定食8 (已結業)

昨晚經過開定食8，見唔太多人排隊，就諗住試吓，等咗10分鐘唔駛，就可以入座了！呢度一個定食餐都真係好平吓，最貴嗰個都只係hkd58，就已經有前菜、主食湯同飯了，其中飯、湯及沙律，仲可以有無限refill的！係邊度揾啊？難怪成日見親都要大排長龍！點咗特上盛海景丼hkd58 + 黃金魚配炸蝦烏冬hkd58 + 醬燒魷魚hkd20，初初以為咁嘅價錢，份量唔會好多，點知原來絶不欺場，全部嘢都相當有份量！雖然幾廿蚊貨仔，但味道又唔差喎，豈碼個丼食落去d魚生，是新鮮的！一定好食過爭鮮先啦！而個烏冬，又唔似嗰d噹噹嗰d cheap cheap烏冬味，食落是彈牙好味的！d炸物亦炸得唔錯，勁脆勁香口！個魷魚初初食，覺得好好味，但當食到8成飽時再食，就覺得有點heavy，因為兩個人食，實在太飽了！連refill的東西，也不用加！呢間嘢下次可以再番啅！我想試過牛丼！

趁住勞動節假期到荃灣走一趟。荃灣確係好多野食，搞到人地眼花撩亂...最後去咗熊貓酒店商場一間日本餐廳，快食料理套餐。安排入座後，服務員會俾個餐牌大家揀野食。基本上有十個套餐，仲有啲小食可以揀咁。揀定就可以去返收銀處落order俾錢。十五分鐘內餐點就會送到客人度架啦。見好多人叫咗海鮮丼都話OK，我都唔執輸叫咗呢個餐。隨餐附送三款前菜、麵豉湯、甜品。望落去份量都幾多。喺餐廳中間有自助區，俾你添加沙律菜、白飯等等，好有誠意。今次既用餐體驗都唔錯，下一次等我試下其他餐同小食先！

近近地想食個晚飯，又吾想咁費，諗起悅來有呢間店，就決定食呢間。大約7點黎到已經要排隊，不過條龍清得好快，5分鐘左右就可以入座啦👍🏻入到去簡好要咩餐，填好張落單紙出去比錢，就可以坐定定等餐送到啦😌小妹同朋友都叫左同一個餐～#特上盛海景丼 （$58）個飯包括左三文魚、劍魚、吞拿魚、阿根廷赤海蝦、帆立貝、三文魚籽、海藻同海苔😗😗 .呢個價錢（未計加一）已經包埋漬物、湯同甜品。三文魚幾肥美，海蝦好爽口，帆立貝真系勁大粒！最滿意系呢三樣😀漬物既話，中華沙律同最底個海哲都好好食，但最頂果樣吾知咩黎，口感怪怪地，吾系好岩我口味，食左一啖就無食👎🏻而個甜品系奶凍黎..奶味都幾濃，而且幾滑..👍🏻我地額外加多左樣小食，就系呢個酥炸生蠔（$20）酥脆既外皮，熱辣辣，咬落去爆晒汁，食落冇腥味。呢個值得食啊！另外，隔離有個自助區。湯、飯、麥茶同椰菜絲有得無限任添✨小妹真系好中意個湯，好足料👍🏻有好多豆腐，仲食到魚肉添！忍吾住Refill左一碗👍🏻呢度好抵食，而且野食質素都吾算差....簡直系窮人恩物啊😭😭

今次係第二次食，上次食天婦羅同刺生飯都好正！今次食埋個帶子定食。不過有d失望,帶子係好大隻,係食落係無味架！好似岩岩用水解凍錦！！好彩又點左個刺生小食，都算有d野送飯！！不過真係好底食囉！！另外叫左個唐揚雞烏冬，份量好少，好似早餐錦，好彩有飯任添，如果吾係一定吾夠飽！！上次8點30去到等位等幾個字，今次9點去到完全吾洗等，可以直入，仲有兩人位坐，仲要係星期六呢！！認真吾錯！今次嘅結論係有d定食原來都係好一般，都係刺生定食最好食！！！

