宏興美食館 (廟街煲仔飯) (已結業)

話說今日又凍返啲，經開佐敦當然想去食返個暖笠笠既煲仔飯啦，去開廟街，都係食興記，今日我都唔例外，但可惜佢初八先啓市，唯有試佢隔離果間「宏興美食館」。同朋友一人一個煲仔飯，分別係鹹蛋肉餅臘腸煲仔飯同埋油鴨髀滑雞煲仔飯同埋一個蒜蓉炒生菜。 煲仔飯啲飯軟硬適中，有飯香，咬落去都幾好咬口！肉餅咬落去都好香，醃得唔錯！油鴨髀好香，咬落去唔會好油！兩個煲仔飯都有飯焦！另外佢啲餸比興記稍為多！煲仔飯既伴侶：醬油點可以唔提，應該講不得不提，好香甜咸度對我果人泥講係岩岩好，落多啲個飯香得泥又唔會太咸。 個蒜蓉炒生菜就一般喇，炒出泥太多水，同埋無獲氣，有少少失望，50蚊一碟應該都俾啲誠意去炒！撇除個炒生菜來講，整體上都可以接受，個煲仔飯係唔錯嘅，值得推介！

等左9個字 問左幾次叫佢地跟都hea我 呀媽叫幾個菜食住等 到最後我話 等左好耐啦其實係咪漏單！佢先入去check!! 真係漏左單！最後仲要埋單成舊水淨係食佢啲菜呀粉呀個啲 以後唔會再黎！

宏興老廟其中一間煲仔飯。呢度有乜好食？以前呢度賣嘅煲仔飯只要＄18蚊，慢慢去到$28蚊，跟住去到$38蚊，依家要成$50蚊lu.....以前個巿唔好，宏興仲有套餐添，排骨煲仔飯（$28）加可樂($10)，都係$32(好似係）。不過，妳要同佢講要套餐，佢才減返比您，否則佢會扮儍照收你$38蚊㗎！可惜，套餐已經冇咗Lu....要散叫。係度食仲有一個好處，其他煲仔飯店都冇嘅，就係豬骨粥($19)，啲豬骨好好味，有時我會淨係叫豬骨，好正！另外呢度有炒米粉同炒河粉！都幾好食，又平$14。其他食物仲有炒田螺，東風螺，炒蟹⋯⋯不過味道一般，另一間煲仔飯店會好味啲。

這間出名豬骨粥和蘿蔔糕，堂食過也外賣過。今次要講一講外賣。先後兩次，分別好大。因為想帶飯，所以我不會要豬骨粥。通常會點蘿蔔糕和一個麵食，外賣加$1，才$30，好抵。第一次是一個年輕人幫我弄的。那次忘記了影相，不過好記得那盒蘿蔔糕是滿滿塞到實完全沒有一點空隙的，和這個差天共地。這個一半都沒有，是一個老人家弄的。外賣盒好似合味道杯麵的size再大少許，上闊下窄，所以可以想像得到有幾少。至於味道方面，其實是好吃的。它不同平時在茶樓吃那種煎過的方方正正蘿蔔糕。這個軟身，糊狀。吃的時候會吃到長長的蘿蔔絲，比較似新年買回來一盤過的蘿蔔糕。而河粉就滿滿一盒了。因為是年輕人弄的。看得出和上面的蘿蔔糕有幾大分別！河粉不熱，因為一早弄好放在出面。味道普通，但很多菜。如果兩盒都滿的，$30真的很抵，今次就打了個折。所以要是外賣或堂食，就要看準人了，要是預著老人家，你只能體諒一下了。

行過廟街例排去食個煲仔飯，夜晚有好多職員係街拉客我地亦都俾其中一間拉左入去，因為好多間都食過，又冇咩特别，都唔知食邊間好就隨緣喇老公叫左個鳳爪排骨飯，都幾好食又唔想飮汽水，叫左個湯濕下口，但個豆腐因為出面層皮搞到好難食，都係果陣叔味到我個白鱔飯喇，唔腥，好食，我有數過有七舊白鱔，加埋個飯一齊除番開每樣十蚊，大家自己睇下化唔化算喇就係咁完左，如果唔係個豆腐，依一餐係可以既

