娜多歐陸餐廳 (已結業)

娜多歐陸餐廳 La Dolce Italiana是一間價錢合宜的西餐廳，當中的煙三文魚薄餅是推介之選，上面放有大大粒魚子及新鮮的煙三文魚，給人一種相當可口的感覺，薄餅的口感相當鬆軟與上層的芝士配合的天衣無縫。特別推介店內的二人套餐，份量可供4人享用，相中的薄餅就是二人套餐內的主菜之一，另外更有意粉可選擇，意粉質感有當有咬口，與上層肉醬配合得洽到好處。隨餐可選心太軟作甜品，是喜愛甜品的你必然之選，流心朱古力配上云呢拿雪糕真是絕配。

娜多 - 調景嶺平民化西餐一個人夜晚通常都幾怕食西餐但發現佢地有個新既茄湯螺絲粉餐就比個機會佢啦見到有六個配菜揀 當然要揀我平時最鐘意既吉列豬扒 點解會最鐘意？因為夠熱夠脆夠新鮮囉一上菜 果然無令我失望吉列豬完全係滿足曬我三個要求 不禁要講聲好好味呀！茄湯夠香夠濃夠淍身 足料囉！炒蛋夠滑 襯茄湯 夾囉！仲配多杯飲品其實夜晚$58仲有咩可以講？肯定會再黎囉！係咁多！

今日lunch食左個西班牙蕃茄海鮮軟飯，唔錯架上菜個陣熱辣辣，服務員仲貼心講左句"小心熱呀"~ 個飯好濃郁，酸酸地嘅蕃茄汁，仲有啖啖芝士味不過唔知係咪太濃，食返海鮮個陣就覺得唔夠味，有d淡！整體不錯，但一個人食會太飽，食唔曬，有d滯，可能因為有芝士！可以兩個女仔share

成日話地產霸權，搞到啲屋苑商場店舖千篇一律，但今日再到呢間餐廳食TEA,有時連鎖店水準比較穩定，都係唔錯嘅選擇。 餐廳樓底高，有落地大玻璃引入自然光，而且座位間間距夠，唔會逼逼夾夾。食TEA都加倍悠閒。 一口西多士餐跟即磨咖啡$33切成小塊金磚嘅西多士，有別於老土做法，又牛油又糖漿，而係配煉奶同朱古力醬，不分甜味又新潮。多士即叫即整，炸得金黃鬆化，有水準。即磨機啡尚算濃郁。呢個價錢其實性價比甚高。

星期六一早起身落街打波，打到2點幾先覺肚餓去食飯，朋友話去Ladolce食因為唔使等位，我就話是但啦就入去食早知係出面睇下個餐牌先入黎食啦，貴到你呢，平均一個tea都要四五十蚊，早知就食隔離間麻酸樂啦，雖然要等位但起碼平一半呀。。。。。。算X數既然入左黎坐低左又走番出去好樣衰，求求其其唔理好醜乜都嗌左d，雖然得兩條友但嗌左四樣野，冇計真係好鬼肚餓呢個係我嗌既，唔知點解突然間好想食漢堡飽，一上枱嘩差d想請粗口，我知係迷你版但都唔係迷你到咁呀？？俾細路食都唔夠飽啦！我真係一啖一個食完，其中最正常咪個芝士牛肉漢堡囉(心諗我做乜唔去食m記，又便d又大份咁多，起碼我食完唔會肚餓)，其他果兩個真心唔好食。連應該唔會難食得去邊既薯條佢都可以整得唔好食，一味得個熱，真係好佩服佢呢個係朋友叫既，又係一個超級迷你版，其實間餐廳有冇諗過佢既tea男人係唔會食得飽架呢？我諗女士們都未必食得飽。我冇試到個通粉，望落去一pat醬咁，朋友話麻麻地同埋唔飽囉，舊炸魚我食左一舊，好多粉，唔好食，同埋又係得果3舊仔唉係完全唔飽、好似冇食過野既情況底下我地再叫左兩樣野食，一個係咩一口西多士，又俾佢個名fake左，我以為係茶

