媽咪雞蛋仔 (已搬遷) 新店位置

未行到廣華街已見到個個都拎住袋雞蛋仔 都幾香 行多一陣終於見到舖面 而且重好多人等緊 真係咁好食?! 大家都支持紫薯同朱古力 但抹茶控當然要支持返抹茶啦！要左個"抹茶紅豆雞蛋仔"當時係叫到No.110 我係No.131要等二十個 為有乖乖企一邊等 話晒即叫即做係要花啲時間.......after 20mins 熱烘烘既雞蛋仔到手了 賣相好綠茶 個樣好似好好食 亦都即刻放入口 !!!!!!! 外脆內軟 等左二十分鐘冇令我失望 雖然唔係勁濃既綠茶味 清淡既 而且香脆又唔太甜. 紅豆? 絕對唔係得幾粒 每一口既雞蛋仔都食到粒粒紅豆而且係大大粒嫁 * 不過大家記得買左要即刻食 唔好留 因為雞蛋仔凍左之後就唔脆 軟左 會冇咁好食依家出咁多花款既雞蛋仔 不如好似媽媽咁簡簡單單就夠 雞蛋仔就係要外脆內軟先好食 唔係個個做到~

識叫唔會叫原味，行過呢度咁多次，次次都見呢度好多人。雖然好多隻味，但我唔知做乜自然反應叫左原味，心諗，咁多人叫應該唔錯掛？應該好特別嘅？點知... nothing special... 味道同平時食嗰啲真係差不多。唯獨係呢間比較脆口啲。蛋味一般，可係真係咁特別。如果有機會，一定要試下其他味，唯有等下次...

要暖手的話，拿著個燙口不燙手的煨蕃薯，呵著熱氣、小口小口的吃著是最好不過，恍如手心的太陽。在1957年以來最低溫的一天，煨蕃薯車仔檔始終可遇不可求，忽發奇想的去找紫蕃薯雞蛋仔。早在2015年8月寫過這家雞蛋仔的食評（《香芋味不一定是紫色的》），及後一直都有光顧，有料雞蛋仔非媽咪雞蛋仔莫屬。蠢蠢欲試恆發的芋泥雞蛋仔，可惜不就腳，我這MK妹甚少逛街逛到太子去（聯合除外）。恆發（聲稱）是首創有料雞蛋仔，雖然稍便宜，但款式始終未及媽咪雞蛋仔多。拿了米芝蓮推介的街頭小食，勝不驕。除了推出更多的餡料款式，如肉鬆芝麻（$22）、抹茶紅豆（$25）、栗子（$28，稍貴吧），還如一站式的小食店般，有售飲品和熟食如大魚蛋。連長洲糯米糍都擴展到市區搶風芒時，大魚蛋會否成為下一個焦點？週日下午三時，只需輪號數個便行，等上大概5-10分鐘。本身有猶疑過選較特別的栗子味，但眼見$28，可比得上一個茶餐廳碟頭飯的價錢，還是有點不值。(女人就是這樣矛盾，$4x一件小蛋糕反而可能覺得抵。)叫了號但沒反應的，雞蛋仔只好被放在直立架上待領。熱騰騰的雞蛋仔到手了，label 上的「大蕃薯」難道是指我嗎？正如之前買過、外表不是

平時行開旺角, 好多時都會過黎買雞蛋仔食, 所以唔洗睇就已經可以落order, 今次都係原味雞蛋仔$15, 因為呢度既雞蛋仔好夠蛋味, 個餡夠漲卜卜, 而且即焗即整, 所以每底都係熱辣辣, 外表脆卜卜.等緊其間, 發現原來而家多左好多口味, , 而且價錢都唔貴, 下次可以逐樣試下. 仲有落order姐姐好好笑容, 又會問你要唔要飲品, 服務唔錯.

長期都有好多人排隊既媽咪雞蛋仔！但我差唔多每次去都係食格仔餅市區出品黎講真的很不錯！餅底做到外脆內軟，但蛋味略嫌不夠香勝在即叫即做 熱辣辣 脆卜卜醬料重手一咬下去 鍊奶花生醬立即爆爆爆出來！

哩度啲雞蛋仔，做到外脆裏面軟綿綿。最可惜係成日好多人，希望佢加多幾個爐吧。試過好幾隻味：肉鬆，紅豆，番薯。暫時覺得最正嘅係番薯，成底雞蛋仔好"墜"手，粒粒裏面都填滿涵，好香番薯味。(相只係搵到紅豆) 其實咁係雞蛋仔最基本，但好宜家多舖頭都做唔到。

