孖沙茶餐廳 (已結業)

係上環返工或出末嘅朋友，一定知孖沙嘅存在，普通一間舊式餐廳，去到中午竟然可以吸引咁多人去排隊，今日，終於可以一試佢嘅魔力！環境：街坊地踎食堂，冇環境可言，一個字逼！不過講真，中午時間都係大家打工仔食完就閃，所以真係冇乜人介意。食物：呢度最出名係叉燒剪蛋飯，去到我朋友全部有幸食到但去到我竟然話賣哂，只可以轉餐肉，坦白講，呢啲頹飯根本冇話好唔好食，但呢個價錢有3隻蛋係幾正，而且蛋唔會剪得太熟，香香地撈飯一流。結論：平時返工或得閒經過想食過快飯，可以一試，又平又快，但想慢慢嘆的話，我諗都係另謀高就好啲！

比多次機會自己比多次機會佢🛎話說上回講到座無空席，亦唔知係咪呢個原因，樓面阿姐話起碼等半個鐘，當下無落單，我亦被佢安排食叉燒炒蛋，食評可睇返寓上環工作於搵食記第二篇孖沙茶餐廳https://s.openrice.com/QrbT0MqCu00行到呢條街，本來想食附近的，但真係太多人，所以就比多次機會食吓孖沙名物，打吓咭都好，事實上冇咩人由落單到上碟都係幾分鐘嘅事⏱講返味道：叉燒依舊，個人認為比較鞋同咸啲啲，加埋淋咗上去嘅豉油其實真係好咸..可取嘅係其價錢$39仲有係三隻太陽蛋，偶爾超吓標都ok，唔稱得上好好食，不過不失吧👌🏼

今天一個人到中上環閒逛，參觀一下這邊的懷舊特色建築，正值午飯時間，便打算吃點便食，看見這餐廳客人眾多，而且有許多辦公室人士光顧，感覺良好，便入內在此午膳。店內簡約樸素，沒有特別的裝潢，是舊式的茶餐廳，但環境整潔衛生。餐肉三蛋飯這間餐廳最出名的就是餐肉三蛋飯，太陽蛋是用三顆雞蛋連著一起煎的，上桌時十分吸晴，煎蛋稠密嫩滑，蛋香濃郁，餐肉口感鬆軟，肉味濃郁，沒有明顯的肉粒，肉質細膩，白飯配上老字號的老抽，再與香濃的蛋黃搞拌進食，惹味香口。凍檸茶凍檸茶冰塊量眾多，入口冰涼順喉，味道傳統，與日常所飲用的差不多，是普通港式的檸茶。總結而言，食物美味，環境簡潔衛生，價錢便宜，坐落於中上環區，飯麵價錢大多卻只需三十多元，相當實惠抵吃，是與朋友便食的好選擇。

剛捧完埸，先送一堆器官聽，然後搞頭頂冷氣飄雪洒落黎，唔夠再用條巾拍多幾下，啲大哥大姐煉住喉up 廢話趕客，預左杯飲料有野送，最多肚疴下，個大佬同地盤佬装扮有得揮，話之你死人冧樓果隻！係呢個疫情咁嘅環境都有上述嘅問题，可想而知有幾大支，可能我比較好彩預啱啫，無論點都好，都希望後來食家有小小心理凖備啦！老店係唔志在嘅，咁多年有班死忠係寸得起嘅，哈哈超好食都一次過，況且周圍都唔少真心服務企理老牌和其他新一代食店，既然擺明唔休做可以理解佢地嘅待客之道的，祝好運！親身經歴，零吹水成份

上環美食多，要試勻唔同餐廳都有排試我個人喜歡懷舊冰室，上一篇提到舊地重遊的「勝香園」第二篇開始會試啲一直想食人氣爆燈的餐廳經常睇ig都被孖沙名物三眼仔吸引不過鑑於食飯時間，可能堂食外賣都好多人叫名物叉燒煎蛋飯...結果比阿姐截住我話要等起碼半個鐘，其實我ok架，不過佢硬要我食叉燒炒蛋飯其實都有幾個人同我遭遇一樣，應該係一輪輪，遇著前面落左五六個煎蛋就唔會比人再落單講返被叫的叉燒炒蛋飯，鑊氣係好夠，不過個人偏好食炒滑蛋，如果你同我一樣，呢個飯會失望...只能說下次入去前問下先，而價錢黎講，$39絕對抵食

孖沙茶餐廳 上環黎個11am後開始供應 聽講12:30pm後就會無曬😂😂太陽蛋叉燒飯雖然配料簡單 但唔知點解會食唔停口三眼仔飯 黎度真係好出名太陽蛋半熟 其實可以叫滑蛋呀其他整法都可以叉燒有好多舊 薄身 全瘦咁制恰曬我 😂😂 要減肥但又要食😂😂個豉油同半熟蛋的蛋槳混合邊咗精隋 好香 但又唔會好甜但食到好開胃飯底又係一粒粒 而且價錢實惠 值得一試的茶餐廳😋 大家要記得佢星期日係唔開架! Overall: (8/10)

