定食 Doraya (厚福街)

營業中

休息中

襯住疫情早收工 去嘆個午餐先😍下午時間人少少，正依個中拖羅+拖羅蓉靚到呢⋯⋯有拖羅嘅油香 既有 赤身嘅魚味，超無敵，好新鮮，油香極高，越食越開胃配埋 茶碗蒸 小食 漬物 味噌湯 一場嚟到當然唔只食一個餐喇👇🏻炸物唔少得這個雜錦天婦羅，3蝦🍤 2南瓜🎃 2蕃薯🍠 1青椒仔蟹肉忌簾餅炸得唔夠脆，不過味道唔錯 隔離仲有配沙律菜 即感到無咁熱氣如有多啲沙律汁就好喇！朋友仔唔食魚生，叫左個親子丼 見佢都食晒 應該味道幾好 同樣係定食 仲多左個小沙律🥗靜靜地享受了一個午餐

今日終於嚟到定食Doraya啦，之前一路聽過佢啲吞拿魚好高質，等我今次嚟試吓係咪真係咁好味先！我今次就叫咗一個四色Don，有拖羅蓉、大拖、赤身、灸燒大拖。我男朋友就試左大拖同埋拖羅蓉Don。第一啖就係試咗拖羅蓉，點解可以咁肥美嘅？廚師仲加咗芝麻碎同埋蔥去提升佢個香味。第二啖就試咗赤身，赤身都好好食呀！赤身好肥美，配埋壽司飯正呀！之後就係灸燒大拖，有入口即溶嘅感覺，不過佢有條筋，咬極都咬唔開😅最後就係大拖啦，好食嘅嘢梗係留喺最後啦，果然冇令我失望，入口即溶啊！另外想講吓就係拖羅蓉同埋大拖嗰個Don真係好抵食呀，佢俾咗成六夠大拖，都係$200咋，性價比好高！唯一美中不足就係佢對筷子有好多木絲，食之前要磨一磨佢，但係我都知道食日本菜磨筷子係好冇禮貌嘅。如果佢下次可以用高質素嘅筷子啲就好啦！

如果平日放假想食日本餐，這間日本餐廳的吞拿魚特別的新鮮，只有平日才有午巿套餐，除了吞拿魚好食，炸雞都做得好出色，海膽也好新鮮，連配菜都做得好認真，眼看像豆腐泡，但其實是魚柳

尖沙咀高質日本菜🇯🇵［定食 Doraya］尖沙咀H8 商業大廈 竟然有一間咁高質既日本定食 食咗幾次個水準都Keep住保持到🥰大部份材料都係日本進口 性價比高推薦俾大家👍🏼 呢度出名係藍鰭吞拿魚，次次黎都一定要叫佢🐟🌟火燒平目魚&藍鯨吞拿魚中腩丼定食🍱（$188）火燒過嘅比目魚入口即溶 🔥滑油脂滲透左落個飯度 鮮甜油甘 簡直停唔到口😱吞拿魚肥美得來唔油膩 油花均勻魚質本身好香鮮甜 仲要舊舊都冇根添🥰其實中腩油膩感已經足夠 仲會食到魚本身既鮮味 🍣定食仲包左茶碗蒸，漬物，沙律同麵豉湯 🍱茶碗蒸 蛋味香濃 好香堅魚味 而且仲好滑身🥚🌟鹽燒牛舌串👅（$48）十分軟腍 熟度完美 肉汁豐盈 🤤面層薄薄既胡椒碎帶出脆口 口感對比強烈🥰但呢個真係要趁熱食如果唔係凍咗就好硬味道 9/10環境 8/10推介程度8.5/10📍定食 Doraya (厚福街) (尖沙咀)尖沙咀厚福街8號H8 6樓

我岀咗名係富貴嘴🤣太腥嘅魚生我會食唔落，甚至會吐鬼咗佢😂但呢間嘅魚生飯我可以！➼ 粒粒海鮮丼定食其實佢哋係專食呑拿魚嘅，不過我唔係特別鍾意食呑拿魚，所以揀咗最基本乜都有啲嘅魚生飯💕呢個魚生飯有三文魚、呑拿魚、三文魚子同玉子，食落有魚油嘅香味，加埋青瓜平衡返，成件事一啲都唔膩！另外好欣賞佢非常足料，真係每一啖都可以食到有魚生，我食到最後係得返魚生冇晒飯🤣個定食其實仲有茶碗蒸、漬物同麵豉湯，不過我唔記得影相haha🤣但環境就麻麻哋，啲位都有啲窄，係會有種食完就走嘅感覺☹️

