宇治初時@自家創作料理

營業中

休息中

呢間喺葵涌廣場嘅外賣舖真係一個值得一試嘅地方！佢哋主打嘅酸辣醬真係好出色！我今日揀咗佢哋嘅撈麵，真係試到咗佢哋嘅招牌酸辣醬，而且佢哋有唔同程度嘅辣度可以選擇，真係好適合辣味控！撈麵底底都可以自己揀擇，我揀咗烏冬，佢嘅麵條煮得剛剛好，彈牙有嚼勁。配上酸辣醬，真係一絕！酸辣醬有獨特嘅風味，酸酸辣辣嘅口感令人回味無窮。如果你鍾意辣味，可以揀高辣度，真係刺激味蕾！除咗撈麵，佢哋仲有其他小食可以選擇。我試咗佢哋嘅撈魚皮，真係好好味！魚皮脆脆嘅，搭配上酸辣醬，更加增添咗風味。

我有時諗唔到食咩好，都會去葵廣掃街，因為貪佢款式比較多，今次就去試咗個幾出名嘅小店，他們主打自家製辣醬，而且有小天使這個辣度，適合啲唔太食得辣但又好想食辣嘅人宇治酸辣奶油扮意粉（輕盈）＄40推薦指數🗯️：🌟🌟🌟🌟🌟唔好以為＄40就好少，其實食落得份量都唔少，有蟹柳、青瓜、粟米、帶子仔等等配料；而我今次就揀咗天使辣，辣味不會很突出，奶油味比較濃，而且辣味剛好就可以中和奶油的油膩感，而且我非常欣賞他們給的醬汁超級多，就算我撈勻晒嚟食，到最後仲有少少剩低醬汁整體來講佢個自家制辣醬真係好出色，他們的魚皮聽聞都好食，不過我對魚皮就一般般，所以下次再嚟都係食返佢啲撈麵算😋😋不過他們食得出係用心機去整個醬，令好多平凡嘅食材都變得好好味

📝介紹返先! 相信唔少朋友仔之前已經試過佢地超好食嘅酸辣涼拌魚皮~宇治初時今期再推出新品! 「宇治鯛魚濃湯粉絲」!難得呢日見到型仔店主一齊吹水👨‍🍳! 原來新品未正式宣傳已經開始賣斷市，小編作為葵廣周邊的打工仔，食完已即被我Bookmark納入恆常葵廣名物!留意啦!「魚の無雙」10月登場! 🌶酸辣涼拌魚皮+鯛魚濃湯粉絲🐟兩食價$90，試齊哂兩款人氣爆燈招牌無雙，兩個人Share 充岩岩好啦~🍜宇治鯛魚濃湯粉絲 $50 (試食價進行中: $45)推介:⭐️⭐️⭐️⭐️⭐️一定要試!!熱賣新品果然有D 料到~ 自家鯛魚濃湯伴粉絲掛汁吸收哂個精華湯底，當中材料有數塊鮮魚片、木魚、紫菜碎粉及椰菜底等，令整碗口感層次豐富之外，亦令人停唔到口咁不斷食個份量唔少的粉絲底。帶返頭盔先~ 如果你可以即買即食，強烈建議在旁邊煮好即刻堂食，咁就會完美感受到美味的湯與粉絲神級合體，而外賣的話亦可以分湯裝盛，建議返到公司/屋企先慢慢加湯再掃散粉絲，咁就可以還原返粉絲同湯相輔相成嘅完美合體啦~🌶酸辣涼拌魚皮 (大) $50推介:⭐️⭐️⭐️⭐️⭐️必食基本上呢款每次都會再Encore，掛汁吸收及魚皮爽脆的程度比以前更有進步!又係食唔

睇個名真係以為賣抺茶🍵，但原來只係老細叫阿宇，係賣自家醬料同小食撈麵，真係好大反差！🔥不過佢啲醬又真係同出面好唔同，用料都係素，🌶️酸辣醬、麻酸辣醬用嘅係蒜頭、干蔥、指天椒、蕃茄、雜菌等，🍊而唔辣嘅果子醬就用柚子、檸檬、香草等，😊唔會話大重口味，比較清新開胃，會愈食愈想食！🐠宇治酸辣醬涼拌魚皮 (細) $30涼拌魚皮滑嘟嘟好厚身，皮脆爽彈，加埋天使 (小辣)嘅酸辣醬，微微嘅酸味配上有層次嘅辣味，好清爽，超啱夏天食！🍜宇治帆立貝冷烏冬 (輕盈) $30帆立貝彈牙有肉，自家果子醬清新帶淡淡嘅柚子同檸檬香，撈烏冬真係一流！加埋木魚花、青瓜、紫菜同脆卜卜嘅干蔥，入味但唔會太鹹太濃，食落無負擔！🍝宇治酸辣奶油扮意粉 (輕盈) $40小天使 (超小辣)嘅酸辣醬加咗奶油，醬汁比平時更濃厚一啲，令烏冬多咗份類似意粉嘅 creamy，淡淡嘅辣但有後勁，又唔會太搶喉，係一種惹味但唔係太重口味嘅死辣。平時唔食辣嘅朋友都會鍾意！

