媽咪雞蛋仔 (已搬遷) 新店位置

雞蛋仔都可以算係香港既特色小食之一近年雞蛋仔愈玩愈大 推出既口味千奇百趣 當中抹茶口味最引到我注意 吸引我呢個抹茶控去試我本身都好愛食雞蛋仔，加入抹茶既雞蛋仔～真係諗起都正！本身我都只係懷住一試既心態去食因為大部分抹茶類既甜品小食都會有一個問題，就係得個甜字！無抹茶味有好多口味可以選擇但最吸引我的還是抹茶紅豆抹茶紅豆雞蛋仔 $26好既雞蛋仔真係吾係間間做到一定要脆卜卜同有蛋香媽咪雞蛋仔完全做到！蛋香濃郁，口感香脆而且內裡帶點煙韌抹茶不是一味的死甜，而帶有回甘粒粒飽滿，絕不是空心雞蛋仔抹茶配上紅豆 簡直完美的組合紅豆不是泥，是一粒粒的！非常粉糯，而且沒有過甜師傅說他們的紅豆是自家做，而不是買外面現成的外面現成的紅豆罐普遍太甜而且全是蓉，沒有口感雞蛋仔煙煙韌韌的非常推薦媽咪雞蛋仔的抹茶紅豆！好難得食到有水準既抹茶味雞蛋仔真係非常驚喜 我一試愛上前個排日日放學買黎食雖然有其他分店 但始終旺角分店整得最好食～!

記得第一次幫襯係誤打誤撞，見到幾多人等就試下。買左份朱古力雞蛋仔，結果好有驚喜，非常滿意。難得同女友再次經過，當然要再食。因為都有唔少食客，買完都要等15分鐘先有得食。雞蛋仔好大餅又重身，絕對冇偷工減料。溶化既朱古力粒,配上外脆內軟既雞蛋仔，簡直是一大享受！食果時要格外小心，因為係極為燙手！朱古力粒甜中帶苦，比例岩岩好唔會太膩，亦唔會蓋過蛋香。內裡煙韌，非常好吃！建議可以兩個人食～咁就甜蜜得黎又唔會漏！又可以係登打士街食多幾樣小食！

今日下午經過登打士街，除了去茶湯會買了杯奶茶，走過少少到媽咪雞蛋仔，見今日三點無嘜人就去買了朱古力香蕉雞蛋仔$28，之前買過幾次食，這款口味是我最鐘意的，但是肉鬆芝麻味也都不錯呀！

「雞蛋仔」係本土食物之一，一早就已經殺出香港，深受外國人歡迎！要食好食嘅雞蛋仔，最重要夠「乾身」、剛剛出爐後要即時放到風扇前吹涼，先可以做到外脆內軟一旦吹得唔夠乾身就會變成軟腍腍嘅蛋糕！其次係粉漿唔可以太多，要剛剛好，每一格雞蛋仔都要有小小空氣，先可以有脆嘅口感今次點嘅係抹茶紅豆雞蛋仔，本身係抹茶控嘅我有一絲期望，最後卻發現始終原味存在係有佢嘅價值！時間：呢間係即叫即製，每一個人都要等，由於一個雞蛋仔製作時間不長，從落單到取貨，都只是短短的5分鐘，就算門口有好多人等都唔會太耐！乾身：剛攞上手嘅雞蛋仔係好熱好熱，已經證明一件事，太快出貨未吹夠涼，未吹夠涼嘅問題就係唔夠乾，表皮唔脆，無炭燒咬落去嘅脆口粉漿：太多！絕對是一底好「紮實」嘅雞蛋仔，粉漿填滿每一個小格，沒有空氣支撐，令到外皮唔脆，內裡太充實，口感同蛋糕如出一轍口味：抹茶控期待嘅係帶少許苦味、濃郁芳香的抹茶味，可惜聞唔到、食唔到，只是帶有少許綠茶味！紅豆方面更失望，同行人是紅豆控，對！我哋加埋正正係抹茶紅豆，但紅豆量不多，並非每一小格都可以食到紅豆，有小部分又畀紅豆填滿，令紅豆控有點不滿！總結：如果期待食一個「雞蛋仔」，建議選原味，

寧願試其他雞蛋仔鋪頭.....～～～～～～～～～～～～～蕃薯雞蛋仔（紫薯） $26外面：外都叫脆嘅～內面：太軟身，味道有唔係好重等候時間：超長～～～～～～～～～～～～～唔值得再試。試其他鋪頭仲好，等又等得耐

