學利 (翠屏花園商場)

營業中

休息中

住咗喺大埔咁多年，真係要寫返自己區嘅特色餐廳。如果要推介大埔嘅餐廳，呢間餐廳一定都唔會走雞。作為一個魚蛋粉忠實fans，如果你冇食過學利魚蛋，真係要試吓。雖然舖頭唔係啲咩豪華裝修，亦都冇咩特別嘅貴賓式優待，但係個魚蛋粉絕對係唔會令你失望！佢嘅魚蛋有分好多款，特別推薦係佢嗰個白魚蛋，真係爽口彈又好好味。就算你唔係喺堂食仲可以外賣出去返屋企食，喺某超級市場都會買到急凍嘅學利魚蛋，都係非常之好食。堂食份量唔少，配埋個菜同埋凍飲，真係好正

學利魚蛋餐廳出名嘅係魚蛋潮州粉麵。之前一路都係喺餐廳食魚蛋魚片粉，今次見到餐牌多咗好多其他選擇，梗係要試一試！嗌咗兩個常餐，常餐包括雞絲奄列同埋厚多士，一個粉麵🍜，同埋一杯嘢飲，價錢合理。厚多士搽咗牛油，香脆厚度適中。至於雞絲奄列，雞蛋裏面包着嘅係一個雞絲連埋一個好厚嘅芡汁，口感同埋味道相對奇怪。豬軟骨撈麵嘅豬軟骨嘅部份都聞到十分淋，但豬軟骨瘦肉嗰方面就比較硬，醬汁味道同一般五香肉丁嘅醬汁相似。另一個常餐嗌咗芫荽皮蛋牛肉米粉，湯底由少少芫荽味，皮蛋牛肉份量多，但味道都算係普通。整體嚟講，學利嘅魚蛋粉麵都係比較出色。嚟呢度建議都係食返傳統嘢比較好。

【大埔區】【學利】嚟到大埔呢個人傑地靈嘅好地方，點都要食吓嘢先願走。有時我都諗，其他人嘅生活係咪都好似我咁癲，去到邊食到邊呢。不過暫時仲可以咁樣做嘅時候，生活都過得尚算自在，再諗落去未免有啲「庸人自擾」嘅感覺出到嚟。我去嗰日係假日嚟，所以冇下午茶餐，只有嗰啲貴啲嘅嘢。咁我諗反正都唔係以抵食為目標，就不如去盡啲，叫咗 $100 嘅「八寶鍋麵」，有秘製魚蛋、魚片、牛丸、牛筋丸、墨魚丸、豬肉丸、雲吞、魚皮餃，同埋炸魚皮嘅。咁嘅組合可以話係乜都有，不過味道上就唔算突出，就算係最出名嘅「秘製魚蛋」我都冇乜感覺，麵底亦都好普通。然而，咁多款嘢食喺度，個滿足感都係有嘅。而個炸魚皮識得另上，亦都係有心做嘅特徵，算係誠意之作。嘢飲我加 $9 飲「熱奶茶」，都係茶記質素。加咗碟 $17 嘅「生菜」，正常水準，冇乜特別。夾埋 $126，其實佢可能預呢碗嘢係兩個人食，價錢差唔多。食食吓有隻貓入咗嚟，原來係附近嘅「陀地」，好肥好得意，令大家開心咗。。。（地址：大埔安慈路3號翠屏花園商場6號）#1amfoodie #foodie #hkfoodie #hkfood #food #foodporn #instafo

walk in 買外賣烏冬係酸的以前學校小賣部啲cheap cheap烏冬，5蚊碗嗰種菜係黃，爛菜心,離譜雞排有雪味，差牛油方包，cheap cheap包，無包香，難食都一個點，差又貴又難食賺咁多錢做咩？賺錢賺到你咁黑心！比啲咁既質素。以前學生便無辦法先食cheap嘢，呢家比咁多錢你，還比cheap嘢人食？離譜！食番大家樂、大快活，起碼人哋又便，質素有保證。或者行遠啲食其他總結：最難食既早餐差差差差差差劣質餐廳無良商家