葵廣一向不愁沒美食。最近回到葵芳探望朋友，見到廣場又開了很多新店，當中見到這一家，因為有魚皮，眼球立即被吸引👀⭐️⭐️⭐️⭐️【宇治酸辣醬涼拌魚皮（細）】份量有分大與小，其實小份的份量也算多。我點的是小天使辣度，酸酸辣辣的醬汁覆蓋著灼魚皮，相當惹味，而且魚皮很大塊，沾滿醬汁特別好吃。個人喜歡再辣下次可以試試正常辣度。【宇治酸辣奶油扮意粉（大）】所謂的扮意粉，就是將幼身的幼烏冬煮得較硬身，營造跟Linguine差不多的效果。之後再拌上微酸的奶凍醬汁，感覺醒胃。麵上的配菜款式也不少，帶子、蝦、蟹柳和粟米等等，容易吸收醬汁味道，偶然吃過也不錯！

食物: 呢間小店主打面同魚皮，今日點左兩碗面，一碗魚皮，睇下佢有咩特別。宇治酸辣奶油扮意粉 ($70/輕盈版$40): -幾粒蝦球，爽口-幾粒帆立貝，都算大粒-配料有木魚，青瓜絲，粟米，紫菜，魚乾，呢個就你升級版的撈面宇治酸辣醬涼拌魚皮($30細/$50大): -唔係脆炸魚皮-係涼拌魚皮-好少見小食店有-唔腥，口感爽脆-似豬皮，但比豬皮更薄同爽口-加埋個酸辣醬，青瓜絲，魚乾-呢個應該係餐廳的名菜，我見好多人為佢而黎宇治拌麵 (韓國薯仔面$30+ 豬軟骨$15):-豬軟骨炆得淋-一向鐘意食韓國薯仔面- 配料有青瓜絲，粟米，紫菜，魚乾環境: 外賣店，冇位坐。但有張bar table 俾你企在度食。葵廣真係夏天掃街的天堂.

好耐無去葵廣掃街🍢，成個商場都唔同咗好多，好多唔常見嘅特色小食店進駐🤩，好多元化。但係另外有感嘅係，因為做旺咗嘅關係，鋪租同價錢都貴咗好多💸，葵廣已經唔再係中學生時代$100都唔洗就可以食小食到飽嘅葵廣😢。今次食哩間叫宇治初時🍵，可能因為我剩係衝住涼拌魚皮而黎，所以我都睇唔到佢同宇治有咩關係😂宇治酸辣醬涼拌魚皮 ($30)涼拌魚皮有兩個Size，大$50，細$30，又或者可以$30細魚皮加$20Mix其他配料😋。但要留意魚皮只可以小食咁單賣，唔可以配麵做餸🧐。而辣度都有分四級，小天使辣🌶️、 天使辣🌶️🌶️、人類辣🌶️🌶️🌶️、魔鬼辣🌶️🌶️🌶️🌶️。由於我係唔食得好辣，所以叫咗小天使辣👼🏻，點知真係好小天使，我直頭覺得唔辣😟，所以想淺嘗辣嘅朋友可能起碼都要叫天使辣🪽。雖然係細size，但係份量都好足，都有成4-5條魚皮，而除咗魚皮，入面仲有好多配菜，有蒜蓉、菜脯、酸菜、青瓜絲🥒、芝麻，好多料好多層次。魚皮處理得非常乾凈👏🏻，唔會有魚鱗喺上面，成條好完整好Q彈，食到嗰種膠質嘅感覺💆🏻，幾好食。個汁就因為叫左小天使辣，所以唔太有辣味🤧，主要係酸甜味，唔似係食米線嗰種酸辣味😮，反而似豬腳薑嗰種酸中帶甜嘅味。⭐️

