影片
更多
2019-08-21
476 瀏覽
早午晚餐一剔過，思前想後，發記腸粉？達魔拉麵？鄉下仔魚蛋？最終決定學利牛腩。獨獨晚餐食咩好？近日工作忙到負能量颷升，想食食勁辣舒緩一下，路經學利是緣份吧啦！嬸嬸到底如何計到總數 $79 蚊架？睇睇張單 $55 + $24 蚊嗎？套餐餃腩撈粗配小食炸雞翼 3 隻連凍飲。如果散叫雙併撈 $43、雞翼 $29 蚊 6 隻、凍飲 $18，我真係計唔到。剛到步時冷清清，大量卡位任君選擇，檯要夠大先打邊爐麻。食到中段突然全場滿座，幸運地個個食客左攝右攝都夠位座唔洗等。黑面綣髮阿嬸無啦啦鬼食泥，大大聲自言自語，打邊爐霸住個位搞到無卡位喇！依家我唔係客呀？我一個邊爐頂兩碗麵啦，火都黎 ﹗另外個侍應阿姐嘈嘈閉，厭三厭四，比食客聽到係咪火都黎，人家有比錢坐係度食架！我的心中大埔必食麵店排行磅，排名不分先後 ﹗五香牛腩學利、清湯爽腩群記、柱侯牛腩魚滑、滷水坑腩陳漢記、滷水牛雜苑記、豬雜暢和、雲吞韮菜餃城仔記、魚蛋新舊蔡潤記、粉腸舊蔡潤記、墨丸花枝丸許記，無得輸、無得頂﹗五香牛筋牛腩撈麵走蔥，五香牛腩滿分拍案叫好，依舊鬆化高質，味道甜美無得頂。醃味濃濃清香美味，炆得透徹，啖啖肉無肥膏，大大舊牛腩差少少連我個嘴
嬸嬸到底如何計到總數 $79 蚊架？睇睇張單 $55 + $24 蚊嗎？套餐餃腩撈粗配小食炸雞翼 3 隻連凍飲。如果散叫雙併撈 $43、雞翼 $29 蚊 6 隻、凍飲 $18，我真係計唔到。
剛到步時冷清清，大量卡位任君選擇，檯要夠大先打邊爐麻。食到中段突然全場滿座，幸運地個個食客左攝右攝都夠位座唔洗等。黑面綣髮阿嬸無啦啦鬼食泥，大大聲自言自語，打邊爐霸住個位搞到無卡位喇！依家我唔係客呀？我一個邊爐頂兩碗麵啦，火都黎 ﹗另外個侍應阿姐嘈嘈閉，厭三厭四，比食客聽到係咪火都黎，人家有比錢坐係度食架！
我的心中大埔必食麵店排行磅，排名不分先後 ﹗五香牛腩學利、清湯爽腩群記、柱侯牛腩魚滑、滷水坑腩陳漢記、滷水牛雜苑記、豬雜暢和、雲吞韮菜餃城仔記、魚蛋新舊蔡潤記、粉腸舊蔡潤記、墨丸花枝丸許記，無得輸、無得頂﹗
五香牛筋牛腩撈麵走蔥，五香牛腩滿分拍案叫好，依舊鬆化高質，味道甜美無得頂。醃味濃濃清香美味，炆得透徹，啖啖肉無肥膏，大大舊牛腩差少少連我個嘴都塞唔入啊﹗不乾不鞋亦無渣，比以往較有嚼勁，我喜歡鬆軟的。
牛筋超膠滑腍軟綿綿，濃味黏黏，可口無得輸。有條牛筋結實帶爽同樣入味非常，我最喜歡綿滑膠黏的。何解牛筋腩較室溫凍少少既？筋腩麵的質素都比早年下滑不少呢，幸好色香味還能保持頂級好味道，現時都算滿意。
三寶撈粗麵走蔥加腩汁，腩汁咸、清湯咸、魚蛋魚片魚角都咸。點解食落樣樣都好似好咸呢？到底係我食得清淡左？少煙少酒少辣？定係我熱氣呢？撈麵份量十分多，必定能夠飽飽滿足。
