子鴨留香

營業中

休息中

喜歡呢度嘅下午茶餐，可揀一款飯或麵➕小吃，即叫即煮，捧出上枱時熱騰騰♨️超讚👍🐟上海燻魚湯麵 $65燻魚香脆用小碟另上，湯底清甜，麵軟滑不會太淋🐷排骨兩麵黃 $88下午茶分量算十足.好大碟，排骨好大塊，有部分炒麵淋上醬汁仍有點脆口感🐓嫩雞煨麵 $65奶白色嘅雞湯底鮮甜美味，有很多雞肉、雜菌和小棠菜，麵亦不會太淋😋🤎上海小籠包 （跟餐2隻)皮夠薄、熱辣辣多汁正🥟鮮肉鍋貼 (跟餐2隻)好大隻，皮煎得香脆，咬開仲有肉汁

子鴨留香餐廳位置係荃灣黎講都好方便，overall 黎講雖然食物驚喜度唔算高，但同長輩食都唔錯，大方得體。留香片皮烤鴨(半隻) $288片皮鴨加上原隻鴨脾片，連鴨髀都有起肉，賣相幾好。而醬料(甜醬、牛油果醬)同配料(青瓜、京蔥)餐廳好貼心咁分開兩邊，而餅皮就有一籠。牛油果醬好特別，夾埋一齊食落都幾夾。子鴨留香嘅鴨肉好食，會一口接一口的，肉質偏柴，但有鴨的皮烤得好香脆，都唔錯。鴨子豆腐湯二食的選項，豆腐湯的口感鮮美，鴨肉的滋味和豆腐的柔軟口感完美結合。入面有娃娃菜，好岩冬天飲。松子桂花魚桂花魚啖啖肉，酸甜度不錯，好多配料而且色彩繽紛。。但冇咩太大驚喜。普通。

今日找朋友午餐，我哋去咗荃灣Citywalk1 找好吃的。行到鴨子留香，噢原來是「子鴨留香」午餐時便要等位。午市套餐有「松子黑醋骨」黑醋骨有醇香黑醋味，甜甜酸酸，雖然係黑色但係面層充滿光澤，入口鬆化有咬口配上松子增加口感。餐湯選了「上海酸辣湯」味道不錯，只有少少辣，而且材料豐盛，滑滑的豆腐爽脆的木耳絲，好有口感。我選了菜飯，普通的一個飯碗的份量，菜飯中還有少少鹹肉，反而蔬菜量不多。「淮楊熏魚菜飯」套餐魚塊炸得酥脆好入味，有點點五香粉的味道，甜甜的我愛吃。小食鍋貼、小籠包二選一，選了小籠包，熱辣辣湯汁豐富。瑤柱粟米羹也不錯，不吃辣的朋友可以有個選擇。總括而言，價錢合理、食物質素不錯，可以再來光顧。

本人在12月10號大約七點左右在你荃灣分店子鴨留香，一行九人共進晚餐，首先，唔評論食物，員工服務態度起初給我印象都有90分，直至埋單後我就覺得這個員工應該要上一堂培訓班。在晚餐過程中，本人曾經check過單，發現一共收了18位茶錢，後來，你們員工跟我說，攪錯了，我問他點解，他說有兩個人入單，變相佢又入我又入，所以一共18位茶錢，不緊要，忙中有錯都算正常，直至當我埋單再check單的時候，本人又發現有多了三份前菜小食，以下是我跟他的對話。本人：點解會咁㗎？錯完一次又一次員工：沒有出聲本人：如果唔再check單，又要收多三碟餐前小食，張單錯了一次又一次，你唔會再去check單嗎？員工：我去取消本人：OK員工：你check check張單（聲調高幾度)一句唔好意思都無本人真的不明白為何會有五碟餐前小食？希望貴公司多加留意及員工態度，不久，將來有所改善。

半隻鴨$298片左17塊皮肉，但只提供9塊粉面皮，男店員話如果食完鴨肉想再加粉面皮要額外再俾$38買一碟6塊嘅粉面皮，講完店員就面無表情走左，再問另一個女職員好似高職級少少嘅，又係同一番說話又話規定係咁，又貴又態度差係咪唔憂做🙄。如果規定係片17塊鴨皮然後只會比9塊麵皮個客，麻煩講聲比人知，起碼一開始夾多2塊鴨肉一齊食⋯btw係舖頭縮骨定會唔會係刀功需要再進修下？另外二食七彩炒鴨絲加$88，炒出黎半碟菜半碟油，極之唔開胃，總之極差評不推薦👎👎👎

