宏興美食館 (廟街煲仔飯) (已結業)

今年冬天比往年來得早, 亦來得寒冷.驅寒食物, 除了大眾首選打邊爐之外, 煲仔飯實在是不能不提.這天來到廟街, 本打算再嘗興記的煲仔飯,奈何人龍巳有一大條, 肚子打鼓, 唯有試試旁邊這家宏興.不用等位但預了要搭枱, 快快吃完便走的那種格局.點菜亦要眼明手快, 落單的也完全不會企著等你慢慢諗, 我們坐得比較入, 也要特意站出來找人寫單, 不然坐了15分鐘也下不了單.先點個細蠔餅 ($20)細蠔餅也有2大塊, 夠2個人吃. 炸得十分香脆, 有不少蠔仔, 當然油也不少. 不過吃下去又真的好好吃, 粉漿不厚, 所以那些什麼高卡脂肪字眼, 暫時丟開一邊吧.另一半叫了個柱侯羊肉煲仔飯 ($35)試了一舊羊腩, 很香沒太多羊騷, 肉質也很柔軟. 飯是用尖長型那種米, 飯粒乾身帶點脆, 合乎煲仔飯要求, 加上大量甜豉油, 正!! 飯焦相對比較少. 感覺有點火侯不夠.我本叫了白鱔, 但一早賣光, 只好轉黃鱔煲仔飯 ($35)黃鱔不算肥美, 肉質也不太彈牙, 普通貨色, 相比起羊腩煲味香也好吃一點.另點了個腐乳通菜 ($15)份量也算多, 我不要炒要了灼, 感覺不太油膩. 腐乳咸咸香香, 味道不錯.再加每

路經這區, 突然想起廟街的煲仔飯, 見到這店外面有爐, 一問之下, 店員說可於對面新舖吃保仔飯, 便過了對面! 一個阿姐迎接我, 很好禮貌, 帶位及給我餐牌, 殷切地問我有何心水, 我很快便點了滑雞牛肉煲仔飯及菜, 大約十分鐘後便送到不是超熱的煲, 沒問題, 最重要飯夠乾身帶點脆, 牛肉不太多, 幾片都很彈牙, 味道亦很好, 雞肉幾件都算好肉, 沒有怪雞味, 加上生雞蛋, 真是絕配! 煲仔飯豉油在枱上任用, 非常好呢!

上課前太肚餓,都是找點小食填填肚比較好,後面廟街是最方便的了, 要不是時間不許可,來煲煲仔飯都不錯! 退而求其次,最方便的就是這家宏興美食館的現成炒粉麵了。門前膠罩後有炒麵/炒米及炒河粉各一盤,炒麵一盒$10 + $1盒錢 ,滿滿一碗份量都不算少,平價黃色麵餅麵條本身不算太軟只是稍欠嚼勁,配菜有韮菜/、芽菜及椰菜絲各少許,令偏軟身麵條多了不少爽口感,簡簡單單炒得有點香氣又不太鹹,用來配碗豬骨粥也不錯,難怪侍應阿姐也主動說: "不如坐低食碗粥先啦!",這個配搭應相當受歡迎。第一次光顧覺得水準不錯,下一個上課日再來買其他東西填肚,今次選了蘿蔔糕, 大大一個蒸糕盤在門口附近保溫著,明顯看到不會有太多材料,但$10一碗也不能奢望有很多很多臘腸臘肉了吧,阿姐將其加上豉油後蠻有酒樓蒸蘿蔔糕的影子。一打開盒蓋有陣蘿蔔味湧出,以為蘿蔔下得多的時候,方才發現糕身卻削到極點, 淋pat pat像一堆BB糊仔!印象中沒遇過如斯入口即溶的蘿蔔糕耶!!難得的"妹"到一絲蘿蔔條,份量極其珍貴的唷!繼而還有一隻BB蝦米,就是全部吃到的材料,其餘都是有蘿蔔味的如漿粉糊,用湯匙應比用筷子來吃方便,可惜阿姐只給我一對筷子

朋友介紹話這間好過最大的那間, 今晚專登來試, 確實係好些喎… 兩個煲仔飯, 臘腸排骨, 和 牛肉排骨, 再加一碟細蠔餅, 和一支大BEER, 飯身非常好, 不太淋, 而且一粒粒狀, 臘腸味道適中, 不太肥又不太咸, 排骨一粒粒, 四方形狀, 肉質彈口, 牛肉略差, 太硬和熟, 細蠔餅明顯好過隔離好多, 蠔粒比較大, 但都係差, 太少蠔了….

