定食8 (已結業)

之前放假無聊無嘢做 就同朋友入咗荃灣行下順便搵下嘢食 咁啱好想食丼飯 見到定食8 就入咗去食下個到嘅晚飯套餐係可以任飲湯同添飯的 幾特別 不過飯就要用返我地叫咗嘅套餐嘅碗 環保啲😋叫咗一個炸天婦羅定食同埋海鮮刺食飯佢嘅丼飯大大碗 女仔感覺唔使添飯都可以好飽 佢嘅天婦眾都幾豐富 仲會搵埋溏心蛋做餸菜😋不過啲粉就同隻蛋有啲分離 仲有兩隻炸蠔 幾正🤤🤤海鮮刺身飯都新鮮 仲有好多種類嘅刺身🤤帶子刺身好好味 整體嚟性價比不錯 可以去試下😆😆

下午係悦來找餐廳，發現這一間好評多就試下。叫左個燒牛肉定食，有湯有前菜有甜品個樣以模以樣，但牛好勒得啖油味。湯好小小無咁似味精，有d蘿白係入面。我朋友叫左刺身飯勁後悔，刺身好薄，面有一大堆蘿白絲完全唔會食。明白價錢係平，但咁的質數應該要再平

今次揀左中午黎食唔使等太耐啊終於定食8對於我黎講真係糧尾飯堂窮人既恩物啊 haha真係超級扺食到爆燈 而個飯有齊哂我想食既野滿足哂貪食既我啦直頭係！！！！三文魚，生蝦，熟蝦 大滿足啊真係

早幾日去了定食 8 食 lunch, 唔算多人, 等了大約 15 分鐘入座。 點了岩鹽牛排及醬油雞腿定食。牛排好淋, 不肥不靭, 配了幾片子薑及一碟小食, 特別醒胃。至於雞腿定食, 塊雞腿炸到金黃色, 灑了ㄧ些芝麻及醬油, 食落香口又 juicy。味增湯不鹹, 湯內除了豆腐, 還有蘿蔔片及魚肉, 與其他店舖的味增湯有所不同。套餐還有ㄧ小碟甜品, 類似大菜糕, 煙煙靭靭。店舖內有個自助區, 白飯, 味增湯, 玄米茶, 海帶牙及生菜絲免費任飲任食, 最適合大胃王。

食完先知原來係同壽司外賣同一個集團， 不過就生同熟都有得食， 飯唔大碗旦有得加飯同湯， 對於飯筒黎講簡直係福音。 炸天婦羅就真係最抵食， 大大件又熱辣辣，炸粉唔算厚， 加埋凍飲真係咩都飽晒。 魚生就冇咩特別， 好standard個d, 熟野好食過生野， 仲有兒童餐真係好

定食8 有幾家分店，每到六點多就見到門外已經排了長長的人龍，看過宣傳單張，很平的價錢已有刺身飯食，真的好吸引呢！唔想排咁耐隊，決定下午5時45分就來到了，雖然唔駛排隊，但店內幾乎已經滿座，好不容易找到位置坐下。這是自助式店，茶跟飯都可以自助加我個刺身set, 有三種前菜，份量也多，漬物同湯都幾好美。刺身未算好新鮮，以呢個價錢 $58個set 有咁多野食，可接受既質素。甜品是綠茶布甸另外，用優惠價加了原隻鮑魚刺身同日式炸雞翼，又係好抵既選擇

嚟到荃灣, 無理由唔幫襯嘅, 就算明知道要等好耐, 點都要試下。等等等...... 咁就等咗 30 mins, 終於輪到我地入坐啦 我本人就鍾意食牛, 所以叫了牛扒, 雖然塊牛扒 cut 開咗, 但睇得出都幾大塊, 食落都唔錯, 肉質唔靭兼且夠 juicy, 小食ㄧ碟有 3 款, 包括毛豆, 花螺及海藻, 仲有味曾湯, 唔算好咸, 配多碗白飯, 份量足夠醫飽個肚, 如果你係大胃王, 唔使擔心食唔飽, 因為白飯係任食嘅, 食 2-3 碗都唔會比人話, 最緊要唔好浪費。