難得假期可以出去玩，我同朋友仔決定去葵涌廣場掃街，喺呢度真係美食天堂，應有盡有！今次遇上宇治初時@自家創作料理，佢哋嘅料理非常有特色，配搭自家秘製醬汁，而且仲會提供四種唔同辣度可以選擇！另外，會有兩種份量可以提供選擇，如果想食多啲唔同嘢食嘅話，佢哋有輕盈份量揀，正！宇治酸辣醬涼拌魚皮（輕盈）作過一個前菜小食，係非常開胃！我哋仲點咗天使辣，辣度為小辣， 仲帶點酸酸甜甜味道，而且魚皮一啲都唔腥，爽口又美味！宇治帆立貝冷烏冬（輕盈）冷烏冬再配上秘製果子醬，非常美味。烏冬口感彈牙且煙韌，而且一碗入面有4粒凡立貝、粟米、紫菜、青瓜絲等配料，非常豐富！韓國豬軟骨薯仔麵超愛韓國薯仔麵！呢個份量十足！豬軟骨燜得軟腍又入味，而且用醃料醃得十分香！呢間小食店性價比高，下次再去葵廣的話，會再去食過！

今日黎到中學時期日蒲夜蒲既葵廣發現已經變左好多🤣又多左好多新鋪呢間望落好日式既店好成功咁吸引左我既眼球👀～～～🛎 宇治帆立貝冷烏冬（輕盈）見到呢個係店長推介，就試試佢🤘🏻好欣賞呢到大部分美食都有得揀輕盈，咁就可以試多啲其他唔同種類既野雖說係輕盈，但都好足料，有粟米、紫菜、青瓜絲、柴魚絲等等既配料撈勻後啖啖口感都好豐富☺️帆立貝有3-4粒，大大粒🤤唔會有雪藏味～🛎 宇治酸辣醬涼拌魚皮（輕盈）見到好多人食魚皮，我又跟風試下真係幾特別🤤首先辣度係有得揀我地揀左酸辣醬 - 小天使🌶️因為第一次食怕太辣～但其實小天使等於bb辣，建議大家可以放膽試下「人類」！魚皮塊塊都好大片🐟咬落好爽口，個口感好神奇🤣似豬皮，但唔會有種油膩感反而仲越食越開胃😹👍🏻🛎 宇治紫菜拌飯因為本人係飯桶，所以見到有飯就一定會叫！配料揀左雞軟骨粒，煎得幾香😆 同個酸辣醬都幾夾有啲卜卜脆時野咬下都幾正🤪原來冇叫到輕盈，真係幾大碗下🍚🌐 環境/服務店舖位於以掃街聞名既葵廣入邊難得地有準備張台係俾大家可以企定定係到食🥹幾有心～小店即叫即整，等候時間大概要10分鐘喔

今次行過2樓好多嘢食嗰個corner見到呢間小食店竟然有涼拌魚皮食，即刻心心眼😍平時一般都要去啲舊式麵檔或者大排檔之類先至有得食，竟然而家喺小食店都食到，二話不說即刻叫左份黎試下🐟同時見到佢啲拌麵個醬都好似好吸引就叫多咗兩個輕盈版嘅麵🍜宇治酸辣醬涼拌魚皮 $30魚皮滑捋捋得黎又爽爽脆，而本身魚皮就係冇味嘅東西，要靠外來調味，個酸辣醬簡直係神來之筆，同呢個魚皮超夾，仲有啲花生碎脆脆地，食完一個已經即刻好想再encore😋宇治帆立貝冷烏冬配自家果子醬佢個果子醬係自家製嘅，酸酸甜甜好正好開胃，超級適合呢個熱辣辣嘅夏天，最鍾意佢個烏冬夠凍，有時去食凍烏冬但個烏冬唔夠凍，真係想喊🤣麻酸辣醬宇治拌麵 $35拌麵可以揀讚岐烏冬、日式拉麵、韓國薯仔麵同埋台灣刀削麵，佢有四款辣可以揀，小天使>天使>人類>魔鬼，Emi第一次食都係穩陣d揀天使辣先，對Emi嚟講呢個辣就啱啱好啦，個酸辣將拌落去個薯仔麵度又係超正😋呢間小食店嗰啲醬料都幾出色，下次嚟到都一定會再encore🍜

葵涌廣場出名小食多，飽肚之選既有宇治初時！這間勝在多選擇，店舖旁邊亦有企枱企可以立食，好適合要快食又要填飽肚皮的人～宇治拌麵/湯麵/拌飯/炒烏冬，麵的組合巳經有4款；餸的選擇有11款；醬汁有二款選了帆立貝酸辣伴烏冬，拼酸甜齋，再加罐可樂烏冬內配菜有粟米粒、青瓜絲、紫菜、三粒帆立貝，伴起上來酸甜惹味，酸甜齋有三大舊，厚肉開胃當下午茶一流！

