孖沙茶餐廳 (已結業)

今朝唔想再食平時食開嘅hea做早餐，忽然有啲要求想食返地度平民junk food, 行行吓來到孖沙，由於人流與店面裝修不成正比(唔靚但多人)，都幾肯定係正嘢，買個B餐轉通粉，要餐肉，咁餐肉係好食嘅，通粉一般啦，都唔係好焾果啲，多士香，but令我打開openrice係因為佢杯奶茶堅正!濃茶葉加香滑奶精，非常唔健康但開心，等餐途中有女仔齋買奶茶$17，細細杯，我諗真係有原因。飲完好耐仲有回甘。我只影咗杯奶茶。

星期六的中午老公帶我來到上環，不停話要食hea飯我心諗 什麼是hea飯 原來他是想食孖沙馳名的雞蛋叉燒飯！ 由於我地中午2:30先到達孖沙叉燒已賣完了 老公最終叫了 餐肉雞蛋飯 ！ 果然 沒有令我地失望另外 我點了一份常餐 沙嗲牛肉炒意粉沙嗲汁偏鹹 意粉偏凍 常餐十分普通，可以不試！孖沙的員工服務也挺ok店鋪細細 坐位是一般茶記/ 大排檔的大圓檯不得不說三蛋飯真令人回味！值得再試

今日又黎食三眼仔飯，但一點幾黎到已經無哂叉燒。好傷心💔所以今日唯有食腸仔三眼仔飯啦，蛋汁豉油撈飯依家係無得輸。食左咁多次，今次仲第一次試下乾炒牛河，原來好好食，好有穫氣呀，炒得好乾身，河粉又好入味，好正，忍唔住清哂成碟。真係好正。

成日lunch都好想食孖沙，但係次次經過都見到一條好長嘅人龍喺度排緊隊，唯有放棄今日趁星期六十一點幾，無左班寫字樓客去食，等左兩三個人就可以入座啦！<三眼仔叉燒飯$41> (評分：4/5）次次去孖沙都一定要食佢個三眼仔叉燒飯，太陽蛋煎得啱啱好，嗰邊係脆嘅！叉燒飯係雖然唔係好多，但係舊舊都半肥瘦，再加埋秘製嘅甜豉油撈埋落去啲米飯食，真係上環上班一族午餐嘅恩物呀要喺孖沙食飯真係要睇時機！平日lunch基本上係冇可能塞到入去，就算係禮拜六12點幾都有好多人慕名而來，排晒長龍！如果你唔喺附近返工，咁就要趁禮拜六朝早早少少嚟排隊啦（星期日係唔開的）！

今日放下晝，走咗去上環試下個三眼仔蛋飯。間茶餐廳係一間舊式嘅茶餐廳丶入面環境同衛生不整齊/整潔。而且比較迫，仲好多人食，可能夠曬平。.點咗個雙腸煎蛋🍳飯，$37蚊。煎蛋係三隻蛋，仲要太陽蛋🥚。.三隻太陽蛋真係好大隻，而且好有鍋氣，蛋汁好多，好流心。而且係黃金色。而雞蛋配上豉油再配上飯，真係絕配。蛋撈飯搞到啲飯好香。而2條腸條煎得好脆口。而且唔油膩。.平民三眼煎蛋飯真係好抵呀，份量都好多。可以再戰👍🏻。

我好鐘意周圍試食茶餐廳，夠哂麻甩。特登黎試食三隻荷包蛋叉燒飯。三隻荷包蛋真係得呢間茶餐廳先有，賣相好吸引。不過叉燒蛋飯既靈魂係個豉油，甜甜地，絕配。雖然係一個好簡單既叉燒蛋飯，但已經好滿足了。配埋杯凍奶茶。對我黎講，頹飯一d都唔頹呀

中環返工 去上環搶食 真是無可避免有時想好食少少 又要$50幾埋到一餐其實都幾難 最慘中環仲要經常多人排隊難到去到上環 見到有沙爹炒麵 人又唔算多 就排一排啦 15分鐘就有位 係中環上環算是快一邊排一邊嗅到香氣 入座叫左一個沙爹牛炒麵望色水已經覺得好正牛肉係一片片 唔係一粒粒 夠料跟餐有多士同埋熱飲 夠哂飽加足分再來同事叫多一個餐 星洲炒米色水好夠 但就唔夠香 味道都一般 好多生青椒 食落一陣青菜味叫野食方面 下次都係叫招牌菜式好了例如叉燒飯那些 如果叫其他炒野 水準普通但孖沙餐一定會帶到驚喜俾你

大多數人來這間餐廳的主要目的都是食叉燒煎蛋飯，昨日下午兩點鐘前來已經冇晒叉燒，今日一於早少少，11點多就來到來到店員問我煎蛋要太陽蛋定其他，我話兩邊煎，不過眼見其他顧客都係食太陽蛋，心裏一寒，唔知會唔會揀錯返到公司一打開飯盒第一口就吃雞蛋，就心知不妙，因為煎到八成熟的關係，所以冇蛋汁，如果是太陽蛋的話，就會好好送飯叉燒方面，不像其他燒味店的叉燒，比較散修修，食落半肥瘦較好，瘦的太乾身，食落有點像華星的叉燒意整體來說這個價錢還可以接受，但就冇傳說中講到這麼誇張