🇭🇰定食Doraya·藍鰭吞拿魚大腩&魚腩蓉丼定食$198呢度既吞拿魚真係無得輸 佢個大拖係真係入口即溶 油脂好好 肥美得黎唔會太膩 食落去超滿足🥰而且佢呢度既魚腩蓉都好出色 佢係仲食到吞拿魚個質感 好新鮮 而且食落仲係肥美既😍😍·粒粒海鮮刺身小丼$88之後因為我地叫左個大丼 所以另一個就叫左個角切海鮮丼 估唔到都好有驚喜🤩🤩佢啲刺身全部都好新鮮 油甘魚油脂好好 吞拿魚都好新鮮 仲有啲三文魚籽 而且佢刺身份量好多 係真係每一啖都有刺身 開心🥳之後佢呢個仲有個細蕎麥麵既 佢個麵質都好好 好重麥味 而且好彈牙😎😎不過我地個日個茶碗蒸就一般般啦 佢幾滑既 不過食落好似無咩蛋味咁🤭🤭·#rbyeat#rby日本菜#rby尖沙咀 #rby銅鑼灣·📍尖沙咀厚福街8號H8 6樓📍銅鑼灣駱克道451-453號駱克大樓

節日假期出旺區食飯嘅話揀lunch時間會無咁多人但今日竟然連lunch都爆場🥲不過咁啱有一枱埋單走人，好彩唔洗等位火燒平目魚中拖羅定食 $188個餐跟沙律、湯、蒸水蛋我就比較鐘意食中拖羅1.唔會太肥、口感無咁油2.無乜筋呢個丼嘅中拖竟然無筋，而且入口半溶👍🏻正如果想食大拖羅只需加多$20～炙燒平目魚👍🏻推介睇個外貌好似左口魚，但原來係有分別左口魚咬落有少少爽口而平目魚入口即溶，軟腍兩種魚都一樣咁香口，食極都唔厭～

🐟 藍鰭吞拿魚大欖丼定食 🍱 嚟到主打吞拿魚嘅餐廳，緊係要試吓吞拿魚啦！ 朋友話既然嚟度，就要試吓藍鰭吞拿魚大欖！🤤 而且冬天嘅魚會特別肥美❤️ 宜家嚟食會再好食啲💖個餐送到嚟真係好吸引呀！🐟 吞拿魚鮮嫰，油花均勻，筋唔韌冇揸，魚質本身好香鮮甜👍的確好好味😋💥🐷🥬 千葉縣吉列豬扒定食吉列豬扒好夠脆😋 雖然係炸嘅，但都juicy，有肉香，而且唔細份！ 沙律菜亦都新鮮🥗每個套餐都附有茶碗蒸，小菜，漬物同麵豉湯🍱 茶碗蒸嘅蛋味好夠香，而且好滑😋 🐟慢煮鹽燒三文魚頭鮫本先想試西京燒，但係開場已經無得賣😮不過，都好好味！ 魚頭燒到脆卜卜，本先諗住骨多，但肉都好多呀👍 好夠食👍 雖然燒到脆卜卜，但肉嫰，皮嘅骨膠原都好厚，魚油好勁！見隔離枱叫咗海膽飯，同壽喜燒鍋，睇落都好似好好味🥺 之後要搵機會再嚟試其他菜式😋

上社交平台 睇完關注組後去的。 先點了自選"井"定食，選了大吞拿魚腩，加三文魚，加帆立貝，約$200大吞拿魚腩是鮮嫩的粉紅色啊，紋理清晰。味道豐腴，口感軟滑無渣，魚味甘香，是在香港吃過最好吃的大拖羅。

呢排工作都太忙冇好好咁樣食一餐好今日同朋友就出咗去尖沙咀食日本嘢識日本嘢就覺得一定要成set咁樣食先知道日本風味，呢度就做到呢一樣野一上菜嘅時候成盤上，有茶碗蒸有前菜有橙有麵豉湯仲有一個丼，見到都開心呢度嘅食物質素其實都唔需要多講😂😂最鍾意佢個吞拿魚同埋火炙左口魚💓💓