五香牛腩撈粗走蔥，香港 5 星級五香牛腩 ﹗鬆軟綿綿啖啖肉，大大舊不乾不鞋不硬，幼嫩沒半點渣。牛味甜美、醃醬汁濃，非讚不可。牛腩雖然有點散碎不夠完整，但五香味搭肉甜味依舊香醇美妙。牛腩凍冰冰，現時十點乍喎，預備收檔？
學利最好食並不是魚蛋，絕對係五香牛腩 ﹗撈麵沒有黐到一舊舊一餅餅，每條均乾爽彈牙而滑溜，感覺超棒﹗粗麵彎彎曲曲掛汁力特強，每一啖都嘗到香濃味美五香腩汁。辣椒油真心堅辣，就連嗜辣的我都有少少冒汗，味道濃郁帶甜甜的餘韻，不過我至愛的辣椒油還是新舊蔡潤記，勁辣勁鮮勁蒜。辣椒渣勁撈麵最開心﹗
手打牛丸五香牛筋牛腩撈粗走蔥，戒不掉的五香牛腩撈粗，必定要掛上大量勁辣辣椒油，再狠狠地大啖大啖地啜，辣到汗水滴滴最舒暢！手打牛丸細細粒可愛的骰，結實爽口，先彈後嚥韌，肉汁滴滴帶清香牛肉味，有著火鍋店的影子。粗麵腍腍糊糊半溶漿住我的嘴既？不是肥叔叔師傅煮理嗎，眼見後生仔淥麵喎，天呀﹗肥叔叔放假、落場架麻？
香蔥撈魚皮，中辣竟然無味既？檯面那樽辣椒油辣多倍啦。爽皮勁厚似豬皮囉，味道質素跟魚滑、陳漢記相差非常遠。傳統用薑蔥麻油豉油撈已好好味，依家不輪不類，好采跟餐係細份啫。千奇不要誤會是刺身，魚皮已經灼熟再浸冰水，所以非常爽脆濕潤。淡水鯇魚怎可以生食架﹗神州肥媽有抗體特別唔同，千奇唔好傻到學肥媽返大媽區食鯇魚刺身呀﹗
黃金炸墨丸，招牌菜？有料到，炸得內外滾熱辣，香口散發鮮墨味，足料無欺場。沾上蜂蜜，輕甜的別有一翻風味。五香牛腩撈麵走蔥，碗清湯落味重了一點點，過咸免強還頂得住。幼麵唔洗剪架，不要剪我的長壽麵，下次必定要記得講呢。幼麵爽爽，不過學利似乎粗麵更出色，狂撈勁辣辣椒渣，啜晒入口激辣暢快！辣椒油辣味出眾，幼麵爽彈，牛腩鬆軟美味，辣能使您感到快樂！
牛筋丸五香牛筋牛腩撈麵走蔥，牛筋丸平平凡凡沒有過人之處，輕描淡寫的淡淡牛肉味道，微微的肉汁，足料合格。特濃蒜蓉腩汁湯，好飲到忘我﹗加埋特級香辣辣椒渣，搭上牛腩熱騰騰不停地吸啜，燙親嘴仔都不理，越熱越好味，無得頂呀﹗香辣雞翼，似乎原味更加好喎，炸粉硬掘掘人造盔甲，醃味尚可。
水餃五香牛筋牛腩撈麵走蔥，永續高質五香牛筋腩撈大大量辣椒渣，絕頂配搭無投訴。優質粗麵烹煮得宜，蛋香突出，滑彈乾爽，不過腍不濕不黏，淋上勁辣辣椒渣，興奮無比，美味刺激。奀滋滋的水餃，少食多滋味？條形水餃夠有趣。細細粒而且味道平平，餃皮麵粉味濃到蓋過水餃味，食完唔會開心的。食慣一口水餃，其呎碼係可以塞得我嘴仔滿滿充實的。
香茅雞中翼，完全無味白炸雞翼，裡面藏著濃厚雪藏味道，辛好肉質還嫩，外皮略脆。但有點油膩，呎碼細小發育不良。炸完洒上少許香茅粉嗎？某幾啖有超微弱香茅味道，非常不平均。
