安安燒 (鯉景大廈) (已結業)

十號風球前夕的晚上，我和朋友到這家串燒店慶祝生日，由於已約定了，所以決定「風雨不改」。😎我們一坐下，服務員看見我們攬著手袋，便即時拿椅給我們放，十分細心。我們看見餐牌上的選擇五花百門，種類頗多，圖文並茂，見到都想食!芝士撈丁 $47濃濃芝士舖在麵上，表面微微烘燶，令芝士融入麵內，再用筷子撈一撈，一放入口便感受到芝士嘅美味，簡直可以滿足我這些芝士控呢。烤雞腎 $23雞腎爽口，咬落去索索聲，用嚟送啤酒一流。粢飯 $23粢飯外表烤得微焦，所以咬落去原本軟身的飯會帶點脆，與內裡的肉鬆和油條一起放在口中吃又是另一番風味。串燒叉燒肋排粒 $20出色的叉燒肋排，有點像燒味中的燒排骨，配上燒烤醬汁，口感不錯。甜蜜脆脆棉花糖夾餅 $14棉花糖微微烤香，與夾餅的香脆是不錯的組合， 是一道得意之作。今晚有緣在十號風球前夕下到這間串燒店和朋友慶祝生日，真是十分難忘!👍

聽同事講話安安燒又平又好食，今日中午就同媽子去筲箕灣食吓，睇下係咪真係咁好食。一坐低就即刻叫咗個一坐低就即刻叫咗個惹味沙茶燒金菇，金菇非常多汁沙茶醬味，亦都非常香濃，金菇亦都唔係好粗身，唔會攝牙縫。之後我再叫咗個個燒打魚皮餃，外皮唔會燒得太熟，亦唔會話好厚，魚肉多汁好食。然後再點左個金銀蒜蓉燒生蠔,我本身個人唔係幾鍾意食蒜蓉嘅，但呢間嘅蒜蓉整得勁好食，超香，令生蠔超惹味，Mix埋一齊食簡直係prefect。之後我再點左個蒜蓉燒扇貝，啲扇貝超大粒，冇海水味，加埋香蔥同蒜蓉一齊食真係好清新。最尾我哋再嗌左個串燒蜜糖燒賣，呢個真係好正，佢哋將燒賣燒到金黃色，非常有魚肉嘅味道，熱騰騰的，連埋蜜糖汁一齊食真係第一次，贊贊贊！喺呢間食都算喺呢間食都算抵，兩個人嘅份量算差唔多，加埋都唔係話好貴。

食串燒的魅力，除了在於食物質素外，就是一班人你一串我一串，豪情的用手拿來吃，飲埋啤酒的感覺真係不得了。這間主打串燒的食店，門外門內是簡單日式居酒居的格局，感覺就好像日本人放工後放鬆壓力的好地方。🍢蒜蓉燒扇貝 $46/4隻鋪了滿滿蒜蓉的扇貝，扇貝肉新鮮，，經燒烤後，流出的扇貝肉汁與蒜蓉混在一起，十分惹味，扇貝肉新鮮，好味!🍢極品烤餃子釀雞翼 $30/2隻將餃子材料釀入雞翼來燒烤又是另外一種風味，出色之處是雞翼沒有骨，而且皮燒得微燶剛剛好，有種bbq烤出的香氣，咬落去外脆啖啖肉，不錯。🍢霸氣十足 燒韭菜 $19/份初時這碟韭菜放在桌上時未有覺得有什麼特別，不過一拿起來就見到原條韭菜，一梳一梳霸氣十足，簡直可以遮住塊面，韭菜有啃勁，配上醬汁帶微咸不錯。今次和朋友收工後在這間店子吃，在悠閒環境下，放開懷抱飲飲食食，將工作壓力釋放，過了一個輕鬆的晚上，感覺很好。

筲箕灣鬧市小巷裏面有間隱世嘅安安燒燒烤串燒店門面十分搶眼 唔算難搵餐牌鮮明清晰 非常方便下單開餐之前先點左兩串燒翠玉瓜($13/1) 清清腸胃翠玉瓜以孜然粉燒香 風味十足但係翠玉瓜仍然保留有水份 唔會太乾身蒜蓉香蔥燒大扇貝 (時價)蒜蓉味十足 非常香濃 一上枱就香氣撲鼻 好吸引扇貝肥美多肉 鮮味十足玉子燒 ($27)玉子燒表層燒至焦香味道清甜可口 口感細滑而且共有六件 份量都幾合理燒法式羊架燒羊架肉嫩多汁 燒得非常出色！令人更加既位係竟然配以薄荷醬同埋芥末真係值得一讚 非常有心思呢個羊架真係超正 絕對係必點自選！

