子鴨留香

營業中

休息中

留香烤鴨 $288/半隻北京片皮鴨大人小朋友都鍾意因為永遠賣相都好大陣仗又可以跟自己嘅喜好加入配料和秘製醬汁片皮鴨外皮超級酥香脆口鴨肉香！切得厚度適中而且皮肉間無厚厚肥膏～正呀！而配料方面有傳統嘅京蔥、青瓜絲、烤鴨醬仲有別具創意嘅山楂條、牛油果醬🥑 一脆一淋有幾得意喎烤鴨用爐暖住可以保溫值得一讚麼麼皮上熱辣辣比平時食既更厚身唔怕滲到流走哂啲材料 😎一枱三四人的話叫半隻岩岩好.蘿蔔絲酥餅（三件）$68每件都好大隻熱辣辣脆卜卜外皮超級酥脆～內層分量十足！滿滿的粗條蘿蔔絲好爽甜出色既小吃！.四喜烤麩 $75份量都唔少喎烤麩超入味好似海綿咁～同時軟得黎又有彈性木耳爽口唔錯韮黃炒鱔糊 $188價錢上唔算平🤔都猶豫咗一陣但係上枱就知道冇嗌錯啦鱔糊份量好慷慨有啲懷疑份量仲多過韭黃鱔糊粗身而且彈牙～連埋索哂濃郁醬汁既韮黃超級入味！絕對係🍚殺手.香露醉雞 $95去左大骨食落都啖啖肉深透出陣陣酒香🫶🏻雞件有啲似海南雞超滑嘅感覺.金沙驢打滾（四件）$58地道傳統北京甜點小吃糯米皮超煙韌～一層一層捲住紅豆蓉好似日式卷蛋咁而外皮灑上黃豆粉甜甜軟糯好Q彈食完會好滿足的甜點！.呢間中菜館幾岩一定大細、朋友聚餐佔地五

位於荃新天地既新餐廳，環境寬敞雅緻，主打京川滬菜，款式多多✨ 從餐廳櫥窗可以望住師傅製作片皮鴨，特別吸引呢🥰❀ 陳醋海蜇頭 🥢海蜇頭口感爽滑，下面鋪滿青瓜，加入陳醋食落酸酸地好開胃❀ 香露醉雞 🐥雞肉整得好入味，而且質感嫩滑，帶有微微酒香及甜味～❀ 留香烤鴨 (半隻) 🦆必食片皮鴨😍 上枱時會將鴨肉座熱保持溫度，皮香肉嫩👍🏻 可按個人喜好用餅皮包住鴨肉、青瓜及京蔥等配料～最特別係有埋牛油果醬及山楂條，整體食落唔太油膩，又香又滋味🥰❀ 松子糖醋桂魚 (半條) 🐟糖醋松子魚炸得酥脆肉嫩💕 味道鮮香，每啖都蘸滿酸甜醬汁特別開胃，令人食唔停口☺️❀ 鮮肉鍋貼 🥟外皮煎得香脆，咬開入面有滿滿既豬肉餡，啖啖肉汁～❀ 香蕉高力豆沙 🍌甜品叫咗最鐘意食既高力豆沙😝 入口軟綿又帶空氣感，充滿蛋香味，配埋香蕉及豆沙食，甜而不膩

今日去咗子鴨留香食嘢，真係好正啊！其中最出色嘅就係佢哋嘅烤鴨啦。啲鴨皮烤得好脆，入口即化，啲鴨肉都好鮮嫩，唔會太肥膩。啲鴨肉同啲蔥同埋醬汁一齊食真係好正，令人好想再食多啲。除咗烤鴨，啲上海鳳尾魚都好出色。啲鳳尾魚炸得好鬆脆，魚肉好鮮味，味道好濃郁，真係一啖就愛上。啲雞絲粉皮都好好食，粉皮滑口爽，雞絲嘅鮮味又比較淡，同埋啲醬汁一齊食口感更佳。最後啲小籠包都好出色，啲皮薄餡多，啲湯汁都好鮮甜，真係好正！總括嚟講，子鴨留香嘅菜式真係好出色，每一款菜都有佢嘅特色同優點。如果你鍾意中菜，就要嚟試吓啦！子鴨留香 (荃灣)荃灣楊屋道1號荃新天地地下G48, G50, G52, G56, G58 & G77號舖

