定食8 (已結業)

呢間餐廳媽咪同妹妹食過之後都大力推介，因為有白飯同湯任裝任食😅仲話揾日再一齊去食而今日就夾到時間再去，去到都幾多人，要排隊，大約等左4個字左右就入得，我地叫左3個set同3個小食，set全部都係$48大大份刺身:唔夠凍，而且食落霉霉地，唔推介吉列蠔:熱辣辣而且爆汁，唔腥，入面係有幾仔蠔仔而唔係一隻蠔天婦羅:同樣都係熱辣辣夠脆，有秋葵，茄子，冬菇同南瓜，都幾大份芝士吉列豬扒:豬扒有4舊，大塊而且厚身，芝士都多，好飽肚海鮮丼:材料都多但款式唔太吸引，不過$48以份量黎計都對得住個價錢，但論新鮮就麻麻牛小排:有點兒細份，牛味唔多，亦有d咬唔開，個人覺得呢個麻麻set配個3樣前菜都幾好食，而個甜品奶凍就麻麻地，麵豉湯佢跟餐呢碗都幾多料，之後出面自己再裝既可以自己再加野，味道都唔錯，仲有d沙津同飯可以任食，所以真係幾抵食，質素都唔差

今次真係做咗白老鼠，本來响元氣坐低咗，突然醒起隔離間定食8無試過，嗱嗱臨過去睇下要唔要等位，見唔駛等位兼咁抵食就一試啦。。。點知豪華海景丼$48上枱見造型唔錯，但一食就知中伏，D飯又實又硬，魚生係爭鮮貨式，只係覺得三文魚同鮮帶子係OK，最頂癮係飯面有好多生蔥炸蝦天婦羅$48有3大隻蝦/2件秋葵/1件茄子，主角蝦都算彈牙，而且炸得香脆可口，整體嚟講算唔錯，天婦羅值得一試炸蠔$20 有5隻咁多，SIZE都唔算細，炸得好香脆，蠔又唔腥，必加小食後記：～炸物OK，任添既麵豉湯好好味，但魚生就不值一試！～每人指定叫一個餐，所以唔餓唔好嘥米飯喇！

八款定食均一價48元，豬牛雞，海鮮魚生飯都有，選擇都算多，要求不高的其實幾抵食！值得一提是餐廳更標明15分鐘內必定送餐，否則費用全免，噱頭十足👍🏻👍🏻48元另外加一，有飯有湯有小食還有甜品，不能要求再多了！市面很多餐廳都做不到吧？本身以為價錢低廉質素有限，但出乎熱料之外，比預期中更好食，豬排雖然炸得好厚粉，但芝士很正，一咬慢慢流出還可以拉成絲狀，很正！😛😛唔夠飽？還可以白飯任食，味噌湯、麥茶任飲，還有椰菜絲可以伴吃，這個價錢實在太誇張了！怪不得吸引很多街坊聚集，師奶叔伯又帶小朋友放學前來開飯！要求不高的其實真係好抵食😛😛😛

定食8開左一段時間, 每次路過都排長龍, 趁週末下午茶時間冇人排隊先有機會走入去食.侍應不多, 等執好吉枱就坐低8種定食, 選了最喜歡的炸豬扖.定食賣相都算豐盛,仲有甜品.豬扖個芝士都夠流心,唔太膩,外皮都算脆.劃一$48再收加一服務費. 效率都好快, 一叫都唔駛5分鐘就有得食.味道都算可接受,唔怪得咁好生意.