行到攰攰地有點餓，又未到食飯時間。今曰見到這天不用排隊，特意買來試試。買完之後，店員給我一個號碼，雞旦仔即叫即做，而顯示屏則顯示到籌的號碼，好有系統。今次試的是原味，一呤上手熱騰騰！雞旦仔好脆！有D旦香，咬開一半，裏面有一半是饀，一半是脆皮，是傳統口味，令我回想童年時那些真材實料的雞旦仔。若果旦味再濃一點就更好了！

呢間雞蛋仔都已經出名左一排, 今晚行行下先發覺旺角有間分店, 口痕一於買包黎試下, 門口好多人等緊, 不過有心試唔怕等. 今次先試原味雞蛋仔($15), 比起其他既價錢都差不多.買完都差不多等十幾個, 所以等左幾個字, 好彩條街唔算多人流, 如果唔係唔知企響邊度等.終於叫我, 一上手熱辣辣呢...果然係即整, 聞落好香. 一入口面頭好脆, 好香蛋漿既味道, 不過我嚴個餡唔夠滿, 如果倒多少少蛋漿個口感會實在D. 呢間比起其他小食店用心得多, 起碼餅餅雞蛋仔都係即整, 唔會好似其他咁整定番熱.

今日同朋友行街，順便去食雞蛋仔，即時就諗起上次食過的媽咪雞蛋仔，估唔到旺角分店一樣咁旺，都係要排15分鐘先有得食。今次食芝麻味，入口有陣陣芝麻香味，亦見到細細粒的黑白芝麻，用料同以前一樣咁實在。外脆內軟的口感，加上香氣四溢，下次一定要再黎試其他口味！

行路經過見到好多人排隊，平時食開朱古力味，見到今日出咗香蕉味，忍唔住試吓囉！食落又唔錯噃！應該有成條香蕉咁多架！佢啲香蕉唔係切得好細，仲食到細細粒嘅香蕉，好有香蕉味，外面脆裏面軟林林，好好味啊！我仲見到有新出左其他味道，我都好想試吓！不過個肚仔飽啦，下次先啦！

終於有機會一去試新口味 掙扎於香芋南瓜蕃薯後選擇了紫薯六點多的時間稍等一會便拎到上手 熱騰騰的感覺真好雞蛋仔頗為墜手 第一時間剥下依舊外脆內軟香脆的外皮下蛋漿煙韌 比銅鑼灣的偏甜的感覺可惜的是紫薯分佈不均 味道被蛋漿搶過和蓋住的確甜度高只來自雞蛋蛋漿 老實說有點失望雞蛋仔比之前吃過的朱古力味更快變腍 可惜了點

蕃薯雞蛋仔 $226/10媽咪出左新口味, 試試先!雞蛋仔起初外層頗脆, 但脆度不能維持很久, 而內層空氣感略重, 未夠飽滿。😟味道方面, 每粒雞蛋仔芯都夾着少許紫/黃蕃薯蓉, 只可惜蕃薯味並不突出, 蛋香亦不濃郁, 整體未算出色。

其實我今次第一次食媽咪雞蛋仔😂粒粒朱古力 $18 啲朱古力平均分佈起雞蛋仔入面🍫食落口既感覺係好幸福 同好肥呀呀呀😗雞蛋仔好脆口 即叫即整😎會再encore食💁🏻

放假日又是槍街日, 大人一得閒就落黎睇野, 所以我跟埋一齊搵食.每次行過都聞到陣陣雞蛋仔香味, 而且每次都好多人排隊, 難得今日唔算太多人, 又買包試下先.鋪面其實好細, 買完要響路邊等. 同其他雞蛋仔鋪唔差幾多錢, 今次先試下<粒粒朱古力味雞蛋仔>$18因為份份都係即整, 所以大約要等5分鐘左右, 一拎上手, 熱辣辣好香. 最值得讚係紙袋打晒窿, 所以熱氣唔會焗番響個袋入面. 食一粒好軟熟, 個饀好夠蛋漿, 蛋味好香, 朱古力就唔平均咁分散, 所以有D會食得朱古力味重D, 甜D, 好好味.整體 因為即整特別好味, 而且店員笑容滿面, 非常好.

因要辦事而到旺角，上網搜尋附近有什麼美味小食。搜尋到這間在紅磡很有名氣的雞蛋仔分店，於是便來一試。朱古力雞蛋仔($18)：即叫即做，拿上手，熱烘烘，很香。外層乾夠乾脆，裡面軟綿，每粒都有朱古力粒，而且有半滿至大半滿，算是很足料。另有多款少見的口味如香芋、番薯、南瓜等，很特別。很欣賞店員有禮貌又有笑容，值得繼續光顧、支持小店！