定食 Doraya (駱克道)

營業中

休息中

如果在香港要食吞拿魚的話，在香港經濟又實惠的推介便是這間定食Doraya。這間食店如果要食大拖羅價錢相對實惠，不過吞拿魚質素，有時就需要碰碰運氣呢，如果好運，質素真是比得上日本那些大拖羅呢，本人就試過叫大拖羅時多口問了句指定要蛇腹的位置，他們竟然真的弄到比我呢，不過不是次次都那麼好彩的，亦都有試過最差只有中拖羅質素，真的好睇他們那時的入貨情況呢。今次並沒有叫到大拖羅定食，反而叫了這個鐵板藍鰭香燒吞拿魚定食，這是我第一次光顧這店時所點的定食，現在算是重溫一下吧！燒香了的吞拿魚依舊給濃濃的牛油味包裹著，牛油與魚脂融合的味道，仍然是我食過最棒和最回味的味道。但沙律汁已沒有以前的三款不同的沙律汁揀了，現在變了是早早已淋了上去沙律菜上的柚子汁，幸好仍是放在吞拿魚旁，好令沙律菜能夠吸收了牛油和魚脂的汁液，所以沙律菜亦是這個定食的另一個靈魂。對我來說，這可是一間充滿回憶的店啊～

男朋友自己本身周不時食依間，反而我經過咁多次都無試過，咁就試下啦。次次黎都要排隊等一陣，因為入面位唔係多，位置上都幾逼下。但又唔會話等太耐既，我地黎果陣都9點零，keep住都仲有人黎。咁我本身好中意食拖羅既，所以一定係點佢既拖羅蓉+藍鯨吞拿魚飯（$178）跟住另外叫左個半生既牛肉片，個汁有少少酸，連埋鋪底既洋蔥一齊食，口感周味道都唔錯。至於個飯（定食），個漬物酸酸地都幾開胃既，因為我唔食蒸蛋所以叫左佢轉玉子燒，非常好👍🏻 主角拖羅飯係無得輸既，份量夠多、新鮮。食晒成個飯係勁飽！當然平過佢既都有唔少選擇，但佢既性價比都唔錯。

呢一間可以話係我同我男朋友嘅飯堂 每次做完gym好攰想瘋狂吸入碳水化合物同埋又唔想食咁肥膩嘅嘢就會即刻諗起佢每次去到我都必點蔥吞拿魚茸溫泉蛋定食 而我男朋友一定會揀吞拿魚扒定食 次次都係好多吞拿魚茸同埋啲吞拿魚扒都好肥美又好滑完全冇筋再加埋隻溫泉蛋非常之邪惡 係定食套餐入邊仲陪左兩個前菜同埋日式海鮮蒸蛋 有個普通嘅麵豉湯跟 如果要加蜆肉就要加$10 另外我同男友一般都會加多一條燒魚 試過晒燒鯖魚、燒三文魚胶、燒吞拿魚，最鍾意都係食燒三文魚胶 今次仲試埋個炸雞但還可以一般般 次次都食到好飽抱住個肚走 我都有去埋尖沙咀分店食兩間比較下我覺得尖沙咀分店好食啲

知道呢度要排隊我同朋友特登中午一開舖就黎果然人唔多 有啲吉位呢度都係賣定食，即係有麵豉湯、一條菜、迷你蒸蛋、熱茶。Menu好多選擇 價錢100起跳我叫左泡菜吞拿魚定食$128 覺得有啲日韓Fusion feel 好似幾特別 酸酸鹹鹹又有魚既油脂口感 真係唔錯架 差啲菜就好似poke bowl咁喇朋友叫左自選魚生定食 片片都大大塊 好正每個飯都可以選擇壽司飯或者白飯 其實就係熱同凍既分別上菜要等10分鐘左右 要加一 我覺得性價比唔錯啊

睇戲之前本身諗住食碗拉麵 好耐冇去過一蘭點知勁多人排隊 我哋得九個字時間 咁就轉個靚彎去食 Doraya . 對上一次食已經係一年前嘅事啦 估唔到水準都仲keep得好好 .我就食咗我嘅至愛scallop 甜蝦加吞拿魚大腩 好搞笑而家好似叫車仔麵咁自己點三個餸 . Doraya 果然係吞拿魚嘅專家 件拖羅入口即溶 scallop 好新鮮 甜蝦都OK啦 下次行開我都會照食 . 因為真係性價比高 .

