孖寶車仔麵

營業中

休息中

葵涌廣場呢間孖寶車仔麵真係由細食到大，味道一如以往嘅好！而且價錢非常親民每次嚟到都會揀個車仔麵，然後加啲小食！今次揀咗個三餸車仔麵，叫咗咖喱魷魚、蟹柳同埋豬紅！佢哋嘅豬紅煮得好入味，我好鍾意佢哋個咖喱魷魚，咖喱汁辣辣地幾正魷魚夠爽脆！佢哋呢度嘅滷水雞髀都好正，超大隻，而且個滷水煮得好香同好入味呢度除咗有車仔麵同唔同類型嘅小食之外，仲有糖水食㗎，我就叫咗個腐竹雞蛋糖水，真係有原隻雞蛋，而且非常抵食！

葵涌廣場真係好多嘢食，花多眼亂唔知揀邊間好，但大部份都係掃街，想坐定定食有啲難，於是揀咗呢間孖寶車仔麵！佢喺地下嗰層，都幾大間！佢主打車仔麵，除咗車仔麵之外，仲有其他香港地道小食好似水魷魚、魚蛋燒賣等等！我叫咗個車仔麵、腸粉同燒賣！配料揀咗蘿蔔、魚蛋同埋豬皮！蘿蔔煮得好入味，味道清甜，魚蛋同豬皮都好彈牙，整體啲配料都唔錯最正嘅係呢度有菜甫可以隨便任加，有辣有唔辣腸粉好滑，加上麻醬甜醬同豉油食已經好正燒賣都幾好食，唔係食麵粉團！喺葵涌廣場想坐低食嘢，呢度係一個幾好嘅選擇

今日去咗葵涌廣場夾公仔，見餓餓地我哋走咗去試吓呢一間車仔麵，入到去坐低之後，我哋嗌咗兩個車仔麵，同埋凍華田同凍奶茶。第一碗我哋嗌咗蘿蔔，豬大腸同牛腩，蘿蔔同牛腩炆得幾腍，蘿蔔就冇渣，牛腩就肥瘦均勻，至於大腸呢，就好入味。第二碗我哋嗌咗墨魚丸，雞腎同豬頸肉，墨魚丸就好彈牙，豬頸肉就好有咬口，雞腎都好入味。另外我哋喺碗麵度加咗佢嘅辣汁，佢個辣汁都幾好食，如果鍾意食辣嘅朋友可以過嚟試吓。最後想講吓佢杯凍奶茶，佢個茶底幾香濃，唔會因為奶味而掩蓋咗浸茶味，幾好飲。

💖講到葵廣必食肯定有地下呢間人氣車仔麵檔，足料又抵食，今晚黎開餐！1️⃣孖寶招牌麵🍜 $52💖除左自選車仔麵仲有佢地set好嘅餐，呢款有豬皮、豬大腸、豬紅、魚蛋、蘿蔔同雞翼，非常足料！最鍾意滿滿骨膠原嘅豬皮，配上濃郁咖哩醬更香口，口感外彈牙內嫩嘅豬大腸處理乾淨，食落香口，豬紅咬落滑嫩。有八款麵底可選，要左有嚼勁嘅手工麵。2️⃣爽滑腸粉🍚 $12💖除左麵呢度嘅小食都值得食，掃街價抵食。混醬腸粉滑嫩，搭配芝麻、麻醬、甜醬、鼓油、辣醬等味道香口🤤。3️⃣鹵水雞翼尖🐔 $16💖同樣抵食！鹵得入味，一口一個滿足感up，最適合鍾意損骨頭嘅人😛。💖上菜快手，地道街坊美食，飯點永遠都好多人！

葵廣除了掃街，地下還有好多美食選擇！這次我來到小吃天地，個人最推薦的就是滷水雞髀，真的超級入味！蕃薯糖水 ($22)蕃薯糖水甜而不膩，蕃薯煮得軟糯，糖水裡還帶有一絲薑味，讓整體口感更加豐富，喝上一口非常舒心。滷水雞髀 ($24)滷水雞髀的肉質鮮嫩，滷汁滲透得恰到好處，雞髀的香氣讓人難以抗拒，實在是好好食！咖喱魚蛋 ($12)咖喱魚蛋的咖喱醬香濃，微辣的口感讓人開胃，吃上一口就停不下來，真是小吃中的一絕！熱檸蜜 & 熱奶茶飲品都是餐附送，熱檸蜜清新解膩，熱奶茶則濃郁香滑，為整餐增添不少分數。三餸車仔麵 ($52)三餸車仔麵的選擇多樣，我們選了粗麵和河粉，搭配了魷魚、牛腩、雲吞、牛肚、花枝條和冬菇。最特別的是花枝條，口感鮮嫩，讓整道菜更加出色。醬汁使用了秘製醬、腩汁和清湯，味道層次分明，讓人一口接一口，欲罷不能！總結總體來說，小吃天地的美食真的不容錯過，無論是甜品還是主菜，每一道都讓人驚喜。如果你在葵廣，一定要來試試這裡的美味！

