媽咪雞蛋仔 (已搬遷) 新店位置

紅磡嘅媽咪雞蛋仔係我雞蛋仔嘅最愛，亦係讀書時期同同學嘅回憶。每次行過都總係被佢嘅香味吸引。所有雞蛋仔都係即叫即造，因此一定要等。畢業後都好少去紅磡，一直都掛住媽咪雞蛋仔嘅味道。 終於都係旺角開左分店，太方便了。紅磡店係派個牌俾你等，哩到就用電腦飛，有個mon俾你睇嗌到幾多號。 全部都係即叫即整，陣陣香味！識食一定係食朱古力味。 好多朱古力味雞蛋仔都係用朱古力粉，而且味道唔夠。 哩到係用朱古力粒，仲要係粒粒雞蛋仔都食到朱古力，絕對係足料嫁！ 另外，雞蛋仔皮脆内軟，正！相比紅磡店，好似紅磡嘅更好味。雖然依家好多地方都買緊平價雞蛋仔，但我寧願俾多d 食有質素嘅雞蛋仔。

揾乳酪鯛魚燒無意發現廣華醫院附近開咗以前成日在紅磡黃埔街始創店食嘅媽咪雞旦仔揀了雞旦仔口味比埋錢就企在店外等一陣，講真這舖位置不錯，雖不在人多大街上或主要通道上，但只是個轉角啫，等待期間不會做成阻塞熱辣辣香噴噴脆卜卜古古力雞蛋仔到手 聞到陣陣蛋香飽滿，皮夠脆溶化的古古力粒，正餡料飽滿唔太甜有蛋香，皮脆餡軟唔會輕飄飄

在旺角同朋友食完lunch後覺得未夠滿足，打算到登打士街度掃街搵下有咩好食，然而到廣華街轉角位，未到已經聞到在紅磡熟悉的香味。一轉彎兜去後面，係好香的雞蛋仔味，原來媽咪雞蛋仔在旺角開了分店，極愛雞蛋仔的筆者即時叫返個香濃朱古力口味過下口癮。雖然門口排隊人數其多，但係都只等八至十分鐘。而且雞蛋仔一拎上手時非常熱，果然即叫即成的份外吸引。熱辣辣咬落去，先入口係脆卜卜的薄皮，再有暖暖微熱的餡料，仲有原粒的朱古力。出面好多所謂的朱古力雞蛋仔都係以朱古力粉或可可粉整成，見到雞蛋仔係朱古力色，但食落就無朱古力味。但媽咪卻係真材實料，呢個亦係筆者一直對媽咪支持的理由。開係旺角咁方便，想食唔洗再特登落紅磡銅鑼灣啦：）