媽咪雞蛋仔 (已搬遷) 新店位置

粒粒朱古力味雞蛋仔😎$22😄行經旺角，見到成日排隊既媽咪雞蛋仔，咁啱無乜人，就去試試先😂好耐之前已經聽聞好出名，但一路都未食過😬結果叫左個朱古力味試試，外層好脆，口感係唔錯，係可惜我覺得無乜朱古力味。整體感覺不過不失💪

路經媽咪雞蛋仔 突然好口痕好想食佢出咗勁多味 萬聖節有呢個紫薯味 但太耐冇食雞蛋仔 今次都係試返啲熟悉嘅味 熱辣辣新鮮 真係辣手 好誇張粒粒都有大大粒半溶嘅朱古力 而個蛋漿唔會得粉 有蛋香 雖然價錢上係貴咗啲 但間中唔一兩次過下口癮 又咁高水準 值得推介比朋友！

是日lunch time得閒行到呢間雞蛋仔，同行同事話想要試試，見到有張貼入選米芝蓮推介，都想試下。就買左個原味雞蛋仔。本身唔太食得甜嘢，奶茶都係走甜。初時食落就覺得有點甜，蛋味唔算濃。同埋距唔算松脆，但就夠煙韌。總體都ok嘎，不過呢個價位可以好多選擇，唔一定揀距。不過就唔知其他味道如何了。可能賣點係創新。

小編今次同大家介紹日常街頭小吃—雞蛋仔！🔸紫薯番薯雞蛋仔🍠第一次試 新鮮整 熱辣辣！粒粒雞蛋仔都充滿住紫薯同番薯蓉好rich好creamy😆 紫薯味好香濃，唔會太甜，啱啱好！仲有好多口味可以選擇㗎！💜大家經過可以試下！

🥞粒粒朱古力雞蛋仔($22)(🤤:7.5/10)🔽呢個雞蛋仔就咁睇就已經見到有好多朱古力粒，可見都落左好多料 好足夠 ，雞蛋仔外層都幾脆 內部就軟軟地 帶有陣蛋既香味，一整起既雞蛋仔熱辣辣 令到啲朱古力粒溶溶地 夾埋雞蛋仔一齊食 就無咁膩。🔽呢個雞蛋仔唔算太難整 所以質素味道都幾有保證 係比較靠得住既一個口味。📍媽咪雞蛋仔📍旺角廣華街1號潮流地域G23號地鋪

食炸雞之前呢，就去咗灣仔嗰邊搞啲野，搞掂左之後個肚係咁打鼓，勁想食啲小食咁。朋友返工平時成日見到一間雞蛋仔好多人去試，咁就推介左我地去醫下肚要試吓雞蛋仔最authentic 既雞蛋香，就一定要揀原味，我朋友想試多隻粒粒朱古力，各買左一底試下。店員同我地講都要等12分鐘先有得食，唔緊要！呢啲叫即叫即整，咁樣先係最新鮮呀ma! 等左咁耐終於都有得食啦，粒粒唔會得空氣，外脆內軟，個餡好足料。我地極推介粒粒朱古力，朱古力味濃而不膩，食多幾粒都唔覺得好邪惡。

媽咪雞蛋仔係我食過算足料好味雞蛋仔。不過每次至少都要等15至20分鐘左右。今晚食飯後覺得仲差甘少少就不其然行左過黎買底雞蛋仔。雞蛋仔款式都算幾多，原來仲有格仔餅同飲品賣。近期 呢度都有出 萬聖節限定同冬季限定。而我就叫左底 紫薯番薯雞蛋仔。$30等左拾大概15分鐘， 雞蛋仔終於到手。 一拎上手嘅感覺係非常聚手， 望落已經見到一粒粒黃色紫色嘅紫薯番薯粒粒。食落去雞蛋仔嘅外皮略然有點過淋，不過內裏做到 紮實軟熟嘅蛋糕體。 咬落啖啖食到粒粒蕃薯口感。

🥚鳳凰卷雞蛋仔🇨🇳～～～～～～～～～～～～～～～～～～鳳凰卷雞蛋仔（$33）入面有韓國紫菜、香港肉鬆和媽咪炒白芝麻。原塊紫菜，食落真係幾似食緊鳳凰卷。雞蛋仔亦夠脆，蛋香味重，食完一個飽到食左一餐咁。～～～～～～～～～～～～～～～～～～