大碗牛雜🐮🐮🐮牛雜雖然係經過長時間煮，但好多部位既肉質都好滑👏🏻👏🏻滷汁既味道非常有層次，帶有淡淡既五香味同濃郁既肉汁味👍🏻😽 識食一定揀自選餸菜車仔麵😏😏😏呢到既牛腩湯汁味道十分濃郁🤩🤩但湯底又唔會太油膩喎！！幾好幾好😌配搭埋米線，索晒啲湯汁更正呀🤪🤪 #茶餐廳 #咖啡 #熱奶茶 #車仔麵 #hkfood#hkfoodie #igfoodie #美食推薦 #美食日記 #美食攝影 #相機先食

好似好大碗咁，所以我都試下先😆 上枱後都真係多魚肉～魚肉偏灰色，入口彈牙😎😎😎😙生菜清洗得乾乾淨淨，再加上有胡椒味既湯，好懷舊呢😍😍以前食其他車仔麵檔時，生菜魚肉都係細細份，份量不多了，生菜欠奉😢魚肉更加小😣所以呢度真係幾唔錯👍🏻份量算大份😛雖然唔係冬天季節，但係都好想食糯米雞🤣🤣🤣呢度嘅糯米雞都真係好唔錯，咁size就同普通車仔麵檔一樣，但係出嚟呢就係熱辣辣！正呀😋😋

葵廣除咗掃街 地下都有好多選擇架！個人最推薦滷水雞髀，超級入味！#### 蕃薯糖水 ($22)蕃薯糖水甜而不膩，蕃薯軟糯，糖水仲要有薑味 非常好喝。#### 滷水雞髀 ($24)滷水雞髀肉質鮮嫩，滷汁滲透得恰到好處，好好食！#### 咖喱魚蛋 ($12)咖喱魚蛋咖喱醬香濃，微辣開胃！#### 熱檸蜜#### 熱奶茶飲品都係餐附送～#### 三餸車仔麵 ($52)三餸車仔麵選擇多樣！我地揀咗粗麵同埋河粉配菜就係魷魚、牛腩、雲吞、牛肚、花枝條、冬菇最特別係花枝條～醬汁係有秘製醬同埋腩汁同清湯

.要數｜最地道｜最本土｜嘅美食車仔麵｜絕對入圍.由葵富路入口 ｜ 就見到孖寶車仔麵幾個鋪位組成 ｜ 檯面整齊有 🌶️ 辣同 原味菜脯 【任加】.打開孖寶秘笈｜配料 選擇 極多有選擇困難症 既 我 🕺🕺🕺咁就揀 【招牌款】.🍜 柱侯牛腩麵 幼麵｜$46▫️▫️▫️▫️▫️▫️牛腩入口就知新鮮｜啖啖肉 ｜幼麵 彈牙 又爽口.🍜 菜肉水餃麵 幼麵｜$40▫️▫️▫️▫️▫️▫️起手式 就係 加 3️⃣ 大匙辣菜脯咬落滿滿誠意🥬 菜 🆚 豬肉🐷 比例平均｜有馬蹄粒 同 少少肥肉 Good 👍🏻 .🍲 五香牛雜一碗｜$35🍖 五香豬頸肉 ｜$16▫️▫️▫️▫️▫️▫️牛肺▫️白蘿蔔▫️牛肝▫️牛肚▫️牛大腸🥲 ❌牛柏葉配埋 ㊙️🟡 秘製黃芥醬汁 🟡 🟠 同甜醬對比 澳門🇲🇴一細碗就 $60｜一大碗 擺得靚靚仔晒 絕對抵食五香派 牛雜只要清洗夠乾淨🧽 點醬都好食.🍲 生菜墨魚條湯 ｜$26▫️▫️▫️▫️▫️▫️細路仔👦🏻時候｜生菜魚肉 絕對係 港式經典宵夜⚪️ 魚肉夠傳統｜ 但墨魚條呢個研發夠爆彈口 又 滑口老闆話🕺 加返幾滴 芝麻油 先夠香而 加少少醋｜ 就夠開胃但我認為 🗣️ 點黃芥醬 有少少甜｜就啱我口味..