每次經過都見到排晒長龍, 至少等半個鐘, 已經唔想等, 早幾日見無乜人等, 可能時間尚早啦, 就決定入去ㄧ試, 睇下係咪值得等咁耐。環境都 ok, 坐得舒適。Order 左ㄧ個鰻魚定食, 齋睇個賣相已經好吸引 小食都有 3 款, 鰻魚都算大條, 好好味, d 蛋絲鋪滿飯面, 睇得出好有心思, 色彩配搭都好靚, 仲有味曾湯係任飲嘅, 仲配埋甜品, 只係 $58, 都抵食嘅。溫馨提示 : 如果唔想等咁耐先可以入座, 建議大家 12:00 去幫襯, 真係慳返唔少時間去行街街。

唔飽!!!一肚氣!!💥💢話說我一入座，都未坐定。個店員就係咁同我講個咩鍋咩鍋好食，我心諗，俾我睇下個餐牌先啦!!咁我都冇出聲!!見第一次黎食，又見人流唔多，又覺得個鍋唔洗點煮應該快既(因為我真係好肚餓)咁咪試下個鍋係咪真係咁好食，叫完，入單時間係寫住7:26分冇幾耐，隔離2人坐底左，同樣叫左個鍋同飯15分鐘後，我催左一次，個待應聽完我查詢，就冇回頭。冇任何回覆🔥隨後，見到有待應攞住個鍋行緊埋黎，心諗：終於有得食。點知....係~俾~隔~離~枱~架~囉~🔥🔥咁我就再查詢，想佢地解釋下點解隔離枱個個會黎先...咁佢地又話再去追追。追陣風返黎。佢俾左兩碟付加既食材我。喂大佬!!我煲都未有呀！點食呀？🔥🔥🔥🔥🔥🔥🔥我望下個鐘，已經接近8:00都未有得食隔離枱重同我講，呢間野如果超過15分鐘都未黎野食，個餐就免費。shit!! 我唔係要免費，我要食野呀!總之唔知去到幾點終於都有得食。。打開個煲...一粒野都冇，係連一粒豆腐都冇？!!牛肉完全唔掂🔥🔥🔥🔥🔥重差過吉野家，美心，大家樂，大快活？wtf!!!後來埋單，叫個經理過黎。叫佢解釋下。佢就俾左張免費餐卷我，話下次黎食免費。我好直接同佢講：下!!

又係放假時間，緊係周圍去，見下朋友，食下好嘢啦！今次嚟到荃灣行街，朋友帶我去呢間喺悅來坊嘅日式餐廳。外面都幾企理，好似幾好咁。下午茶嚟緊係少啲人啦，望落都幾乾淨。好平嘅下午茶，23至33元，堂食自助bar枱可以無限添飯，味噌湯，配料同埋麥茶。呢個係牛仔骨丼飯，牛仔骨整得好味，剛剛好熟，飯都可以接受。23元天婦羅丼飯邊度搵，基本天婦羅款都有齊，粉不厚，上菜時仍熱，不過唔夠味。自助區都乾淨，唔會左一撻右一撻。坐坐下都越黎越多人，想食個平下午茶，可以揀呢間。

講起日本既定食閒閒地都要過百先落到樓，今日就要介紹大家食呢間高質既定食餐廳喇。今日去到係下午茶時間，餐牌有 8 種定食比大家選擇。而且跟餐配白飯、味噌湯、甜品，而最重要既係白飯同味噌湯係無限量供應既，真係無得頂。今次叫左天婦羅拼盤定食，炸物有生蠔、蝦、流心蛋同蔬菜，食物賣相同質素都唔錯，以 58 蚊既價錢就可以歎到，真係可遇不可求，真係無咩餐廳可以做到。另外點了明太子雞翼，雞翼無骨之剩內裏釀了明太子同有少少辣，好惹味。

每次經過都見到排隊，星期日中午就懷住期待心情黎試試佢啦。首先個環境都幾逼既，可能因為試面係熊貓酒店，好多講普通話同鄉音既人士黎食，我就咁岩同佢地搭枱。落單後職員拎張單黎，落少左2樣野。叫左薄燒牛扒定食$48+個定食有雞扒同秋刀魚$48+刺身拼盤$40+吉列白鰺魚$15+香桃特飲$5薄燒牛扒定食我明白呢個價錢係不能夠要求太多，但佢個薄燒牛扒一上，乾爭爭，望落己經令人唔開胃，唔好講影相，連望都唔想望到，食落仲好似食緊香口膠，食極都仲係硬到吞唔到😒呢個係伏中之伏。照燒雞扒+秋刀魚定食另一個定食就正常少少，雞扒同魚都食到既，不過味道一般。刺身拼盤一上，見到佢比包裝「爭鮮」醬油，原來同一集團，難怪難怪，刺身有種岩岩喺冰櫃拎出黎既感覺，令個冬天添上一份寒意。吉列白鰺魚反而最好味竟然係$15既吉列白鰺魚，可能係炸左既關係，係鬆脆得黎又唔會太油，新鮮炸起。呢個moment 見列隔離枱既香港人叫左天婦羅定食同吉列豬扒定食，我明啦，原來呢度食炸物應該最唔伏。白桃乳酸飲品味道非常人造，勝在價錢係+$5總括黎講，一次就夠哂數