Lunch時間又出動去搵嘢食， 今日去咗荃灣果間定食8！喺個商場入邊， 呢度裝修ok㗎 。主要食日本定食加啲小食咁啦 。呀，呢度點左定食既話白飯同湯係任裝！我哋兩個人點咗兩份定食~蒲燒鯖魚同埋珍寶帆立貝冇去三幾個月個價錢好似加咗啲 。隔離枱嗰兩位老人家就心水清話每個定食都加咗十蚊！是但啦，出邊度度都加㗎喇一於照叫照食！上菜啦！嘩！加咗價但係好似縮咗水咁條鯖魚好似薄切 ，應該唔夠餸飯囉 。要食埋啲配菜黎送飯。嗰三粒珍寶帆立貝凍嘅， 我覺得麻麻地可能其他 人鍾意嘅。至於味道都ok唔差嘅。加價之前都幾抵食嘅 ，但係而家嘅性價比就一般了

今日心血來潮食lee間，之前次次都見好多人排隊，今日又試下！黎到已經8.30，仲要排隊，係6張就到我到，等左15分鐘都無！！每人要點一個定食，共8款，之後又加左尤魚做小食，飯同湯可以任加，茶要自己拎！！成惠15×

叫一個餐加埋飲品仲要加一服務費成72蚊，本人就覺得五係好底食，服務態度又五係好好，我睇緊個張單，竟然叫我攞黎拉！我叫全熟竟然黎到都係半生熟，個侍應同我講得拉，換過比你拉，佢個態度係十分之差，自己遲出餐，個菜單寫明食物15分鐘內到，遲左係米應該送餐卷，我最五滿係佢地服務態度，本人都曾經係屯門個2間分店食過，都感覺良好，但今次荃灣分店比我既感覺係惡劣

今日黎到悅來食～平日夜晚見呢間一定大排長龍。因為價錢實惠今日黎試下先點食法同點叫～有d食評都有講la如果第一次食，侍應都好nice咁介紹翻叫左個魚生丼 $58 (要收加一的)蝦同三文魚都唔錯(以呢個價錢黎講)但飯略嫌小左d，一撥開就見底咁茶、湯、沙津菜等可以自助區到有～都幾好～麥菜好香幾好飲～不過如果自助區既點解要收加一呢因爲除左介紹、佢拎上黎個刻之外，其他都好似自己黎咁雖然唔係話好貴，但加一服務費好似⋯⋯店入面有個服務承諾，15分鐘內送餐我就啱啱好15分鐘內送上～都幾得意😁

食在荃灣 住在荃灣😬 想食返餐平價午餐 就當然要細心覓食 今次同朋友就簡咗哩間 位於熊貓既定食8💁🏻 其實本身都想試好耐 但知道夜晚特別多人 所以就簡咗平日晏晝黎☺️入到去有一張用餐三步曲 教咗我地點樣點餐同飲茶😗 自己出去點餐 拎茶👆🏻用哩張紙點單 寫低再交去收銀再比埋錢 保證十五分鐘出餐 否則會送餐劵 所以其實佢地係好有效率🤘🏻 用餐時間50分鐘 其實係夠食👍🏻主要主食有8款 上面有詳細介紹🖐🏻而我今次就嗌咗7號 應該算係比較多人嗌既定食👅 款款都係$48 需要再加一 大概$53左右 除咗主食之外仲會有湯有茶有三款前菜同埋甜品😋 單咁睇就覺得夠哂豐富同抵食🤣其中兩款既前菜🙂 我比較鐘意食中華沙律 質素同平日食既差唔多 幾爽口😝 但第一款味道就比較唔岩食 類似荀絲咁樣 比較乾身成個餐既整體就係咁💁🏻 夠哂豐富 左上角係一個甜點 類似牛奶奶凍/奶凍布甸 食落有淡淡牛奶味 唔會話好軟身 反而幾實😋豪華海景丼😬 入面款款都會有兩片 有幾新鮮同肥美既三文魚 正正常常既劍魚同鮮蝦 百最上面有蟹子 仲有幾粒帆立貝同鮮帶子 味道合理 正常😁 吃貨認為係對得住價錢🤘🏻有需要既仲可以自己加飯 同加味噌湯