星期日晏畫去都會駅探朋友，朋友話落樓下食Tea，近近地就去間叫La Dolce嘅西餐度食。餐廳有一塊大嘅落地玻璃，感覺都幾開揚。我哋若下午5點半去到，佢話星期日無下午茶餐。佢地無下午茶餐，就自己叫啲小食飲品扮下午茶。叫咗杯熱情果茶同荔枝茶，原價成$38一杯未加一，但任何惠顧半價，都幾大杯，味道ok啦。另外，叫咗個三文魚籽糖心蛋、鴨胸沙律及漢堡小子，份量細，味道不過不失，但價格都幾貴，5樣嘢近160蚊。有啲肉赤。

去到餐廳見到咩食物都想點晒佢，真係眼闊肚窄來一個all day breakfast, 可以暫時滿足一下我嘅食慾 ，三文魚蛋沙律漢堡配粗切薯條，蛋沙律好creamy,三文魚都幾fresh，口感幼滑，加埋個有少少脆但又幾鬆軟嘅漢堡包，好match。薯條新鮮炸起，食落唔會又油又軟，肥嘟嘟，啖啖薯個沙律菜都新鮮，我最愛酸青瓜

朋友話呢間餐廳每到lunch time好多人，所以我提早25分鐘去等位；點知10分鐘就到我，因為其他都等緊大檯。我坐係度15分鐘，侍應態度都好好，無眼望望或催我落order。價錢非常抵！眼看旁邊的食物都幾靚同大碟。朋友的焗豚肉飯配單骨雞腿，我見佢食清晒，應該唔錯。我既wasabi忌廉軟飯 （走煙肉）-- 好creamy，大碟，味道偏淡但可接受。附送既是日甜品 Tiramisu -- 我覺得好難食，好傑身，有d酸酸地；除了外貌，稱不上Tiramisu.. 

今次想介紹嘅係娜多歐陸餐廳，上次食嘅時間係下午茶時段，叫咗個黑松露忌廉汁芝士焗西蘭花飯，另外仲加多咗個忌廉芝士焗西蘭花伴薯蓉。雖然話係黑松露，但係照道理讀完應該好香，但係黑松露嘅香味得好少。忌廉汁又唔係多，如果焗飯嘅汁同埋黑松露落多少少，咁食個飯嘅觀感會好唔同。個人覺得今次呢個焗飯唔係太特別，個飯上面嘅龍利柳得三塊，餸菜的而且確比較少。雖然話係下午茶餐，但係分量我覺得可以多返一啲。另外加嘅焗薯都係同樣問題，忌廉汁唔夠。不過薯蓉係唔錯嘅，起碼比KFC嘅好食。最後想講一講杯檸檬茶，啲檸檬真係好酸。

食飯時間尼到，都要等一陣位，因為附近都有幾間學校，好多學生。本身係見個海景咁靚先去食，點知咁多人，好彩佢咁岩比左個海景位。嗌左個LUNCH SET，咖喱雞飯，個賣相好靚。可惜個咖喱太辣，我唔係好食到，所以食左少少就無食，飲水飲到飽曬，而杯凍檸茶又好苦，又勁多冰，好似大半杯都係冰咁。仲點係，唔平！

卡邦甘值係白汁溝意粉，冇味道，淡而稀。pizza 上的芝士 焗得好唔夠色，完全接近冇焗過(白色），pizza 料跟本唔太熟，俾我彈返叫再焗過只是同我加熱，同開頭冇分別。好在個pizza 係冇豬或牛肉。。。得什椒黑水欖個pizza 冇影，見到都火火地。強烈不建議去食。