想食呢一間老牌餐廳好好好好好耐，講緊係幾年前已經想食，但一直未有機會，佢既營業時間又真係只做打工仔生意咁制，而我都作為一個打工仔，唔係中上環地區返工，根本好難有時間過黎幫襯，今日拎左假，咁岩又出黎中環呢頭，先可以了左我食「孖沙」既食望～環境係中上環老牌餐廳果頭，姐係什麼「勝香園」、「九記」果頭附近，店鋪真係細細間，大約2點去到，好彩咁岩得返一張細枱唔洗等位。餐牌雖然佢係叉燒煎蛋飯出名，但都不乏其他茶餐廳應有食物，但對我黎講就真係唔係重點，我既重點依然係佢個叉燒煎蛋飯。餐肉三蛋飯　$35(配凍飲加$6)最想食當然係佢既叉燒煎蛋飯，但2點左右前來，叉燒已經賣哂，咁唯有配餐肉，你都可以配雞翼、燒肉、豬扒等等。不過，一上枱已經爛左一隻蛋，呢點真係扣分，仲要爛得好徹底，但另外果兩隻都算靚仔，但就唔係燶邊。豉油汁係甜豉油，真係幾甜下，用黎撈飯幾正，雖然佢主打太陽蛋，但講真真係太過「太陽」，有1/4蛋白仲係透明液體，成碟飯撈勻啲蛋同醬汁後會有鼻涕狀既蛋白，口感真係唔係太好，可能係個人喜好問題，我就覺得太生，唔太岩我，餐肉同樣有3塊，但就冇乜特別，只係係中上環用到$35食個Lunch好平，其他就冇可取

話說同朋友專登出去上環取畢業袍，朋友提議食呢間，原來好出名，我真係并底之蛙。平日絕少去上環，所以並未所聞。從外面睇裝修只係一般茶記，心諗有咩咁出名啫，不過聽朋友講呢間餐廳已經存在很多年，佢細細個已經係到食。3隻蛋又真係出面少見，飯量十足，可惜當日賣哂最出名既差燒，試唔到撚手之菜色，結果差燒換成雞翼，估唔到都有3隻大大雞翼，雞肉嫩滑唔會乾爭爭，好味朋友轉為腸仔，可惜只有2條。總括而言，平民餐廳平民價錢，值得一試。

到上環禧利街，特登要去孖沙食餐飯😄因為Price right, food so good.蛋义飯要趁早 好快冇👆係最出名個汁真係好特別，唔太咸少少甜呢個飯真係會食到黯然消魂。個煎蛋你自己睇，旦汁加落個飯度真係好食到叫出來。叉燒又出色，好食過美心Mx 多多聲。好食kei 有時就係咁簡單。用個心，比個like 佢地吧!

舊區總係有好多老字號又地道嘅小店🤤今次食嘅呢間孖沙茶餐廳🙈論環境裝修嘅話係頹頹地嘅但一於試下佢啲野食夠唔夠地道啦！叉燒煎蛋飯 $35叫咗太陽蛋😋啲蛋汁滑捋捋咁冇得輸啦！蛋汁豉油撈飯的確幾好食不過佢嘅叉燒就冇乜味，薄切無咩口感😫成個飯失色左少少沙嗲牛肉炒意粉（常餐） $31炒意粉真係唔係間間茶餐廳都好食呀🤭呢個沙嗲牛肉好夠味🤟🏻濃味嘅沙嗲汁同意粉一齊炒每條意粉都索晒汁🤩配埋常餐必備多士腸仔，飽肚又好味🤤P.S 星期日全日休息㗎🕐好味指數：

千辛萬苦終於可以吃到這個了！又是很多人排隊 真的是十分誇張呢 無奈地都是要排20分以上 無辦法了 誰叫我很想吃 叫了這裡最出名的豬扒飯 不過我覺得有d汁會好d 有點兒太干呢個飯

餐肉煎蛋飯😋終於有機會試，可惜佢地D叉燒啱啱賣哂。無可否認，煎蛋的確好出色，而且見到三蛋，已經好吸引，真係幾好食。😬超鐘意呢種半生熟感覺，餐肉亦煎得好香口🤤而且有種回到校園食碟頭飯既感覺🤡講真連一杯熱咖啡都$38，響上環黎講真係好抵食😎

🇭🇰#香港捐窿捐罅記 Instagram: foodkiller_dk三眼仔叉燒飯🥚 應該係每個打工仔lunch time 都會想食到既平快飯😂😂 本身都唔知寫唔寫好 不過琴日投票超過八成都想我寫 冇浪費到我排左成半個鐘既心機😬 仲有就係食到最後一碗叉燒蛋🥚飯既幸運♥️-叉燒其實只係普通貨食 應該係自己燒既 所以先會咁快賣晒 一點後根本都要食其他野🤦‍♂️ 不過如果冇叉燒 我覺得燒肉🐽都食得過既蛋煮得幾好 冇因為人客太多而過生過熟🙂 保證你有足夠既蛋黃撈飯🤤而且蛋香幾重🥚飯就普通野 不提也罷😂我覺得最出色 反而係佢個醬油 幾正 撈飯🍚一流 而且顔色同平時見到既唔同 可能係自家制😌😌不過環境唔太好 位同位之間好逼 如果想舒舒服服食飯🍚 就一定唔推薦🙂總體尼講 雖然唔係咩特別野 包括我在內大家都有能力煮到🤣 但係頽飯尼講都幾好味 未試過既打工仔 可以去一試😋CP值都算高🌞-🎈上環禧利街23號地下-平均傷害：$35好味值：6/10