走在舊廟街,實在有好多食店有水準,明記雞粥,四季煲仔飯,輝記車仔麵同宏興等幾間,可以說是有機會就光顧.在宏興食豬骨粥,最愛煲得開花的米粥,充滿濃濃的豬骨香,啜著豬筒骨,又是美味一絕,雖然炒菜每次都是炒得發黃,但是用蒜茸炒,亦不過十蚊,自已實在有點難以抵擋.一啖弼,一啖菜,就算平宜,食物一般,平民都可以享受人生,又何須大魚大肉?自抬身價?坐在路邊,看著華燈初上,四周人流漸多,大排檔實在有一種魅力.

到廟街吃煲仔飯要有技巧的, 技巧的關鍵是時間, 想吃最好味的煲仔飯必須在下午5時至6時左右到達, 因為這時店舖剛開門, 尚未大量生產, 也不會有”生產過剩”或”供不應求”的問題, ”生產過剩”會引發出 “飯放耐了不夠熱” , 而“供不應求”則會出現”等到胃痛”, 今天5時45分到, 全店約廿張枱, 只有兩台, 其中一枱是我, 叫了臘腸排骨煲仔飯, 加一罐ZERO, 臘腸半條不夠香, 但勝在不太咸, 排骨幾粒在飯面, 我覺得幾美觀呀, 最愛這種排骨, 真的一粒粒, 而且是粒粒有骨的, 肉與不算肥, 咬落的軟硬又適中, 飯質口感中尚, 而且夠熱, 飯焦略為過燶, 但已經好過上次來的水準

朝早食完個好好味既早餐之後,就一路未食過野同baby行行下就去左廟街,咁就順便係到食埋飯其實呢到好多檔仔,都唔知揀邊間好?結果就由baby話事,揀左呢間一坐低就叫叫叫豉椒炒蜆:的汁好好味,又唔太辣,味道岩岩好,仲好多肉tim蝦醬炒通菜:唔知係咪的菜唔新鮮呢?有的渣...不過味道都幾好蠔餅:的蠔都幾大粒,又係好好味,不過有少少燶椒鹽鮮魷:呢個係最差既一個,因為好多粉...食左幾舊就冇食囉!!整體上都唔太差,的野好有鑊氣,環境就差的的,不過呢的先係大排檔丫嘛!

百無聊賴的一個黃昏,悶悶地係老廟朝聖,所等既係輝記車仔麵,好想食佢既雞腸麵,簡直一絕.反正仲未開檔,又有少少肚餓,借著有些秋意的黃昏,選個路邊位坐,一邊睇下老廟的風光,一邊品嚐地遁食物.最可惜要留肚,如果唔係再加個炒田螺,一枝大啤咁就一流啦.豬骨粥 : 咁多年黎味道依舊,夠火喉既粥底,將豬骨既精華都逼晒出黎,溶化落粥中,呻一口粥,骨香味充斥口中,而一齊煲既花生都煮到淋,一碗份量不多,作價$9一碗,雖然衛生環境好差,但我都得無乜所謂.蒜蓉炒菜 : 今日是用上芥蘭菜,由於放置得太耐,有一半已經發黃,不過咬落又唔錯喎,始終芥蘭本身帶有果甜,而且又幾爽口,真係人不可以貌相.p.s : 人都未食完,仲想去食輝記,點知就比南瓜捉左去尖沙咀食德國菜,前後唔夠一個鐘,真係一個天堂, 一個地獄,好彩德國菜都食得過喎.

尋日(26-1-2009Sat年廿九)同男友食完Burger King後遊返o黎九龍,佢話返公司整自己o野,咁我又跟埋佢o黎.整完都9點幾,佢話食少少o野返屋企食藥瞓.啊,咁我又陪佢啦.佢話食豬骨粥佢叫o左$9.00o既豬骨粥同一樣$9.00o既炒麵,亞叔就拎兩碗豬骨粥o黎,男友話佢只嗌一碗,亞叔都冇咩o野拎走,不過我見佢冇咩所謂就話唔緊要啦,我要.咁佢就擺低,而且話呢o度有成40年喇.豬骨幾多,且細細件,粥o既鹹淡適中,花生腍晒,男友食到有我唔鍾意食o既蠔豉,不過我食唔到,而且亦食唔到柴魚,真好.而豬骨,有一件都有好多肉,鹹鹹地o既,OK啊.而粉麵,竟然都係用碗上,都係一貫水準,冇咩問題.衛生:滿地都係豬骨,唔掃地o既?