廟街有四大煲仔飯館 - 四季、興記、宏興及廟街餐廳小廚 (前身威記)。作為地頭蟲，除了各國美食，本地菜都要不時吃一下，是種熟悉的味道。今次同街坊街里搭枱一齊食，堅不離地。 我選擇的「宏興」，街坊客都實在不少。 「蠔餅」$40 (小) 到廟街吃蠔餅似是條件反射動作，與煲仔飯如孖兄弟。老闆娘介紹蠔餅用鴨蛋做，效果比較香，而且煎得不錯，酥脆得來不會滿咀油，所以在蠔餅界，應有不錯的分數。 蠔餅整體感覺不錯，我唯一嫌醮點的豆瓣醬比較失色，欠缺應有的辣和甜味，只有一股腦的鹹。 「北菇滑雞飯」$40 「宏興」用明爐灶煮出一個個煲仔飯，不是家中可吃到的風味，而且巧妙地加上不銹鋼小兜墊着煲底，以免熱力散失，食客就可以一直吃暖笠笠的飯。 雞雖然是雪藏，吃得出用酒和薑醃過，去了那陣雪味，肉質滑溜，飯料也夠乾身，且有肉汁精華，飯焦脆得恰到好處，唔錯！ 「鹹魚肉餅飯」$50 煲仔飯一款餸 $40 起跳，若果像這個雙併的，加 $10 便可。先說肉餅，混入惹味土魷，吃上來味道香，質地幼滑，應該是加了肥豬肉。很多人對此避之則吉，肉餅一定要有肥豬肉，才能蒸出有軟滑的口感，否則，乾柴柴的肉餅在我來說是不合格的。

趁這幾天天氣乍暖還寒，約了幾個朋友，朋友指定說吃煲仔菜，我們到油麻地廟街地方逛逛，朋友說這間是熱門食店很多人，相信味道不差，便來一試。店面是很簡單，完全是零佈置，有點感覺是將附近幾間空置地舖「活化」。客人是頗多的，我們在侍應的帶領下走入店內坐下。由一位這地區的「地膽」點菜，他見我們幾個女仔都是胃納小的，所以點的煲仔菜式只有排骨煲仔飯和雜菜粉絲煲。反而，我們也點了炒蜆和炒東風螺，試試這種地痞菜式。先端上的是「炒蜆」。相信蜆是以甜辣的獻汁來爆炒，炒好後再將厚厚的甜辣醬獻汁倒進盛蜆的碗子裡。只能說…蜆殼份量很多，莫非是爆炒過程中蜆肉被飛脫出來？全程有如夾起蜆殼和啜取甜辣獻汁。還有這碗炒蜆有點涼了。另一款炒菜是「豉椒炒東風螺」，口味濃，也使我們做了很多「口部運動」——將東風螺肉吸出來。可惜，端上來又是有點涼！是因為這天天氣轉冷所以令菜式著涼？「雜菜粉絲煲」隨後上桌，選用了幾款時菜配上粉絲來煲煮，簡單得來很直接，蔬菜有清甜的味道，粉絲的份量頗多，正是我們點這道菜的原因，粉絲吸收了煲裡清湯，味道一流。最後上桌的是「排骨煲仔飯」，可是味道平平，而且在煲底沒有甚麼多的飯焦。噢！這讓人大失所望！

將近六時，口痕想吃東西。離了下午茶時段，又太接近晚餐，實在進退失據。還好有宏興的豬骨粥。粥夠綿，豬骨夠香，而且只需$19, 實屬醫口痕良藥。 所以，大家別再用方便、快夾平等理由再讓自己去M記吧，選擇，還是存在的，只是我們限制了自己而已。 行文至此，又想去吃一碗柴魚花生豬骨粥了。

煲仔飯可謂廟街名物，廟街亦是煲仔飯集中地。今次予以食評的"宏興美食館"，本人已多次光顧。環境裝修：一般廟街風格，尚算井然有序。衛生情況：門面尚可，大家應該眼不見為乾淨。下單服務：店員屬香港典型醒目仔女，禮貌一般，但勝在反應快，面對外國遊客，英文口語不俗，收銀帳目清晰。菜式味道：咸魚肉煲仔飯 - 飯底較濕，飯焦不太明顯及均勻，但所用白米算是中等貨色，仍有煲仔飯應具備的飯香，咸魚充滿咸香，豬肉片入口爽滑。蠔餅 - 口感頗為油膩，但蠔仔鮮嫩肥美，伴醬料吃不錯。支裝可樂 - 雪藏支裝可樂的是傳統士多大雪櫃，可樂冰凍無比。此店乃不過不失的廟街煲仔飯之選。

上月中星期六，男朋友突然要番工，作為廿四孝，當然會接收工~經過林昌記篤魚蛋，開左個頭當然唔會就咁滿足，繼續向油麻地方向行。男朋友又心思思想去廟街食豬骨粥，宏興喺廟街歷史悠久，佢都係由細食到大！我就唔多like，所以基本上所有野係佢自己清哂~柴魚花生豬骨粥 $17粥有豬骨香，比較杰身，裡面有兩大舊骨，都抵食~淨豬骨 $24一碗豬骨粥當然滿足唔到佢，所以單點多碟豬骨，廿四蚊算係咁啦，街市買條骨都要三十蚊啦~雖然冇乜肉食…但男朋友就係鐘意梅下梅下油菜 $13冇乜事就唔好食油菜喇…因為油菜真係好油，仲要好老！平時男朋友都會點埋炒麵食，不過當日要留肚食甜品，所以就算。整體黎講，呢度環境就唔算太企理，但鐘意食豬骨嘅朋友不妨一試~唔貴兼飽肚

