定食8 (已結業)

今日同女友嚟食下午茶，因為時間都晏(下午4點)，廢事食咁大份，結果叫左2款細份量嘅定食同2小食牛小排定食 $33 呢個我叫嘅，份量好細，得3塊仔牛小排，味道一般，有少少韌，有個燒汁吊下味 三文魚定食 $33呢個女友叫，對佢嚟講份量算ok，但話d三文魚唔算太新鮮，同某連鎖外賣壽司店嗰d差唔多，加少少蛋碎咁茶蒸碗 特價$8 (原價 $10)個樣似便利店買到嗰d布甸，質感好唔實在，好似溝左好多水咁，另外d料少得可憐，食到底先有少量菇同蟹柳碎蔬菜天婦羅 $10呢個最好食，粉漿薄，唔油，有4款蔬菜，味道都ok另外每款定食都可以任添白飯、菜、味增湯同熱茶，係飽肚嘅，但味道就見仁見智喇

2018年8月27日 係我人生中食飯食到最火爆既一日 同朋友食飯 食到途中 見到碗湯有昆蟲 準備向職員反映同時隔離枱其他食客突然企係身 原來張凳背後面有 小強跟住直接叫店長過黎 解決件事 點知個店長無正視問題 sorry都唔識講 仲係度嘻皮笑臉 又話「你鍾意咪投訴我囉 call埋食環黎都得架 我寫埋我公司電話同名比你投訴我」本來無唸住搞大件事 佢話call食環 跟住我咪聽你講call食環黎囉攞走左隻昆蟲 同啲湯去化驗 跟住個 店長 仲未玩夠 仲話我影相攞證據比食環署時影到佢要我刪相 如果唔係就話要報警 我同朋友堅持唔刪相 最後報左警 警察黎緊個店長係度 串串共「我已經左報警 你地唔可以離間舖」已經非法禁固啦 仲好似爛仔咁「我係呢度既店長 呢度我話事 你地唔好坐係度 你地全部同我起身」最後都告我唔入 簡直浪費警力定食8 員工服務同食物都唔差既 但有呢啲咁低水平 咁低智商既店長 簡直係飲食界既恥辱😡

今天去了熊貓酒店內的商場行街,行到攰天氣又很熱,便決定揀了一間日式餐廳吃.店內有各種各樣的日式菜,魚生飯,鰻魚飯等等 我和同行友人一人叫一個share我點了魚生飯,她點了牛排飯，魚生飯只需58元另牛排飯48元套餐內還有三文魚湯及一款前菜、非常抵吃，更重要的是飯及湯是任食的,最岩我地行街行到攰既我地,另外我們還加配了魷魚筒及串燒蝦.

其實我好鍾意去定食八，因為價錢ok 又有好飲嘅三文魚味噌湯。呢間嘅食物水物水準唔錯，lunch 時間通常等10分鐘個set 就到，我通常都嗌饅魚飯，因為我麻麻地食三文魚，我想講，佢地饅魚份量多，蛋絲都多好似預左你會添飯咁。配菜都ok ，有時跟帶子裙邊，有時中華沙律，甜品就麻麻，唔吸引。地方，環境都ok , 服務都ok.通常12點前唔駛等位，晚上七點前不用等位。

終於明白點解呢度長期排隊, 原來每個set, 都是湯/茶任飲, 椰菜絲任食。每個set仲要有埋前菜同甜品!味噌湯: 好多料, 有齊豆腐, 紫菜, 最緊要唔咸。刺身飯: 唔記得左個名, 才58蚊, 已經有一塊帶子, 2塊三文, 2隻赤蝦, 2塊希靈, 2塊蠟魚, 唔太記得有咩了, 總之好抵! 最正係赤蝦, 好鮮味, 又大隻! 其他刺身正常。照燒雞扒飯: 雞扒雖然唔算大塊, 但夠滑, 個汁唔會死咸, 都好對板。呢度單點小食都好平, 如果食得多ge, 來呢度真是好抵食, 我食得少, 所以食完一個set 已經無再叫小食。

基本上呢一間呢次次都一定要排隊，尤其放工時間晚餐時段，上次食過也覺得抵食，啲嘢有唔錯，嘅效果就算ok所以今次再返嚟食；今次叫到一枱都係，兩個人食咗反肚都係$200，的確抵食而食物質素亦唔算差！

