定食 Doraya (駱克道)

營業中

休息中

生日飯7點去到唔洗等就有位鋪位唔大，坐低過咗一陣已經full house壽星叫咗海膽吞拿魚腩蓉丼飯既份量適中，撈完之後 每啖飯都有海膽同魚蓉食落好滿足不過我自己就一向唔鍾意海膽既味 幾好既海膽我都覺得有腥味我試咗一啖 海膽對我嚟講都係有腥味（不過壽星表示完全唔腥 好正）但係魚腩蓉的確好好味我叫咗自選丼：帶子 三文魚 吞拿魚中腩 燒吞拿魚扒燒魚扒好惹味魚生冇得輸帶子係我覺得最好味既 有種「this is heaven~」既感覺

昨晚,我同朋友們一行5人去左呢間Doraya定食屋去食飯,Happy Sunday! 為黎緊既Blue Monday叉叉電。入面裝潢好有日本既小餐廳果份溫馨感,適合三兩知己小聚一刻,不過香港人生活節奏快到咁,又唔想出面D人等咁耐, 食完就快快趣走。一入去放眼望去,座位都冇30個..唔怪得之要等啦,好野真係要慢慢黎!!我就叫左個大腩飯,朋友們就叫左其他既魚生飯..一夾個吞拿魚大腩入口,一個字----香!!滿滿帶有魚香既魚油係個口到爆出黎,驚為天人!! 不過唔食得多, 驚會濟..就俾左2-3塊老公食。而佢呢, 就叫左個海膽三文魚飯食,雖然呢間餐廳主打係吞拿魚,不過其他刺身都做得好出色,呢個價我就覺得抵俾既!!

週六來吃個好一點的晚飯。其實知道有這店好耐，但從來冇諗過去。是日來到銅鑼灣，醒起有佢就去試下。約七點來到，前面有三對人等緊。要拎飛。等左廿分鐘就有得入座啦。店入面不算太大，大約可以坐到廿人。睇完menu 我地決定左叫以上的東西。製作時間大約十分鐘。我好喜歡平目魚，特別是燒過的。魚油超豐富！又香入口溶化好好食。在一般壽司店食壽司時，我都會點上較多人造wasabi 同豉油去食，因為有時魚不鮮用刺激味蓋過。但在這裡，魚是。新。鮮。的。所以用天然 wasabi 小小都好好吃了！吞拿魚腩雖不是拖羅，但魚味質感都好好。點菜時可選白飯 or. 壽司飯。我們都選了壽司飯。友人的魚蓉也很好吃，份量配合好。既可以啖啖有魚有飯，葱香和魚就是很配合啦。我都食左幾啖😋我們只叫了普通麵豉湯，味道正路。配菜的蒸蛋也超滑的，不會過咸。對我不是飯筒的女生來説，是超夠飽。所以要分點飯給友人。但整體食物質素我們都好滿意😊總括來說，食物好，這價錢雖不便宜但合理。偶像來吃一次，是可以的😍😏

係Time square 做完facial，行過兩條街就到Doraya。時間尚早，未到晚飯時間所以未見人龍湧現。店內座位大約20個，所以不建議踏正晚飯時間來，試過10點來都要等2-4張飛。尖沙咀都有樓上分店，樓面面積比銅鑼灣地舖大得多。魚生新鮮程度兩間相比之下，感覺銅鑼灣比較優勝。Doraya 落場時間係3-6pm。之前3點3諗住黎食個下午茶，結果摸門釘。配菜有沙律，蒸蛋同湯。北海道海膽$118，大拖羅$98，油甘魚$47。呢個配搭屬自選組合，基本上每次來都一定咁叫。除非有時海膽沽清，就會轉深海池魚。拖羅油脂分佈平均，咬落去滿滿魚油。溫馨提示：叫拖羅嘅時候，不妨叫幼根。睇得出每片魚生都十分厚切。原先跟餐係味增湯，+$10 可轉蜆湯。可見每碗有三大隻蜆。而且唔係得個殼，係隻隻都有肉！湯底鮮甜，飲得出用料新鮮。更值得一讚係無沙，十分乾淨。沙律方面有：粉絲，海草，蘿蔔，火腿，芝麻埋單連加一 $300，性價十分高。

之前係去尖沙咀個間定食DORAYA, 我覺得銅鑼灣呢間好食D 喎!佢個自選魚生飯, 係有左口魚邊WHICH尖沙咀分店係無既~我今次係食自選魚生飯, 真係新鮮喎~個魚生飯本身送麵豉湯, 蒸蛋(一般), 兩碟仔前菜一定夠飽, 會再去食

Doraya is one of my favourite sashimi don restaurant in HK!!! When I was young , I came there very frequently. The Tuna sashimi don was very good before.But this time I come, I am very disappointed!!!I ordered this middle toro sashimi with the minced Tuna. The middle toro is not fat enough ... it was quite similar as the normal tuna sashimi ... and it’s sliced so thin as well. I think i won’t come there again .

