妹記佩蘭鹵水鴨專門店 (已結業)

鴨脷洲大街，小 小的一條小街，有著舊式情懷，做著街坊生意，人情味濃，自引入地鐵，好多老店都會話因加租壓力會吾做，咁就要多d來食了。今次選了鹵水鴨出名的店【妹記】，店子細細，十分熱鬧，點了鹵水鴨河粉，鹵水雜米粉，加小食炸雲吞拼魚片，鹵水蛋，配消暑特飲鴛鴦檸樂，波蘿冰等。鹵水鴨呢我就覺一般喇，可能我食開味濃野，白鹵水覺淡口少少，但都幾香滑，湯底就....正，該加了地寶魚，好有艇仔粉的漁村味。見隔離枱碟鹵水雜（紅腸豬耳雞腎...）,好深色入味咁，下次再試吓佢。最驚喜係個炸魚片，真係冇得頂，熱辣香口，外脆肉軟又鮮味，原來佢先係主角。其它鹵水蛋和炸雲吞都算水準之作。想要多青要早揚聲，吾係就得幾粒蔥。三人前，三粉两小吃三特飲，埋單168元，人均5x元，ok la

自從鴨脷洲開通地鐵之後，每逢星期六日都會有好多人入黎鴨脷洲大街呢邊搵野食，搞到呢間一路食開的街坊小店都愈來愈多人，以前唔使排隊，依家假期lunch時間就一定要等10分鐘以上。今日趁平日又黎食下，唔使排隊行入去就坐低，我個碗係牛筋拼鴨肉。先講牛筋，煮到又軟又綿，入口輕輕一咬就斷開，而且比想像中入味，但又絕對唔係死鹹個種鹵水味，數落都有6-7舊，有兩件仲好大件，好抵食；鴨肉就一如以往咁好味，鴨胸肉都唔會鞋口，總之就任何一部份肉都係好嫩，入口淡淡鹵水香，抵佢紅到要排隊啦~ 

鴨脷洲大街妹記大多數區內的街坊都會食過。今日到朋友家作客，下午茶時間到了，友人帶我遊了大街一趟，順路入了妹記下午茶。 原來妹記出名的是滷水鴨。一場來到，當然要試下啦！滷水鴨米粉一碗只二十五元，非常抵食。鴨子好入味，又不會過鹹，肉質軟腍，肉味香濃，怪不得客似雲來啦⋯⋯，不過米粉略為硬身，煮的時間不夠，扣了些少分啦。

話說前排，又有啲事入咗香港仔做嘢，咁食晏時就坐兩蚊船去大街搵嘢食，本身就想去食記嘅，但點知去到摸門釘咁岩無開，於是就去咗呢間「妹記佩蘭」食鴨鴨喇。久聞大名，當然要點個滷水鴨試啦，咁個人鐘意麵食類多啲，所以就叫咗瀨粉。問一問轉脾，原來係需要加錢嘅，咁山長水遠，當然要食好啲啲，所以叫咗滷水鴨脾瀨粉。雖然人比較多，所以等候需時。鴨鴨到了，基於太餓嘅關係，差啲就唔記得影番張相。味道確係有保障，睇個湯同隻鴨嘅色水就知道好入味，唔係超咸亦唔會過淡，味道好適中唔騷，配起比較淡味嘅瀨粉都好夠味，相當開胃。雖然睇落份量唔多，唔好以為會食唔飽，但瀨粉其實都幾容易有飽腹感。有啲飽，同場依然加演炸雲吞半打，雖然比較後期先到，但新鮮熱辣又香脆嘢仍然係令人愛不惜口，飽肚都要食番幾件。總結，係比較人多可能要花啲時間等待，但食完之後，覺得不枉此行。

講到鴨脷洲美食, 好多人都會提到妹記既鹵水鴨. 連平日Lunch time 都會多人到要排隊. 今日一試, 感覺有d 見面不如聞名😂鹵水鴨湯飯 Marinated Duck with Soup Rice $39炸雲吞半打 Fried Wonton $17鹵水鴨無騷味, 肉質唔會好鞋, 都唔錯, 但份量偏少. 至於湯飯就未如理想. 可能飯剛煮好, 過濕到有d 一舊舊... 湯底唔算濃郁, 一邊既翠玉瓜唔夠新鮮, 全部都係苦既😓炸雲吞好夠香脆, 係餡料有d 細粒, 細都食唔到佢咩味咁🙈可能叫炸魚片頭好dOverall試左次就夠, 無encore意欲

來到必吃鹵水鴨米線、炸雲吞加檸樂。可能港鐵通車後人流多了，真是枱枱爆，等了20分鐘，吹了又吹都末有人可以落單。但食物到後，又可忘記他們的不是。因為一碗價廉物美的粉已彌補一切。

今日再去番灼鴨脷洲美食，一點前去妹記佩蘭鹵水店，雖然唔使排隊，但入面都好多食客食緊，我一就坐未知叫乜，我見好多客都食緊鹵水鴨飯，於是我叫一碟食，另外叫多半打炸魚片，我係唔鍾意食鴨，但都覺得碟鹵水鴨好正，炸魚片唔算好食，不過可以一試；期間我見其他食客又點咗啲紅荳奶茶，炸雲吞，魚旦粉，見人哋食得好滋味😋，可惜我得一個人一個胃，食唔到咁多，唯有下次再去試！

昨午去鴨脷洲行街，找些舊情懷，在網上見這間鹵水店字號老，頗受歡迎！本人也很喜歡吃鹵水食物，咁就應該去試試！我叫了一碟鹵水什三餸飯，計有豬耳，豬頭肉此兩款ok嘅，但鴨翼太干和太瘦，醬油帶有很重鴨油騒味！我太太叫了鴨肉河粉，鴨肉帶很多肥膏！後來我地加了半打炸魚蛋，味道都算ok，但賣相一般，大细不一！幫趁食客大多是街坊，吃著人與人關係，人情味，不知是否年假後剛開市關係影響水準？