同事話食過好好味，便排隊試試，幸好等了4分鐘便可入座。這店需先付款，在收銀處發現這個”15分鐘未到餐便免費的木牌”，可見該店以勤快見稱，對員工效率信心。隨餐附送的味噌湯，豆腐粒滑溜，味道鹹而濃厚且帶紫菜的香味 。我點了豪華海景丼，前菜中華沙津及八爪魚很鮮味；厚切刺身及蟹籽賣相吸引，再沾上日本鼓油，令海鮮味更突出；飯是採用珍珠米，粒粒圓潤飽滿，口感更勝普通白飯。同事點了雞唐揚烏冬，覺得份量雖少，但雞很脆及香口，烏冬彈牙入味。最後隨餐附送的抺茶布甸也不欺場，口感柔滑，嚐到抺茶味的香甜。總結，刺身新鮮，質優味美，物超所值，下次會帶好朋友來吃!

荃灣悦來坊地點對一般人來說都比較偏僻，位於港鐵荃灣站與大窩口站中間，一般行過去都要花10-15分鐘但定食8開張後吸引大量人群去排隊試食。我當然亦是其一。 排左大概1小時終於入坐定食8似快餐店的模式。先買票後上菜。點左一分人氣餐—魚生丼，另外有小食尤魚賣相都幾靚。份量當然十足。自助bar枱有湯。飯同沙律都係任食。。一定會食得飽不過提到食物質素就只能說將貨就價。配菜味道還可。但魚生就欠缺鮮味反而麵士湯有加入蜆肉。有點驚喜已$48有一份食到飽定食來說都已經十分抵食。而且優惠期內小食都有優惠價如果排隊時間減少啲都可以再光顧

$48加一8款定食，入座後再自行寫紙去收銀處畀錢，可畀八達通，再坐埋位等。四分鐘後，食物就送到。三式前菜份量奇多，有筍、中華沙律同八爪魚漬物，當中以八爪魚最好味。海鮮丼賣相精美，有三文魚、劍魚、希靈魚、熟蝦、蟹柳、熟扇貝各兩片、生帶子一片、蟹籽及蔥粒。三文魚肥卻帶少許腥味，其他就爭鮮水平。飯說是壽司飯但無醋味，硬實實，或許選暖飯會好啲。古惑的碗，飯只有一層3cm深。三文魚麵豉湯有兩大嚿三文魚，味道不會過鹹。甜品抹茶jelly就係開粉貨，不提也擺。椰菜絲、湯、白飯任裝，大食之人啱哂。

🍣平價壽司 "定食8"🍱48 蚊 + 10%服務費設有自助區 ( 麥茶,椰菜絲,白飯,海苔)價格： 經濟排隊等侯：時間尚可(是日星期日下午茶用餐)食物質素： 尚可 環境：餐廳寬敞

今日同朋友行開荃灣諗住搵間餐廳去食見到定食8門口好多人排隊 跟著羊群心態跟住人哋一齊排隊諗住有一定有好嘢食啦 入到去就叫咗個魚生飯 我敢講係我人生入面食過最難食嘅魚生飯 刺身嘅質素好差 雖然我都明白我比咗啲個價錢質素質素唔可以強求太多但係亦都不至於低到咁 魚生下便嘅飯 拎到上枱仲係熱嘅 容乜易攪到刺身熟㗎 呢啲咁基本嘅常識係人都知道㗎啦都唔明點解佢仲有咁多人排隊食

一早11點多去到, 唔洗等位, 仲可以揀位坐,落單以自助排隊形式先買飛比錢 (需要加1的), 之後職員會送餐到枱上,用餐時間限時50分鐘,呢間餐廳為左令廚房快點出餐, 規定落單後15分鐘內一定要上到餐,否則, 會送一張coupon比客, 可以下次亨用一份免費定食,我今次就係用呢張coupon, 食左一份免費定食。我地order 左兩份定食 (燒雞腿@1, 生薑豚肉@1) 加一份燒魷魚,全部食物準時15分鐘內送上,燒魷魚賣相吸引, 好大件, 兩人近乎食唔晒,不過間中兩三件口感有DD硬, 好似未熟得透咁,另外唔知係咪趕住上餐關係, 入口只是暖, 沒有熱辣辣的感覺。定食方面就幾滿意, 雞扒好大塊, 豚肉塊亦都好多, 口感好新鮮夠晒熱,仲有蒸蛋同綠茶布丁, 味道都好好食,另外有自助區, 白飯, 茶&麵鼓湯可任裝, 真係可以平價食到超飽飽~

