娜多歐陸餐廳 (已結業)

今次想介紹嘅係娜多歐陸餐廳，上次食嘅時間係下午茶時段，叫咗個黑松露忌廉汁芝士焗西蘭花飯，另外仲加多咗個忌廉芝士焗西蘭花伴薯蓉。雖然話係黑松露，但係照道理讀完應該好香，但係黑松露嘅香味得好少。忌廉汁又唔係多，如果焗飯嘅汁同埋黑松露落多少少，咁食個飯嘅觀感會好唔同。個人覺得今次呢個焗飯唔係太特別，個飯上面嘅龍利柳得三塊，餸菜的而且確比較少。雖然話係下午茶餐，但係分量我覺得可以多返一啲。另外加嘅焗薯都係同樣問題，忌廉汁唔夠。不過薯蓉係唔錯嘅，起碼比KFC嘅好食。最後想講一講杯檸檬茶，啲檸檬真係好酸。