安娜餐廳

營業中

休息中

好耐冇食過安娜餐廳，所以一放假就搭車入嚟食啦，提提大家，要早啲嚟因為到咗食飯時間就超多人，要等位㗎啦幾十年懷舊既裝修，別有一番既感覺一坐低叫完餐，阿姐就極速放低咗塊多士羅宋湯咁多年嚟每次幫襯都一定會叫，滿滿既蔬菜同埋牛肉既香味，濃淡度十分之好鐵板黑椒牛柳咁多年嚟到都一定會食，份量十分充足，大大份，牛柳軟淋淋一啲都唔會痴牙正呀鐵板什扒餐入面有雞全翼、豬扒、牛扒、煙肉、腸仔、薯條份量十足，啱晒啲大胃王嚟幫襯

要數元朗最佳食牛扒嘅好去處，相信元朗人都會講安娜餐廳。入到去睇個裝修已經係傳統懷舊冰室嗰種嘅西餐廳，長期門口都大排長龍，原因唔他，真係大件夾抵食，一個餐有大過手掌嘅牛扒，餐包，飲品，餐湯，真抵食！

今日喺元朗食晚餐。去咗安娜到食牛扒男朋友叫咗個7成熟嘅黑椒西冷牛扒餐，我就叫咗7成熟嘅黑椒牛柳餐。主菜到之前有多士同羅宋湯。多士烘得好脆但係又唔會燶。剛剛好。羅宋湯味夠濃又夠足料我食嘅7成熟黑椒牛柳，肉汁好夠而且好夠濃。好好味呀仲要都好大塊下，我食唔哂至於男友就叫西冷，都係7成熟跟黑椒汁佢塊西冷又係好大塊西冷都好夠淋。好好味。成數又剛剛好。正！有多士、湯同牛扒，我個餐貴啲都係$116，好食又唔洗食完自己洗碗。抵過我去超市買牛扒返去自己煮

平日下午獨自去午餐，路過很懷念讀書時期經常和一班好同學去吃飯的地方。2 時左右沒有人等位，點了蒜茸牛扒午餐，下單不到一會，餐湯、麵包隨即送到。羅宋湯是以前的味道，雜菜多味又夠酸。前菜煎腸仔、雜菜粒和香脆波浪薯條，只有這裡才吃到舊有的感覺，想起以前職員見我們穿校服，薯條還可以免費添加的。蒜蓉牛扒飯多汁，確實沒有令我失望，真的夠汁，而且牛扒大件，又鬆又冧。雖知道牛扒不是什麼上等貨，一定用鬆肉粉醃製過，但這正正是舊有的港式西餐廳口味回味無窮，要好好珍惜。

沒想到負責帶位入座啊姐十分差帶着小孩選擇寫字跟我說早又不寫我怎知道可以一早入去寫定其他人也是叫到入座才寫 就偏偏針對我 比說話我聽呢我只能說男的服務態度比女好很多👍🏼

舊式既懷舊港式鋸扒西餐廳，係香港已經買少見少。有時候就係想聽下鐵板熱辣辣炸炸聲，特別有味道。細細個跟屋企人去食，一見到店員淋d汁上去，每下炸炸聲都會好驚，好緊張。反而而家人大左，就好期待呢一下聲。呢種聲好似就同你講：「有得食啦！」今日黎左元朗既安娜餐廳，聽講呢間餐廳係老字號！入到去好熱鬧，抽煙都做得幾好，完全唔會周圍環境都係煙，最重要，就係聽到周圍有辣辣炸炸聲每份扒餐都會跟埋湯同多士，同埋飯或者意粉。濃濃既黑淑汁，佈滿晒成塊扒，叫左五成熟岩岩好。肉質好嫩滑，意粉都有濃濃茄味，食晒就好夠飽

住元屯天既師兄 應該都聽過安娜架啦 入到去你會覺得好似返左去八十年代 成個feel都好有時代感喎👍我由細細個開始食 到依家味道都無變過 一樣咁好味😋去安娜當然要食食牛扒啦 鐵板食牛扒係最佳既拍檔 叫左7成熟 佢哋既牛扒係好大塊 大過大家塊面🤣老套講句肉質鮮嫩 入口即溶囉 可能我細食既關係啦 次次去我都食唔晒 同埋配菜既薯條係大大條既薯條 唔同麥當勞個啲架👍個人中意黑椒汁多啲 我爸媽 父親節母親節都指定要去既餐廳 起碼呢三四年都係😋餐廳內既員工 大部分都起過50歲 都係好好既叔叔姨姨 又風趣又幽默👍元朗扒房推薦🎉🎉🎉

呢間元朗歷史悠久既扒房我都間唔中去食，午餐、晚餐、全餐都食過。今次行過食左個午餐😋午餐有飯，有扒餐。我揀左個黑椒牛扒餐🥩1️⃣多士同湯先上，個人認為紅湯比白湯好味，紅湯食得到濃既牛味，亦有菜（今次比我咬到舊檸檬😅）而白湯太淡，只飲到有少少菇味。多士配合個紅湯幾正👍2️⃣因為牛餐塊扒係薄身，黑椒汁略微蓋過牛味（如果係晚餐厚扒唔會）大致上都正常發揮。3️⃣我叫左薯菜，薯條同晚餐既一樣，包裝即炸果種，冇乜好講，我會比較中意食粗身既薯條🍟，個人中意意粉（本身已經有茄汁既果種）4️⃣叫左杯凍檸茶，超快上😂晚市同午市一樣，都將檸檬擺得好靚，望落去幾靚，飲落一般（冇乜茶味）埋單$55+10%全餐抵食啲個人試過焗肉醬意粉，超正👍各位可以試下

