媽咪雞蛋仔 (已搬遷) 新店位置

留在家中太耐 就口癢 想吃屬於香港嘅小食所以我返工途中經過 媽咪雞蛋仔 我即刻狗衝過去落單 ［抹茶朱古力雞蛋仔］哈 等到雞蛋仔 落上手嗰下 熱辣辣好開心 外脆內軟 抹茶味甜甜地唔太苦 散發茶香 配朱古力 十分之夾 雖然雞蛋仔聽落好簡單 不過 整得好真係唔簡單 特別係挺身 唔「林」姐係唔謝霆鋒水準 🤣 大家都明啦 #外賣返公司吃

講真呢排真係唔多出街，真係咁岩同媽媽過開黎旺角睇中醫調理身子..先至出去咁人多嘅地方。下午茶時間真係好口痕架醒起附近有間媽咪雞蛋仔，即刻流晒口水，我自從大學時期係紅磡知道左呢間野嘅存在..就幾乎冇食過普通街邊雞蛋仔..平時一定叫香蕉朱古力..但醫師話唔好食蕉wor..咁就試下抹茶啦，感覺養生啲？但其實..算啦，唔講呢啲咁掃興。朱古力都係唔可以少架曳埋今日啦！即叫即整，入面兩個真係好似媽媽咁嘅staff密密整，等左5分鐘度就有得食啦熱辣辣粒粒都大大粒，係實心架！開心粒粒都食到朱古力咁濟，媽咪都話正，哈哈佢真係外面小脆，唔係硬，入面又好似mochi咁，真係一粒接一粒，停唔到不過，我覺得下次再試抹茶應該會齋order抹茶，唔加朱古力，因為我唔太食到抹茶味lol好！下次再戰！

🌟🌟🌟🌟🌟🌟🌟🌟🌟🌟🌟🌟🌟🌟🍽 媽咪雞蛋仔 (旺角)📍旺角廣華街1號潮流地域G23號地舖🌟🌟🌟🌟🌟🌟🌟🌟🌟🌟🌟🌟🌟🌟由細到大都中意食雞蛋仔,雖然好肥,但係講起掃街、街頭小食,一定第一樣就會諗起佢🤣牛油果朱古力雞蛋仔見到呢一個好特別，係期間限定出既牛油果X朱古力嘅雞蛋仔，所以就叫左，食落去好特別，牛油果味同埋朱古力味混合，竟然有特殊嘅感覺🥺芝士雞蛋仔芝士嘅鹹香味好突出，同雞蛋仔好夾，令人忍唔住食完一粒又一粒伯爵茶 走甜走冰叫咗兩個雞蛋仔，諗住食下會口乾就叫埋嘢飲，呢一個係同twinning合作嘅飲品，飲落去伯爵茶好清香，好解膩！✨如果喜歡我的文章，可以關注我及讚好以作鼓勵喔✨

雙重芝士雞蛋仔係非常少芝士。建議大家去尖沙咀荃灣店。旺角店非常慳皮。由於離我屋k最近所以侷住有時都要買。每次都係非常少芝士，非常敷衍。有四個朋友買過幾次，都紛紛表示店家非常小氣。完全變左原味。

今日同家姐喺旺角行街,家姐突然話好想食雞蛋仔,即刻諗到要食媽咪！媽咪雞蛋仔只係得紅磡分店既時侯,就已經好鍾意食!近年越出越多味,除左大路既原味、朱古力味等,仲有好多特別味同期間限定味道同飲品。一排無食,原來出左伯爵茶味,一定要試啊,整緊個陣已經聞到好香既茶味!用上TWININGS茶葉,每粒都見倒有茶葉碎係裡面,食落茶味香濃,而且都保持倒雞蛋仔外脆內軟既質感。我仲叫埋伯爵冰茶,呢個就似係凍既茶包茶,不過店方加左糖,更易入口,又可以舒緩雞蛋仔既油膩感。另外一個我地揀左牛油果朱古力雞蛋仔,呢個口味非常豐富,同時食到牛油果既草青味同濃濃既朱古力味,每粒都有牛油果喺裡面架!不過呢個就比較飽肚。家姐揀左鮮榨檸檬茶,杯底真條見倒好多檸檬肉，飲落帶微酸又唔會太甜,飲哂成杯都唔怕肥啊!雖然食完好飽,但真條好滿足!

I just love egg waffles so much, and honestly mammy does have one of the best that I've tried in HK. However, it is important to point out that mammy waffles are defeintily on the pricier end of the spectrum, and even with all its flavours, each one still outshines all the other stores within this price range. There are choices of savory or sweet, and the beauty of egg waffles is that no matter which you choose, it will still taste just as great. As a savory kind of person, my favourite and go t

鐘意吃雞蛋仔嘅朋友一定吃過媽咪雞蛋仔，不過今日我要試下格仔餅，竟然比想象中好味喔！夾餅好厚身，外層邊位脆脆地，好味過一般嘅格仔餅。我揀咗最普通嘅咖啡☕味，味道唔算太膿，內，入面啲餡甜度都OK，可以推介!