和家人二人食晚飯，因為今日實在太大雨，也無心機在家煮食，也沒有心機去咁遠食，唯有去家附近食完就算啦。呢間學利魚蛋位於大埔翠屏商場地下，都真係開左好多年。我地大約下午5點50分來到，無咩人。見到餐牌寫有下午茶到6點，但原來只係適用係星期一至五，星期六原來無的。(1) 五香牛腩米線: 五香味幾濃，亦好鍾意佢地會另外加好多蔥和乾蒜令到成個米線味道更加豐富。牛腩算係淋，容易咬的，但要睇佢的唔同切法。佢有幾舊牛腩切得較細，就容易咬一啲，有啲牛腩位會夾埋啲牛筋就更加好味，但有1舊牛腩切太大，而且較為硬同乾，最後都食剩左呢舊。(2)炸魚蛋米線: 呢個係佢地較出名的食物，個炸魚蛋外型好得意，大大粒、隋圓形，咬落去好爽口，而且呢個係清湯底，反而覺得淡淡地，更適合大雨天時候食。(3)腐乳通菜: 呢個都幾好食，個菜基本係新鮮無渣，個腐乳味道都唔錯。食完成餐飯都係大約用左30分鐘左右，天氣唔好，無咩心機食飯，呢個也是不錯之選擇。

經常嚟食佢嘅炸墨丸河，墨丸炸到金黃色超靚，然後再點埋蜜糖一齊食真係世界級好食！食到停唔到哈哈哈。另外牛腩河都好好食啊，係我想要個種牛腩。魚皮係估唔到嘅大碟！！超多😋抵食！

作為一個粉麵迷就算搬出九龍，都一定會坐車回到大埔食學利，雖然裝修只是一間普通的粉麵餐廳，但是水準多年來食物都保持穩定水準，湯底清而不寡秘製爽脆豬手片（涼食）豬手爽口調味醬汁有沙姜香味，用來作前菜或買回家送酒一流牛腩撈粗麵，牛腩忟得夠淋柱侯味濃，粗麵爽口彈牙黃金炸墨魚丸河，炸墨丸外脆內彈墨魚味香配上蜜糖有另一番滋味，河粉幼滑配上清甜湯底係我一最愛水餃河係我第二最愛，水餃大大隻，鮮蝦配上爽口木耳絲，內有陣陣香味香茅炸雞翼，外皮香脆香茅味足

早2日放假回家湊仔，中午偷閒，叫嫲嫲睇住阿B，我就落街買餸食碗粉，由於近翠屏街市，去左學利食。$35/碗魚蛋粉，夠大碗，湯夠味，食完唔口乾/口渴，魚蛋爽口彈牙又有魚味，是附近食魚蛋粉不二之選。

放學返到黎好肚餓，就打電話去學利叫外賣，試下佢個三寶米線外賣返到屋企仲好熱，而且好多餸又多麵，佢有白魚蛋，炸魚蛋，魚片頭同魚角個人最鍾意佢個魚角，好彈牙好香米線夠軟身，唔會話硬或者膠，配上蔥同炸蒜再加埋佢個辣椒油真係食到眼淚鼻涕都流出黎$48有咁多餸同麵，晚餐黎講算唔錯喇另外辣椒油可以叫姐姐比多啲，佢好好人會比多啲你，加左辣椒油真係香好多同開胃啲所以我每次都加買粉麵嘅話通常都會去學利，除左衝著佢嘅辣椒油都因為佢夠大碗足料

今日想食撈麵，就買學利魚蛋嘅水餃撈粗食喇學利啲湯麵一向好正，撈麵都一樣有水準！打電話過去好快就有得拎，佢哋仲好細心咁問你要腩汁定蠔油同要唔要湯，服務好評唔好睇佢好似裝唔滿，撈落其實成底麵，好大份，食完真係要行下消化下佢拎到返屋企仲好熱，蠔油都好夠，因為我鍾意多蠔油，所以覺得好好食一粒粒水餃好飽滿，食落有啲汁同鮮甜，可能因為有蝦吧？加埋撈粗食真係好正$42呢個質素真係好唔錯，又好味又飽肚，下次食撈粗都會叫學利