喺中上環非常之出名嘅茶餐廳下晝都大排長龍半熟煎蛋配火腿飯因為五點去到嘅時候叉燒雙蛋飯已經賣晒啦豉油精粹再淋多啲撈啲飯就好好食👍👍👍👍👍👍👍👍👍👍蛋黃吉爛融入係啲飯入面👍👍👍👍👍👍👍👍👍👍簡單美味😍😍😍😍😍😍😍😍😍😍咁又未必值得山長水遠黎食🥜🥜🥜🥜🥜🥜🥜🥜🥜🥜或許出名只因中上環太多伏店💛💛💛💛💛💛💛💛💛💛

呢個頹飯一啲都唔頹😋😋去到嘅時候叉燒蛋同燒肉蛋都已經賣晒好彩因為呢餐係我嘅brunch所以一心都係想食火腿蛋之前見到人哋食已經流晒口水或者你唔會明點解咁簡單嘅野食都咁好評但其實好多人鐘意係因為呢份香港情懷 同埋兒時回憶呢個我真係比90分!係屬於香港人嘅豉油 係香港人嘅味道啊!

趁住就快收爐又有空閒時間就走咗去上環覓食最後就揀咗孖沙茶餐廳，以前都聽過好多人介紹，碟頭飯大大碟夠晒飽肚門面非常懷舊，下午2:30入面全部枱都幾乎坐滿晒人，相信大部份都係街坊餐牌選擇都算多，而且大多數都係頹飯本身想叫暗然銷魂飯但店員話已經賣晒就推介我食餐肉煎蛋飯，返到公司同事都讚我個飯好吸引，當然頹飯冇得輸三隻蛋雖然有啲多，但係半生熟再配埋煎午餐肉間唔中食下都係人間美食餐肉煎蛋飯加凍奶茶$44，2:30後再減兩蚊，份量都好夠食

中午快食lunch黎到近上環既老字號-孖沙茶餐廳舖頭坐滿哂人，等左3分鐘左右有位，坐得少少逼但都ok，係出入要隔黎讓一讓叫左「今天快餐」：葡汁肉片飯我個人好鍾意葡汁撈飯，基本上實會覺得好食哈哈野飲嗌左茶走上菜好快，好有茶餐廳風格個飯除左肉片之外仲有青椒葡汁都算多，絕對夠餸哂一個飯，甜度岩岩好肉片都夠𣺉，唔會太老野飲方面個茶走都好令我滿意茶餐廳果然沖野飲有一手一飲落去先有煉奶味再有豐富茶味，兩種味先後突出，口感都唔錯係枱面有隻小蟲仔，比佢整到手震一震瀉左少少，不過係老牌茶餐廳都understandable夥計就好快就拎成卷紙巾過黎，唔似其他個啲紙巾又要加幾蚊個啲Overall算係好食滿意既quick lunch，$37有飯同野飲好抵食 🤗

🔹这个字读ma，一声。是上环很不起眼的一家小店，但却是一家老字号，已经是叉烧三蛋饭第二任老板🔹中午经常排长龙，要想吃到叉烧蛋饭一定要早来，一点半以后来基本是没有的，我是两点来吃的工作餐，已经卖完🔹老板说过退休就把店卖了，所以赶紧去吃🔸鸡翅双蛋：两颗煎蛋铺在微甜酱香饭上，米饭里面藏了2个鸡翅，鸡翅卤的非常入味，酱汁已经渗透在每一颗米粒里，只需要把鸡蛋捣碎，拌一拌，就可以开心的吃起来🔹人均50-100，口味9/10，服务7/10，环境7/10

孖法餐B雪菜肉絲米加牛油多士。這裹的奶茶挺岀名的。雪菜不錯，但肉絲就比較少。味道跟其他的餐廳有點不同。店員效率高，很快就準備完。點完才知道完來可以轉雙併，但就沒有多士。

咁岩返工經過上環，前排電視又見到人稱三眼仔飯既叉燒煎蛋飯，就特登行多兩步過黎試下好唔好食啦，點知又唔算太難搵，附近都好似仲有啲餐廳可以試下添，咁今日就試下佢。一見到門口係好典型既茶記樣，咁為左確定無去錯就睇下啲食客食乜，結果大部分都係叉燒煎蛋咁就應該岩啦！咁我又早左到就唔洗排，點知坐低無耐就見到都幾多人排。好彩咋！咁我淨係叫左個飯，發覺都等左一段時間，可能太多人叫。咁黎左食落發覺真係幾好食，啲蛋汁岩岩好出黎連飯食係正既，仲要三隻蛋！叉燒都好好味！價錢都正常水平，果然唔錯！唯一可惜係坐得迫啲唔會好舒服，不過都預料中事啦

成日聽到D人一提起上環美食，一定會講起孖沙街呢間舊冰室而孖沙最出名的名食莫過於呢個三眼仔叉燒飯，三眼仔點鮮要三眼仔，皆因佢個三粒煎到岩岩好的太陽蛋同三個眼仔真系有D似野食OK ge ，不過唔算好特別，可以一試，但系如果要大熱天時排隊食的話大食妹可以話，大家反屋企自己煎個隻蛋好過待應態度方面，舊式冰室例牌咖喇，你懂的

每日中午呢間鋪頭都人山人海，我見大多數人都係食叉燒蛋飯，咁就試吓先佢個叉燒蛋飯係有三隻太陽蛋，加少少叉燒我諗好多人自己都做到，加個少少豉油汁真係唔明點解咁多人幫襯真係極之普通！