放假諗住喺荃灣求其食 突然想食日本野喺open rice search到呢間 點知搭車過到嚟 要排隊 原本諗住放棄 但係諗住有時間就排一陣等左唔使10分鐘就有位 呢度係叫定食套餐 但係有得無限添飯 茶 同埋湯！朋友食唔夠即刻添左一碗飯我哋叫咗兩個定食 另外單點左兩個小食！呢個刺身飯不過不失 都幾新鮮嘅食落去一啲都唔梅 以＄58來講算好唔錯 另外加左＄10叫咗個天婦羅蔬菜 有茄子南瓜秋葵冬菇 都滿足到我嘅 另外朋友就叫咗個秋刀魚雞腿飯 個秋刀魚煎得啱啱好調味得好好 佢仲有比啲鹽我哋唔夠味就點 個雞腿飯嘅雞腿超級林 好入味 超高水準 不過個甜品就 好普通有啲甜總括來講 一個四十幾50幾蚊嘅餐 有湯有支豆有定食又有甜品又可以任添飯同湯 真係算好抵！！！終於明點解啲人會排隊

夜晚9點去食不用等位,即入不過門口個牌寫住,入座50分鐘,12歲以上小朋友需獨立叫餐叫一份定食可以自助,白飯!面豉湯!椰菜!玄米茶!醬汁!任裝!!管飽!是日用餐菜單:豐味雙盛定食 48元 一碗雞扒飯,一條燒秋刀魚,一小碟支豆，一小杯奶凍條秋刀未上枱已經聞到腥味,肚未刮干淨,魚肉有d咸味,碟上另外配鹽的不,不夠咸可以自行調味。雞扒一般般,沒什麼特別特上盛海景丼 58元蝦,帶子,三文魚,劍魚,希靈魚刺身,另上兩包豉油,刺身雪味重,點上超重味豉油就食不出雪味....58元有咁多刺身食是超抵的,如果求質素就不建議你食。另外小食在10-40元不等,要求你叫了定食才可以叫,叫了個茶碗蒸,眼見一個個泡泡的不太平滑,味道還可以,底部有一粒白果和一些魚(?)冬天食暖暖胃都ok。奶凍,難食。面豉湯,有大量豆腐和不知名的菜,有魚肉有豬肉,似茶記例湯...總結,對味道要求不高,想飽肚想影野食相呃like係ok ge

最先留意到呢間野係喺屯門，睇過張餐牌價位非常平民化，平均都係$50-60一個定食 包湯包甜品包伴菜，無奈次次都好多人所以一直無試過。咁岩今日喺荃灣早收工就同大人講想食，諗住6:45去排住隊等位，點知去到人唔多，唔洗等就入得仲睇梗食咩果時見到身後頻頻有人出入，望下原來有個自助區，無論麥茶、白飯、味噌湯同醬汁都可以自己添，好人性化呀不過可能始終係偏平價同自助式既餐廳，侍應計埋收銀都係得兩個一腳踢，嗌三次都未必得閒理你。餐具櫃裡既餐具衛生程度都麻麻，隻匙羹仲有啲殘留物喺度，食慾當堂減左半我同大人各點左個豐味雙盛（$48）同豪華海景丼（$58）。先講我果個，$48有雞扒又有秋刀魚真心抵到爛，條魚表皮煎得好香脆，但對於平時食得清淡既我黎講味道都偏鹹，而且碟唔大，容易沾到碟旁添置既鹽堆，鹹上加鹹。其實雞扒既照燒汁幾惹味，可惜雞扒本身過於肥膩，皮下脂肪極厚，佔左整體既40%而且雞皮煎得唔好，無香脆既感覺。整體感覺一般，勝在抵食。飯量偏細，岩哂中意食餸多過食飯既人（好似我咁），唔夠喉都可以自己添，好似隔離枱個中學生就添左滿滿三大碗！正值發育時期呀🤔🤔味噌湯，味噌味剛好唔會太濃，幾足料，裡面既湯料仲有三