孖寶車仔麵

營業中

休息中

今日啊仔問我咩叫「車仔麵」，即刻帶佢去我哋兩公婆成日食嘅「孖寶車仔麵」體驗吓先😜一去到啊仔話點解咁舊嘅？ 識啲嘢喎！ 呢啲係懷舊裝修嚟㗎😌3餸車仔麵麵係$52 仲送熱飲😋同埋本身個麵已經有菜～ 正😉😉推薦加秘製汁，想食辣又可以加孖寶辣汁🤤辣辣地～好惹味👍🏻我就最鍾意加菜圃！有辣有唔辣～ 免費提供！啊仔就揀咗食燒賣、腸粉😂😂因為呢度除咗有車仔麵、仲有有小食、魚蛋、燒賣、腸粉、同埋鹵水雞髀都好正！任君選擇！所以次次去都好多人🤣好受歡迎！同埋店員都係一如既往咁好禮貌、服務好👍🏻

今日去葵涌等老公放工就去左葵廣葵廣有超多美食好難選擇今次再次幫襯「孖寶車仔麵」值得再去既原因係好鍾意他們的秘製醬汁岩岩好3點幾左右有下午茶時段鋪頭細細但客人都不少今次就叫左魚肉春卷、必食既「辣陳皮魚蛋」、牛柏葉配米線加秘製醬汁魚肉春卷都好食佢索哂啲辣汁 好開胃因為我唔太食得辣而呢款汁剛好唔辣可以調下味如果想食辣啲可以加菜莆另外我仲加左碟腸粉咩醬都落哂趁熱食更加好食三餸一麵加可樂（+$3）有時經開唔太肚餓去呢間食下小食都唔錯👍

今日和同事去咗葵芳見客，臨走去咗葵涌廣場食車仔麵，孖寶車仔麵在廣場內經營10多年，以平靚正聞名，受廣大街坊食客歡迎，除了車仔麵外，還有其他小食，例如腸粉、生菜魚肉和碗仔翅等。下午茶仲有優惠價。下午茶孖寶車仔麵，三餸麵送熱飲：豬腸、豬紅，咖喱魷魚都好入味，豬腸乾淨冇乜肥膏，炆煮得林度啱啱好。豬紅又滑又夠味，咖喱魷魚另上，每塊沾滿香辣嘅咖喱汁，爽脆又惹味。油麵浸在加喱秘製汁嘅湯底，入口彈牙，味道帶點辣，起美味！凍咖啡夠濃夠味又夠涷。滷水雞髀肉質軟滑多汁。生菜魚肉湯：用新鮮鯪魚肉做成魚條，搭配爽脆生菜，加埋清甜湯底，啖啖都鮮味無窮！爽滑腸粉：腸粉軟熟熱辣辣，食落柔軟滑溜，加入豉油及各種醬料撈勻，每一啖非常惹味！

今日收工，同朋友仔過嚟食，呢間車仔麵好多年，記得佢個車仔麵好好食嘅，有啲掛住，所以又過咗嚟，$52 3個餸包飲品☺️晚餐黎講算係神仙價錢。必點佢車仔麵大辣！佢個辣醬真係無得輸，成碗麵昇華左☺️我再叫左咖哩魷魚、豆卜同牛柏葉粗麵，個汁好掛湯，而且豆卜好吸味好正另外一碗叫咗豬紅豬腸同埋蘿蔔油麵，車仔麵嚟講豬腸好煙靭好味，而且豬紅都好好食，蘿蔔亦都唔老而且啲叔叔姐姐啲態度勁好，由招呼我哋入座落單埋單都好熱情，值得加分☺️希望大家多啲幫襯，等小店唔好消失☺️

葵涌廣場好多美食吃！地鐵走過去很近，就在地面一層，很容易找到！美食很多，掃街一流～這家車仔麵味道真的很不錯！款式也很多，可以選擇湯麵，撈麵還有小食等等。我點左個三送面：秘制辣汁+幼面！這個醬汁很推薦，個人覺得辣度剛剛好！很開胃！鹹淡適中！我還加了蘿蔔，蘿蔔很甜，一點都沒有根！麵筋還有雞翅，雞翅是滷水的，味道也很好😆😆另外加了一份小食：燒賣+魚蛋，魚肉燒賣+陳皮魚蛋！經典香港小食😁😁👍咖喱汁都好好味😋