炸雲吞，方形炸雲吞有創意，但食得唔方便，唔可以一啖啪入口，極大塊皮，食皮都飽。即叫即炸仍有點油光，煎炸感極濃，肉餡又太少，好采未去到大陸雲吞得粒肉丁那麼細。試一舊原味，其他全部浸湯，淨食餡算咯，皮唔食喇。
五香牛筋牛腩撈河走蔥，撈粗撈幼食到厭，無伊麵供應，轉下口味撈河粉。師傅烚到河粉溶晒碎濕濕，用筷子根本夾唔到，撈河只能灼灼，烚到一劈劈點撈呀？倒落辣椒渣，求其連汁掃晒落口，是但消滅，完。
五香牛筋牛腩撈粗走蔥，撈粗煮到成餅出現，何解沒有兜散既？師傅太忙唔記得，還是已換掉帥傅？粗麵濕淋淋，漿漿糊喎，師傅忘記要過冰河嗎？微弱爽腍，雖然不過冷河可以保持溫度熱辣辣啫。粗麵彈滑掛上甜美腩汁香辣辣椒渣，惹味開胃食到停唔到口，啜啜啜迅間消滅，辣得刺激額頭冒汗，爽到震﹗
涼拌脆豬手片，還幻想係豬手片，原來真身係燻蹄黎喎。有幾塊依然入晒雪，趙到索索聲，砂冰係特色來的？燻蹄主要為豬皮，非常少瘦肉，所以特別爽脆。跟麻油甜豉油撈得均勻，整體平凡可以，早知撈埋辣椒油，應該會更好食。紫菜湯走蔥，最初好似有少少霉味，但攪勻後就消失左喎。爽爽紫菜，海藻味加炸蒜混魚湯，濃郁甜美香口，幾乎比我飲晒。
豬手撈麵走蔥加腩汁，食得五香牛腩多想轉下口味，豬手都係近年才有得供應。我最有冒險精神，首次交手 ﹗豬腳有修甲但無修腳皮，食落倍感壓力，腳板底鞋鞋的。唯有食晒上面既肉，腳皮吐出，使得我打晒冷震。豬皮膠黏飽滿味濃可口，肉絲鬆化陣陣五香，蠻滿意啊﹗腳毛要剃得乾淨一點，有少少刮嘴呢。
學利自家辣椒油一向有料到，激辣又夠香，越食越想食，越食越起勁，幼麵爽爽掛起五香腩汁連辣椒肉，天下無敵，食得過癮﹗食多幾件豬手，補一補隻手先﹗
貢丸五香牛腩粗麵走蔥，超讚炸蒜五香腩汁湯，勁爽滑彈蛋香粗麵，微菇味微爽貢丸都不錯。上湯浸什菌娃娃菜，奶湯香香甜甜還有濃郁菜甜味。什菌？只有爽爽雞髀菇片乍喎。娃娃菜鮮嫩爽甜高質，飲魚湯悶悶地，浸晒落辣椒腩汁湯再食，惹味刺激飈晒汗，最憎用大陸旺菜扮娃娃菜，鞋烚烚。
至尊三寶麵走蔥，魚片比魚蛋滑漏富彈性更有魚香，魚片頭彈力十足，魚蛋依舊麻麻地，粒魚蛋勁假囉，no good！爽爽彈彈幼麵咬到索索聲真過癮，鹼水麵充滿蛋香油香無異味好味道。掛上大量激辣辣椒油，啜啜啜出晒汗流晒鼻水爽到震。
黑椒汁雜扒飯，師傅叔叔親手傳上刀叉羹，麻煩晒。食太陽蛋的我，全熟蛋我不喜歡的，唯有搗爛撈飯。驚喜味道不錯，焦香蛋白脆脆，還有蛋黃碎，非常好撈飯。腸仔熱騰騰皮脆，肉嫩肉香不過咸剛剛好。
翻炸煎雞扒淡淡然的香茅味道，雞皮嚥韌，外硬實略乾內裡嫩滑有汁。翻炸煎豬扒惹味香噴噴，質地有嚼勁過得去。煎火腿咸香特出，好味道。我要少飯的呢，成碗飯送上。乾爽的飯粒配上黑椒汁，微辣黑椒香，甜甜作餘韻，差點兒比我全部消滅掉。好鬼衰架，人家唔想食太多飯麻。
