嫲孫樂 (環翠商場) (已結業)

今日去到柴灣嘅麻酸樂試下佢哋嘅下午茶，叫左個肉燥路香酥雞排飯（$38）+$2重有宜蘭蔥肉餅連一杯凍的茉香綠茶total 40蚊個雞扒炸得好脆唔油膩又唔乾，肉碎都好多，可以撈曬成飯剛剛好，同埋都好濃味，有d台灣的味道，過下口癮真係唔錯。另外嗰個宜蘭蔥肉餅，個外層脆脆地個涵食落去好多汁。$40有個飯、有個小食、重有杯凍飲，cp值都算真係高，如果大家去到近附近都可以過黎試下佢地的下午茶，個人認為真心唔錯。

外賣便當雖然抵食,但D白飯是未熟呀, 吃落是有骨白米, 我老公成個便當冇食,又費事去換外賣几個便當等天光,出曬D買一個便當嘅先。打開便當是凍,凍飲冰已全溶,加錢杯综合水果茶亦是暖的,都唔知想点。

尋日買外賣時企響收銀位置遲遲未有職員協助，到個職員終於埋位同佢講左買乜外賣時，佢仲不斷響你面前聽外賣電話同整其他單同其他同事講野，完全當外賣客透明同扮冇聽過你落乜order，極之大牌，一d 唔好意思都冇，之後仲大聲夾惡，西口西面，大聲過客人話：唔好咁嬲，你等唔到就唔好等，你唔見我好忙架等之類說話，作為服務性行業，呢位職員服務態度奇差，而其他職員眼見同事鬧客亦不加阻止及勸喻，呢啲服務態度真係令人大開眼界

啲撈麵好乾，啲醬又少，一撻嘢咁樣，都唔知係食麵定食咩。啲湯麵全部都係味精湯。咁嘅質素對唔住個價錢。強烈建議大家唔好去食，真係唔好食。嘥晒啲冤枉錢，用啲咁嘅錢去食更加好嘅嘢唔好咩？

每年都會到柴灣， 就是清明節拜山的一天😊， 今年第一次走進環翠商場二樓的嫲孫樂吃午餐， 下午茶價錢很抵吃。糖心蛋手撕雞肉燥乾拌麵 ＋ 古早台灣腸 $35、 肉燥滷香雞翼飯$38＋ 宜蘭蔥肉餅$2、 龍崗麻香雞配白飯$59、 珍珠奶茶$8、 凍茉香綠茶、 熱咖啡。✨✨✨⭕糖心蛋手撕雞肉燥乾拌麵 ～ 雖然下午茶但份量都唔少， 乾拌麵煙韌有口感， 手撕雞肉燥好足料， 還有一隻糖心蛋， 很豐富。⭕肉燥滷香雞翼飯～ 肉燥惹味， 雞翼有兩隻， 份量亦不少。⭕古早台灣腸～ 台灣腸有幾片配上生蒜一起吃， 幾滋味。⭕宜蘭蔥肉餅～ 蔥肉餅有兩件， 味道都幾好。⭕龍崗麻香雞配白飯～ 麻香雞香滑， 雞肉嫩口。⭕季春珍珠奶茶～ 賣相好似一杯奶水， 但入口有好香的茶味。⭕凍茉香綠茶～ 味道清新， 又很解渴。⭕熱咖啡～ 即磨咖啡味道香濃。整體來說價錢相宜又好吃， 店內有位男服務員，應該是經理很有禮貌。😃👍🏻

茶餐廳的環境裝修，提供外賣餐具，坐位算寬敞#三杯雞飯 #古早味三杯雞 $59濃郁幾香不會辣，惹味配飯一流#肉燥糖心蛋 #蔥油拌麵 $44少量肉燥，一粒糖心蛋，麵質彈牙。沒有什麼蔥油味或醬料，提供醋但是落落去味道不太夾😂整體偏清淡。#花生雞腳 $22麻麻哋#茉莉花綠茶清清地茶包，不會甜，熱飲舒服#桂圓羅漢果黑糖紅棗桂圓味道，完全沒有羅漢果味，偏甜服務質素：6/10環境舒適度：6/10ᶘ ᵒᴥᵒᶅ個人口味評分：6/10