最近見到荃灣新天地開左間新餐廳，望過OPENRICE食評都一般，不過無所謂啦，每個人口味都唔同，就去試吓先，等位要半小時左右，所以最好預訂位。今次叫左4樣菜, 但4碟都係唔好食 1) (半隻) 劉香考鴨  $288隻鴨睇落已經乾身，食落都係一樣麻麻地2) 生煎牛肉餅 (3隻)  $78個皮唔知想點，厚粉咁，總之唔好食3)  鱔糊炒粗麵   $148 都個尚算可以，味道OK4)  乾鍋肥腸呢個垃圾又乾又硬總括唔會再來 

放工同朋友去左荃灣食上海菜順便可以一嚐我最愛既片皮鴨前菜叫左雞絲粉皮麻醬混合雞絲、青瓜、粉皮，開胃惹味另外叫左脆皮素鵝包住嘅係甜味既冬菇絲上海小籠包就有四粒皮入面都多湯汁可以連黑醋薑絲一齊食叫左碟熱炒嘅韮黃炒鱔糊鱔糊份量都多，調味幾重叫左半隻份量嘅留香烤鴨用傳統皮肉相連既片法上菜個陣有個熱包燙住啲片皮鴨同餅皮咁就保持到個溫度介配有青瓜絲、京蔥、牛油果醬同山楂條等等最後甜品叫左金沙驢打滾食落口感好軟糯中間既紅豆蓉唔太甜，同黃豆粉好夾

最近有一間以烤鴨為主打嘅中菜館進駐荃灣荃新天地，環境雅緻有氣派，聚餐宴客就最適合不過。🥢川味口水雞（$95）賣相好似幾辣，但只屬小辣程度，即使唔太食得辣都食到，另雞件唔嚡口，灑上芝麻及蔥粒倍感香口惹味😌🥢脆皮素鵝（$85）素鵝外皮香脆，內裏係香濃入味菇粒，配醬汁同食更好味😌🥢留香烤鴨（$288/ 半隻）烤鴨切片後，並隨附鴨脾同上，賣相吸引，食落唔會有過多肥膏，入口肉嫩皮香，另配備保溫盤keep warm，確係抵讚；除青瓜及京葱等一貫配料外，更附牛油果醬及山楂條，味道出奇地match及清新，未試過一定要試下，推薦👍🏻🥢生拆蟹肉河蝦豆腐（$138）豆腐滑溜，入口帶蟹肉鹹鮮，味道清清地，可中和膩感😌🥢招牌生煎包（$58/ 3隻）生煎包外皮煎得香脆，咬落去肉汁流出，要小心燙口😌🥢桂花酒釀丸子（$32/ 位）丸子Q彈軟糯，味道只係微甜，食多碗都絕對冇問題😌

好幾日冇出去食飯啦，今次就帶屋企人來到這間係荃灣新開的京川滬菜餐廳，餐廳以食片皮鴨為主菜，亦有多款上海菜式可以選擇！留香烤鴨，這裡的片皮鴨即叫即片，師傅會在餐廳入口附近的廚窗位置處理！烤鴨鴨皮鬆脆，鴨肉都幾滑身，用上薄餅夾上青瓜條、京蔥和片皮鴨醬汁，清新得黎又食到鴨肉的香味，口感豐富！上海鳳尾魚，這款前菜的份量都幾多，鳳尾魚炸到脆身，加上甜甜地帶有微辣的醬汁，估唔到咁好食！雞絲粉皮，份量都幾多，粉皮伴入雞絲、青瓜絲和胡麻醬，開胃又美味！上海小籠包，小籠包皮薄，湯汁滿滿，鮮甜又美味，唔錯！砂鍋雲吞雞，雲吞雞半隻的份量都好多，我們兩個人，每人都可以飲到3小碗！鍋內有6隻大大隻的菜肉雲吞，半隻雞都幾大隻，雞肉都幾嫩潮！湯底非常鮮甜，湯內還有金華火腿和小棠菜，清清地唔錯！細沙南瓜餅，南瓜餅上面灑滿椰絲，南瓜餅口感煙煙韌韌，內裡餡料係綿綿的豆沙餡，味道不會好甜，非常滿足！

