香脆鬆化, 肉餡還好, 肉汁有鮮香, 不過仍嫌油脂不夠。質感是不錯的底脆頂

雖然說是搬店後來吃，但其實未搬前我也沒幫襯過XD！因為近自己生日，朋友來跟我Lunch... 所以就決定試試這家沒吃過的。朋友先來到~所以由她來點菜。既然叫得「小籠包店」當然要點- 招牌小籠包($36)。除了皮有點厚外，味道來說不錯~也有肉汁~然後還有大大隻的 - 必食鍋貼($33)。同樣地都是皮有點厚~不過尺寸來說比平時看到的鍋貼要大~蒸銀絲卷($13) - 這個有點乾~因為沒有醬料可以點。另外這裡也有一支支的豆漿($10)~一支大約可以倒2杯 最普通的大概就是 - 上海粗炒麵($75)。很少的一碟~但價格來說相對比較貴Orz 而且「鑊氣」不夠。這個是 - 蘿蔔絲酥餅($39) 。這一定要襯熱吃~ 口感幾得意。在最後還追加了一個甜品 - 豆沙鍋餅($39)。新鮮的弄出來~所以熱熱的豆沙不會太甜。 

去到德興街先知道佢地搬左鋪, 不過都好近, 在同一條街; 好耐無來, 我依然掛住佢地的小籠包, 今次兩個人, 每人一籠, 保持水準, 仍然湯多, 皮薄, 足餡, 必食!! 仲叫了一客鍋貼, 有3 隻, 不過等左成25 分鐘先到, 鍋貼煎得好香口, 不錯; 另外, 上海炒年糕, 油比較多, 但年糕好彈口, 一d 都唔"立", 味道ok; 茶錢同以前一樣, $2 位

這夜在佐敦，想吃小籠包，於是想起附近這間好德來小籠包小店。不過來到才發現已經搬鋪了，由德興街靠恆豐酒店的一邊、搬到近佐敦道的一邊，正一街頭搬到街尾。新店比舊店光猛和寬敞，而且樓底高，空間感相當不錯。地方亦打理得乾淨企理。座位雖然安排得有點逼，可以清楚聽到隔離檯的對話，不過香港租金驚人，以小店來說，這裡算可接受啦。這裡的menu與以前大同小異，有涼菜，點心，熱菜，炒年糕，飯麵和甜品。這日我就從那約10款點心類中選了3款，來個點心夜。我既然是衝著小籠包（$36）而來，加上店名都叫「好德來小籠包」，那沒有理由不食小籠包吧。小籠包皮薄，湯汁清甜，餡料豬肉肉質較實，脂肪比例較少。整體水準算不錯，我亦總算暫時稍爲滿足了小籠包癮。吃過蒸點心後，再來一道炸點心蘿蔔絲酥餅（$39）。賣相有點難看，有點面目模糊，完全沒有預期的鬆化層層絲，而且有點偏油膩。不過熱辣辣的蘿蔔絲餡料還算甜美。接著是酸辣湯雲吞（$55）。雲吞皮滑，菜肉餡料味道新鮮，只是稍嫌份量少了一點。酸辣湯內有木耳絲，筍絲，蛋花絲，豆干絲和小蝦仁，都幾足料。酸辣湯的辣味只是相當輕微，反之醋味很強，甚至對我來說，有點過強和過酸。總括來說，這餐除了