新推出獨能火鍋，非常適合我啦 ﹗金菇鮮冬菇特 AAA 肥牛粟米生菜大辣麻辣湯烏冬，黎個麻辣火鍋醒下先，劇獨火鍋打自己，只需 $80 蚊真的有點削，雖然夠飽肚。大快活大家樂真的抵食夾大件，種類多款又有海鮮又有高檔次食材，吉野家都係平靚正，就連昌運老地方都大大鍋又好味呢。
麻辣湯大辣，滾起立即呷兩啖，淡茂茂的辣椒水微辣，即刻隊兩大羹學利勁辣自家辣椒渣啦，得左！香辣兼備，不過無麻囉。鮮冬菇爽爽滑啫啫微微菇味，金菇正常爽爽甜甜。特 AAA 肥牛唔係掛，笑死我咩﹗普通平民貨色，硬掘掘成碌上，烚烚下終於散開。外邊過熟，中間剛剛熟，有牛味但鞋韌兼備。
樣衰衰的墨魚滑，似鼻涕又似漿糊，滾起浮面就食得，彈彈的膠感十足，輕輕的墨魚香，合格。廉價即食烏冬要睇緊一點，好似會過腍繼而溶掉呢。散開熄火浸一浸剛剛好，連湯滾滾倒入口，滑嘟嘟有米香有香辣有菜味有肉味，甜美可口好食呀﹗
五香牛腩撈粗
16 瀏覽
0 讚好
0 留言
黃金炸墨丸
13 瀏覽
0 讚好
0 留言
手打牛丸五香牛筋牛腩撈粗
17 瀏覽
0 讚好
0 留言
香蔥撈魚皮
11 瀏覽
0 讚好
0 留言
五香牛腩撈麵走蔥
0 瀏覽
0 讚好
0 留言
牛筋丸五香牛筋牛腩撈麵
5 瀏覽
0 讚好
0 留言
香辣雞翼
9 瀏覽
0 讚好
0 留言
五香牛筋牛腩撈麵
23 瀏覽
0 讚好
0 留言
魚蛋五香牛筋牛腩撈麵
10 瀏覽
0 讚好
0 留言
水餃五香牛筋牛腩撈麵
4 瀏覽
0 讚好
0 留言
水餃五香牛筋牛腩撈麵
2 瀏覽
0 讚好
0 留言
香茅雞中翼
11 瀏覽
0 讚好
0 留言
炸雲吞
12 瀏覽
0 讚好
0 留言
五香牛筋牛腩撈河
11 瀏覽
0 讚好
0 留言
辣椒油
4 瀏覽
0 讚好
0 留言
五香牛筋牛腩撈粗
16 瀏覽
0 讚好
0 留言
涼拌脆豬手片
9 瀏覽
0 讚好
0 留言
豬手撈麵加腩汁
7 瀏覽
0 讚好
0 留言
豬手撈麵加腩汁
3 瀏覽
0 讚好
0 留言
貢丸五香牛腩粗麵
9 瀏覽
0 讚好
0 留言
上湯浸什菌娃娃菜
8 瀏覽
0 讚好
0 留言
手打牛丸五香牛腩麵
2 瀏覽
0 讚好
0 留言
辣椒油
7 瀏覽
0 讚好
0 留言
黑椒汁雜扒飯
14 瀏覽
0 讚好
0 留言
金菇鮮冬菇特 AAA 肥牛粟米生菜大辣麻辣湯烏冬
10 瀏覽
0 讚好
0 留言
金菇鮮冬菇特 AAA 肥牛粟米生菜大辣麻辣湯烏冬
7 瀏覽
0 讚好
0 留言
金菇鮮冬菇特 AAA 肥牛粟米生菜大辣麻辣湯烏冬
11 瀏覽
0 讚好
0 留言
金菇鮮冬菇特 AAA 肥牛粟米生菜大辣麻辣湯烏冬
11 瀏覽
0 讚好
0 留言
特 AAA 肥牛
7 瀏覽
0 讚好
0 留言
金菇鮮冬菇特 AAA 肥牛粟米生菜大辣麻辣湯烏冬
16 瀏覽
0 讚好
0 留言
張貼