細個同媽咪行街，最開心就係有得買雞蛋仔食，難得呢啲傳統小食喺香港冇俾人遺忘，仲可以開到成行成市，等我哋大個咗之後仍然可以回味細個時食到嘅味道。呢間媽咪雞蛋仔，選擇認真多，與時並進，除咗原味、仲有抹茶、朱古力、紫薯、白芝麻等等等等⋯最令我驚訝嘅係連墨魚汁味道都有！😱要尋找以前媽咪買比我嘅味道，就梗係揀原味啦！同以前食落嘅有少少唔同，而家雞蛋仔嘅皮更加脆卜卜，但依然keep到蛋香味，一邊行街一邊逐粒逐粒手搣出嚟食，好有兒時嘅感覺❣️下次等我買其他味道試吓先！

今日返公司拎完貨，就教埋靚靚點樣 #瘦臉通淋巴 😚經過廣華街，見到好邪惡既 媽咪雞蛋仔😈正所謂自私食，不如開心 #些牙，獨食難肥👻梗係搵小公主搭檔下🤭🤫好記得果陣係紅磡理公橋底已經幫襯❤️越做越好，見證住✨食既咪係媽媽買雞蛋仔俾Vienn既一份情💕細個有雞蛋仔食已經勁開心🥳 相隔成年去邊間分店食都係咁脆，有時脆到介襯個嘴🤣🤣獨有既脆漿真係 #冇得輸🤞🏽今次冇叫最愛粒粒朱古力，叫咗小公主飛佛#香蕉朱古力雞蛋仔🍫🍌外面 #脆卜卜，裡面軟糯，好正‼️每粒都有香蕉蓉，朱古力味剛好😍🌸如果太多朱古力味，香蕉味冇掟企🤣🤣識食梗係拎住成包咬嚟食😎📍媽咪雞蛋仔 (旺角)地址：旺角廣華街1號潮流地域G23號地舖#肥dodo食記 #TR90達人 #怎吃也不胖#養成易瘦體質 #foodie #foodporn

今日喺旺角上堂，落堂就去咗附近嘅媽咪雞蛋仔度買小食，因為見到都有啲人排隊，我哋就叫咗抹茶味嘅雞蛋仔。一到手嘅時候係熱辣辣嘅，應該係即叫即整，雖然要啲時間等待，但係值得嘅！熱辣辣嘅雞蛋仔係無敵嘅～抹茶香味足夠，而我都鍾意呢一款雞蛋仔嘅軟綿綿嘅口感，唔錯！

行行下街突然戚起條筋想食雞蛋仔，搵下旺角最出名都好似得媽咪雞蛋仔，同埋款式多d, 咁就去試試佢啦，今次揀隻未食過既味。。。鳳凰卷雞蛋仔鳳凰卷雞蛋仔，其實即係紫菜肉鬆雞蛋仔再加d 芝麻😂佢既紫菜係一大片唔係一絲絲，所以每啖都食到紫菜既香，不過有d唔開心既係d肉鬆真係少得可憐，唔係粒粒都有，有果粒又唔係多，得1-2絲咁，好失望，仲要成$34 其實真係唔平，d餡仲要咁少，真心有d嬲，不過佢既雞蛋仔本身個底都足料紮實既，唔係空氣雞蛋仔，所以下次要我再食既話可能食原味就算，唔會揀d有餡既食

*Chocolate chips Egg puffs with chocolate ice-cream*Egg puff is one the most iconic street food in Hong Kong that wins the hearts of many people. The Mammy Pancake provides a variety of unique flavours ranging from chocolate to organic chestnut😋.The chocolate chips egg puffs with chocolate ice-cream is definitely one of my favourite combos, which gives a mixture of crunchy on the outside and soft chocolate loaded on the inside. Serving the hot egg puffs with ice-cream create a hot-cold sensation

之前一路都對雞蛋仔都比較一般，但試過媽咪雞蛋仔之後就愛上了雞蛋仔😆今日去咗旺角行街，經過媽咪雞蛋仔就忍唔住入去買咗一底嚟食🤤見到有伯爵茶味，之前又未試過，所以就揀咗呢隻味試下😍果然無令我失望！一入口就好香伯爵茶味，我同朋友都非常滿意👍🏼食完一粒又一粒😛而且每一粒中間都係真材實料，唔會空心🥰同朋友share完一底即刻飽哂😂😂

▫️紫薯番薯雞蛋仔▫️Purple Potato and Sweet Potato Egg Puff▫️.即叫即整嘅雞蛋仔，粒粒雞蛋仔都好足料,紫薯同番薯蓉好香👍🏻最緊要夠脆身！行過買黎食返個都幾好.

周圍都見到既雞蛋仔鋪——媽咪雞蛋仔每次經過見到如果未食野都會買一底返黎食 已經試過朱古力 咖啡 抹茶紅豆...但最中意都係最簡單既原味😂😂❤️整體黎講媽咪雞蛋仔每間整出黎既都好高質 即叫即整 但成日都見到有好多人等緊 好多次嗌完之後都要等15分鐘以上 雖然係要等 但都證明係值得食既一間雞蛋仔鋪 期待之後出更多其他味既雞蛋仔