地鐵開左，除左出門方便之外連落大街都方便左，以前落去要行落成座山，而家搭架𨋢就到😍 第一時間幫襯呢間一路都想食但又食唔到ge妹記先😂由於假日太多人幫襯，店家直情停左唔做比較複雜ge芝心西多，取而代之叫左鮮油多，切到正方形兩件用ge係厚版多士，重點當於係中間果塊厚到爆又凍到爆ge鮮油啦😏 啖啖牛油超正呀😍例牌鹵水雜，但其實得兩三款野，豬腩肉同腎多，腸都冇條😂，不過鹵得都幾好味，食得過✨最後叫左兩個麵，魚片都幾彈牙，鴨得本身冇乜興趣，不過只係賣廿幾蚊碗好抵食😂 搵次閒日黎食西多先✨

我本身係鴨脷洲人細個已經有食過之前見到新假期幫佢賣廣告嘅時候我就即刻去食，好有禮貌，感覺好有人情味，今次再去，大大聲話d客人野食都ok，但唔值得去.......

因為返工既 原故 黎到鴨利洲 搵食 呢度原來好多好野食 好多小店 在這裡食過不同的美食。呢度既招牌菜的鹵水鴨。當然要食 有別於一般潮州食店賣的鹵水鵝，這裡賣的是鹵水鴨。鴨肉肉質軟滑，經鹵水浸熟味道亦同樣濃郁。 好好味。鴨肉，不用我說大家也知最佳的部位就是鴨胸，再來就是鴨腿了。在下午茶時份來一碗鴨腿米是真的好正 。檯上放在豉油樽內的蒜蓉醋，是店子自家製而用來伴吃鹵水鴨的。帶蒜香又酸酸的味道正好襯托出鴨肉的鮮味之餘，也令豐厚的鴨肉吃來不覺太膩，特別在吃鴨腿時更不要錯過。寫住甘多先 將來有地鐵 通車 大家一定要黎試下支持本地小店美食

妹記札根鴨脷洲幾廿年，從前由街邊大排檔起家，跟著轉了幾個經營地點都離不開大街，街坊食到相當有感情。冇錯，就係呢間，外表係一間好普通既小店，入面最出名係食鹵水鴨，因為鹵得夠入味，而且肉質很林，不過可能鴨始終係鴨，胸口肉略有dddd鞋。鴨頭，開頭覺得好肉酸不過食過之後停唔到口，因為個頭比個身更入味，而且骨中帶點肉，肉質更滑，岩哂鍾意＂損＂骨既人。食鹵水鴨要配碗米粉，多色多葱，再加埋自家制既白醋溝辣椒油最後小食一客，炸魚片加炸雲吞，脆卜卜好好味👍🏼

又是出勤工作的日子，雖然今早遇上小阻滯，但也算快速辦妥任務，事成當然又四處找吃。路過這間鹵水鴨專門店，門面看似古老、有點殘舊，感覺很街坊、很地道。舖內環境一如所料，非常簡陋、沒有花巧。摺椅膠櫈整齊擺放，燈火通明，衞生程度可以接受。除了放在桌面的餐牌，牆上亦貼滿食物款式。由於今晚還要吃韓燒，只敢簡簡單單點一碗麵。這兒的鹵水出名，但又不想食鴨鵝，最後叫了鹵水雞翼牛筋米粉($30)。米粉熱辣辣送到面前，例牌先試一口湯。湯底蘊含多種香料，味道複雜，但不會過鹹，可是事後卻發現有點口渴。雞翼共有兩隻，顏色比預期淺，鹵水芳香吸引，可惜未夠濃郁入味。至於牛筋炆得通透，腍得連公公婆婆也能進食，而且份量慷慨呢！舖頭的店員甚有禮貌，就像叔叔把食物送上時，特別提醒小心燙熱。收銀要小妹稍等一會，而說了聲「唔好意思」。如此小事，也令人感覺良好。

現在已經越來越少平民價的小店，幸好妹記還在。小盛女經常一家三口到妹記吃午餐，因為又平又好食，點了一個例牌鹵水鴨和鴨腎 (HK$40)，足夠三個人吃，所以再點一個剩米粉、剩河粉及剩幼麵(各HK$10)便可。鹵水鴨很入味，肉質非常嫩滑，超好吃；鴨腎亦很爽口，不錯。必食指數：5粒星此外，還點了一個芝心西多士(HK$21)，可選煉奶或糖漿，西多士內還有芝士，又咸又甜，正！不過吃後會有很大罪惡感，因為應該很肥，所以久不久吃一次或和朋友開心share便好了。必食指數：4粒星炸雲吞半打(HK$14) 炸雲吞最岩配酸汁，脆卜卜。必食指數：3粒星最後還點了一碟生菜(HK$12)和一杯熱檸茶($HK12)，總覺得每一餐都有菜會比較健康，從前愛喝華田或好立克，現在都喝檸茶檸水少甜，吃得健康點，再把quota留來吃更不健康的美食，哈哈！

見左呢間舖有N年索性入去試下有幾台客叫左碗滷水鴨生麵一杯熱央台面放左d醋湯底夠晒味鴨滷得好入味亦都夠腍好可惜個生麵仲系一舊舊真系懷疑佢滿師未隔離台又系叫佢拎番碟干牛河再煮過所以唔會再堂食不過鴨就一定會外賣帶走有大中細任你揀