星期日晚起床遲食早餐，因為小朋友好鐘意食片皮鴨，我又口痕痕想食，所以明明下午茶時間，都乘車到荃新天地食片皮鴨，所以專程到子鴨留香試，可惜令我大失所望，兩個人叫了半隻片皮鴨，心想如果好食又未飽再叫羊腩，但隻片皮鴨令我太失望，皮太厚肉太乾，好的是跟山楂條，加了落片皮鴨消油膩，而且有鴨脾付上，小朋友可以拎住食，食那麼多次片皮鴨也沒有，但可惜味道差，真係你請我都唔會再黎，出品實在太垃圾，還破壞一天假期好心情。

看似唯一一間喺荃新天地平日晚市需要攞飛等位嘅食肆😲 門口掛住好多隻風乾緊嘅鴨, 亦都有熱辣辣新鮮出爐喺店員刀鋒下嘅片皮鴨🦤🔹️雞絲粉皮 HK$85🔹️上海鳳尾魚 HK$108🔹️砂鍋雲吞雞 (半隻) HK$180🔹️留香烤鴨 (半隻) HK$288🔹️上海小籠包 HK$58烤鴨嘅配菜幾齊全💯 除咗必有嘅京蔥、青瓜、甜醬之外，仲有開胃山楂條及新鮮牛油果醬‼️用上傳統片法🔪 皮肉相連，啖啖肉🤤 南瓜餅好食，沾上滿滿椰絲碎，甜度剛好😋🔹️細沙南瓜餅 HK$48💲 另收茶錢及加一服務費🚘 商場有消費後免費泊車優惠

餐廳裝修古色古香，行中國x西式古典風，門口可見到店主片緊新鮮出爐嘅鴨🔥，餐廳主打片皮鴨同各式各樣嘅上海菜🙆🏻‍♀️🥢，不得不提提店員上菜有效率：-1️⃣「雞絲粉皮🐔 ($85)」粉皮偏厚身，有咬口夠掛汁，而雞肉偏淡味～-2️⃣「上海鳳尾魚 🐟($108)」炸左嘅鳳尾魚用糖汁包裹，香甜酥脆～-3️⃣「鍋粑伴糖醋蝦球🍤($180)」糖醋蝦球啖啖肉、酸酸甜甜，鍋粑香脆🙆🏻‍♀️~-4️⃣「留香烤鴨🦆($288/half)」烤片皮鴨咬落微脆，配上麵皮、青瓜絲、京蔥、烤鴨醬、牛油果醬、山楂條等！-5️⃣「上海小籠包🥟 ($58/4 pcs)」外皮厚度適中，爆哂湯汁，湯頭香甜~-6️⃣「細沙南瓜餅🎃 ($48/3 pcs)椰絲同紅豆餡好夾，食落好香口，南瓜蓉外脆內煙韌，唔會太甜~

好耐無同屋企人出街食飯～同屋企人食飯 首選一定係中餐～😆荃灣呢間新開既餐廳近近地～個名仲幾得意～地方夠寬敞，座位又舒適～ 食個晚飯仔 岩晒～留香烤鴨呢個好正！ 鴨肉塊塊片得均勻帶皮，鴨肉香一擺近口 就聞到～ 仲有好多經典配菜～京葱、青瓜絲等配埋，用薄膜夾住一齊食，最特別係 牛油果蓉都有，夠新穎～淮揚熏魚味道少少酸甜～金沙大蝦蝦大大隻～ 咸蛋黃打碎鋪面，好香口好味京醬燒茄子茄子新鮮，燒得軟林適中～成都紅油抄手有辣味入口卻唔辣，食唔到辣既人都岩食～雷沙湯丸好正！軟林林，入口煙煙韌韌，趁熱食中間芝麻餡仲會流心出黎～🥰

荃灣新店，十分好食。價錢中上。水滾茶靚。小籠包好食。排骨湯麵好食。排骨炒麵一流👍🏻支客及侍應服務也好👍🏻。環境，衞生ok食品種類多。不過要排隊·．要早些去取飛🏃‍♀️