早午晚餐一剔過，思前想後，發記腸粉？達魔拉麵？鄉下仔魚蛋？最終決定學利牛腩。獨獨晚餐食咩好？近日工作忙到負能量颷升，想食食勁辣舒緩一下，路經學利是緣份吧啦！嬸嬸到底如何計到總數 $79 蚊架？睇睇張單 $55 + $24 蚊嗎？套餐餃腩撈粗配小食炸雞翼 3 隻連凍飲。如果散叫雙併撈 $43、雞翼 $29 蚊 6 隻、凍飲 $18，我真係計唔到。剛到步時冷清清，大量卡位任君選擇，檯要夠大先打邊爐麻。食到中段突然全場滿座，幸運地個個食客左攝右攝都夠位座唔洗等。黑面綣髮阿嬸無啦啦鬼食泥，大大聲自言自語，打邊爐霸住個位搞到無卡位喇！依家我唔係客呀？我一個邊爐頂兩碗麵啦，火都黎 ﹗另外個侍應阿姐嘈嘈閉，厭三厭四，比食客聽到係咪火都黎，人家有比錢坐係度食架！我的心中大埔必食麵店排行磅，排名不分先後 ﹗五香牛腩學利、清湯爽腩群記、柱侯牛腩魚滑、滷水坑腩陳漢記、滷水牛雜苑記、豬雜暢和、雲吞韮菜餃城仔記、魚蛋新舊蔡潤記、粉腸舊蔡潤記、墨丸花枝丸許記，無得輸、無得頂﹗五香牛筋牛腩撈麵走蔥，五香牛腩滿分拍案叫好，依舊鬆化高質，味道甜美無得頂。醃味濃濃清香美味，炆得透徹，啖啖肉無肥膏，大大舊牛腩差少少連我個嘴

放假中午想食魚蛋粉，又去左對面食學利。上就咁食魚蛋粉，今次試下3寶河，3寶有魚蛋魚片，炸魚片頭同古法魚蛋。炸魚片頭好食，特別鍾意個皮，而魚蛋魚片就一向出色，古法魚蛋就大粒、淋身啲、有少少薑味，雖然要$47，但勝在餸夠多。

魚蛋粉大埔周圍都有，雖然間間都唔錯，但總有幾間特別出色，其中學利算係出色中既出色。午餐去食，份量唔算特別大，但味道正，魚蛋有魚味、彈牙，魚片一樣出來，辣椒油夠新鮮夠香，湯底夠味、唔咸，好味！

我們因為想吃丸又想吃雲吞，便叫了一碗兩款兼備的八寶窩麵。炸魚皮是配料之一，店家為保持乾身而另外上。不過炸魚皮又厚又硬，我逼不得已將其浸到湯裏，但是浸了一會兒仍是軟化不了多少。其他配料有魚皮餃、雲吞、魚蛋片、墨丸、牛丸、貢丸。貢丸好像有怪味。幼麵才是整碗麵的靈魂；沒鹼水味之餘，爽口，軟硬度剛好，家人也同意是近年吃過最好吃的幼麵。雖然學利主打中式粉麵，我們也叫了一個日式叉燒拉麵試試。日式叉燒很鹹，同時亦酸，那種酸有點似鹵水牛展。湯也很鹹。麵還可以，不會太軟，但也別期望如拉麵專門店的一樣爽口有嚼勁。這裏有賣自家牌子的鹹柑桔、辣椒醬及炸魚皮。剛才吃的如是自家品牌，我會驚訝質素竟然這麼差。

呢間魚蛋粉都算幾西利，差唔多20年前已經開始食。味道咁多年黎都差唔多，唔算最好食，但都非常值得一試。魚蛋同魚片都彈牙有魚味。最好味係個炸墨丸河😋 可惜不斷加價，不過間唔中食一餐都ok既！👍🏻