宅蝦池室內釣蝦場 (已結業)

終於捱過呢個星期😌約朋友仔去玩下❤️鈎蝦話就話興左好耐，都未鈎過。話說都只係鈎過墨魚，仲要係暈船暈，完全handle唔到件事😂咁今次就唔洗上船就非常好啦入到去就有狗狗welcome大家啦記得like佢地個page就有野飲啦。仲有其他誤樂設施 鈎得無聊都可以去玩下。不過我都黎到鈎蝦就一定要等到鈎到啦😆坐低左就有姐姐黎幫你同教你點運作架啦，唔洗擔心唔識搞七點到都已經好多人係度鈎緊啦旁邊有個網網俾你放自己戰利品上黎戈下真係生蝦咁跳😂最後會烤左你既戰利品俾你食的

我前世應該同蝦有仇，今世咁鍾意食蝦～ 有咩開心過即釣即食先？收費如上呢度同一般釣蝦場唔同，似 party room 多d好有屋企 feel有唔少可樂收藏open kitchen 煮蝦～進食區～有一隻好乖o既哥基，好文靜～ 忍唔住抱抱佢好～ 入正題， 開始釣蝦～～ 釣竿同蝦毛準備好～ 蝦蝦蝦，我黎啦～ 幾分鐘就有蝦上釣！仲釣到特別蝦～ 有利是抽中咗免費飲品～呢款好少見，台灣珍珠奶茶～仲中多盒樂天熊仔餅～～～兩個人，兩個鐘的蝦獲～店員幫處理好，洗乾淨，串好今次用粗鹽燒，店員話有時會整冬陰功 / 蒜蓉牛油開邊燒哇·～～ 好多膏呀！！！ 

我個人來講好鍾意食泰國嘅大頭蝦，但係除咗泰國可以食到，喺香港其實好少喺街市可以買到。唯一就係釣蝦場會見到呢一種蝦。香港有嘅釣蝦場唔係好多，我都係去過一兩個，而呢個我嘅感覺係比較舒適休閑。佢就真係用釣嘅方法，唔會係係個場入邊亂咁拖就會拖到。池入面係見唔到底，所以係唔會見到有蝦，全靠技術同埋運氣先至可以釣到。我釣左一個半鐘頭左右，就釣到有六隻，我朋友仔就多d。其實見唔到底都係一件好事，因為見唔到底的話，蝦都唔會見到你，所以啲蝦就冇咁驚會容易啲上釣。呢度嘅客係釣到幾多就食幾多，我釣到嘅數量雖然唔算好多，但係店主非常之好人都會比多一兩隻我食。我今日就揀咗最簡單好味嘅鹽焗蝦。咁樣嘅鮮味係最好食嘅，原汁原味。除咗釣之外，呢度仲會有卡拉OK，遊戲機可以玩遊戲，如果釣到悶嘅時候，可以去玩下呢啲，再番轉頭釣蝦，都可以消磨大半日，放假嚟不錯。

放假同朋友去左觀塘室內釣蝦湯釣蝦，有冷氣，有得坐住釣，舒舒服服個場都幾大，釣到悶又可玩飛碟機，睇電視，打機~仲有注場狗狗陪坐，一班朋友消磨一日話咁易~我地揀左每位二百幾蚊釣兩個鐘既方案，釣完可以揀煮法食反自己努力既成果~呢度用蝦仔做餌~放落去，耐心等，當浮標向下浸到咁上下代表有蝦準備上釣啦，咁就用少少技巧拉佢上黎，好彩既話仲會一次過釣到兩隻，技巧唔夠既就會比佢走甩~一路釣，注場狗狗會巡視業務架~兩個釣好快就過，店主幫我地燒蝦，我地坐低等食~大頭蝦唔算大隻，但新鮮，味道鮮甜，肉爽，有d仲有膏添~唔洗特別去調味都好味有鮮味~