郊遊後，來廟街食熱騰騰又地道既煲仔飯最好不過😁6點較有名氣既2間煲仔飯已經大排長龍，記起宏興既評價都唔錯，又唔洗排隊，就到宏興試試。白鱔份量算多，鋪滿晒係飯上面，但預期中飯底應該有鱔既魚油脂香，但飯只食到少少薑味，有d 失望。潤腸煲仔飯，筆者認為食煲仔飯，臘腸潤腸必不可少，因為蠟腸既油香滲透到飯中，真係十分有風味宏興既潤腸味道甘香，咬落鬆化美味👍🏻蠔餅較失色，唔脆，凍左更有好重既油益味，蠔份量唔多，但唔會腥。宏興味道可以，但有d 唔均真，我地睇店員提供既Menu落單，但收錢時發現收多幾十蚊，向店員查詢，店員先反映價錢尚未更新，係真係假無從稽考。

今日喺佐敦道收工，一放工就諗起食煲仔飯，落到去廟街見到呢一間有多少少位，費事等就拿拿聲入咗去。叫咗個排骨煲仔飯， 一打開個蓋見到個排骨分量實在係有啲小，粒粒都好細實真係有少少失望， 不過啲飯嘅質地都keep到，一定有飯焦食得到，同埋都真係幾香，有咬口，都真係幾唔錯，不過比以前你食真係買咗好多。

前幾日到廟街想食煲仔飯，但見四季極多人排隊，記得之前喺哩度見到這間食評都唔錯，加上門口呀姐好積極拉客，咁就試下。員工都好快手快腳，朋友點左排骨煲仔飯，我點左排骨煲仔飯再加多十蚊加條爉腸，嗌左個蠔餅。蠔餅整得幾好，唔會太油，蠔又乾淨，我食蠔如果有少少唔新鮮都會肚痛既，今次就無事，平平安安又好食，推薦。但煲仔飯令人失望，細細煲，排骨無咩味道同份量小，條爉腸預左唔會係咩靚貨，但十蚊得半條火喉都唔錯，飯焦唔會太多，但唔會再黎食煲仔飯。下次可能嗌小炒加白飯會更好食，因為個蠔餅都整得好，相信其他都應該唔錯，同埋價錢哩個時代算好平喇支持下地道小店，雖然佢有幾但舖位

今天約了人在油麻地, 加上牙肉痛, 想起這間位於廟街的地痞粥店這粥店充滿懷舊味(已光顧了廿多年了), 味道不變, 蘿白糕 : 充滿了蘿白的甜, prefect的比例, 加上蝦米的咸香, 還有豉油的甜, 滿足豬骨粥 : 粥底甜, 夠綿, 豬骨夠哂咸味(相當惹味), 如果不夠還可以加碟淨豬骨, 好此道者至愛, 而且價錢相當經濟, 老廟街的味道還在

跟朋友走了一整天的街, 晚餐的主題圍繞著"煲仔飯" , 我們便特意由尖沙咀來到油麻地找煲仔飯吃! 因應我們朋友的介紹 說有兩間比較出名 "四季" 及 "興記" , 不過我們到了"興記"門口看見初八才啟市呢! 亦都有轉找過"四季" , 不過神奇的事, 我們找到位置應該是在 "牛什" 店附近, 不過一直找不到, 估計是一間沒有開門的鋪頭, 不過連招牌都沒有看見。 眼見一整條街只有宏興三間分店開市, 亦都有不少人在門口等位, 應該都不會差 , 因此我們都排隊了。其實宏興原本是打冷的菜館, 不過應該是另外兩間比較出名的煲仔飯店都沒有開的關係加上有三間分店, 因此當日有很多人都在外排隊等後煲仔飯呢! 我們在等位時只有一名男員工不時外出找人入坐, 二人位就比較快可入進!大概等了6分鐘吧, 因為我們只有兩人,因此就搭檯大概排了6-8分鐘就可入進, 起初是坐在兩名"惡漢"旁, 一直都聽著"粗口" 的看餐牌! 不過後來因為惡男門埋了單, 有人要等四人位, 因此我們又安排被調位了, 坐到了二人桌! 雖有點不便, 不過不用迫迫的跟人搭檯, 因此問題也不大。先說說門口吧! 我們在等位之際已經在外看這個餐牌"揀