媽咪雞蛋仔由佢係紅磡開個陣已經有食開想當年邊有咁鬼多口味揀 好似都係得原味同朱古力演變到今時今日 真係你諗得出既味都可能食得到今日我試既就係綠茶紅豆口味（$22）雞蛋仔都係即叫即整 所以食既時候熱辣辣每一粒雞蛋仔入面都有紅豆粒 而且綠茶味都頗重但味道始終偏甜 食完好需要買支水解渴但綠茶喜愛者實在值得一試！小貼士：小編慣左拿到底雞蛋仔後過2-3分鐘先食咁可以等佢外面更脆 外脆內軟感覺再上一層樓

賣野食個人好nice，見到你想買野食會好主動打招呼。試左抹茶朱古力雞蛋仔$26，我今次食，佢整得太硬，我成個食到一半口較已經酸軟。抹茶味有少少，朱古力味唔多。主要係脆身，我覺得可以試下其他口味，但呢次真係比我感覺failed

鸡蛋仔~兒時的小吃，估計唔到係科技年代已經有咁多味道~朱古力、红豆、肉鬆等~咸甜都有，聽講連辣都有人做真係大開眼界。而家一D傳統文化食物做得俞來越“專業”今次試左肉鬆芝麻~脆：合格。味：適中。熱：完全感受到。但肉鬆少左D及要襯熱食但媽咪已經是出色的雞蛋仔專家了。

常常路過此都見長長的人龍。飯後二點如是，下午三、四時學生放學如是。今日下午五時半，見只有一、兩個人，便幫襯試試。我的習慣第一次試，一定試原味basic,再試其他口味。HK$16一底，新鮮的每一份焗出來。好：每一粒雞蛋仔外邊鬆脆，可一粒粒分出來。可以更好：旦味可以更香濃點。感覺上比那北x雞蛋仔好味。下次會再試其他味道。

格仔餅好好食，好多醬料，一路食一路漏，個餅比坊間一般的有質感得多，貴少少也是值的，其餘鳮旦仔也很好吃，最愛還是原味，不用把弄太多個蛋醬夾脆了熱辣辣，非常好味，值得一贊

首先要說明，應該好少阿媽會整雞蛋仔，而且仲要咁多口味，但係媽咪的味道就是對的味道。登打士街係九龍核心，旺角小食街，而處於街尾盡處有肥媽，亦有蛋媽....長時間都有四五人排在門外，今日點了一底原味雞蛋仔.等了五至十分鐘左右，雞蛋仔終於出爐，店員先將其吹風乾化，老土講句，就是外脆內軟。 火候剛好，外皮輕脆而蛋糕與蛋糕中間的薄片如同澳門雞蛋餅。蛋漿做得出色，令到雞蛋仔鬆脆而不會糊口。蛋糕心雖不像牛頭角炭爐的軟蛋糕心，但亦不至於是空心。 軟熟而有些輕的彈牙感。暫列香港雞蛋仔頭三位之一。分數：8.5/10

男朋友帶我去的！19hkd食到朱古力雞蛋仔，要等叫號，但都好快。好大塊好脆！朱古力濃濃的，以後去旺角都一定要試買完行去油麻地站睇電影,唔駛買popcorn!原味就16蚊，greentea紅豆就26蚊

食完雲吞麵，見仲未飽，就專登去食媽咪雞蛋仔 ，之前連續兩晚摸門釘食唔到，宜家終於食到啦!開頭我以為係流心朱古力雞蛋仔，但原來唔係，而且一粒粒嘅朱古力，不過都幾好味，但由於真係即叫即整，最少要等15分鐘。

I loveeeeeeee to eat Hong Kong local street foods.Egg puff is one of my favourites.I will try egg puffs of tuck shops across different districts to try to locate the tastiest one.Today I gonna try one of the well known shops called''媽咪雞蛋仔'' aka ''Mummy's egg puff'' which is a chain with branches across different places.I cross the branch located Mong Kok (very near to both Yau Ma Tei & Mong Kok MTR stations, 5 mins walk)frequently but never try once.So I decide to find out what it taste like.The

行開旺角，聽朋友講有間好出名既雞蛋仔專門店，仲要有餡嫁添，咁橫點行過梗係要去試食下啦！種類都唔少，而我就叫左個「肉鬆芝麻雞蛋仔$23」！不過人客都唔少，所以等候時間都長左少少。「肉鬆芝麻雞蛋仔」熱騰騰出爐，而且都好大底，食落外脆內軟，而肉鬆跟芝麻比例很好，不會太多太少，味道剛剛好，不會太甜，超好味！但最好就兩人分食，因為分量都蠻大塊！下次要再去試埋其他口味先！