呢個蝦場地方算係大, 行行走走都無逼既感覺, 店內會有食dinner用既桌子同埋for釣蝦既桌, 釣完返黎既蝦,佢地會有師傅幫手整黎食! 所以有得食又有得玩!室內其實係一個party room黎, 所以仲有d街機, 唱k個d玩!可以俾人黎包場玩既~場內仲有隻可愛既小狗玩, 唔怕人的, 好可愛!咁未釣過既朋友驚唔驚唔識釣呢? 其實唔驚既, 因為呢到會有靚仔教你地點樣玩, 一般黎講黎得既客人其實無邊個係完全一隻都釣唔到既, 其實都算幾易釣, 你唔動佢都會自動送上門既~蝦仔大約係咁大隻啦如圖, 基本上我地覺得最好食係炸蝦, 唔洗整太多既野直接食得, 二黎味道調味都比較出色鹽燒就難d入味, 因為出面鹽多數係出面個皮到一陣會整開佢黎食, 所以未必太入味.但當然啦, 呢到其實主要都係黎玩多過食既 如果你問我,所以野食最緊要係方便就可以!

集玩樂元素的宅蝦池釣蝦場確實為我倆乏味的週末增添樂趣，其位於觀塘一幢工業大廈，面積估算約2,000平方呎。中央放置一個大水池，四周放滿獨立高凳，而池內有大量泰國大頭蝦。基本工具有魚杆、餌 (小櫻花蝦)、鉗及毛巾。杆上有兩個小勾可放餌，拋到水裡須令杆上的浮波垂直浮在水中。當浮波向下掉/ 被拉動即代表杆上的餌被蝦盯上，隨即便可拉動魚杆，Mission Complete!首隻上釣的大頭蝦，是我倆的首信milestone經過兩小時的battle，收穫共有12隻，好啦，打和啦打和啦!旁邊設有用餐區，有四張四人檯，店員會協助免費烹調大頭蝦，能吃多少就看自己的努力喇。把大頭蝦處理好，然後洗淨以粗鹽燒製，簡簡單單已能帶出蝦肉的鮮味。新鮮乃是理所當然，每隻也是自己親身釣回來的。基本上大部份也含豐富蝦膏，大頭蝦相當甜美，蝦肉肉質爽彈，原汁原味。除了釣蝦區，還有遊戲corner，但來得也應該爭分奪秒來釣蝦吧......

今晚朋友帶我去左個特別既地方, 原來係觀塘既釣蝦場!!它位於觀塘工廈，地點方便，星期６晚去都幾多人，去到等左一陣先有得玩～等既途中，有隻好得意既狗仔過黎同我地玩，另外亦有部機動遊戲機大家可以HEA 下.之後安排座位比我地～工具好簡單，基本上係一支釣蝦桿，而蝦餌就係蝦皮，只要用鈎穿入蝦皮中間就OK!今次第一次釣蝦，聽老闆教路，釣蝦嘅時候，見到個浮波沉，唔好即刻chok桿，等D蝦大約10-15秒，就一下大力向上chok，又真係chok到好幾隻. 同朋友每人幾隻~店員將我地d 蝦用海鹽燒，肉質彈牙又有鮮味，唔錯又好玩！下次可以再黎玩～

早前看到網上介紹，便一直叫男友一齊來玩玩看終於等到週末放假，來到位於工業大廈內釣蝦場 當今社會，每個人的生活步調都相當快速偶爾停下來玩一下，也是不錯的選擇蝦場地方不算大，可供約20多人同時垂釣場內是按時收費，最低消費1小時$130除了蝦池，場地亦設悠閒區每位會有1支蝦竿、蝦餌、鉗和濕毛巾釣蝦場有人會教勾餌、抽桿等釣蝦技巧要將蝦頭除去然後將蝦身鈎上鈎，遮蓋鈎尖便可釣蝦不算難，純粹靠運氣 釣起來很有成功感 釣完後更可請店員幫忙處理堂食位置不用十分鐘我們的鹽燒蝦來了蝦肉質鮮甜結實 相信我們很快就會來第二次PS:店內的狗狗真的又乖又可愛地址：觀塘興業街14號永興工業大廈6樓C5室電話﹕6558 2103 如你喜歡,請給個LIKE^^ DULL LIFE

