好旺角粥麵專家 (已結業)

好旺角是街坊老店，價錢亦相當大眾化。記得當年點了一個牛腩撈麵和一個炸醬撈麵，今次就重拾舊歡，點了一個雙拼的撈麵，既有炸醬，亦有牛腩，點的是半份，的確，分量是較少的，牛腩的分量則還好。麵質是出色的，彈性十足，不容易咬斷; 炸醬是甜味過於辣味的，就是滿滿的甜醬香，幾乎沒有辣味，要大口的吃到醬料才會感受到有微微的辣味，拌麵有更好吃，牛腩比較鞋口，略為失望。

一向都是好旺角的粉絲..也愛她沒有分店..早陣子..知道西洋菜街的老店子要關門大吉..又知道會開幾家分店..心裡確是沈了一圈..因為.......通常新不如舊..有了分店便難保持水準..又或是會變成很"工廠"的味道..這晚..心情戰戰兢兢..來到這間店..現在不知舍是正店/分店..不過..反正老店子已沒有了..不需要分吧 是日點了--炸醬麵..魚旦豬潤湯麵..南乳豬手首先說麵..依然是我食慣的竹昇麵..彈牙無鹼水味..至於個湯..好似沒有以前咁濃..那份香噴噴的蝦子味去了哪裡? 但整體是可以接受的..魚旦不好吃..不彈牙又沒魚味..豬潤沒灌水..保持了原有豬潤的特質..炸醬..保持"好旺角"style..南乳豬手最讚^^b..豬手非常"淋"..南乳味不重但個人認為剛好足夠..

又是清腸胃的時候了, 第一次幫襯好旺角, 有驚喜...街上的客戶也可以欣賞到廚師現場制麵的精彩過程...店內裝修古典雅致...巧制肉丸粥 $28-- 生滾粥很香很綿, 幾好味, 冇味精, 肉丸體積細小, 比生記的還要小一點, 但很有肉味, 味道很好, 還很爽口... 很好吃的肉丸粥, 肉丸與粥均做的不錯...竹蔗茅根海底椰 $9-- 這位外援的味道是甜和很甜... 主要是竹蔗的味道, 但沒有那種天然純正的甘甜味...環境衛生, 服務不錯, 價錢不貴, 食物質數高....

向來對於魚皮，只敢吃炸的，不敢吃白灼的，一來因為怕腥，二來又怕口感滑潺潺，超恐怖。今晚不知為何有勇氣挑戰白灼魚皮，不過灼過後的鯇魚皮真的很爽，咬下去索索聲，比海蜇更爽，加上生油、薑蔥和花生就更香。另外，亦有試豬膶麵，不過麵的梘水味頗重，豬膶爽是爽，但欠豬膶香。個人還是喜歡正斗的豬膶多一點，貪其夠爽又夠香。

老牌粥麵店, 搬到新店, 環境當然較老店好好多，而且改為電腦化，另外增加粥+麵餐..只要$40-50, 便可食粥+麵.同太太食下午茶點了淨鮮蝦雲吞有5只 豬肉跟蝦肉的比例剛好, 蝦肉爽口. 湯底有帶蝦籽及大地魚的香味.豬腰肉丸粥 $34粥底幾好,唔太"結"唔太"希"豬腰又滑又爽又大大件豬肉丸好好味, 似係人手整的, 裏面好似有蝦?好香 豬腰豬肉丸份量多, 食完唔口渴, 冇味精下次會再幫襯

聽左同事話呢間既豬手麵好食，但係等左佢十年都未一齊食到。今晚買左飛睇戲，中間有個幾鐘得閒，見唔係太肚餓，所以行左過去試下。原本剩係叫左兩個麵，不過見到對面枱食緊個魚皮幾特別，所以就叫左一個魚皮黎食。爽滑魚皮: 正如其名一樣，爽、滑，而且重香同好好咬。^_^炸醬牛腩撈麵: 炸醬好香，唔係好辣，重有D甜甜地，牛腩一D都唔肥，好味。雲吞豬手撈麵: 雲吞不過不失，純粹自己鍾意食所以叫，個豬手就好入味，而且有D彈牙，好好口感。

