安安燒 (鯉景大廈) (已結業)

安安燒 - 有水準串燒外賣最近都少了外出和在餐廳堂食，好多餐廳也提供了外賣的服務，這間串燒在我中學時期已經經常光顧，利用手機download “Devliveroo” app就可以落order，
不知道外賣的串燒是否能保持在堂食一樣的水準呢？蒜蓉燒扇貝分量多的蒜蓉佈滿在扇貝上，扇貝大大粒，新鮮多汁。———————————————————蜜汁燒芝心獅子狗燒到脹卜卜的獅子狗，內裡包住芝心餡料，一咬開時就爆漿，芝士味超出！麻吉年糕燒魚蛋外層燒烤得彈牙，內裏的年糕煙煙韌韌。———————————————————燒鹿兒島豚肉串 油脂分佈均勻的鹿兒島豚肉串，咬開時油香充滿在口腔，惹味得很。燒超美味一口甜薯燒得外皮乾身內裡細綿的甜薯，而且甜味十足。———————————————————秘製沙嗲醬燒豬頸肉肉質腍身的燒豬頸肉，再加上秘製的沙嗲醬，沙嗲醬的味道完全滲入到豬頸肉中。惹味蜜糖燒雞中翼雞皮烤得脆口而且佈滿濃濃的蜜糖，內裏雞肉嫩滑多汁。———————————————————黃金爆漿蟹籽丸打邊爐必食的蟹子丸，今次轉了燒烤的形式，脆脆的魚蛋外層加上更鹹香的爆漿蟹籽。燒頂級墨魚丸 大大粒的墨魚丸，墨魚味

日日抗疫深信好多人都留係屋企煮野食，現在真的個個都可以變廚神。留在家中煮得多都想出念出面的美食，特別打邊爐、串燒、小炒等。一星期我都會有2-3次購入基本糧食及日用品，今晚正想休息下不煮食倒不如 外賣自取 。去完筲箕灣 家興超級市場，即時諗起 安安燒 - 川式串燒專門店，可以外賣返屋企品嚐串燒的味道。由安安燒與回家的路程不是太遠，只需要15分鐘。最鍾意 #安安燒 多元化多選擇，有海鮮、肉類、蔬菜、甜品、飲品等。即叫即製的關係，返到家中仍舊熱騰騰非常好。蒜蓉燒扇貝$47對於串燒最重要夠火喉之外，以及濃郁惹味最為重要。蒜蓉燒扇貝一客有四件，蒜蓉和扇貝永遠都是最佳配搭，師傅燒得恰到好處而且超多蒜粒連同少許辣椒粒，味道與貌相值得一讚。皇牌燒牛舌 $35牛舌是考師傅的功架，牛舌一串有三小件佈滿孜然粉和七味粉，令人有嚼勁。肉味勁濃厚切富有口感。當然不是一流質素，但性價比極高。美國牛小排 $46牛小排以薄片為主，外層香脆內層鮮嫩的紅色相當軟腍不過份量不多，稍微遜色。惹味蒜蓉生燒茄子 $40蒜蓉生燒茄子簡直無敵組合，每次串燒必點之外多蒜多辣才是靈魂，如果有一碗飯應該會添飯吧！燒韭菜 $19韭菜油落得較多

OPENRCE 有咁多好既食評, 以為食得過啦,  點知錯晒.d串燒, 好明顯係一早整到半熟, 有人ORDER 就燒下再上枱咁啦, 除左燒蠔同燒菠蘿, 所有野都OVER COOK, 不知所謂, 唔明點解可以有百9幾個"好評", 我地4個女人仔, 一路食一路"小" , 哩間咁既野, 冇下次, 亦會話比身邊朋友(筲箕灣居民)知, 千其唔好嚟~~~我去燒烤堂同江仔記好X過

黎左幾年，又可坐出面食煙同飲返兩杯，環境又乾淨，串燒好味又價錢合理。次次黎都好滿足，質素一直都好好！今次order 左以下食物，韭菜同娃娃菜必食，樣樣都好新鮮，上野食又快。依家好難搵到咁好既串燒店：