又到周年紀念嘅日子，男朋友話要比驚喜我一開始佢死都唔肯講去邊，整係同我講觀塘等，最後原來帶咗我去釣蝦咁大個女都係第一次咋！！一入到去，就會見到一個好大嘅釣蝦池！旁邊仲有桌球同遊戲機比你玩，釣到悶悶到，都可以玩吓其他嘢，唔錯！我地兩個都係第一次嚟，咩都唔識！好彩店員好好，好細心咁教我地一開始會比魚杆、夾、毛巾同啲蝦仔你，如果你唔識，店員會示範一次點做！先將蝦仔勾起，然後放落水到，再等適當時機，釣隻蝦上嚟！聽落容易，但原來做落都唔易不過玩玩下，你就會開始掌握到個竅門啦多番嘗試，終於成功啦啲蝦大大隻，而且都幾生猛！玩到夠皮，就可以攞啲戰利品比店員幫你烹調啦！廚房就係隔離，佢地會先洗乾淨，然後再用唔同方法調味！分別有鹽燒、芝士同炸！每款口感都各有不同！我最鍾意鹽燒，啲蝦本身都靚，簡單嘅調味，已經可以帶出蝦嘅鮮味！唔錯！呢個活動我地大家都好滿意，相信我同男朋友會好快再去玩多次囉😂😂

新春假期要去理行反同女皇嘅約定，今次就係講左好耐嘅釣蝦啦，至前講左好多次，他反學時期好中意去釣蝦場釣蝦，可惜後期已經結業，所以無機會帶我去。但原來最近又有新張嘅室內釣蝦場出現，位於觀塘嘅宅蝦池。位於工業大廈內，興業街中段，唔會難揾，地方也算大大至上分為倆邊一面係有梳化電視，應該有埋唱k環節，仲有張中形滑碟枱。而另一面就係一個大大個嘅蝦池，都可以坐20幾人，(如果坐滿)呢度係計人頭收費，計時間，而你所釣到嘅蝦，仲會煮埋比你食，鹽燒，冬陰湯……飲品另計付款後職員會幫你準備釣竿，再用類似櫻花蝦用餌就算好似我呢種新手，職員都細心講解，點樣放餌，點眯有無蝦食，同點樣將他上釣其實我都有試過倆次差啲上釣，但始終技術唔夠比他走甩釣完至後職員就會拎黎呢度炮製佳餚四人同行嘅收獲，可惜我全無供獻但話說回來啲蝦肉真係好新鮮，而且仲有好香嘅蝦膏，簡單嘅場地，好適合party,的確係一次難忘嘅週末回憶。

朋友帶我到觀塘室內場釣蝦，真的第一次釣蝦！店員會幫我地 set好哂裝備，再教我地點樣先可以釣到蝦，雖然第一次釣無經驗！但都好容易釣得到！！玩得非常開心~釣到之後好有滿足感想再釣落去係一個好難得既體驗~而且個場地夠哂大，同埋都好乾淨唔會有腥腥既圖中就是蝦餌，非常小小的蝦乾就可以釣得到好快就有蝦上釣啦還比中指長呢之後就將蝦獲比店員加工煮黎食估唔到有咁多膏呢！！都係鮮味蝦肉都爽口彈牙鹽焗好香入哂味場內仲有得打機同埋其他小遊戲！真係岩哂一家大細