昨日，與男朋友在筲箕灣探了親戚後，便在附近的安安燒享用晚膳。安安燒是以出售串燒食物為主及有啤酒提供。雖然地方不大，但配合日式裝修及整齊的擺設，能給予我們舒適的感覺。由於我們是第一次進來，所以只是嘗試了五款小菜，包括芝士蒜容丁撈、燒粟米、燒韭菜、燒雞腎及燒菠蘿。最令我們深刻印象的就是芝士蒜容丁撈及燒菠蘿，前者十分滋味香口，而後者驚喜地香甜多汁，味道簡中難以忘懷。另外一方面，燒韭菜份量十分充足和香口野味，與國內的不同，十分衛生及足料。最後，燒粟米及燒雞腎整體也不俗，總括來說，這間店舖總對是晚飯及宵夜必選。對我們來說，一定會回來再度光顧。

鍾意食熱氣野，鍾意到咳左一個禮拜都要去食，唯有全部走辣啦 住喺筲箕灣嘅朋友我要打帶我去食筲箕灣最好食嘅燒燒，小店都好乾淨，又有電視睇，如果想飲酒吹水可以坐出邊。雖然係即叫即燒，不過上菜好快，10分鐘左右就ok！燒芝士丸係我嘅最愛，燒都外面煙韌裏面軟熟，麻糬年糕燒都好特別，好有口感。燒帶子好新鮮，佢落勁多蒜蓉，好惹味仲有燒餈飯，燒完個餈飯脆卜卜，好香口 燒蠔，隻蠔好新鮮，一d都唔腥，好爽口仲有燒蟹棒，加大量沙律醬，yummy燒娃娃菜，燒菜我好少食，原來好鮮甜！仲有嫩雞肉，個皮燒得剛剛好，脆得嚟又唔黑，d雞都好入味燒菠蘿呢期大熱，佢係用地門嘅，所以一定夠甜，最衰我咳啦如果唔係一定會食有焦糖面果款，見到隔離檯果個燒到卜卜燒雞腎，落咗牧然粉，好風味，另外豚肉串都好入味！食住咁多先！下次好返要食全部都辣嘅！

嚟到呢間幾出名嘅燒烤店，除咗口痕想食小食之外，梗係想同朋友隊返杯，實行不醉無歸！因為夏天所以都係揀咗坐入面室內嘅位，如果想食煙嘅坐出面又得就算係隔住玻璃門，但入面都完全聽唔到出面講乜，隔音做得好傾偈嘅時候就唔怕被騷擾大概嚟到嘅都唔止會飲杯嘢就走，最少都會嗌兩三支先傾夠食夠飲夠，所以佢啲嘢飲選擇真係多！有酒有普通嘅見好多檯都半打藍妹咁嗌，我同朋友人少少就單嗌算因為俾佢個名elder flower吸引咗，就叫咗呢個接骨木花味嘅apple cider好甜好易入口，啱哂女仔嗌飲咗幾啖酒未有嘢食嘅時候發現檯面有調味粉，排列得井井有條同大部分燒烤店一樣都係呢幾隻重口味又鐘意食辣嘅我以爲一陣會係咁落啦，點知佢呢度啲嘢食調味全部都好夠，所以都冇乜機會落首先嚟嘅係燒韭菜個人真係好鐘意燒嘅韭菜，去親食串燒必叫！韭菜本身嘅香味加埋孜然粉真係好香，搞到我哋留哂口水韭菜新鮮唔多渣，不過凍咗唔好食，呢樣真係記得要襯熱叫咗4隻蒜茸烤蠔好似有貴啲價位嘅蠔同平啲嘅揀，我哋揀咗貴啲嘅，可能因為咁所以蠔嘅size好滿意，算係肥美多肉，唔會成粒豆豉咁熱辣辣燒上嚟好多汁蠔上面鋪滿咗好多蒜茸同蒜粒，仲有少少蔥，辣椒同炸蒜炸蒜食落

