安娜餐廳

營業中

休息中

平時好少入元朗嘅我，今日工作需要入咗元朗，Lunch Time時間去了在元朗好出名的安娜餐廳吃午餐，下午2時左右，餐廳坐滿八成人， 一行入去侍應就禮貌招呼 本身想食鐵板踞朳，但見到有個全餐好豐富又抵食，所以選了全餐！有忌廉湯配洋蔥豬扒飯加雙腸仔再加薯條，還有多士和凍飲，豬扒很軟身又入味，好多洋蔥汁，勁正！忌廉湯好香囗夠creamy， 薯條配腸仔這個配搭我也很喜歡！ 上餐速度非常快吃飽飽侍應跟我說還有甜品，可以揀啫喱或雪糕！ 這間餐廳服務和食物水準都超出色！必定會再來吃！

Anna 餐廳是一間懷舊西餐廳，回憶中學時代，經常來食，另外也很多拍拖情侶來食，因燈光暗和用蠟燭台，情調浪漫，但現在已沒有浪漫，因為燈光已得光猛，但食物質數仍保持著好味有牛扒、豬扒、雞扒、套餐都是百元左右，超值低食

今日帶了朋友去了一間古舊西餐廳食西餐，但係在門口有很多人排隊，我們等了一會兒就入了去叫了兩個餐，一個是西冷牛扒和一個豬手餐，牛扒有肉汁又很軟熟味道不錯，黑椒汁又很有濃厚，個隻豬手也很入味，燒汁也比較普通了一點點，特別想說了餐前個碗羅宋湯好濃郁好足料和個餐包是一塊多士脆卜卜好滿足。

細細個，父母都忙於工作，沒有很多時間照顧我，很少會帶我出去吃飯，我唯一有印象小時候全家一起出外吃飯，就是吃安娜餐廳，因此每一次去安娜餐廳，對我來說，吃的都是回憶，小朋友見到的職員，現在都仲見到，唯一不同的是，大家都年齡變大了。吃安娜，如果想坐得舒服，慢慢吃，我會建議在下午的時間來，送上來的餐都會很花心機，叫一個大蝦沙律，會砌盤，店員會留意你有咩需要，令你滿意。 記得細細個黎，有一日病到食不到野，店員免費為我遞上了一杯熱檸水，比我飲少少維他命C的野。如果晚上的時間來，因為人流好多，要人齊先可以入坐，座位位置附近都會有好多人穿插，上餐速度係光速，店員沒有時間同你傾計，但勝在便宜抵食門面，會有一道綠色的木面，上面會掛上兩個紅色的燈籠，還有一盞牆燈，地下會有一塊寫上是日晚餐/午餐的牌，注意，午餐和晚餐是平日先有的。晚餐是最抵食的，因為比其他餐多了一個煎龍脷柳（配薯菜），還送啫哩。不想食啫哩，可以選雪糕，雪糕還有味道可以選牛油多士，一定夠脆，但坦白說，有時候送上來的多士不夠熱，搽牛油的時候就溶不了餐湯可以選羅宋湯或忌廉湯，個人每次都係選羅宋湯，因為料好多，很香牛味，紅蘿蔔都好入味煎龍脷柳配薯菜：

懷舊鐵板餐係我的最愛，安娜餐廳其中一間常去的舊式西餐廳。整間餐廳都係七八十年的報置，好經典。這裡主打是鐵板扒餐，有豬扒，豬扒，雞扒，德國咸豬手。我選了最多人點的鐵板牛柳。扒餐還包餐湯，餐包，飲品，大概一百零蚊，非常抵食。我選了羅宋湯，酸酸甜甜，好開胃。而且餐湯用料充足，有不少雜菜同牛尾。餐包是烘熱上，好軟熟，配上牛油，真的好香。牛柳可以選磨菇汁或黑椒汁，也可以選要薯菜/沙津/飯，所以一定不會吾夠食。牛柳隨鐵板上，再淋上自選醬汁，超惹味。

這間老子號扒房吃過很多次，有牛柳，燒春雞，豬手等等，但當中最好吃的都是黑椒牛柳，肉汁鮮嫩，烤得剛剛好，而且口感易入口。配合很多三色頭和薯菜，懷舊的環境，令人賞心悅目。