個hea! 同朋友lunch，企响門口，冇人招待，等了又等，最後好彩有個阿姨發現，叫左个咖哩炸魚飯，海鮮焗飯加餐湯，同餐廳再三強調即磨咖啡。餐湯，應該係羅宋湯，冇味。海鮮焗飯，十分失望，冇味，快餐式焗法，食到一囗豆粉漿。紅咖哩炸魚飯，又是失望，又一個快餐式咖哩！最後即磨咖啡，飲左一口，放低。跟餐甜點，應該係tiramisu, 但係又唔似，同一風格，冇味。價錢唔平，噤嘅出品，真係好hea ，覺得浪費左個肚。附近都係街方，學生，希望出品認真D，服務認真D。

La Dolce 是意式西餐廳，走年輕路線，食品質素可以接受，價錢亦見合理。一行四人試了菜式如下：蕃茄雜菜湯伴法式麵包：雜菜湯味道酸中帶微辣，夠濃稠，食味不俗。滋味小食拼盤：內含煙三文魚凱撒沙律、白酒忌廉汁煮蜆及墨西哥狂牛肉醬焗薯皇。無吃過沙律。白酒忌廉汁煮蜆酒香及忌廉汁滑度不見突出，蜆肉亦見平凡。墨西哥狂牛肉醬焗薯皇芝士肉醬份量可再追加一點，薯皇口感腍身，香口度不足。拿破崙鮮茄芝士焗豬扒飯：豬扒鬆軟幾好食，鮮茄芝士汁調味亦見OK。芥末籽忌廉芝士焗西籣花魚柳飯：魚柳肉厚，成品質素合預期。帕爾馬風乾火腿薄餅：選了1.2毫米有營餅底，整體感覺有點和風風味，配料除風乾火腿帶點鹹香外，其餘食材如芝士及香菇等口味偏淡。米蘭香蒜蕃茄乾炒蜆肉意粉：意粉過腍欠嚼頭，汁料調味OK。冰火交融：即朱古力心太軟伴香草雪糕，心太軟外層焗香帶微脆，內裡流心濃郁，不俗。層層疊窩夫：窩夫質感實了少許，口味普通。熱咖啡：口味偏向苦澀，OK。

哩間餐廳都開了一段長時間一直都未有機會試但估唔到原來平日用168就可以食到咁多野價錢平之如味道都可以架紅白湯口感唔錯餐包夠熱頭盤沙律的菜都新鮮爽口但蜆就麻麻地墨汁意粉估唔到都整得唔錯墨汁夠同入到味意粉都軟硬適中薄餅皮薄夠脆同份量大得出奇結果2人餐都食唔哂總括168要食得飽哩間唔錯的選擇

喺將軍澳呢個商場, 多數都只係去酒樓打邊爐, 今晚才第一次試呢間西餐  餐廳格調唔錯的, 有一邊落地玻璃窗朋友兩個人, 選擇了一款二人套餐, 價錢$168, 有湯, 頭盤, 兩主菜及飲品湯方面, 有紅湯及南瓜忌廉湯, 我朋友揀了紅湯, 佢話有少少辣, 但好足料, 個湯唔會好似水咁稀, 而且還有好多菜, 而我揀咗南瓜忌廉湯, 其實碗湯好大碗又有啲杰, 味道是一般的忌廉湯味, 飲哂後已經半飽了 頭盤有三小碟, 因為我唔食生嘢, 所以冇食到嗰碟三文魚沙律, 朋友話好好食, 啲汁微酸好開胃; 白酒忌廉汁煮蜆就冇乜白酒味, 味道較淡; 我對薯仔麻麻哋, 但反而個牛肉醬焗薯皇最好食, 肉醬喺肉醬意粉嗰種味, 加埋芝士一齊焗, 好惹味 主菜方面, 而我們揀了加勒比海厚批及蕃茄乾炒蜆肉意粉, 薄餅真係好足料, 好多三文魚喺度, 啖啖都有魚, 薄餅好大個; 意粉煮得剛好才炒, 唔會過軟或過硬, 但味道較清淡。佢哋既產品真係present得好靚, 感覺好高級的, 但衰在兩姐妹傾傾吓, 頭盤及主菜都唔記得影相 而份量方面, 意粉份量不算多, 但可能飲咗大大碗湯及揀咗厚批, 兩個女人仔真係食唔哂, 三個人食就