之前都到過這店，大概二十坐位，基本上夜晚都難免等位一陣子。餐牌上的定食都有漬物，前菜，味噌湯，同蒸蛋，湯可以加$10轉當日湯款（之前曾經試過三文魚湯，十分足料）。蒸蛋是有用魚湯底，十分好味。之前黎到都係點吞拿魚腩定食（十分推介），今次就試一試這個藍鰭吞拿魚扒定食。既然叫吞拿魚扒，當然每片都要有一定厚度，大概1cm左右，吞拿魚十分新鮮，魚面有燒過，中間保持新鮮，飯已經有少許甜甜的醬汁，加埋魚便可吃，不用另外加豉油了，有一樣要的讚一讚的是魚同飯的份量十分好，一片魚加一啖飯，食完唔會太多白飯剩低，十分滿意。

Doburi is one of my favorite dishes to have. Essentially a whole meal in a bowl. What can be more simple and satisfying than delicious ingredients over aromatic white rice.Doraya specializes in ‘kaisendon’, or seafood rice bowls, my favorite kind of donburi.Their ingredients are fresh, and quality exceptional. The tuna steak that I had, although on the lean side, didn’t lack in flavour .Each piece was slightly seared which brought some of the oils to the surface giving it an extra kick in flavou

我係一個好中意食吞拿魚嘅女仔DORAYA 啲吞拿魚從來無令我失望過！永遠都甘好食今日夜晚就去咗食啦要等位，不過好快！不過啲位就有啲逼，唔係坐得好舒服啊，尖沙咀個間舒服啲！言歸正傳，我叫咗個藍鮨吞拿魚扒飯配白飯（加多了吞拿魚份量 $25）吞拿魚無鯹味，鮮味就有啦！吞拿魚扒一啲都唔薄，都幾厚嫁🤩唔係好大食嘅人一定夠😁如果驚唔夠食可以加大飯同吞拿魚😆就$30💡我建議食吞拿魚蓉飯嘅就食壽司飯會match 啲🥰

點了一客吞拿魚生飯，一客泡菜魚生飯及鮟鱇魚肝。魚生飯預先加上醬油，泡菜魚生飯多加草油。為什麼好地地要整色整水（可能適合一些新客戶），攪到食一半已覺得太膩，未食飽都要埋單走人。

說到香港的魚生蓋飯,大街上一大堆,可以說是總有一家在你附近～可見香港人是有多愛吃日本菜🇯🇵 其實好吃的有很多家,而今天介紹的則是我喜歡的其中一家❤️他們家食材都特別新鮮，而且份量足，滿滿的魚生給得一點都不吝嗇！我這次點的是doraya don～其實就是雜錦魚生～有我最愛的蔥吞拿魚碎，藍鰭吞拿魚，北海道海膽，黃尾魚，三文魚籽，三文魚等等等（圖1-4）加點wasabi醬油拌在一起，一口吃下去～每一口都是享受！我們還另外點了一個tako wasabi，就是芥末八爪魚 芥末非常辣，而且八爪魚也是非常爽口～很過癮！由於我們點的都是定食，miso湯加10塊就能升級成魚湯，這裡的魚湯不是隨便丟些魚骨就當作是魚湯，而且每一碗都塞滿了滿滿的魚肉還有蘿蔔！對於十塊錢來說非常划算！