#LuBie旺角🧀芝士雞蛋仔（$30）（🤤：5/10）🔽呢個芝士雞蛋仔貴為佢地鋪頭既人氣及推介食品之一，真係理解唔到佢既好食之處。雞蛋仔好大份，外層都幾脆，裹面軟熟，但就食唔到芝士既味道，大力咁聞下就有少少芝士既咸香，但都唔太覺有芝士味，咁既價位 係幾令人失望。🔽📍媽咪雞蛋仔📍旺角廣華街1號潮流地域G23號地鋪#hkig#hkfood#foodpics#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#美食#香港美食#大埔美食#食好西#媽咪雞蛋仔#芝士雞蛋仔

媽咪雞蛋仔近年勁出名，好似去親邊度都總會見到一間咁。今次第1次食，雖然有啲貴，但咁多人買就諗住試下。等左大概10分鐘就有，都唔算太耐，因為新鮮整出黎嘅，都值得。雞蛋仔感覺比平時食果啲細粒。 拎上手比較身。口感真係好脆喎，幾正。脆嘅部分大約去到雞蛋仔嘅一半，再入面果部分就軟綿綿嘅。 蛋香好濃，我中意！味道方面我認為甜左少少，但總括黎講係好食，難怪咁出名呀。

✏️原味雞蛋仔 ($18)心血來潮好想食雞蛋仔🤔🤔係開旺角就一定要媽咪雞蛋仔😆圖中乃完美雞蛋仔嘅示範🤤蛋漿係做到黃金比例🤪 整底雞蛋仔烘到熱辣辣辣好脆身 咬開入面一半係勁脆嘅空心 另一半係充滿綿密蛋漿嘅口感 勁快啪晒全底 會唔會太好食❤️下次想食其他味道😚

行經旺角好想食雞蛋仔，特登搵左呢間出名野試下舖仔細細，唔係向最多食肆果條街，要再行遠少少先搵到，閒日tea time 人流不多，唔洗點等款式都幾多，有d味都幾特別，本人一向鍾情朱古力，揀左個香蕉朱古力味，貪佢夠飽肚!雞蛋仔即叫即製，等大約10分鐘就有得食拎上手熱辣辣，香噴噴，咬落口好充實!因為每粒雞蛋仔都充滿啖啖香蕉蓉同半溶既朱古力呢2個組合本身味道就好夾，一定唔會有伏食晒成包真係好飽!下次會再試其他口味~

今日經過媽咪雞蛋仔，雖然我覺得店鋪唔太起眼，但系都有幾批人。系深水埗食過好好味。今次系旺角再次一試。雞蛋仔有好多口味揀，即叫即整，熱辣辣，香噴噴，外脆內軟。唔同出面普通雞蛋仔，擺系到等有人買就買，冇人買就等到有人買🤣每次都系叫粒粒朱古力雞蛋仔，今次都唔例外。每粒雞蛋仔都有朱古力粒粒🍫唔會太甜或者太漏。呢次系特快。。5分鐘都無就整左出黎😱唔知系味太快得濟，覺得再整耐少少會更加脆口。 但系味道仍然甘好味

唉經過開旺角拎野，忽然好想食雞蛋仔就去媽咪雞蛋仔。平時都係幫襯開尖沙咀同觀塘個間，旺角店真係好耐唔幫襯一次，嘩_唔洗旨意我再幫襯！叫左一底芝士雞蛋仔，第一啖完全缺乏芝士味，更加無個種芝士溶溶地的感覺，外表無芝士個種少少油，唔講真係以為我叫左原味雞蛋仔！食多N咁多啖先至feel到終於有少少芝士味，但我極道懷疑係我太想食芝士所以先腦補啲芝士出黎囉真心唔會再幫襯囉做臭媽咪雞蛋仔個朵！我寧願去遠啲食返其他分店都好過

經過旺角（（（掃街）））的時候都會想吃雞蛋仔，但是因為坊間的雞蛋仔都參差不齊，所以我也甚少在街上買雞蛋仔吃。這次經朋友介紹有一間是即叫即做的雞蛋仔店，他說這間雞蛋仔每天都好多人排隊的，因為是即叫即做所以比較要等久一點。當我去到媽咪雞蛋仔的附近時真的發現好多在排隊等吃，我立刻上去看餐牌點餐，雖然有好多味道，但是我最喜歡還是原味。等了大約五分鐘就有新鮮的雞蛋仔熱騰騰的拿出來，咬下去表皮是脆脆的內裡是不會空得只有外皮，也不會滿得實而硬，難怪那麼多人排隊吃雞蛋仔。