行完會展，就到朋友介紹嘅筲箕灣的安安燒食野，呢度可以選擇自助燒，但對於懶惰嘅我，當然簡由餐廳燒好嘅啦😁😁。野飲係普通罐裝飲品，不過安安燒主打燒物，野好食就ok。牛肉粒：牛肉燒到大概7成熟，咬落去仲有肉汁流出黎，唔會老到咬唔到，依一點值得加分。帶皮雞件：連埋雞皮一齊燒，變左食既時候會有脆脆既感覺，雞件大大件，好似食緊炸雞脾一樣。八爪魚粒：新鮮，唔會有雪藏味，加埋辣粉一齊食更加好食。四海魚蛋粒：配埋醬汁一齊燒，夠晒入味，又係唔會燒到乾爭爭。菠蘿：燒過既菠蘿會有一層脆脆既糖漿係面，甜得黎咬落去水份仲有好多。蒜蓉焗蜆：每粒都算厚肉同份量都多，不過有少部份有沙，味道搭救，清淡而食到蜆的鮮。最值得一讚係，餐廳每款食物都有圖片參考，而且圖文與實物相符。

自從去年到北京交流後，一直對當地的烤串念念不忘，想念那濃香的孜然香與辛辣勁。然而在香港，一般能吃到的均是較乎合港人口味的泰式或日式串燒，雖然沙爹、蜜糖、燒汁等調味也相當不錯，但卻滿足不了我對北方烤串的思念。向友人訴說我的願望後，他便帶我來到這間安安燒，說是非常有北方感覺的一間鋪，值得一試。我們大概7點左右到達，   當時店內人並不多，大概店鋪主要是做宵夜生意。店內裝修簡潔明亮，座位亦尚算舒適。和朋友聊天吃串燒，當然少不了一點酒精。店內酒類選擇挺多，啤酒、香檳、果酒等等都有，我則選了一款之前未有嘗試過的果味手工啤。手工啤入口酒味較淡，帶點點果香餘韻，相當不錯。燒茄子是我相當喜歡的一道菜，但在香港卻很少能吃到，見安安燒可以吃到，當然要點！茄子燒到剛熟，上面鋪滿了蒜蓉和辣椒，帶點點的孜然香，值得推薦。芝士餈飯似乎係店鋪自創的一款小食，因為我在其他地方也未曾吃過。餈飯被燒至脆卟卟，口感有點像在吃煲仔飯的飯焦，十分香口。餈飯上有一層熔了的芝士，配合入面包著的肉鬆、油炸鬼等配料，既飽肚又好味。餃子雞翼亦都值得推薦。雞翼外層塗了一層蜜糖，燒得剛剛好，既香口又不會太焦；雞翼入面釀了菜肉餃的咸，使口感不

突然間好想好想食串燒所以就去咗 筲箕灣"安安燒"一嚟首先叫咗支日本手工啤,支啤味道好特別好似有種花香味咁飲完之後啲食欲大增。叫咗 蜜汁燒蠔 燒娃娃菜 沙律醬燒蟹柳 燒雞片同 墨魚嘴。蜜汁燒蠔我覺得呢間嘢真係整得唔錯！夠新鮮同鮮味之餘一咬落去啲肉汁係多到滴出嚟仲有個脆皮光滑雞件,真係估佢唔到燒到塊雞皮仲脆過塊薯片重點竟然唔燶實在係雞皮愛好者必食佳品之前我未試過食燒娃娃菜 因為覺得好似好奇怪咁,但係對面條友又勁話好食,唯有試下啦點知原來係咁野味～最後要叫多串先夠過口癮最後唔可以唔題嘅"沙茶醬深海大墨魚嘴串"佢粒嘴真係差啲啲就有乒乓波咁大！咬落去勁煙靭同沙茶醬嘅味好夾送酒一流。今日大完滿

難得入完石澳游水，出番去筲箕灣食晚飯，由於游完水既關係，大家都唔係食得太heavy，所以揀左安安燒既串燒。店舖有分室內同室外，而室外除左可以吸煙之外，更可以選擇自助串燒。食物種類都好多選擇，基本既肉類同海鮮一定唔少得娃娃菜（$13）：第一次食燒既娃娃娃菜，比平時食到既更加爽口，連埋d醬汁一齊燒入晒味墨魚丸（$18）：本身燒既時候已經加左醬料，而燒完都唔會好乾身，好考功夫茄子（$40）：食串燒必點item，蒜蓉味入晒落隻茄子到，而本人就鍾意淨食肉，唔食燒過既皮，真係無得輸沙茶豬頸肉（$28）：一粒粒既豬頸肉比起一片片既會更加爽口彈牙，沾埋個沙爹醬一齊食就唔需要特別再加辣粉雞腎（$23）：燒得好乾身爽脆，配啤酒一流海螺（$30）：用新鮮螺肉，大粒得黎又有海鮮既甜味