跟開我post嘅人都知我好鍾意食碎吞拿魚腩睇相都見到依間吞拿魚腩嘅顏色特別鮮艷特別唔同食落口油脂特別香係我第一次食多油脂味同魚味都咁豐富嘅吞拿魚腩完全榮升左我香葱吞拿魚腩碎排行榜第一位黎到依度街都要試吓佢出名嘅藍鰭吞拿魚睇個樣油脂平均顏色都好吸引不過食落去崶冇吞拿魚腩碎咁驚喜算叫做好食嘅正常可能係因為另一款嘅左口魚裙邊太奪目左口魚裙邊燒得啱啱好油脂味非常豐富擺入口佢會係個口到溶化感覺好邪惡好肥🤣🤣

尖沙咀餐廳集中地H8入面，有一間水準保持平穩既魚生店，已經回過幾次頭，性價比幾唔錯🙊本身以為假日夜晚先要排長龍等位，但原來閒日六點幾都要排一陣仔😵‍💫▪️ 藍鰭吞拿魚中腩 & 魚腩蓉丼定食 （8/10）💲178定食有漬物、嫩滑茶碗蒸同埋麵豉湯，呢度出名係藍鰭吞拿魚，次次黎都叫佢😈其實中腩部份既魚油已經好豐富，但又唔會係油到膩既感覺😍魚腩蓉口感綿密，唔會話有筋😌飯底有得揀壽司飯或者白飯，二話不說揀前者🤣感覺幾滿足，想再試埋個吞拿魚扒或者炙燒系列🤫▪️ 醬油漬藍鰭吞拿魚丼定食（7/10）💲148切粒既藍鰭吞拿魚，份量比預期中少，大部份係赤身，餘下係中腩🧐醬油漬其實都香既，但係略嫌味道少濃，蓋過左本身既鮮味🤔🔎 整體評分（8/10）

Lunchtime好多人，不過都唔算等咗好耐，同埋有得坐係到等Lunchset好平，基本上都係大概$100到。呢個已經係最貴嘅set都只係$138，係大拖羅，仲要係定食，所以我覺得非常之抵。除咗刺身飯之外仲有茶碗蒸，烏冬同埋前菜。雖然刺身飯比較細碗，但係仲有沙律吧係任食嘅，一定會夠飽。咁多嘢$150都唔使真係好平。刺身係好厚身，仲要有5舊！食落有鮮味同埋油脂味，同埋冇筋！唔使點豉油同wasabi都好好食

每隔一排都會去呢間食刺身丼 因為有一間水準超高 價錢親民 👍🏻👍🏻👍🏻留意番經常係要排隊㗎 !! 好在我哋排咗10分鐘就入得 !! 我見其他人都有book定位 !! 但好似要到齊人數先入得 (請自行check) 今次同媽咪去食 !!! 我地叫咗一個吞拿魚腩蓉飯Share 魚腩蓉口感超級超級新鮮 ! 而且份量好好 ! 吾係得小小 !! 叫左一份三文魚刺身 ( 媽咪鍾意食😀 )另外叫咗蟹子沙律 , 5尾蝦天婦羅 因為兩個人食唔到好多嘢 … 如果唔係一定會叫蟹鉗 😆😆😆

定食Doraya朋友生日，我哋今次就食呢間定食Doraya，朋友食過覺得唔錯，一於去試試佢先自選丼飯~$210配料吞拿魚蓉，三文魚，同海膽，入面會有一個茶碗蒸，前菜，漬物，我仲加咗$10轉左蜆肉味增湯，蜆肉味增湯非常鮮甜，海膽非常新鮮，冇腥味，三文魚都OK，吞拿魚蓉係我丼飯必選😍火燒平目魚吞拿魚赤身定食~$178入邊會有個平目魚吞拿魚赤身丼飯，味增湯，前菜，漬物，茶碗蒸，吞拿魚赤身真係好新鮮同好食，鮮甜油甘，好滿足，平目魚用火槍燒過都好香，啖啖幸福感自選丼飯~$281朋友揀咗藍鯨吞拿魚大腩，三文魚子同海膽，入邊都係會有茶碗蒸，前菜，漬物，加左$10轉蜆肉味增湯，吞拿魚大腩同普通吞拿魚真係好大分別㗎，油脂分怖得非常好，油脂甘香，正，三文魚子非常新鮮，海膽都好鮮甜，今餐真係好滿足定食 Doraya🏠：尖沙咀厚福街8號H8 6樓☎️：23668072