在旺角中心對面，過了四十年的好旺角，老店結束之後一開二，在同區開了兩間店。花園街近好景的一間，經過多次，人流不及當年老店的風光。新店環境當然較老店的又老又殘好得多，連入單也改為電腦化，老店都懂得與時並進的道理。最愛他們的京都炸醬麵，但竟然沒有我最愛的粗麵！雖然，炸醬配幼麵或粗麵也沒有問題，但我個人口味則偏向口感更實在的粗麵，才能盡情地吸盡炸醬的靈氣。＄39一碟炸醬麵，在百物騰貴，租金貴得無譜的香港，沒法子。麵條是以傳統的大碌竹壓出來，原來多年以來，一直閉門造車，直至另一間分店在洗衣街開業，才真相大白，幼身麵條入口爽滑彈牙，有嚼勁，沒有鹼水味。炸醬仍然是這樣甜，味道香濃惹味，肉絲軟淋鬆化不硬。不斷地將炸醬在麵裡伴，一條條麵條放入口，心裡還是惦念那一條粗麵。。。麵店配套追上現代化，可幸沒有忘本，炸醬麵水準依然。像一張黑膠唱片，轉聽成MP3一樣，格式雖變，但內容還是這樣精彩。

早排至知道西洋菜南街總店冇咗，因為以往都經常去幫襯，所以有啲失落。直到今日至有時間去花園街呢間試試，試之前睇過開飯其他評價，尤其睇完那位寫標題「真係忍唔住要入黎提醒大家唔好食」之後有些猶豫，但點都要自己親身去試過才知道。店內裝修當然比總店好好多，以往都係食雲吞麵，呢次亦唔例外，食後唔似上述那位所講，其實味道都唔錯，但跟總店相比是差少許，尤其麵質，好似比較硬身，唔係爽嗰種，至於那個湯底就同以前差唔多。總括嚟講唔係想像中咁差，可以一試！

不久前特意造訪搬去花園街的【好旺角】為的是那份小有名氣的炸醬面，當然是“港式”炸醬麵。其實在學校的某一個食堂里也有試過港版的炸醬麵，超甜的炸醬以及橘紅色的可愛顏色是我對港版炸醬麵的第一印象，自此之後便也記住這個甜的過度的顛覆性炸醬麵；話說回來，自己並不是不喜歡這個港式版本，好甜的我本來對於一切甜或是過甜的食物都不會有太大的反感，只是吃慣京式炸醬麵，武漢熱乾麵，更甚至是韓式炸醬麵的人來說，這個味道可能有些特別。對於北方的炸醬麵個人並不是太能習慣京式的，感覺北方味有些濃重，不過也有可能那時自己並沒有開竅來享受各個地方不同的美味，而是帶著上海人對食物固定式的衡量標準；對於韓式炸醬麵，記得只有一次慘痛經歷，也正是這次慘痛經歷使我自此之後對韓式炸醬麵頗有陰影，那次是在上海的某個大型shopping mall 底樓food court 之內，與好友分享一份所謂正宗的韓式炸醬麵，醬汁不濃不稀，麵條也平平，只是一般的圓形雞蛋面，只是那個奇怪的味道，讓人無法形容出來，難食是一個形容詞，除此之外還有一種奇特的口感，像是咳嗽藥水一般；武漢的名小吃，熱乾麵，個人認為應該是炸醬麵的一個分支，麵條從滾燙熱水中撩起

經常行過呢個"好旺角"都想入去試下,又有朋友推介呢到既粥和麵所以同同事搵日落左旺角黎呢到試下場內環境不錯,幾乾淨睇餐牌,粥既款式比較多小妹要了碗雙拼粥---豬肉丸牛肉粥同事點左個撈麵同埋鯪魚皮 粥底好香,個底似乎係用豬肉淆的,,而且冇味精 牛肉好滑、豬肉丸都好好味(似係人手整的),可惜得好少粒,唔夠喉><真係好耐冇食過咁香粥底既粥啦~ 炸醬好味、唔多辣 麵質都好好,湯都好好味。就係份量少左D(同事話食完唔多飽喎~keke)由於小妹不吃魚, 因為怕腥味既野。同事話呢碟鯪魚皮唔腥,比左細細啖我試嗯...又真係唔算腥,都幾好味~~不過"配菜"似乎比"主菜"要多呢......雖然呢到既野食唔平,不過真係好喜歡佢既粥和麵下次都會黎食多次

忘記了以前有沒有光顧舊好旺角，只記得那裡環境不太衛生。這天經過旺角，見好旺角的新店乾淨企理，便進去試試。麵類有分大($4X) 小($31)。我點了雲吞炸醬麵，問阿姐大小的份量分別，阿姐只笑笑口說，細真係好細架。怕吃不完浪費食物，就要了小的。上檯，份量小得過份。三啖食完。雲吞不知有沒有2CM大，蝦肉很少，豬肉也是打到成醬的貨色，不好吃。炸醬是店子賣點，可是對我來說太甜，我自己不喜歡。如此價錢，如此素質，不會再來。是否新不如舊？還望各位證實。