有時好掛住日本，或者做野好攰，想獎勵下自己daraya定食就會喺個腦浮現呢度本身都出晒名，食飯時間都一定會有龍以我個人經歷一般都要等30-45分鐘食物質素幾好，所有刺身都係厚切食落去質地係結實🤤，唔係水汪汪或者薄ee嘅頹魚睇圖就明三文魚好正唔太肥唔太瘦呑拿魚拖羅蓉通常我食一兩啖就會用黎撈晒落個飯度三文魚籽好大粒，又鮮味粒粒都好脆口勁正 睇圖都好想食帆立貝橫切左都有咁厚就知堅野黎三文魚呢次更靠近腩位，所以食野一定要要睇運氣😂最重要嘅愛將: 燒藍鰭吞拿魚😍😍😍炙燒過嘅表面加深左魚味嘅層次外面香、入面鮮，再點埋個芝麻豉油，真係不得了😱成個定食黎講預算約200或以上有湯、漬物、煮物小砵同玉子燒或茶碗蒸食得飽食物質素幾好但扣分位係坐位比較逼夾，出入要好小心碰撞另外，有時食完會口渴，唔知係因為豉油定係有味精店員服務態度唔係超親切，但都唔係差keep住會幫客人斟茶有錢又口痕就會再黎食

Doraya出名食自選刺身丼，有唔少選擇，價錢唔算太離譜，最緊要係有得自己配搭，一定啱口味 自選丼最少要揀三樣，可以重複嗌。呢度食物質素唔錯，幾新鮮，而且份量唔少。自選丼仲跟個味噌湯、玉子卷同一兩碟蔬菜，個玉子卷幾好味。要特別推介香燒藍鮨吞拿魚片，黎到一定要叫起碼一份！燒得好香之餘又唔會蓋過左入面生嗰部份啲味。另外想介紹下季節限定嘅秋刀魚刺身丼，係由原條秋刀魚切成厚片，撈蔥撈飯簡直一流 不過就要等秋季先有得食喇。不過呢度舖位好細，枱同枱好近，D位好窄，坐得一D都唔舒服，基本上坐低食完就唔想再繼續坐。冬天又厚褸又拎住袋咁真係會好迫。但為左食呢度嘅丼都要犠牲少少

今次第五次幫襯, 魚生一直都keep住厚切，新鮮既標準 但要預返時間去等位，分分鍾一等等半個鍾，12點開門，基本上12點15分已經爆滿，要等下一輪差不多12點半後才有人離座但絕對值得的! (價錢)午餐時段食主菜單的是有點不捨，但如果你食過佢既丼，你會覺得都值了，另有lunch set可選，最平六十幾蚊一個定食都有，但lunch set 內容可能會感覺不夠滿足感!比目魚火炙後入口即融，大腩就不用說了，食完有啲想喊出黎但今次我食到tuna有根，店員好似聽到我講，佢提左我 : 如果唔鍾意有根，下次我可以要求冇根，但冇根既位置可能冇咁肥美,好難決擇! 咁岩我同事食個碗是冇根，對比上圖的確冇咁肥美!赤身tuna 平少少，但我寧願比多30蚊食大腩總結，試過都返唔到轉頭，如果以咁既質素，配這價錢算是值了!

之前都有係尖沙咀食過晚餐。今日就黎銅鑼灣試下個lunch set, 有驚喜啊咁黎得doraya 就梗係食吞拿魚啦叫左個 藍鰭吞拿魚大腩小丼吞拿魚好新鮮 $130 黎講性價比真係好高仲有個烏冬同茶蒸碗雖然另外兩樣都一般 個蛋唔夠滑 個烏冬有啲太林 同埋啲配菜唔太好食但總既黎講都係又抵食又飽肚🥰

去完日本又好掛住魚生，所以突登揀間魚生丼食。不過間舖頭好細間，好彩早啲黎食，岩岩唔洗等位。menu有好多選擇，或者可以自由配搭魚生，我就揀左三文魚，中拖羅，同埋海膽。啲魚生好厚切，啖啖肉，三文魚同中拖羅味道都好新鮮。海膽就一般般冇乜特別。啲飯又唔會太林太硬，又夠醋味，好食。唔算太貴我覺得幾值得食。