太耐無去安娜，諗住重溫舊夢。點知服務，待應態度一樣咁差。。。其實去得安娜就預左，所以都唔介意，叫左一個牛柳，一個西冷，一個燒春雞。相比以前加左價唔少，但係都唔緊要，點知牛柳完全無牛味，只有鬆肉粉味。。食落真係唔知係咩肉！西冷好少少，但都無乜牛味。燒春雞不是鐵板上，肉鞋到不得了。。食唔落。。可一不可再！！無味覺既人可以再支持。。

由於我好少出元朗，所以朋友推介我喺元朗試嘅餐廳有好多都未試過！呢晚我就去咗一間元朗老字號嘅懷舊扒房「安娜餐廳」鋸扒。🍴晚市好多人！要熱住咁等位等咗應該都有25分鐘！平時鋸扒我都會好自然咁focus咗係牛柳喥。今次第一次試呢間扒房，我就揀咗5成熟嘅黑椒牛柳🐂，碟上～先嚟一碗羅宋湯！見到一嚿嚿牛肉非常足料又大碗！湯好濃郁，🍅味偏酸但好飲！黑椒牛柳 $112碟上嘅牛柳會預先幫你淋好醬汁，正常情況下佢係會鐵板上，只不過今次我特別要求碟上。 5成熟嘅牛柳好林，好厚肉～份量都算大！雖然黑椒汁唔係辣口嗰種，但甜甜地同牛柳幾夾。同埋佢啲薯條幾足～ 就算無加錢要飯/意粉都夠食！👍🏻

基本上食左咁多年安娜，都一定係叫牛柳😆😆😆早幾日心血來潮想上下西冷！所以就去左依安娜。安娜都仲係永遠既人多！等位都真係等好耐！西冷果然唔夠牛柳好食，我覺得西冷有dd硬，咬感無食牛柳咁易咬得爛！😂😂但味道都係好食既，重點係佢既黑椒汁😍😍😍不過下次我再食，都係叫返牛柳算😆😆😆

想鋸下扒，但又嫌高級西餐廳比較貴，不妨考慮一下安娜餐廳。作為元朗的老字號，門口經常排滿人龍，所以要預早少少去，今晚大概六點去到，啱啱好有位。點咗一份黑椒汁牛柳，侍應駕輕就熟地將重重的鐵板放到你面前，等你墊好紙巾之後，會幫你件扒淋汁，滋滋作響，加埋濃厚的牛肉同黑椒的香味，係視覺、聽覺同嗅覺的享受。牛柳叫咗五成熟，上到黎加熱後，差唔多七成熟，非常合心意。底下有好多薯條同三色豆，如果驚唔夠食，可以加錢加意粉。雖然我未試過，但見隔離枱加咗，唔係淨意粉，而係肉醬意粉，都幾抵食。

老闆今日個胃想食花園餐廳級數鐵板牛扒但係我地響屯門冇理由下下揸車出去旺角食，咁樣出去來回車錢重貴過餐飯😂，諗諗下唔係禾，元朗咪有呢類型餐廳，食在元朗成日提王子餐廳。我就問老闆好唔好，佢話呢個係碟上唔好，要食榨榨聲果隻鐵板牛扒，叮，元朗咪有間老字號安娜餐廳。gogogo，食完我地重要去睇牙醫。泊車方面餐廳出面有咪錶位，不過係極難有位停車場就要去到千色後面先有，成間店都係懷舊5060年代裝修，重有呢間店係出左名上菜快，大家樂，大快活上菜速度。所以一坐底叫完野食就已經黎左個湯同包。認真，我覺得呢個湯羅宋湯好好飲。我唔想食扒就叫左豬手，都係啖啖肉之選。呢個就係我老闆想要效果，一落汁勁大油煙。扒又夠厚，跟本食肉獸大餐。兩位埋單＄250左右可以滿足晒我老闆願望，非常好。後記：其實我生酮之後都好常食安娜，反而係我老闆未食過呢間咁經典ga餐廳，食物方面講真好多餐廳都好食過佢，元朗真係超級多餐廳可以選擇，但係哥吃的不是食物，是情懷。