今日lunch同媽媽去試呢間菜館，我地order左2個午市套餐，鴨菘蝦仁菜粒炒飯份量好多(其實可以2個人share1個餐，媽媽仲要打包拎走🤣)，配鮮肉鍋貼2隻(煎得好脆口味道都5錯😋)，仲有瑤柱粟米羹(個芡汁比較杰，所以麻麻地😅)，成個餐都係$80☺️，另外再order左1個嫩雞煨麵(配菜菇類仲多個雞肉😅，份量都適中)，配上海小籠包2隻$85(小籠包好多肉汁味道5錯😋)，座位都坐得好舒適

適逢做節，媽媽想食北京填鴨，於是訂了此店。本來已經訂位，到達後仍然要等差不多半小時，對於行動不便的父母，實在不方便。每人食了幾篇烤鴨，味道一般，不過配菜不錯，多種選擇，竟然有牛油果醬，從未試過的新鮮感。另外叫了津白，春卷，蔥油餅，鍋貼，上海炒年糕，都係一般上海菜，味道也是一般，價錢卻偏貴，座位也迫迫夾夾，感覺麻麻哋。外面的裝修不錯，高雅舒服，入來，反而感覺有點現金。服務員工OK不過可能因為假期，非常趕急。整體來說，食物價錢偏貴，食物質素不過不失，對於烤鴨有點兒失望 ！

我屋企人生日，當然要慶祝一下，搵啲新嘢試吓，呢一間餐廳，開業唔算太耐，但時常都會full Booking。我哋叫咗八樣嘢食。一定要叫餐廳嘅招牌菜，留香烤鴨🦆，個個都話在這間餐廳必叫必食，上枱嘅時候，仲有一個爐蒸住，這個當然要試吓啦！留香烤鴨🦆（一鴨兩食，片皮和炒七彩火鴨絲）、松子糖醋桂花魚、砂鍋雲吞雞、上湯雜菌時蔬、上海小籠包、招牌生煎包、蘿蔔絲酥餅、香蕉高力豆沙和豆沙鍋餅。如果要評一評烤鴨，佢比起平時食嘅北京片皮鴨，鴨皮烤得較為乾身，冇咁油膩嘅感覺，至於鴨肉方面，不是好嫩，亦不會乾。但我覺得都值得一試。

今日晚餐叫咗一個四人套餐，價錢1688 ，但埋單連加一服務費合共需要付二千多元，原來茶介收費非常昂貴，食物質素、份量及味道都非常一般，所以這個價錢並不合理，不值得一試。

朋友仔遠赴愛爾蘭學習，為她高興又羨慕，有藉口相約聚一聚，朋友揀了鴨子留香，大家都是首次到訪，環境舒適，適合一班人聚會。必點店內名物*片皮烤鴨*肉質鮮嫩，加上甜醬和配料，以軟熟的薄餅包裹著吃，滋味無窮。人多必點*松子桂花魚*桂花魚很大條很震撼，魚肉內軟外脆，啖啖肉，配料色彩繽紛，酸甜度不錯。邪惡的*金沙虎蝦*大大隻的虎蝦被滿滿的咸蛋黃包裹著，蝦肉新鮮彈牙，咸蛋黃金香回味。*麻辣福花*第一次食菜是用麻辣煮，福花未被麻辣搶去其鮮甜，惹味食不停。

話說子鴨留香呢間餐廳開咗話長唔長話短唔短應該係23年頭農曆新年嗰陣開好闊落嘅餐廳，6個人俾張可以坐到10個人嘅圓枱我哋( ^ω^ )用QR code等嘢食落單之際食下啲前菜先唔知係咪本豬少食呢類餐廳個花生🥜係伴白飯魚🐟好食又特別～✧ 留香烤鴨 （全隻，$468）餐廳好貼心咁分開兩邊上，而餅皮就有一籠🫓（讚一讚個籠保溫超好🤣食到最後一塊都仲好熱，冇變凍影響口感）上嘅時候侍應淋一淋水落個盒然後放上碟烤鴨，側邊就噴咗陣煙💨初頭本豬以為係啲fancy嘢俾人打卡討論完一排之後偏向覺得係加熱包可以幫手keep warm🔥片皮鴨加上原隻鴨脾🦆🍗，賣相超正但肉質方面偏老…本豬覺得似食緊kfc嗰重鞋口嘅肉✧ 鴨崧生菜包 （4件，+$88）好足料好重鴨味🦆🥬✧ 擔擔麵見人見智—完全唔辣而且好香花生味🍜本豬覺得好啱食但正正因為我覺得啱食就應該唔太正宗🫢因為平時好鐘意食擔擔麵嘅朋友仔係要食到辣先收貨（Sorry食得太興奮唔記得影haha）✧ 炸銀絲卷 （$50）有蒸同炸揀🥖，本豬就覺得唔好慳quota啦食得梗係食炸同落重煉奶😏唔知係咪因為新鮮呢炸到外趣內鬆軟唔重油味真係好好食👍🏻✧ 上海蔥油薄餅（4件，$86