食牛柳。！！元朗正餐廳先講聲吾好意思如果你係天然派。呢度個牛柳落左鬆肉粉的。但係加上黑椒汁真係好好食。餐前有紅白湯。個人覺得紅湯較出色。仲有叫左檸樂。食扒配可樂是基本吧。。steak tasty nice food with low price in yuen longit's a good place to eat but often crowded, might need to wait if too late. place to eat but not place to stay for long

同男朋友去元朗，男朋友喺度爭住要帶我去呢間餐廳，佢話嗰度啲扒好好食。一坐入去，就俾佢嘅懷舊裝修吸引到。叫咗set dinner，餐湯連多士，多士烤得鬆脆內軟，仲夾雜着少少牛奶味，非常可口。羅宋湯酸酸甜甜的，有豐富的蔬菜和鮮甜的牛腩味道，味道不錯。頭盤是燒汁龍利柳配上三色豆和薯條，龍利柳鬆軟可口，薯條新鮮炸起，很鬆脆，再配上燒汁十分美味。終於到咗主菜蒜蓉雞扒意粉呀，雞扒配上蒜蓉汁好夾，肉嫩多汁，外層鬆脆。男朋友叫了洋蔥雞扒鐵板，配上薯條，分量十足， 十分抵食。

叫左個「全餐」，首先嚟嘅係餐湯同埋多士，我叫嘅係紅湯，我鍾意用多士點湯食。如果單食多士，多士脆嘅，唔會好似有啲餐廳咁烘完都好淋。雖然呢碟野睇落好普通，但係其實我好鍾意食粗薯條，都係果句啦，炸完都係脆嘅，唔會好似平時啲快餐店咁淋曬。不過就真係超唔鍾意三色豆，haha 同行嘅朋友都唔鍾意三色豆。主菜方面，我揀咗黑椒牛扒飯，叫左少飯依然分量十足。如果平時散叫鐵板嘅牛扒，佢會問你想要幾多成熟，不過由於呢個係「全餐」，所以就冇得揀生熟度。雖然冇得揀生熟度，但係都唔會完全熟晒，令到牛扒又鞋又乾，咬落都香牛汁味。最後我同我朋友都太飽，冇食到甜品，甜品可以揀啫喱或者雪糕。

I like the set lunch of This restaurant (I call it anna) quite a lot. It is value for money. You can get all of the above in a 全餐 (full set lunch ), actually more than the above as there are also dessert (ice cream / jelly) included. Also, I have eaten a few chips already before I took this picture. If you are not that hungry, you can get a 午餐（set lunch ), with no dessert and appetiser (the omelette and chips).First, the toast is really crispy and you can taste the good flavour of flour.For the

在元朗安娜餐廳算是數一數二嘅舊式扒房,真的歷史悠久沒有人唔識,見今日路過就嚟食吓lunch。牛油多士烘到脆脆地,咬一啖,牛油慢慢滲出嚟黑椒牛扒飯牛扒大塊,幾厚身肉質夠嫩,一啲都唔鞋口,又冇乜筋位,易切易食,加埋黑椒汁好濃好惹味,送飯唔錯。熱奶茶茶味香濃金香,奶嘅比例適合,香滑無比,係配餐之選

去安娜餐廳食晚餐！好中意香港舊式西餐廳，個裝修好正，好懷舊。依家越來越少，要好好珍惜。我媽咪話佢以前拍拖都喺安娜餐廳🤣係安娜食飯真係要快，好多時湯都未飲完塊扒就到咗。有時多人要搭枱嘅時候真係冇位擺，所以成日食到都倒瀉籮蟹。哈哈！今次我地叫咗個鐵板牛柳餐，配牛油多士，餐湯同埋嘢飲。牛柳我地都叫咗七成，冇咩雪味，肉質都算嫩，加上好香嘅蒜蓉汁，好味！不過我真係好怕啲薯條俾啲汁整到濕晒同淋晒，係塊扒下面嗰啲我通常第一時間撩出嚟食先，不過有時都係救唔到🤣

講開舊式懷舊西餐，己買少見少，元朗的🎈安娜餐廳便是其中之一，呢間餐廳起碼已40多年，真正歷史尤久，主要是賣港式西餐和人情味。餐牌都是套餐為主，價餞實際，均一價，约$55元，當然鐵板餐應是hero products💪.今天選了番茄雞扒飯餐，真係一般，但跟餐的羅宋湯就有驚喜，熱度十足，肉味豐富，材料足，讚👍另一個餐，就點了干炒雞絲意，雖然比較油一點，但好好味，其實就是干炒牛河的做法，裏面也有芽菜，耐吾中食下都👌，及唯有多做運動，減輕罪惡感。這間餐廳另一特色是服務很好👏，很熱情，一個小時開心與女朋友坐濶落卡位💑，雖然装修並不華麗，但感覺美好🎉。