👉🏻自選丼🍱💲132(三文魚3片💲36, 香燒藍鰭吞拿魚扒3片💲50, 香蔥藍鰭吞拿魚腩蓉30g💲46)呢間係出名食吞拿魚🐟又真係幾好味🤤呑拿魚扒點個甜甜地嘅醬係估唔到咁夾🤓呑拿魚蓉好滑但又唔個超溶一pat嘢咁 又冇根😋三文魚就一般 不過佢超厚😙飯嘅份量都幾多 好似1:1所以唔會話食淨太多飯🍚佢仲有沙律、味噌湯、蒸蛋 超飽🤣〰〰〰〰〰〰〰〰〰〰個人認為好食過「鉄火堂」嘅自選丼同「superdon」同「爆丼屋」嘅三文魚呑拿魚丼🤓呢間啲刺身好食啲

店內金毛女職員態度異常惡劣,午餐繁忙時間嘈吵,講野又一舊舊,聽唔清楚佢講咩好正常,佢竟然伸手狂篤我手上既餐牌,篤足兩三秒,篤到你叫完為止,而冇諗住行返近D重覆講一次,坐對面既食客見到佢咁既舉動都呆左,收我加一服務費黎受氣?哈哈~野食OK又點(烏冬湯底好鹹),服務態度都好重要,我都廢事同佢講,驚佢加料(或者可能已經加左,哈哈),嗱嗱聲食完就走未試過食餐飯受到咁既對待,Happy Friday都俾你搞到唔happy啦下嘛?總之唔會再幫襯,叫埋身邊既人唔好幫襯~

事隔接近九個月，再次來到Doraya。我明知道餐廳位置有限，又多人光顧，於是提早至六時半到達。結果⋯⋯還是要等待大約30分鐘才入座，這証明Doraya真的有許多fans！想來朝聖的朋友記得早點來等位！坐進幽幽的餐館，我與友人想也不想便點了心頭好！香蔥藍鰭吞拿魚腩蓉·中拖羅壽司飯中拖羅很有光澤，非常新鮮。放進口裡，已有融化的感覺🤤當然，由於中拖羅非大拖羅，所以會有點筋。另外，我非常欣賞Doraya的日式蒸蛋。蛋質非常滑溜，少量的肉令蒸蛋更有鮮味。三兩口便「爬」完了😢最後，大家要留意一下他們最新的營業時間喔！

我估計排隊係呢一間舖嘅特色， 可能因為係佢店舖太細啦， 又或者佢啲吞拿魚好味啦!如果你想試下， 我建議你九點後先嚟攞位 ，會容易啲有位嘅。店舖真係太細,坐得迫,亦唔好諗住食完坐多陣,價錢唔平。其實食吞拿魚梗係食整塊啦! 不過我好多心 又想試下佢個碎腩喎!結果係碎腩鍊贏咗成塊呀! 成碗碎腩食曬都唔覺得膩， 相反，一塊一塊吞拿魚食，食到第四塊嘅時候已經覺得好油膩。 再加埋啲白飯,簡直係飽到嘔呀! 仲未計飲埋嗰啲麵豉湯,食蘿蔔......不過講真啦! 唔使去日本都食到咁嘅貨色， 算唔錯喇!

今年情人節去左一間好出名嘅專食丼飯嘅日本餐廳🇯🇵由於無預約嘅關係我地都等左差不多9個字。 不過之後聽返人講其實平日6點鐘d人已經開始排隊架啦😰入面d位都算係迫，如果坐入面嘅食客要走嘅話出面嘅人要起身所以有小小唔方便。食物有好多款，有佢set好哂嘅，又有自選刺身定食！ 我地就緊係要試佢最出名嘅吞拿魚啦😍 分別叫左香蔥伴藍鰭吞拿魚腩蓉飯定食($135) 同埋藍鰭吞拿魚扒丼定食(配日本溫泉蛋)($158)，定食入面有蒸蛋、沙律、酸蘿蔔同麵豉湯(可加錢轉蜆湯)呑拿魚腩蓉加左蔥一齊撈飯好食，其實加小小豉油已經好足夠！每一啖都有呑拿魚好正😍上面又有紫菜絲所以好滿足。佢d飯嘅份量都多架所以女仔食會非常飽。(8/10)至於呑拿魚扒好抵讚，首先佢排得好靚，然後每一塊都好厚好肥美🤤好重油香！佢加埋溫泉蛋，有d濕潤所以點綴左成碗飯❤️完全無韌而且每一塊都好pink!!!!!! (9/10)