同朋友一齊去食飯，點了片皮鴨、雲吞雞、炒年糕、炒飯等等….水平一般，片皮鴨凍的，可能是雪鴨，一點鴨香味也沒有。炒年糕有很重的蠔油味，好在口感尚算可以。我們8人一台，點了一窩雲吞雞湯，上菜的時候，侍應說這湯需要幫手分嗎？我們說可以，之後他不動手，只能強調2次這湯只能夠分六人…….. 是什麼意思？真失禮！見他這執着得很，在尷尬的場面下，可唔可以自己分？在少客的情況下，侍應服務求其，態度不大太好。真令人失望。。個人而言，是虛有其表、服務不到位但價格高的餐廳。荃灣區餐飲店的選擇很多，下次未必再食這間。

想吃烤鴨很久了！！！知道這家是專門吃烤鴨的，二話不說進去~環境設計走高尚路線，有點西式的感統，但又保留中式風味。餐牌太多菜式，不能盡錄！ 甜蜜四寶 $98甜蜜四寶炒芹菜配上合桃、栗子、百合及紅棗，清新小菜之選。 江南素春卷(三條) $52江南素春卷裏面很爽口，估計放了笋，也帶點榨菜的味道。 京燒羊腩 $168京燒羊腩跟平常粵式的果然大有不同，先炖後炸，把羊腩炸至金黄色，再切成條狀。賣相吸引(>ᴗ•) 色澤金黃，皮脆肉爽而不膩，羊羶味也恰到好處，要是喜歡重口味可多加孜然粉。 鐵板蔥爆牛肉(跟薄餅六件) $138 另一款鐵板蔥爆牛肉就較熟悉，收芡上鐵板，牛肉鬆化，醬汁惹味，也可夾在附上的薄餅。 酸菜桂花魚 $288 中式菜名物之一的酸菜魚，這裏原配是桂花魚，魚片厚沒骨，酸味突出不辣，還有薯粉，超大一份，魚片能再嫩滑點就更好了！ 留香烤鴨(半隻) $288主角烤鴨可選傳統片法(皮肉相連)或新式片法(皮肉分開)，我們要了傳統片法，餅皮較厚一點，麥味挺重的，片皮鴨外皮酥脆且鬆化，油脂剛好，鴨肉實而沒半剛柴口，配以甜麵醬、京蔥條、青瓜條、山楂條，還有新穎的牛油果醬！ 豆沙鍋餅 $60 最後

❀ 子鴨留香 #荃灣 ❀❗️新中菜館進駐荃新天地 片皮鴨大量人流❗️——————————————————荃灣新開張嘅中菜館，主打京、川、滬菜，平日夜晚都大排長龍，人氣十足✨最出名莫過於即叫即整嘅北京片皮鴨🦆裝潢古色古香，充滿中國風味，既有大圓枱亦有卡位，兩個人撐枱腳定一家大細去食都得。.✷𝑀𝑒𝓃𝓊✷☞ 留香烤鴨(半隻）$288 (3.9/5)嚟到當然必試烤鴨🔥門口可以見到廚師製作。鴨肉會以盒子座熱，保持温度。皮光亮麗，鍾意佢連同鴨肉，感覺無咁肥膩，更有鴨香😚可按個人喜好加入山楂條、京蔥、青瓜、牛油果醬、甜醬。再用帶有少許麵粉嘅軟腍薄餅包住，一口滋味。.☞ 雞絲粉皮 $85 (4.2/5)超鍾意呢個粉皮嘅口感，係難得一遇嘅煙韌😆雞絲亦幾滑身，撈埋芝麻醬、青瓜絲，係高質嘅雞絲粉皮🥰.☞ 砂鍋雲吞雞(半隻） $180 (4.1/5)分量十足😍有八至10隻乒乓波咁大嘅雲吞，非常飽滿！雞雖然煲咗咁耐，但唔會過鞋。仲有啲小棠菜。湯底奶白色，奶香十足，仲有少許雞味🤤.☞ 香露醉雞 $95 (4.2/5)雞肉超滑又入味☺️有酒香得嚟帶有甜味，係出色嘅醉雞。.☞ 上海小籠包（四隻） $58 (3.5/5)小籠