葵廣位於底層地下充滿中學回憶的「孖寶車仔麵」，佔了三間鋪位，懷舊老香港設計，仲用上紅膠凳同圓摺枱，玩味十足。餐廳主打懷舊小食五香牛什、碗仔翅同糖水，食品多元化而且價錢夠平民貼地。三餸面套餐送熱飲（HKD 52):多款麵條可供選擇，撈麵粗幼、公仔麵烏冬米線🍜掛汁，其必點秘製醬汁帶甜，咖喱魷魚🦑：咖喱魷魚嫩滑、彈牙和多汁。魷魚肉質柔軟，有一定的咬勁，因此在口中咀嚼時會感受到一種彈性和細膩的質感。魷魚肉質更加軟嫩，咖喱醬料的風味帶來濃郁的香料和微辣的口味，夠曬入味！牛腩：牛腩經過長時間的燉煮後，肉質變得非常柔嫩，好易咀嚼，而且釋放出豐富的肉汁，喜歡有軟也有部位筋膜，適度的嚼勁使其口感更加豐富。菜肉雲吞都係自家製包，好多菜肉餡！咬一啖保持肉汁之餘，皮薄餡靚。朋友叫左不同的配料分享食，豬皮：充滿韌性和彈性的結合。當你咬下去時，好吸湯精華，感受到一定的嚼勁，調味偏甜。沙嗲牛肉：濃稠沙嗲汁，牛肉肉質夠曬軟，淡淡花生醬香，加埋其爽脆辣菜譜，增加口感之餘，更添風味。五香牛什：牛肚、牛腩、牛腸經過長時間的燉煮後，肉質變得非常嫩滑，牛筋有較多的筋膠質，使得口感帶有一定的嚼勁。薑、大蒜、八角、桂皮等香料經過燉

午餐肉、雞中翼、麻吉燒油麵：午餐肉煎到金黃香脆，咬落去外脆內嫩。雞中翼每次都必嗌，滷水味道滲入雞翼入面，肉質又嫩滑多汁。麻吉燒入面有煙煙韌韌嘅年糕，索晒啲湯汁好正！牛腩、醬爆肉丸、五香豬頸肉河粉：牛腩煮得好腍，入口即溶，秘製汁嘅香味滲入咗牛腩入面，真係好惹味。醬爆肉丸咬落去有肉汁爆出嚟，肉丸嘅肉味都好香。五香豬頸肉肉質爽口，五香味道濃郁，配埋秘製汁落去，成碗麵夠晒濃郁！仲有辣菜甫！唔係好辣，但好爽脆！一定要加啲落麵一齊食，會更有風味！凍檸茶茶底香濃，同車仔麵係絕配！

呢間車仔麵嘅人情味真係幾高嘅，同埋佢哋開得都比較夜，有一次收工收得比較夜， 10點幾先返到嚟葵芳，成個葵涌廣場都係得返呢間仲有開，收工再食返一碗熱辣辣嘅車仔麵，咁就完全心滿意足啦！ 不過值得一提嘅係，如果比較夜先食嘅話，有好多餸菜有機會都冇咗，今次我就試唔到自己最鍾意食嘅咖喱魷魚，咁都冇辦法啦，唯有等下次🥲

今日就同老婆黎堂食，間舖裝修過，多左好位冷氣又足。經濟實惠，一定要食出名嘅五香牛什。蘿蔔無渣，甜，入味，牛膀夠粉夠牛什香味，牛肺彈彈地咁好索汁。至於車仔麵，豬紅、雞腳同咖喱魷魚，阿姐好醒，將咖喱魷魚分開上，所以每件魷魚都好有咖喱味。雞腳有肉同大隻，食左個麵都好飽。但墨魚肉碗仔翅又係招牌野，無理由唔試。墨魚肉過關，好似食墨魚丸咁嘅味，但碗仔翅如果多少少肉絲就perfect啦。食牛什嘆杯凍檸茶，d檸檬有6片咁多，誇張。

今日係葵涌廣場行街，見肚餓同朋友去食返碗車仔麵😋車仔麵餸選擇都好多，套餐3餸一麵好抵食👍🏻生菜墨魚條湯墨魚條份量好多，口感好彈牙，還有大量生菜底。三餸麵套餐豬大腸|雞中翼|魚肉春卷配油麵揀左秘製醬汁，有點似咖哩汁，撈勻湯底好惹味。大大隻滷水雞中翼同肥美豬大腸，醃得夠入味，魚肉春卷彈牙又鮮味。記得加埋枱上提供的自家製菜脯，有辣有唔辣，自己任意添加，辣菜脯特別惹味。三餸腸粉套餐揀左辣魚蛋，燒賣，咖哩魷魚，陳皮魚蛋食落好香陳皮味，咖哩魷魚🦑口感好爽口，腸粉好雪白，口感滑溜。腐竹雞蛋糖水腐竹煲到完全溶化好綿滑，白果煙韌軟綿又香甜，好好食。