朋友係要見嘅， 想坐得舒服又想啤一啤， 我同朋友都立刻諗起安安燒， 因為大家係係住港島東嘛。平時好爆滿㗎， 所以今次我同朋友一早6點就嚟食， 唔係就真係無位喇， 安安燒除咗佢燒好俾你食之外， 你仲可以揀自己燒嘅， 但坐外面太熱了，我地揀咗坐入去 (因為嗰日係36度高溫) . 冬天再諗， 簡潔嘅裝潢，牆上貼滿多款食物飲品介紹。 坐低不久服務員就給我地餐牌同介紹今日嘅新鮮海鮮， 食物種類好多，可惜我地得2個人啦。 朋友想啤啤， 所以叫咗青檸味手工啤 $38， 我就緊係捨命陪靚女啦，唔飲酒嘅我就要菠蘿啤 $13, 都有少少酒精㗎 , 試咗一啖呢個手工啤係有好濃嘅啤酒味少少嘅青檸嘅 苦澀啦。 跟住等咗一陣， 我地叫嘅串燒就嚟啦， 先嚟咗個惹味蜜汁串燒蠔 $52 有3隻， 蜜汁係我至愛， 唔太甜味道啱啱好。 燒鹿兒島豚肉串 $20/串, 我地每人一串， 每粒都有少少脂肪， 但又唔太多， 好味。 燒鮮冬菇 $15 無苦澀味同好香冬菇味。 美國牛小排 $46 外脆內嫩， 中間仲有紅紅的。 當然要食埋佢地嘅安安秘製撈丁啦， 我就食佢地秘製三重芝士撈丁 $45, 濃濃嘅芝士鋪滿成隻碗，

安安燒 o係筲箕灣都幾出名 ga晚晚都見到好多人依度服務都唔錯, 一坐低店員就俾 Menu 我 o地仲俾 o左張凳我 o地擺袋呢~餐牌都有好多特別 o野, 例如燒雞子同牛骨髓 好中意食燒茄子! 燒到好香~上面有 d 蒜蓉同埋辣椒, 非常惹味真係回味無窮!!燒鮑魚好大 o舊啖啖肉而且一 d 都唔韌呢~燒完都好淋餃子雞翼脹卜卜, 個燒汁好好味 再 o黎兩隻燒蟶子非常之鮮甜好味同埋好大隻阿最後就叫 o左個燒粟米一串有三 o舊, 份量幾大粟米清甜又多汁, 我一個人食左兩 o舊 食串燒梗係要飲啤酒 la叫 o左依個手工啤試下依度 d 串燒真係幾好食難怪晚晚都咁多人 la~

串燒fans見到介紹特登慕名而來～～ 這間串燒平日都好旺場，所以要book定位先天氣熱就當然要叫啲凍飲，見到Drink List 有 1664 Blanc必點！好鐘意1664的清新果香安安燒食物選擇好多阿，睇menu都睇到眼花繚亂哈哈。點左個香濃芝士燒扇貝，$48有4隻好抵！我地去到好好彩嗌到last個幾份燒扇貝花枝丸牛脷雞軟骨～牛脷有三大片，肉很嫩！花枝丸，好彈牙，入面又食到粒粒花枝餃子雞翼無骨啖啖肉～呢個係麻吉年糕燒，外層的類似魚糕烤得香脆裡面包著煙韌的年糕，口感非常特別最後點了祕製麻辣金針菇，熱騰騰香料味口夠晒麻辣

上次去完煮打菜之後, 發現原來筲箕灣都真係幾多好野食。今次黎到而間叫安安燒既串燒店,裝修都幾企理, 比一般串燒店坐得舒服, 當然冷氣要足喇, 因為好多串燒店都要坐室外, 大熱天時都真係幾難頂。講番野食先, 燒韭菜同焦糖脆蕃茄處理的好好, 唔會燒到干憎憎, 食落口都有汁,因為燒蔬菜類好易燒到干哂水, 燒個時要要KEEP 住補水。焦糖既甜同脆同蕃茄既酸同諗好夾。我地都點左個招牌三重芝士撈丁, 唔同其他撈丁得塊卡X芝士, 而到真係落足3隻唔同品種, 食落去啖啖都有芝士。我地特登叫左燒多春魚, 多春魚好難燒得靚, 因為佢熟左好易痴住個爐同散開。而到燒得唔錯, 成條完整唔會散開。其他如燒雞子,羊架, 麻辣牛骨髓,鴨下巴同沙茶燒金菇都整得好有心機 。燒雞子特登又大至細串起, 羊架唔會過熟, 麻辣令到本身無咩味既牛骨髓更加惹味。本身鴨下巴都岩送酒, 燒過之後更加香口。差D唔記得講, 食串燒點少得啤酒, 而到除左有大路既啤酒之外, 仲有日本既手工啤, 大家記得試下。