【葵青區】【宇治初時@自家創作料理】之前由於真正哥拍拖，所以冇乜機會同佢食嘢。今日就有機會喇喎，嗱我乜都冇講過架，總之就約咗佢行葵廣掃街咁啦。估唔到佢好少嚟葵廣，其實呢邊都幾多嘢行，仲有幾條食街可以「掃街」，嫌逼又可以匿去新都會喎。我唔係想同大家介紹葵廣，而係想講我哋掃街嗰陣發現咗一間唔錯嘅小食店，係食自創料理，叫「宇治初時」。行埋去嗰陣我都以為係食日本嘢，我去過日本宇治市，對宇治金時印象深刻，點知呢度原來咁啱係老細個名喎。去到，所有食物我叫晒輕盈版就啱晒掃街喇，唔會太飽。我試個 $30 嘅「宇治帆立貝冷烏冬」配自家果子醬，佢個醬酸酸甜甜好正，配埋個冷烏冬幾夾，就算我嗰刻唔太肚餓都好快食晒。係連啲配菜都食埋，份量調得幾好。真正哥就試 $20 嘅「宇治拌麵」，佢加 $15 要埋「海蝦球」做餸。佢特別欣賞個麻酸辣醬，撈埋讚歧烏冬，連啲菜甫都好好食。之後試埋 $30 嘅「宇治酸辣醬涼拌魚皮」做小食，加酸辣醬，口感一流，味道又好，唔錯。。。（地址：葵芳葵富路7號葵涌廣場2樓2020號舖）#1amfoodie #foodie #hkfoodie #hkfood #food #foodporn #

🌳宇治拌麵可以選烏冬、拉麵、薯仔麵同刀削麵，最後揀咗台灣刀削麵🍜口感煙靭，厚薄分明，加埋天使辣醬開胃好味😋配料揀咗海蝦球同豬軟骨，份量都幾多，豬軟骨大大件🐷🌳宇治果子醬冷烏冬果子醬味道甜甜地，夏天食呢款份外開胃，選咗個輕盈午餐，唔想食咁飽嘅話可以選呢款🌳宇治酸辣涼拌魚皮魚皮爽口彈牙，唔係非一般嘅爽口🤤真係好味到不得了！必食🦥宇治初時@自家創作料理 (葵芳)葵芳葵富路7號葵涌廣場2樓2020號舖🌲🌲🌲🌲🌲🌲🌲🌲🌼懶好食指數：4.7/5🌼懶住去指數：4.7/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 #lazysloth粉麵#lazysloth葵芳 #hkfoodie #hkfood #foodblogger #hkig #hk #hkfoodblogger #hkgirl #hkkol #hkinfluencer #hongkong #foodiehk #hkblogger #香港美食 #打卡 #香港

得閒都會去葵廣掃下街 最中意就係試下啲新舖頭✨宇治酸辣醬涼拌魚皮 $30/細店舖招牌小食✨ 魚皮幾大塊 口感爽 細份量都唔少 2個人share食都夠哂 配上自家製酸辣醬🌶 辣度分4級 分別有小天使 天使 人類 魔鬼 酸辣醬材料有指天椒 蒜頭 酸菜 菜脯 口感獨特 香氣十足 越食越開胃🐟宇治伴讚岐烏冬 加豬軟骨 $45有成3大舊豬軟骨 煮得軟腍入味🐷 仲有唔同配料 有粟米 青瓜絲 木魚 紫菜～ 今次揀左麻酸辣醬 比起酸辣醬仲加多種麻麻既感覺 醬汁相當醒胃 烏冬滿滿嘴嚼感 掛汁 👅宇治伴讚岐烏冬 加蝦球（輕盈） $35冷烏冬配上酸辣醬 岩哂夏天食☀️ 小天使辣度岩岩好 岩哂唔食得辣既人過辣癮🤣 食落十分清爽宇治初時@自家創作料理📍葵芳葵富路7號葵涌廣場2樓2020號舖

宇治酸辣涼拌魚皮 細 $30呢個係我慕名而來嘅原因，上網見到好多人推介，的確魚皮好大塊，最細塊嘅都應該有6-7cm，而且一個小食嘅份量都唔少，兩個人都唔使爭🤣係酸酸甜甜嘅感覺，好Fresh☺️宇治伴麵 w/豬軟骨 台灣刀削麵 輕盈 $30 +15豬軟骨勁冧，臨到有啲似牛根果種質地😍超級驚喜，婆婆食都冇難度🤭而且份量都唔少絕對值得加嚟食，由於辣度要咗小天使，所以容易入口，一樣係醒胃嘅醬汁宇治帆立貝冷烏冬 （自家果子醬）輕盈 $30天氣咁熱無胃口？呢間小店令你即刻開胃番😃烏冬配上店鋪自家製果子醬，甜酸味來自柚子，加上蒜蓉，同不同嘅配料e.g.粟米、青瓜絲、木魚、紫菜…非常豐富，而且有四粒帆立貝！烏冬並非讚岐嗰種彈牙烏冬，係乾果種，依然可以掛到醬汁～