行行下街又到咗肚餓要搵食嘅時間啦～但其實時間尚早，所以慢慢行下睇下駱克道嘅餐廳永遠都處於好想食日本野嘅我睇咗呢間餐廳擺門口嘅menu覺得都唔錯再望入去餐廳，原來差唔多坐滿晒人，得返最後兩個位其他餐廳都無乜客，呢間咁多人，根據邊度人多就食邊嘅定律，質素一定有返咁上下！咁就入去啦～大部分定食都係$100鬆啲，喺銅鑼灣來講個價都算合理嗌咗油甘魚＆藍鰭吞拿魚二色丼壽司飯定食仲有粒粒海鮮壽司飯定食定食有跟前菜（日式沙律），醃海帶，唔錯隔離遲過我哋入來，跟嘅前菜唔一樣，可能係有幾款（？！）漬物係兩片醃蘿蔔，仲有麵豉湯同茶碗蒸粒粒海鮮最啱好似我咁，貪心想食多幾款魚生嘅人非常足料，但係魚生粒粒醃過，醃汁蓋過咗魚生本身嘅鮮味鍾意食鮮味魚生嘅就應該揀油甘魚＆藍鰭吞拿魚二色丼壽司飯定食兩款魚生鋪滿飯面新鮮香甜，而且魚生係厚切嘅，絶對唔會驚唔夠飽！食完離開餐廳嘅時候，見到條龍已經排到好長～午餐時間經過附近，而條隊唔長嘅話，一定會再試！

每次經過都大排長龍，一直都好想試。9:00pm黎到，等3張枱就有位，好感動呀😭由於太肚餓喇，叫咗藍鰭吞拿魚扒飯定食(主菜加大只係$30🤤🐷)同燒廣島產真蠔藍鰭吞拿魚定食-包括沙律、蒸蛋、麵豉湯、醃漬吞拿魚扒好厚身，入口即溶好高質，揀咗壽司飯 (可選白飯/壽司飯)開胃d無咁油膩。燒廣島產真蠔 - 好肥美，鮮甜到忍唔住encore叫多一隻😍🤤下次會再黎食，唯一美中不足係舖面人手唔係好夠，效率比較慢。

之前食過幾次尖沙咀個間，今次就第一次嚟食銅鑼灣呢間，都係由等位開始就好期待。但係呢等位就等左好耐，超耐。今次同project mate慶祝做完份project，所以嚟食好西。我推介左佢地一定要食甜蝦他他！因為每次食都唔會令我失望。我嗌左三餸：甜蝦他他、赤貝、海膽定食包括：沙律、蒸蛋、麵豉湯、醃製蘿蔔同埋唔肯定係咩嘅醃漬。以上的配角都正常，冇咩特別。所以先突出到今日嘅主角——三餸飯。甜蝦他他每次必點，配飯一流。唔洗豉油，味道都已經好夠。口感軟腍腍，有少少黏著口腔嘅感覺。好濃郁嘅甜蝦味，好似係100隻甜蝦搞埋一齊嘅感覺。不過就係因為好濃郁，所以食到後半部嘅時候，會有啲膩。我朋友就食到要合埋眼享受每一淡甜蝦他他嘅精華。飯份量唔夠！因為料太好食啦，啲飯唔夠撈，食曬啲飯都仲有料淨，有啲可惜。鹽燒雞翼第一次食刺身飯以外的野食。一嚟到就感受到佢係啱啱燒完就即刻攞出嚟嘅感覺。食落去熱辣辣。食完刺身飯再食佢，簡直係有種冰火交融嘅感覺。雞翼外面燒到少少脆，入面啲肉好嫩、好juicy 。可以用外脆內軟嚟形容。海膽有少少失望。比起尖沙咀食過個次，冇咁甜，有少少苦。不過可能因為甜蝦他他，所以佢遜息左啲。都未算好

呢間店每次經過都想試，但可惜一直都未有機會，終於上星期約朋友黎呢度飯聚，相約時間算早，所以我地黎到時未滿，但過一陣好快就full哂，見店裏面好多人叫吞拿魚蓉飯，有d更加係一個人黎食，所以決定叫個吞拿魚蓉飯定食，可以加錢加大飯同魚蓉份量，朋友就叫左個自選刺身飯定食，朋友簡左帆立貝，三文魚同埋吞拿魚蓉，加錢轉左蜆肉湯，定食包埋前菜，燉蛋，燉蛋好滑，吞拿魚蓉加上日本米好好食，加錢既蜆湯，亦好多新鮮蜆，無沙，朋友既刺身定食亦都好吸引刺身好新鮮，值得一試，美中不足，店內位置好迫。