鑱咀萬萬歲!🙌🏻ChamZeoiLongLongLife🙌🏻🦔安安燒萬歲！餐廳分室內外，室外位置是在大廈之間闊巷。餐牌種類多，有創意，而且很配合香港地道風味。芒果手工啤$42， 水蜜桃手工啤$39賣相👅👅👅👅味道👅👅👅👅口感👅👅👅👅份量👅👅👅👅性價比👅👅👅👅🦔非常特別的口味，值得一試美國牛小排 $46賣相👅👅👅👅味道👅👅👅👅口感👅👅👅👅份量👅👅👅👅👅性價比👅👅👅👅👅🦔口感淋得泥有d嚼口，1d根都冇，充滿牛肉味，外皮焦香，優秀！蒜蓉生燒茄子$40賣相👅👅👅👅味道👅👅👅👅口感👅👅👅👅👅份量👅👅👅👅性價比👅👅👅👅👅🦔有烤的質感，不會過淋袐製麻辣靚水魷 $42賣相👅👅味道👅👅口感👅👅👅份量👅👅👅👅性價比👅👅👅🦔辣汁不夠香濃惹味，因此水魷比較淡咪蜜糖雞中翼3隻 $29賣相👅👅👅👅味道👅👅👅👅👅口感👅👅👅👅👅份量👅👅👅性價比👅👅👅👅🦔雞翼葉得很入味，外皮充滿蜜糖蕉香甜蜜脆脆糖燒菠蘿 $22賣相👅👅👅👅味道👅👅👅👅👅口感👅👅👅👅份量👅👅👅👅👅性價比👅👅👅👅👅🦔多汁鮮甜蒜蓉燒扇貝4隻 $47賣相👅👅👅👅味道👅👅口感👅👅份量👅👅👅👅性價比👅👅👅🦔這價錢就不能期望能吃到真正扇貝燒手打魚皮餃 $28 ，燒自

冬至晚上嚟到安安燒 ，人不多。之前試過一次點很多，但發覺會凍哂。所以點菜要分幾次落會比較好。蒜蓉燒茄子係我至愛之一。自己係屋企唔會咁樣慢慢燒。蒜蓉夠多左起燒花枝丸; 火辣牛丸真係有辣椒; 海螺串唔係度度有芝士蒜蓉燒蠔。今晚芝士比較少，蒜蓉過多，有點失望。燒韮菜，好食，但唔記得走辣燒雞泡魚乾係必點之一。唔會好硬，配沙律醬一流燒雞軟骨，脆得嚟唔會乾。燒麻吉年糕，係鍾意食煙靱嘢嘅人要點蜜糖粟米，唔會好似有啲串燒店又落孜然粉燒排骨，好似蜜汁叉燒整體食物保持水準，會繼續幫襯

啲嘢食又等得耐， 價錢又貴又唔抵食， 佢啲串燒啲肉好似豆豉咁細粒， 個扇貝嗰嚿肉好似隻蜆咁細粒最嬲嘅係 你追佢單佢仲發你脾氣， 尤其是嗰個女侍應， 上碟嘢吓吓都大大力掉落張枱度

平時都好少寫食評, 今次真係好不滿！今日同女朋友諗住收工一齊開心咁過情人節, 就諗住去下安安燒食下串燒啦.去到門口見唔係太多人又唔洗等位,8 點幾有位坐低就即刻叫野食, 真係幾肚餓,叫左一堆串燒仲有碗芝士麵, 諗住食番餐好嘅！但係等極都仲係食緊西北風, 等到10 點幾都淨係得碗面食, 問極佢都話整多幾分鐘就有得食, 真係浪費哂大好日子嘅寶貴時間, 好地地一個開心情人節就比佢破壞哂隔離嗰台嬲到食左一片就賣單走人！以後都唔會再幫襯喇等食晚飯變食宵夜, 餓死都未有得食今次係第一次,亦都係最後一次！

安安燒又係一間我經常去嘅串燒店。佢嘅芝士撈丁又香又濃，非常滋味！如果鍾意食雞子嘅朋友仔仲可以試埋哩度嘅串燒雞子tim😋 我最鐘意安安燒嘅燒茄子，永遠都燒得剛剛好，上面佈滿蒜容，超惹味👍逢星期日至四21:55之後入坐仲有85折😄Hkgalxfoodlover 回頭率: 100%

夜晚晚肚仔餓，突然之間想食串燒，就渣左架車去筲箕灣試下呢間安安燒。12點鬆啲去到，人算多，都要等一陣位。入到去拿拿林點野食。燒茄子賣晒，所以轉左惹味沙茶燒金菇。燒娃娃菜（$15），少少辣，呢個好味。惹味沙茶燒金菇（$30），沙茶味夠，金菇入味。玉子燒（$25），呢個燒得乾得仔，普普通通。蒜蓉燒扇貝（$47/4隻），扇貝細隻到差啲搵唔到。蒜蓉燒鮮味海蜆（$44/份），蜆無沙，不過都無咩味。燒車厘茄煙腩卷（$24/串），車厘茄燒到岩岩好。安格斯肉眼牛柳串（$49/串），好普通，禁既價錢就一啲都唔值。皇牌燒牛舌（$35/串），同燒鳥亭或者南蠻亭差好遠。日式骨肉腸，燒到皮脆，好味。總結：蔬菜類幾好，海鮮就算數喇，牛肉都係一般，骨肉腸就有驚喜。