我真係忍唔住要特登入黎提醒一下大家唔好試！！上個星期，我見飲食訪問佢地..先知道佢搬左鋪！之前有食開佢地個筋腩河覺得ok~~搬左鋪之後！我試過佢地個$32既豬腰粥~無味既~~食海皇粥店or海景粥店都無咁嬲！賣得呢個價錢！我真係唔知佢地個賣點係乜囉！！Ok!!有人話豬腰粥唔係招牌野！今次就試下你個招牌雲吞麵！都係無味既！！！真係嬲到我要即刻放低對快子黎打呢段野！！其實整得唔夠出式真係唔緊要~~咪收平d囉~~材料又放唔夠！錢又唔係平！！呢下先嬲丫嘛！！我以後唔會再幫襯！亦都奉勸各位唔好試！！真心！！真係唔好試！！

由於中午果餐食;食得唔係好飽嘎關係.....一到下午茶時間就好想再食啲嘢！旺角嘎粉面店都千篇一律。都唔知食邊間好~~行行下有3只字超吸引我對眼！因為個招牌真系好鬼大只！其實講佐咁多都唔系重點，重點就系見佢唔系好貴，就儘管入去試下。入到去覺得佢啲裝修都ok~~起碼干干淨淨。跟住我就二話不說咁點佐碗魚旦面....啲面就都算OK喇~冇話特別出色,,,反而啲魚蛋就幾彈牙!!!不過整體而言,,成碗魚蛋面分量都系少嘎```而且又唔包嘢飲><''$25都算系咁喇~~如果中意食粉面嘎可以去試下嘎^w^P.S服務態度都幾好XDD

這天下午吃得不飽, 下午茶時間另一半想吃少少東西,走在旺角行來行去沒有心水,經過這家裝修得好像不錯的粉面店,門口大大個牌例出大部份粉面的價錢, 看看好像又不太貴, 便進去試試.我不太餓, 點了個淨水餃雲吞雙併 (HKD$31)雙併貴好多呢....單併的才$25. 一碗有水餃雲吞各4粒. 水餃算幾大隻, 木耳絲好爽, 不錯. 雲吞大小適中, 皮薄蝦大隻彈牙. 唯湯底味好濃, 有點太咸.另一半點了牛腩面 (HKD$25)湯底非常濃郁, 我自己覺得有點太濃太咸. 面算幾爽口彈牙, 沒什麼鹼水味. 牛腩雖只有2-3舊, 但都算大舊, 肉算淋又入味, 偏瘦.埋單2個人HKD$56, 食物不錯, 價格算合理.服務員都算幾快手, 收銀的太太很親切. 唯感覺店內燈光不太足, 有點偏暗.

Bird其實很久前就有來過，是來此吃及弟粥，因為實在太多店只有名叫做及弟，但卻不是豬潤肉丸，就是豬潤生腸肉片⋯ 所以bird一直都在找真正足料的及弟粥啦！但想不到會在無聊行過此處去肥姐小吃時終於找到，bird高興了好一陣子。那時是吃套餐，及弟粥加雲吞麵。一共四十幾，但滿足非常。一直想再來的說，但忙至現在才因要出來拿東西才再次有機會⋯嘆⋯今次來是滿座啦，但還是能坐卡位。可惜沒有影相，不然可以讓大家看看這兒古色古香的裝修格局。再次吃套餐，但不知雲吞麵配甚麽好，最後被待應姐姐介紹生菜鯪魚球粥。很高興沒被介紹錯，因為魚肉夠魚味之餘還有甘甘地的陳皮香，還有些陳皮絲的口感，很特別的味道，亦很配鯪魚肉的鮮味。但有點可惜是魚肉有點淋，不夠彈牙⋯（其實是陳皮還是果皮，bird有點不能分得太清楚，希望能有人指教指教⋯汗）雲吞麵還是一樣的好吃，但bird覺得麵好吃過雲吞⋯hahaha⋯b麵夠爽夠彈牙，但湯底的味道搶了雲吞的鮮蝦清甜味⋯所以bird想，如果湯不是過濃的話，雲吞的味道應會特出好多。本來還想試魚皮，但一粥一麵真的讓bird飽到吃不下其他。只好下次有機會出來旺角再試罷。