今次比我地搵到6折既外賣自取台菜😱叫左成枱野食同2杯手搖飲品，只需120蚊喳！ 藥膳豬肋排湯 $36.6 (原價$61)藥膳味唔會好濃，湯頭有淡淡既藥膳味，好滋補既感覺😂有幾舊豬肋排，啖啖肉，肉質有少少乾，不過整體同之前喺台灣夜市食既都有幾分相似🍲 肉燥溏心蛋蔥油拌麵 $28.8(原價$48)肉燥份量可以再多啲，溏心蛋幾入味，可以將蛋黃撈埋啲麵一齊食，會別有一番風味😉 涼拌皮蛋肉鬆豆腐 $16.8(原價$28)麻辣醬同皮蛋一向係好拍擋，加埋肉鬆口感更加豐富👍配埋嫰滑既豆腐，成件事好match🤗 溏心蛋 (2隻) $7.8(原價$13)超抵，唔洗8蚊就有2隻溏心蛋，必叫😍 嫲孫滿堂米線 $36(原價$60)湯底飲落有d似譚仔清湯既味道，配料有魚腐、墨魚丸、牛丸同雞肉，正常普通米線，下次會選擇試其他米線🍜 浸滷花生雞腳 $14.4(原價$24)滷水味頗香，但雞腳我中意食好軟好淋既質感，呢個雞腳口感太彈牙，食果陣需要啲牙力🤫不推 另外飲品🥤叫左海鹽奶蓋四季春  (主菜加配$4.8)同綜合水果茶  (主菜加配$4.8)，飲品質素同出面手搖飲品鋪差不多，水果茶如果可以係無咁甜就good啦😎加幾蚊

柴灣難得有台式料理店，小妹我當然會去幫襯，昨天我才去過幫襯買外賣便當，有齊鹽酥雞和糖心蛋肉燥飯，還有陳醋雲耳青瓜小吃，配熱綠茶才四十幾蚊，算是抵食。記得上次堂食，我點了我最愛的鹽酥雞和肉燥飯，前菜是花生，酸辣菜甫，再配了杯熱黑糖薑茶， 是十分美味的台式料理。肉燥飯，又名滷肉飯，是台灣流行的豬肉飯，滷肉飯的特色和製作的關鍵部分在於肉醬和肉汁，在台南、台中、台北的製作方法和特點均有差異。在台北，滷肉飯為一種淋上含有煮熟碎豬肉或炒香肉燥（豬絞肉）及醬油滷汁的白飯菜餚，而「滷肉飯」在台南地區是指有著滷汁塊狀肉的切丁滷肉飯，有些店家搭配筍乾醃蘿蔔乾，台南的肉燥飯通常是以肥瘦一定比例的豬絞肉滷製，而台北的滷肉飯則通常用含有豬皮的肥肉切丁滷製，兩者的口感和口味略有不同。香港的肉燥飯，大多是使用滷肉碎，這亦是我比較喜歡的肉燥飯，因為無甘肥膩，而這間餐廳的肉燥飯醬汁唔錯，而且肉燥鋪滿了飯面，十分足料。小吃的花生和菜甫，酸酸辣辣，很香口開胃，鹽酥雞很酥脆惹味 ，至於黑糖薑茶，甜得來夠薑，冬天飲的話會更覺暖胃 ，但記得當時不是冬天，只是想飲。整體而言，能夠在柴灣找到一間台式料理已十分難得，更難得的是味道不錯

第一次試食呢間餐廳叫咗4樣小食加1杯飲品椒鹽花枝丸（4粒）$24花枝九幾彈牙，還不錯的脆芋香酥卷 $24佢另外用盒仔跟咗個泰式辣醬，我就冇用到就咁試食原汁原味，腐皮做皮包住咗芋頭、紅蘿蔔粒，再加一細細條類似蒟蒻、煙煙韌韌嘅野。呢個還不錯的古早台灣腸 $35份量係令我驚訝的，打開盒，得8塊薄薄的腸片味道就是一般台灣腸似的。就是價格特別高麻辣豬耳繩 $28呢個唔凍又唔熱，可能送過嚟嘅時候影響咗品質個醬好重花生醬味，麻辣味不算太重海鹽奶蓋炭燒烏龍茶 $19我叫咗走甜少冰飲落茶味濃郁，奶蓋不會好甜，幾好飲的

第一次試呢間餐廳，因為晨早經過間商場見到呢間未食過，所以試下，叫咗個番茄雞扒米線湯，有跟個厚多士及炒蛋，個米線湯農味足夠，雞扒肉質啱好及入味，唔會太硬，加埋炒蛋配多士係幾好食，價錢合理唔算貴，加埋凍飲都係 $35. 好過食老麥 d 早餐通粉餐。