去完行山想食串燒，就搵下筲箕灣附近有咩食啦～一搵就搵到呢間串燒，就即管去試吓啦！一嚟到職員會比一張order menu我哋，入邊都算包羅萬有啊！先叫第一輪嘢食，就叫住咁多先啦！豬味道爽辣，正啊！呢個金菇真係不得了呀，牛油味蒜蓉味好夠，果然正過平時自己整嗰啲！茄子開邊蒜蓉，入味！菠蘿好甜呀！！呢個係我自愛嘅鯖魚!串燒菜比想像中嘢味好食啊！呢個入面有年糕好好味！整體來講，呢間串燒水準不錯！而且服務態度好好，職員都好樂意推介，食完仲即刻收碟添！最後埋單四個人每人只係百幾蚊！食到肚飽飽好滿足！朋友都話下次會同屋企人黎食添！我都會推介俾更多嘅朋友呢！我會再黎㗎 ！

去完大澳沙灘, 返到筲箕灣夜媽媽,  open rice 一下, 見隔離都系大大活啊 大興啊 呢d, 冇咩新意, 諗住行多幾圈, 發覺都冇咩收穫, 難得見有安安燒, 心諗好過冇, 就試jor 啦！ 夏日炎炎 當然選系室內坐啦~ 但其實outdoor 都有位. 之前系MK 都食過， 而呢個menu 基本都系一樣.  其實安安燒既selling point 系上菜都算快, 味道好味~ 茄子系燒烤必嗌既！ 而呢個味道唔差~ 烤得熟第二愛就係金菇啦~ 呢個牛油金菇好正！ 見佢個牛油都落得好重本下 之後加蔥 蒜蓉 小小辣椒~  十分香~ 停唔倒手. 呢個系牛舌 呢個煙肉芝士年糕,   比較創新, 但係個人覺得口感沒什麼特別, 花枝丸  烤得好好味！  值得推介！ 蜜糖雞翼都系推介的, 因為佢烤得非常好！ 外表稍微脆脆的, 咬入去都多汁 而且唔會有那陣雪藏味！ 小食 豬耳 稍微辣, 可選！ 嗌jor 兩份海鮮, 覺得那個仙貝 一碟有4塊, 但係總見一塊縮水得非常嚴重.  見上面鋪滿蒜蓉, 但係食落口, 冇咩口感, 味道淡. 芝士烤生蠔, 呢個質量還不過, 芝士同生蠔都算蠻配的. 

作為街坊經常都會在係夜晚經過呢間鋪頭，次次都見到有唔少三五知己係到食串燒飲啤酒，氣氛不錯，非常熱鬧。今日終於都係到食左一餐晚餐，嗌左八九樣串燒，質素頗令人滿意，沒有失望😋。嗌左兩隻蒜香飽魚，鮑魚彈牙有口感，蒜味非常香口、強烈，蓋過本身鮑魚嘅鮮味。同樣係蒜香做法嘅扇貝，味道差唔多，蒜落得俾鮑魚更多，好搶口。見到大家都推介招牌芝士撈麵，當然要一試，嗌左蒜香加芝士版本嘅撈公仔麵，蒜同芝士各佔一半，賣相吸引，令人期待。撈勻後發現蒜味始終較為搶口，令芝士味被比下去。overall黎講係令人滿足嘅，下次應該會想試返三重芝士嘅版本。豚肉同牛肉串燒屬中規中矩之作，味道比想像中淡些少，因我同bf都係重口味之人，都不斷係串燒到落孜然粉😂。值得欣賞係兩種串燒都唔會燒得乾身，牛肉入面都juicy嘅。燒蟹棒味道不錯，熱辣辣食幾好。燒多春魚味道都係淡左少少。燒菜心調味反而比肉類重啲，對我而言啱啱好。燒韭菜又係熱門嘅菜式，的確係唔錯，令平時唔太好韭菜嘅我都覺得幾正😋仲有嗌左燒雞中翼，味道都係偏淡，可以再惹味啲，仲有一串辣牛丸，辣辣地幾香口，算係唔錯！

從來係筲箕灣搵食都唔會懷疑種類又好、食物既質素都好總有一間岩你口味🤤 (幫筲箕灣賣緊廣告添🙈)因為今次晚上九點幾先食晚飯，所以心水都係選擇d可以夜d食都唔會趕頭趕命既餐廳 —— 串燒🍡🍢☺️閑日去到full左 要等位不過只係同🐷兩個人好快就有位餐牌同落單係同一張紙係過左膠可以循環再用果隻☺️真心支持哩個方法 環保d (因為飲食業已經好浪費架😳) d放題紙就係其中一樣喇野食好快就上 員工又快手整體黎講味道不錯，雖然同格離枱近d，但坐得都舒服既好掙扎。。。。最尾無食到個撈面，台台都有叫！下次再黎一定要食拒個芝士撈面😂🙈

This restaurant is a bit expensive. We ordered 5 food and spent $160. The cheese noodle is good. The staff told us to eat as soon as possible because it is tastier when it is HOT. The 蒜蓉扇貝 is a bit more with a lot of garlic which is not really attractive. 雞軟骨 is also not really worth because it is quite normal like what we can it in 放題 which I think $12 per one is not a good price. The 'nian gao' in Korean style is not a good match with the bacon and cheese although it is quite new to me. Overal