一定要嚟試吓呢間正宗車仔麵😚 位於葵廣地下，人流好多長期都坐滿人～今次放工約朋友嚟食晚餐，平靚正😆👍🏻孖寶招牌車仔麵 $52有多種經典配料，一個價錢就食到六款配料，好抵呀！選用Q彈的河粉，搭配滷水雞翼、蘿蔔、豬皮、豬血、豬大腸、陳皮魚蛋和清新的生菜，好豐富😚 我最鍾意加埋店舖提供嘅辣菜莆，好正啊😋😋自選車仔麵可以揀自己鍾意食嘅三款配料～腩汁油麵，麵條滑順，充分吸附腩汁的濃郁味道。搭配沙嗲牛肉、豬頸肉和滷水雞翼，讓人享受到不同肉類的鮮美。沙嗲醬的香辣與肉質的鮮嫩相互融合，為整道菜增添了更多風味

好多年無嚟葵廣食嘢，啲嘢貴左好多。今日叫咗四個餸，魚肉，蘿蔔，魚蛋，豬皮，油麵，孖寶辣汁加三蚊，加罐汽水，總數係69，而家喺葵廣食碗麵都要70蚊，真係唔知講咩好。講返碗麵，湯底麵質都正常，最好食係嗰個辣魚蛋，係陳皮魚蛋，仲有個魚肉都幾唔錯，煙韌，有魚味，唔係粉多過肉嗰隻。蘿蔔就略嫌唔夠腍，再腍啲入味啲更好。總括嚟講呢間孖寶係ok好食嘅，但不能算有驚喜，亦唔會吸引我再嚟。目測好多人嚟食腸粉燒賣，應該比較抵食 。

好耐冇出嚟葵芳啦，快閃食個晚餐先，呢間店舖位於葵涌廣場，相信大家都唔陌生，除咗有掃街小食之外仲有車仔麵糖水等等。我點咗個車仔麵加兩份小食。三餸車仔麵$52包熱飲，點咗我最愛嘅牛腩、豬紅同埋牛柏葉。牛腩今次細舊左，不過依然煮到好腍夠晒入味，牛柏葉就有啲韌，而豬紅就好入味，揀咗米線，米線口感軟腍腍都幾滑口。另外點咗份陳皮魚蛋$12，好大浸陳皮味，掃街必食，再加份$16嘅滷水豆腐，食完滿足晒。晚市真係幾熱鬧，好彩搵到一張枱。

每次去葵廣都想食車仔麵，今日又食啦三餸車仔麵-好友大推冬菇，雞翼同羅白，配油麵。秘製汁加腩汁。果然，冬菇勁入味，又大隻。滷水雞翼，出色，羅白偏甜，但配上秘製汁又提升味道。不錯魚肉碗仔翅-賣相不錯，魚肉彈牙，碗仔翅再加入紅醋，至愛上韭菜豬大腸蘿蔔淨餸-蘿蔔同車仔麵蘿蔔完全不同，胡椒湯底索入蘿蔔又另一種風味，豬大腸洗得乾淨，咬口好好，韭菜香口，配搭上豬紅，童年回憶。實在不得不每次幫襯。再加2罐忌廉完美總結，一流

孖寶車仔麵❣️每逢黎到葵廣，都必定會去孖寶車仔麵。充滿香港特色嘅車仔麵，大份夾抵食！仲要開到凌晨12點，今次黎到依然都係好多人，等一陣先入去。🌟翅撈公仔麵🍜好新奇的食法，估唔到有驚喜。碗仔翅濃稠度適中，做到完美掛面效果。再加少少紅醋調味，更加凸顯翅的鮮味。仲可以任加辣菜脯，提升質感同惹味度。🌟生菜魚肉湯🥬生菜切得好碎，方便同魚肉一齊入口。魚肉超級彈牙，情湯底加咗麻油同胡椒粉，香氣十足又超級有街頭風味。🌟韭菜大腸豬紅湯🥗大腸洗得頗乾淨，煲到軟熟，容易入口。仲有好多白蘿蔔添，煮到好淋。豬紅口感外面堅實，咬開彈滑。韭菜鮮甜，食極都仲有。🌟滷水雞翼大大隻雞翼，滷得好入味。甜味鹹味控制得啱啱好。有鹹香味得來又有微微的片糖焦糖味。

brought my friend here to try a local cantonese noodles called cart noodles. First of all got a 菜蜜， which is basically a honey drink. I especially like the noodles here as they are very chewy. According to the name, it's hand shredded which gives it a good texture. I also recommend the tofu as it's marinated so that it's very flavourful. I especially like to he special sauce they use on all their noodles. It's a savoury and dense sauce that gives the soup base a very rich and deep flavour.