繼續發掘香港又平又好食嘅嘢先葵涌廣場我係經常嚟以前喺運動場跑完步就會過嚟食嘢或者等老公放工就會黎呢度我最鍾意掃街😍如果掃街，我都有幾間心水可以介紹（掃街既鋪頭如果想睇下次我再介紹😂）不過今次想介紹呢間車仔麵雖然地方細細 但有時經過或下午茶黎食都好抵食雖然香港仲有好多間好好食嘅車仔麵但呢間性價比超高最緊要味道不錯有香港地既味道佢地仲有小食🤤燒賣、魚蛋、腸粉一定係必食的🥰辣魚蛋仲要係陳皮魚蛋而家好少地方仲有陳皮魚蛋識食一定一定要揀陳皮魚蛋👍其他嘅魚蛋係爭好遠嘅我揀咗秘製汁車仔麵一定要食豬紅，豬大腸😍仲加左包心蟹籽丸秘製汁唔算好辣我唔食得辣都ok想再辣少少，可以加菜脯

平時經常買外賣返屋企食，今次約咗朋友一齊坐低慢慢食。呢間車仔麵檔成日都好多人👍🏻 地道港式車仔麵，重點係店內食有自家製的菜脯，有辣同唔辣，自己任意添加，最鍾意辣菜脯好惹味，外賣都可以加菜脯。三餸麵套餐 $52豬大腸＋雞中翼＋魚肉春卷配油麵最出名係秘製醬汁，味道甜甜地加入湯底特別鮮甜！雞中翼大大隻好肥美，豬大腸醃得好入味，魚肉春卷用鯪魚肉整，口感彈牙。三餸腸粉套餐 $52燒賣、辣魚蛋同咖哩魷魚，魚蛋係陳皮魚蛋，食落好香又彈牙，店員推介咖哩魷魚🦑咖哩味好濃夠哂惹味，主角係腸粉，口感好滑溜。生菜墨魚條湯 $26勁多墨魚條，份量十足！墨魚條新鮮又彈牙，配以大量生菜底，湯底特別清甜。腐竹雞蛋糖水 $22煲得好像豆漿一樣幼滑口感,，每一口好軟綿，火喉十足，使白果變得煙韌香甜。

孖寶車仔麵係一間好受歡迎嘅車仔麵店，佢嘅特色係提供多種選擇嘅湯底同配料。無論你鍾意食咩，佢哋都有得滿足你。首先，佢哋嘅湯底真係好正，再加上新鮮嘅配料，例如春卷、雞翼同埋蘿蔔，口感非常好。而且，佢哋嘅麵條彈牙，咬落去有種爽口感。服務方面，我以為咁經濟服務態度就好差, 員工都幾友善，叫餐嘅時候都會提供建議，幫你選擇最合適嘅配搭。如果你想要嘗試啲唔同嘅口味，佢哋嘅特製醬汁都值得一試，可以為你嘅車仔麵增添多一層風味。總體嚟講，孖寶車仔麵真係一個好地方，無論係食味、選擇或者服務，都令我覺得值得一試。如果你鍾意車仔麵，唔好錯過呢間！

🍜 自選三餸車仔麵 $52三餸車仔麵嘅話係包埋一杯熱飲，所以個價都算抵食😍而且睇相都見到好足料，一個女仔可能食唔曬添呀🥹配料嘅選項都幾多，比較意外嘅係佢哋嘅滷水配料好入味，好好食🤩另外都好推薦五香豬頸肉同埋豬紅，同個湯底襯到絕🥳.💰人均消費: ~$60.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

📍次次喺葵廣都係掃街居多，今次想坐低食，就喺地下嗰層揀咗車仔麵舖頭，坐位都幾多。見到三餸車仔麵套餐，仲會包埋嘢飲，選擇嘅餸都幾多，叫咗個咖喱魷魚、菜肉雲吞同雞腎幼麵，加咗秘製汁，味道有啲似沙茶醬溝沙嗲醬咁，如果揀撈麵應該會更加重口味同好食。菜肉雲吞料唔算好多，不過都幾好食，個皮唔會太厚。咖喱魷魚就分開上，有大約五至六片，食落幾爽口。另外叫咗魚肉碗仔翅，枱面可以自行落醋同胡椒粉，仲會有菜脯自行添加！