最近常常到荃灣，以往去荃灣都好少會行到悅來商場，因為近來經常要到附近辦事~ 每次行入悅來商場搵食，都見呢間餐廳好多人排隊，一向唔鐘意排隊嘅我，就緊係冇試過~今日行又去搵食，誰不知見佢冇人，於是同太太就入去試下。餐廳坐位都算多，不過都已經坐滿9成，我地都安排坐中間大枱，店員放低餐牌，之後同我地講，剛剛個燒爐壞了，有好多款定食都冇。失望，不過見佢價錢平，又已經坐低咗，所以都照食吧~用餐3步曲：揀餐，去收銀處買單，之後就可以去酙茶，杯茶都幾香。炸物都燒物都冇，所以都冇叫小食。佢地啲小食價錢都相當便宜~有加一收費。而佢地有一樣嘢都幾特別，承諾15分鐘內出餐，所以張單上面有打點餐時間及出餐時間，而佢地餐廳都有大大個電子鐘去確認個時間，初初坐低見到個大鐘都覺得有點奇怪，原來係有呢個用途。食物係7分鐘已經送到，是次叫了雞唐揚烏冬，烏冬偏少，午餐可以接受，晚餐就可能唔夠，不過配料都算多，另外有個小甜品，椰汁味，唔太甜，都算好食。太太點了豪華海景丼，佢話都好豐富，蟹子重手，可以啖啖飯都有蟹子，另外仲有個湯，豬肉，三文魚都有，不過比較淡口。價錢便宜而且質數唔差嘅餐廳買少見少，希望之後再有機會試多幾次。

今日留低左電話iphone 7 plus喺鋪頭 感謝店員路不拾遺 幫忙keep 起同尋回電話 換轉其他地方應該一早俾人執咗 唔知點樣答謝店員（新年期間店舖都規定唔可以收利是...）又搵唔到地方寫番感謝信 所以係度留言 再次感謝大窩口既店員

係Facebook睇到屯門開咗 定食8 ，而且食評唔錯，所以就同女朋友嚟比較近嘅荃灣試下。I know the opening of Teishoku 8 in Tuen Mun on Facebook, and the reviews are good. Therefore, I went to Tsuen Wan's store with my girlfriend.味道 Taste：8環境 Environment：7.5服務 Service：8整體 Overall：8每人至少要叫一個定食，有八款選擇，款款$48。晚市每檯用餐限時為50分鐘，要先到收銀比錢，然後等個定食送到。我地各自叫咗一個定食，另外叫咗一條醬燒魷魚。Everyone needs to order one set. There are eight types of set, each costs $48.During dinner time, each table has only 50 mins. To order your meal, you have to go to the cashier to pay f

好多時行過都好多人, 難得早咗行過, 見到條龍唔係好長就排隊試下, 每人入去都必須點一份定食, 佢15分鐘內一定會送到, 送唔到就FREE俾客人(個人覺得搞到廚房都好大壓力下) , 其實香港人係未咁趕, 不過可能佢都有限住客人食的時間 , 所以都要保持返出菜的速度呢間茶係自己出去拎, 如想加飯/湯/椰菜都係出去拎, 定食好似有8-10款, 唔算好多選擇但都唔算少, 我選咗牛扒定食, 份量都幾多, 因為佢有小食有湯及飯, 味道係OK  , 不過稍為老咗D,有少少鞋,  而小食就冇投訴, 正常嘢, 只係個甜品就怪味一D , 可能係我唔O岩食,  不過因為加埋一幾十蚊, 算係一個不差的選擇見到人地點埋小食, 唔貴都係廿多D就有成隻墨魚 , 見個樣唔差, 下次會試下

同朋友約食午飯，黎到大窩口熊貓酒店附近。朋友話依間好低食～係限定時間內飯，湯任食任飲，話我依的飯筒一定鍾意喎⋯⋯我朋友係門口排隊看定餐單等位，十分鐘到兩人可以入坐了。選好餐後係先要到收銀給錢取收據才會有人送餐的(記得啦～)我選了一個四号芝士豬排飯定食，依個值得推介～定食內有味噌湯，飯，漬物及外脆內軟的豬排加上芝士係裏面～口感唔錯。椰菜絲，麥茶，味噌湯同飯都係任你食。茶又香，湯又濃，加上珍珠米～正呀⋯⋯

之前成日都聽到朋友話呢間食定食抵一於試下啦！叫咗個燒鯖魚定食呢度係要自行行去cashier 買票，跟住就有人送去你枱度呢度飯，湯同沙律菜都係無限自由添加適合一聚餓底朋友飯香軟，唔用因太多水過淋燒鯖魚唔帶魚腥味，魚皮上有少量鹽作調味，連魚肉一齊食味道剛剛好魚皮香脆連軟滑魚肉一齊食提升口感層次定食的湯，對於信義妹來講略為鹹咗少少定食的抺茶甜品有驚喜，有抺茶香，但無抺茶苦，又不太甜為一餐作一個完美的總結！