兩個人卡位搭枱唔洗等位👍🏻扒房當然全場鋸扒，我地都唔例外。一份牛柳5成熟，一份西冷7成熟。上菜速度極快，收菜速度亦快。-餐包係熱嘅脆嘅-羅宋湯係熱嘅多菜嘅味道普通，無羅宋湯應有嘅辣味-7成熟西冷牛扒，味道偏咸，肉質係林嘅，質素似凍肉公司貨價錢過百仲要加一-全餐最差嘅就係牛柳，味道好咸，肉質係梅嘅，5成變十成仲要係過老un嘅，價錢係百一二未加一作為一間扒房但係啲扒絕對仲差過茶餐廳，價錢同貨質味道唔成比例，而且人多到全場爆滿，唔知係咪因爲咁所以咁嘅質素。員工態度都可以，咁忙都無黑面，收餐速度快唔洗張枱無位擺野食👍🏻雖然舊式嘅食肆已經好少，但係唔應該加價貼地但食品品質差到咁，絕對唔會再幫襯

發覺自己都有一段時間冇嚟元朗搵食。的確開咗唔少新嘅餐廳。尤其是在YoHo嗰邊。不過朋友講起話想食扒。大家都即刻諗起元朗最老字號嘅下扒房。去食嗰晚系星期四晚，大約七點幾。估唔到已經全店滿座。同時見到餐牌上面有一個還是套餐只係73蚊。講真，晚餐嚟講呢個價錢真係冇得輸。不過可惜佢唔係鐵板餐。難得一場嚟到，當然要試下佢嘅招牌鐵板牛柳啦。連落單阿姐都讚我識食，要食嘅話一定係要食鐵板黑椒牛柳。羅宋湯。羅宋湯夠足料，仲辣辣地，其實都幾開胃。餐包。多士付有牛油，呢個不過不失啦。凍奶茶。我覺得一杯好飲嘅奶茶係舊式扒房必備。當然這一杯都冇令我失望嘅。茶味香濃，奶夠順滑。飲完一杯真係唔夠喉。鐵板黑椒牛柳。呢件就係重點。牛柳十分鬆軟嫩滑。加上我叫五成熟。食落就啱啱好。真係令人食極都停唔到口。同時有番茄和薯條做配菜。食完之後啲童年回憶真係返曬嚟。鐵板洋蔥西冷牛扒。朋友叫咗呢個。肉汁鮮嫩，鍾意有咬口嘅人可以選擇這件。配菜就同牛柳嘅一樣。都係值得一試嘅。員工方面，相信都係老員工，都會同啲客人傾下閑偈。仲會推介下你有乜好食。呢度都值得加分。總結，如果你想食舊式扒房，新界區嚟講，安娜真係一個唔錯嘅選擇。而且仲要性價比好

食過呢間既食客都知呢度好有效率，首先要齊人入座，搭枱係指定動作，上餐同收碟都係好快手架！呢到塊餐包係勁脆身，一定要蘸湯食。羅宋湯好飲過忌廉湯，雖然味道偏酸，但係都有幾多料係湯架，好似椰菜紅蘿蔔蕃茄芹菜等。而忌廉湯味淡之餘仲要好稀。食呢d舊式扒房叫黑椒汁實無伏！d汁淋落鐵板個種咋咋聲，就知塊板幾熱啦！西冷好厚身，用鬆肉粉醃到好軟嫩既獨特口感，叫5成熟上到嚟就7成左右，底下係粗薯條同雜豆~好老實講唔係乜極品美味，大多數人食既係回憶🤩

元朗安娜，我第一次係中三嘅時候，至今已經十多年，真心陪著你走嘅感覺。中間佢曾經俾食環勒令停業一兩個星期，果時好驚佢就咁執左，因為想据扒我都一定嚟呢度。由佢有經典格仔枱布俾你遮住唔好俾汁彈到到宜家只係俾張紙巾你擋一擋，由職員姐姐因爲以前忙到抽筋而會惡死蘭登趕你走到宜家對人有小小笑容，幸而味道係冇變，依然令人懷念。首先佢個包包，係會烘到餅乾咁脆，不過我比較懷念以前佢仲有餐包揀嘅時候，因為我鍾意食熱辣辣軟綿綿嘅餐包多啲。我自己超鍾意飲佢個紅湯，好足料又有小小辣辣地，係出面第間搵唔到嘅味道。至於白湯相比之下冇乜特別，但絕對唔係罐頭湯。今晚同男朋友都嗌左牛柳，雖然塊扒冇以前咁厚，但係依然腍但又唔會有鬆肉粉味，依然值得讚。而汁我覺得同牛扒最夾嘅始終都係黑淑汁，但原來洋蔥汁甜甜地都幾好食。希望呢間街坊懷舊扒房可以繼續保持呢個味道。