門外長期排住長長人龍，呢日去時間比較夜，條龍就無咁長，等左大約十分鐘就可以入座。餐牌簡單，有8款定食可揀，都係經濟價錢，單點既小食都好吸引。定食盤上跟隨既餐具可以拎到自助吧自行加添白飯、味噌湯、椰菜絲、麥茶豪華海景丼：刺身份量十足！果然同相片上既份量一樣！刺身尚算新鮮，食落口唔會有放左好耐既感覺；味噌湯有好重既蘿蔔味，好飲！忍唔住再裝多碗；枝豆同蒸蛋不算突出，正常味；綠茶甜品就唔太岩胃口了。岩鹽牛排：牛排唔夠熱，還好唔會太un，總括效果麻麻，不推介。

定食8是爭鮮旗下的一個分線絕對是延續「新鮮食材、輕鬆價位、高級享受」的理念這晚我們更排了差不多半小時才能入座菜單如下，定食有八款PS: 需加一服務費更有不少小食 客人自行到櫃檯落單然後便可入座等店員送餐店內環境風格很日式座位寬敞自助區有無限提供的麥茶、白飯、味噌湯、椰菜絲有需要請自行取用如點餐未能於點餐後十五分更會送上免費套餐券乙張豪華海景丼包括枝豆，茶碗蒸蛋、味噌湯跟甜點海景丼擺滿了蟹籽、三文魚、鮮蝦、帶子、帆立貝、劍魚、等等茶碗蒸有半片魚板及香菇片，蛋香適中口感柔軟個人覺得是最超值的餐點味道不錯，刺身算鮮甜，無腥味岩鹽牛排定食 牛排比想像中的大塊再搭配鹹甜恰好的醬汁看起來就很誘人牛肉具肉香肉質不柴口酥炸生蠔 $20/5件新鮮剛炸出來，粉槳不太厚，蠔很多汁！醬燒魷魚 $20以日式醬燒烤的中卷質地肥厚Q彈美味搭配白米飯恰如其分單吃的話咸了點！如不太高要求絕對係平價好選擇

朋友推介！！ 今次專登去試下，等左陣就入去。餐牌有8款定食$48加小食，堅平喎，有一加。海鮮丼 $48……一個餐仲要白飯任裝，質素一般啦，似3蚊件壽司質素，但有湯又坐得舒服，以這個價錢都抵食。小食又吾貴……隻蝦一點都吾細隻同小食熱度夠味道不錯。加如果遲過15分鐘送上桌仲送一張餐卷下次免費食個餐…今次叫左3個，一個遲左所以送左一張…味道只係麻麻不太差，但這價錢都足以排長龍了

生薑豚肉燒生薑味並不突出，可以話冇薑味賣相就似一塊豬扒切到勁薄然後將佢分分分多幾份，根本cover唔到碗飯都唔好話係咪豬肉，根本食唔出，因為好咸碗飯嘅日本為應該不屬於高質素的不過沒有過多水煮到淋淋的，當然亦沒有過硬相反欣賞佢嘅伴菜有蘆筍，蕃茄，蛋絲露筍新鮮爽脆新番茄易帶點甜味， 小小的番茄汁更容易送飯蛋絲味道並不突出但作為伴菜顏色十分鮮豔48蚊來講，整體賣相不錯，速度夠快， 味道可以接受啦

從未食過魚生飯咁難食,魚生唔新鮮，d飯又硬又一舊舊，已經唔大碗，仲要食淨嘢，仲以為咁多人排哂長龍會有好嘢人食囉，點知上當，仲要加一，我會覺得出面連鎖式外帶壽司店會好食過定食8。