最近成日去BC睇亞洲電影節~~睇完黎廟街食飯最方便了.周日晚上同朋友睇完戲本來想去與記, 不過唔知點解與記拉晒大閘~~冇開~~咁就去左附近呢間 “宏興美食館”.點知大O樂!周日晚好多客人, 差唔多坐滿晒~~有個後生仔幫手, 我同佢講話落單~~佢話佢唔落單既~~要叫另外一個阿姐點菜~~結果全場得一個阿姐點菜~~等點菜等左5分鐘~~叫左蠔餅, 煲仔飯, 炒菜~~蠔餅5分鐘後到~~好明顯係整定既~~凍凍地~~唔駛講都知唔好食~~之後等煲仔飯, 炒菜~~哈! 等左40分鐘都未黎~~叫D人CHECK單又只係識講”快架喇~~快架喇~~”根本冇CHECK單~~如果唔係食左個蠔餅真係走左9世! (現場所見真係好多枱等等下走左)最後諗住大下個阿姐話 “如果唔黎唔該埋單”, 諗住個阿姐會同我地認真追下, 點知個阿姐二話不說: “一枝汽水一碟蠔餅28蚊!”哈~~吹漲!

認識宏興，已是很久很久以前的事，也不知它有多少年歷史？尤其是它躲在廟街的小店，更沒有人記起它的名字，只知道廟街有一間豬骨粥很好吃的店子吧！每次經過這裡，不管是吃飽了飯還是空著肚子，總會走進去吃它一碗，或再加一碟炒米炒麵之類；豬骨粥的用料很足，有不錯的肉味，粥底亦處理得好，綿綿而不稀淡，吃後雖有點兒口渴，不過，大部份的粥都會如此，除非是一些生滾粥吧！其他如炒米炒麵油菜的東西就很普通，甚至覺得過份油膩，吃一口炒麵都感到滿口都是油，too bad！豬骨粥店，都只是招牌貨可以！

地方環境預咗，但食物水評仲差，蘿蔔糕，好乾，似食餅多ｄ，粥一般，有味，係味精．．．．．服務，極差．．．呢樣最介意，最未唔食抗議

2008年3月11日晚上9:30 食完福苑, 去油麻地接沙牛男友放學, 山長水遠由灣仔去到九龍梗係唔可以SIDE車錢, 一於食, 食, 食!上次去到食唔到蘿蔔榚, 心有不甘, 今日食到啦! 點知結果係SIDE左個QUOTA. 真慘! 叫左:1) 蘿蔔榚–粉粉粉, 一大舊粉, 料勁少, 啊! 應該話幾乎無!2) 豬骨粥–普通, 原來有淨豬骨$15一碟, 豬骨粥$9, 粥有味精重好勁, 因為我聽到佢地個伙計吹水話: “嘩! 重咩今日禁重手, 我食完碗粥係禁飲水!”OH! 沙牛男友唔該你唔好再食啦! 又唔係好食! 結果兩樣都係食左少少!埋單$18一定無下次

本來想入興記，有侍應叫我們入這裡，還說是一樣的！第一次來的我們吃完之後才知道被騙．．．．．．兩個煲仔飯都不錯，滑雞又滑又美味！只是＄１８！而白鱔也不錯，不多骨的，而且又足料，不過要＄３０！飯就真的過爛了，飯焦是有的但不多。不過想到俾人呃，就真係唔開心囉！

廟街必食的蠔餅及煲仔飯，天氣凍凍，就來一試．但四季太多人排隊了，興記又不是味兒，那就嚐嚐新口味，來了宏興．蠔餅太多粉，蠔不多，但熱辣辣香脆，因粉多失去蠔餅之感．但臘腸排骨煲仔飯，雖不是炭爐，但亦很香，而且又有飯焦，不過飯就淋了少少，但料都算幾多，臘腸亦很好味．吃了朋友少許雞肉，亦很滑，可以一試．起碼好過興記了．