滿心期待 ，但結果卻係食過最差嘅片皮鴨。片皮鴨 半隻 $298 鴨肉好瘦好乾柴薄餅皮成塊都有白色麵粉殘留，實在不能理解。餅皮厚而粗糙。餅皮與餅皮之間冇防黏分隔紙。有一隻金屬小鉗俾人用嚟夾起塊餅皮，但偏偏呢隻夾呈鋸齒狀，好易夾爛啲皮😂所以鴨肉+薄餅皮整體來講，口感都係又乾又柴，完全不享受呢道菜。與其搞創新整牛油果醬整山楂條，不如先做好基本功（鴨及薄餅皮）。原裝只有6塊薄餅皮，唔夠2個人分。其後加餅皮須+$36/6塊香蕉高力豆沙 $58/3粒外皮頗結實，欠空氣感紅豆沙加上香蕉 略甜。唯一優點係伙記人手夠，做野快手。

從不寫食評嘅人都要留低評論晚上訂左枱6:30鐘入坐，門口話入座起計90分鐘，門口帶位按排左我地坐卡位，主要同另一半慶祝食生日飯其間叫左半隻鴨，小龍包，生煎包，陽春麵等多款食物。不過當食左一半左右 大約45分鐘，個樓面男經理就開始吹埋單，仲問啲食物到齊未，我話加左單後睇見男經理個樣就即時黑面。由於門口多人等位，未夠50分鐘已經不斷狂收你枱面上空既食物，杯碟等最後連甜品用餐時間75分鐘，不斷趕客食到滾水淥腳。由於慶祝生日關係廢事掃興，如果唔係一定大鬧投訴個經理不斷趕客整體體驗十分之差，唔會再返轉頭幫襯👎🏻👎🏻👎🏻👎🏻👎🏻👎🏻👎🏻

銅鑼灣地膽難得遠征到荃灣，當然要搵港島食唔到嘅嘢😎今次嚟到呢間烤鴨專門店，滿心歡喜諗住嘆個靚tea, 結果…（睇完食評再講😂）———❝ 上海小籠包（2件）小籠包比較一般大隻少少，不過略嫌皮厚咗啲。咬落湯汁鮮甜，餡料份量亦夠多，整體還可以吧👀評分：6.5/10———❝ 雞絲粉皮（跟餐免費附送）少見成個山丘咁高嘅雞絲粉皮！粉皮比平時食嘅更彈牙，雞絲同青瓜份量都好足，麻醬亦是超多的😂評分：7/10———❝ 排骨兩麵黄 | $88排骨軟腍入味，麵條軟中帶脆，口感不錯但偏油膩，調味亦嫌味精太重👎🏻評分：6.5/10———❝ 火鴨菘蟹籽菜粒炒飯 | $68炒飯大大碟，米飯炒至粒粒分明，而且鑊氣十足。唯一敗筆係鴨肉唔夠香同入味，聽聞餐廳主打賣鴨？🤔評分：6.5/10———✤ 整體評價 ✤餐廳佈置古色古香，典雅舒適。每道菜都係大大碟，味道唔算出色但可以接受。不過上面寫嘅價錢已經係下午茶特價，呢個價錢其實好貴💸不過服務態度真係奇差，店內不斷強調90分鐘用餐時間，催還枱催咗足足2次，呢啲都不在話下😅交完枱行出餐廳期間，經理仲要睥住我哋，嗰下真心嬲咗😂 後來上網睇返其他食客評價，都有趕客情況。一句講晒，無下

今日係荃灣行行吓街心血來潮想食片皮鴨，就入咗呢間專食烤鴨嘅中餐廳試吓😋🐥留香烤鴨（$288 半隻）烤鴨嘅外皮烤得金黃外，食落去亦都好酥脆。不過肉質就偏乾，唔係好嫩口😢不過佢附上嘅山楂條同牛油果醬就特別，配上鴨肉都好夾，亦都成功滿足到突然想成烤鴨嘅食癮😆🐟松子糖醋桂魚（$168 半條）魚身上面鋪滿松子，賣相幾好，不過糖醋偏酸，蓋過咗魚本身嘅魚鮮味🫠 雖然份量都足夠，但係炸粉比較厚同硬，好快就覺得膩🥲整體嚟講，餐廳價位偏高，如果鐘意食中式烤鴨嘅，不妨可以試一試🐣