今日落雨，原本想戶外活動都取消了。有咩做？惟有又同肥妹食食食🤣商場行咗陣，肥妹鍾意食台灣嘢，就入去試吓啦。明白限聚令分隔措施嘅實行，但侍應帶我倆到一張枱，係用一大堆紙箱貨物放喺我哋側邊嘅枱面，用嚟分隔住再隔離嗰張枱，因為覺得啲紙箱唔太乾淨，所以感覺唔良好！之後，簡單叫咗2個下午茶餐，鹽酥雞（跟米粉個餐不用加錢）到咗，份量不多，但味道不錯👍炭燒烏龍珍珠奶茶，跟餐加$8忘記叫少冰，奶茶好快已淡了，但味道都可以😄茉香綠茶，跟餐不用加錢。都真係幾香茉莉花味，甜度亦適中👏麻辣雙丸米粉$37肥妹最鍾意食辣😅所以實會叫辣嘢🤣唔... ... 個湯底係辣，但又唔係好麻嘅味道，米粉係新竹米粉類別，佢鍾意❤️。牛丸、豬肉丸都係唔夠爽口，而且豬肉丸比較淡口，一般般啦🤨雞翼撈公仔麵$29我最愛平價之選🤣都真係幾細碗，不過$29想點吖🤣味道都幾好的，公仔麵不會過鹹、油膩😋食物一般般啦，但是侍應們嘅態度都麻麻。首先啲侍態度都是冷口冷面，再者我哋每食完一樣食物，侍應永遠係「攝」咗隻手入嚟加成個身軀「挨」咗入枱先問我哋仲要唔要，攪到肥妹係咁側身避仲要皺晒眉頭😟

同我的他打完波，嚟到環翠商場諗住食下午茶，又熱又肚餓，突然好想飲台式飲品，記起呢度有1間😍見餐牌有珍珠奶茶配小食都只係$25，感覺幾抵，立刻買1份試吓，然後再去食下午茶🤣炭燒烏龍珍珠奶茶、墨魚丸，$25烏龍珍珠奶茶少甜後，有清淡而幽香嘅烏龍味，而且珍珠煙韌而且有甜味，好美味😋（因為我唔鍾意有啲珍珠只係煙韌但淡而無味）墨魚丸剛炸返熱，熱辣辣又夠彈牙，墨魚味都重，正🤤不過只有3粒，他又和我爭食🤣覺得呢間餐廳食物、飲品都好味，睇完食評先知原來有堂食（點解我哋見唔到個門口🤣😰？），下次會想試吓堂食其他食物🤤🤤🤤

在柴灣工作結束，來到附近商場這餐廳選餐，價錢實在得宜可能因為價錢及肚餓關係，我直接叫了兩個餐，包括：（雙魚米線）及（手抓餅三拼）（雙魚米線）套餐－雙魚指（魚角）及（魚蛋），湯底選了金銀皮蛋莞茜；套餐送前菜一份，我選了（涼拌青瓜木耳），另外飲品選了（桂圓薑母茶）前菜（涼拌青瓜木耳）的青瓜很爽脆，木耳亦很滑身，但是調味不均勻，幾乎一半是無味木耳（雙魚米線）不過不失，湯底味道不算突出，少許失望（手抓餅三拼）指的是用餅包住火腿、煎蛋、豬肉鬆，夾起來一同吃其實對我來講是個頗新鮮的吃法，面頭略帶脆口，味道整體不錯。不過比起肉鬆，我覺得可以轉用半熔芝士，味道應該會更為豐富單就講這塊餅的話，印度的Naan好像比較好吃，因這塊餅如果單吃時，我感受不到麵粉的味道（桂圓薑母茶）未有覺得特別地方，算是不過不失

花蓮辣雞翼$28都係本著一試心態，不過不失，比較香脆手打肉丸湯$18以為係大碗d，點知係一小碗、尼個價錢我覺得貴左，加上味道一般，肉丸也是一般般肉臊溏心蛋蔥油拌麵$44這個味道剛好啊，面都比較軟淋淋～就係份量有d少呀～南投滷味麻辣米線$54不失不過，普通米線餐，不會太辣，滷味還是可以～主餐來講係比較平常價，但個配菜小食比較偏貴～

中午1200入坐，8個人都仲有位。見到餐牌都好多選擇。有台式的肉燥飯，鹽酥雞飯～都係必食的。至於其他就不過不失的正常菜式。溏心蛋肉燥飯其實不錯。肉燥的汁入口唔油膩，無肥肉，而且加左粒粒冬菇，口感軟軟。肉燥份量仲差一匙羹先夠撈飯，係美中不足的。配菜有毛豆炸菜花生栗米，係有心的小配菜，加分。講返隻溏心蛋有D細，似係白色細細隻的外國蛋。可惜佢無滷過，只係普通的蛋，唔夠正宗。而朋友食的鹽酥雞肉燥飯，肉燥份量好少，得2匙羹，唔夠撈飯，係好唔夠。炸的雞都還可以，不過不失，都有5-7塊，夠食。飲品唔錯，難得可以好似珍珠奶茶店甘，有奶蓋，珍珠，花茶等不同的選擇～而且跟餐都係加$6-$12蚊～都係可以一試的。😋