初五雖然已經不是紅日，但公司仍然放假，所以比人多了一天假期出去玩玩，又不用太迫人。因為不是紅日，人流不是太多，我兩可以獨霸一個釣蝦池，好野！如果不想釣蝦，可以到旁邊唱唱Ｋ打打機。一進門口，吸引了我們的是店主的狗狗，真的好乖乖；就算初圓禁扁都不會反抗，哈哈哈，任摸唔嬲。今日我比較幸運，大部份的蝦都是我釣到的。由很怕跳跳扎的蝦，到已經克服，只是釣了三四隻蝦之後的事！幸運的我，今日釣到比較難釣的小蝦，而蝦尾上是有一個福字的；如果釣到可以在臨走前抽一封利是。兩個人兩小時只釣了十二隻，真的很水皮呀！剛釣了一會的兩個女生都已經多過我們！因為新年的關係，很多食材都還未補貨，所以今日只有鹽燒蝦。食住自己釣的蝦，感覺真的很不同；蝦新鮮，蝦肉超彈呀！休息及品嘗成果的地方。牆上的利是，而我抽到的是半價COUPON。

釣蝦食蝦嘩哈哈@宅蝦池室內釣蝦場觀塘興業街14號永興工業大廈6樓C5室中學時曾經有釣蝦活動興起，不過一陣時間後就消失了，見到網上介紹又hit返，搵埋朋友一齊回憶下。以小時收費1小時$130，2小時$240 ，3小時$300 ，3小後每1個鐘 $100。貓頭鷹時段，兩小時$200三小時$250。兩個鐘夠玩了，準備好釣竿就可以玩啦。池內放了大量蝦，增加上釣率，易釣到更開人興奮。除此之外,釣蝦就地正法，鮮做食物。鹽焗蝦個頭好鮮又多膏，自己釣自己食最開心。室內唔受天氣影響，難得尋回讀書時的回憶，入面中央除左有釣池，仲有其他玩意好似打機同唱k

朋友中有喜歡釣蝦的,讓我也一直好想試試到底是有甚麼魅力,原來最方便的就是觀塘就有一間新的釣蝦場。以為釣蝦場應該會有腥味或是滿地水潭,沒想到卻是像CAFE,有梳化有電視,有街機和氣墊球台。埸中有個池,店主準備好餌會教初學者如何加餌和如何看有沒有蝦上釣。大家亦可以問店主釣蝦的技巧!我也釣到好幾隻!是大頭蝦,感覺幾好玩,不用太多腦力,可以放鬆自己。釣到的蝦店主會幫忙處理,這次幫我們弄成鹽燒蝦。超級香,版即釣即食當然新鮮,加上有鹽調味,更顯鮮味,而精華都在蝦膏,甘甜無比。而蝦的料理方法是不停轉換的,聽說有時是大蝦冬陰公湯,希望下次來可以試到。

釣蝦聽就聽得多，台灣有，香港室外都有。今次朋友介紹一間係觀塘工廈既釣蝦場，地點較方便，亦都唔洗日曬雨淋。就試一試！不過又講返轉頭，工廈黎講，呢度又偏左少少，因為佢個大門唔係對住大街，所以要搵多一搵！可能係平日晚嘅關係，所以呢度都唔係好多人，坐得非常舒服！一入門口就有桌球枱同遊戲機，釣到悶悶哋嘅時候可以過嚟玩，舖頭中間係一個大水池，有個人獨立嘅櫈坐，釣蝦一d 都唔辛苦釣蝦池側邊就係卡位，釣完蝦之後店員會幫你處理啲蝦，可以舒舒服服咁食！工具都好簡單，基本上係一支釣蝦桿，而蝦餌就係蝦皮，用鈎穿入蝦皮中間，easy雖然今次係我第一次釣蝦，但係都有啲簡單嘅秘訣，店員現場亦都有教嘅，就係釣蝦嘅時候，見到個浮波沉，唔好即刻chok桿，因為蝦食得好慢，再等大約十五秒，一下大力向上chok(chok完枝桿keep住向上<<<重點！！)，千祈唔好再chok,唔係隻蝦就會甩，基本上咁做百分百會中！(個人經驗)呢度有隻狗仔叫妹妹，好搞笑嘅。鋪頭亦都做緊活動喺關於佢。池入面有d蝦係釣住狗狗公仔，集齊就可以有優惠甚至可以免費釣蝦！利申，呢度有部分係店員幫手釣再放入我個網，基本上兩個鐘最少都