與朋友聚聚，係開飯揾到呢間餐廳，見其他食評都大讚餐廳抵食又好味，就一於同朋友黎試試。午後輕食共有5款定食揀，價錢都只係$23 - $33，仲可以享用自助區無限添加白飯、味噌湯、椰菜同麥茶。我就揀左食天婦羅丼飯，而朋友就食三文魚壽司配烏冬。天婦羅丼飯:  炸物有六件，有蠔、矮瓜、青椒、蝦同番薯，菜類炸粉落得唔夠多，又可能炸好後放耐左，唔夠脆，只有蠔同蝦就炸得夠脆口。餐廳冇提供天婦羅汁醬，所以淨食炸物就 dry左少少，只食番炸物本身原味，確實唔夠味。白飯唔算熱，唔係珍珠米果種，但餐廳可以免費添飯實屬少有。天婦羅雖味道一般，賣相就唔錯，以包埋加一 $26黎講真係唔可以要求咁多了。三文魚壽司配烏冬:  湯烏冬有海帶、腐皮同魚卷，味道都OK，湯底唔算咸。三文魚壽司有三件，三文魚壽司當然係爭鮮o既質素，唔算好新鮮，以包埋加一 $26又確實唔可以要求咁多了。配菜有椰菜同海帶，都係自助區無限添。生椰菜絲冇提供任何汁醬，就咁食冇味，似食草咁。海帶就有調過味，帶少少咸味，用黎送飯都OK。味噌湯開頭飲都幾好味，後來就覺得似飲味精湯，勁口渴，落左好多師傅了。以咁超值o既價錢同環境黎計，餐廳算唔錯，可以好悠閒咁

位於酒店商場既日式餐廳，算係連鎖餐廳。其實款式及食物就無咩特別，都是一些定食，拉麵烏冬，丼，小食等等。不過之所以係荃灣都有一定既地位，因為性價比高。雖然每人要叫一個餐，但係每個餐普遍價錢$70以下，有前茶，甜品，仲有仲有白飯同面士湯任食，可謂一定可以餵飽你，加上仲有平價小食，難怪會有一條條人龍出現，仲要限時只有50分鐘進食。贈送面士湯：比較淡，不過都有小小配料如豆腐同白蘿蔔平價刺身丼（$58）：刺身夠凍，不過飯就品似日本飯，有大大隻赤蝦貴價刺身丼（$78）：多左海膽，甜而品腥，飯就一般茶碗蒸（$8）：夠滑，有蛋味，如果要挑骨頭就配料太少燒蝦（$25/3）：估唔到係咁大隻，原價$15/1一口牛（$25）：最差，又乾又難咬炸豆腐（$8）：最高性價比，樣似麥樂雞，食落好好味，豆腐加碎粒紅蘿蔔其他小食都平，不過兩個人試唔哂。對我黎講係性價比高，但我要搭45分鐘車先到，所以都係咁岩先會去食！

平時食飯時間經過都幾多人排隊，今日咁岩朋友十一點半放工一齊lunch，因為早左d所以唔駛等位呢間係爭鮮同一個集團不過就主要賣定食，所以係定食版既爭鮮呢度有個自助區，有麵豉湯有飯同紫菜絲任裝，食量大既朋友都唔怕唔飽啦。不過每個定食本身都有湯呀小食呀甜品呀（一粒泡芙），其實都夠食既芝士豬排定食$48芝士豬排係lunch先有提供，難得撞岩午餐時間黎，當然要食呢個，而且我對於芝士係不能抗拒豬排好大塊好厚而炸粉唔算好多，最驚喜係芝士可以拉絲，咬落去真係有少少流既芝士，呢個價錢有咁既水準真係唔錯呀鰻魚丼 $68呢個係朋友叫既，我試左一小舊鰻魚，都好好味，汁好濃。而且黃色既其實係蛋碎，仲係甜甜地，似玉子切碎，鋪滿成盒飯，送飯食一流

《定食8 》 #荃灣📍荃灣荃華街3號悅來坊地下G10號舖-長期有人排隊😆抵食丼飯 仲有任食嘅椰菜沙律 白飯同麵豉湯 仲可以加海帶🤟🏻#🔹岩鹽牛扒 $48牛扒大約7成熟 就咁食已經好味 $48黎講係抵食嘅但你都唔會期待呢個價錢會食到幾好嘅牛嫁啦跟餐有個湯 飲完就可以拎個碗出去再fill另仲有八爪魚仔同一粒泡芙 #🔹鰻魚丼 $68鰻魚都係抵食之選 份量都算多 仲有一層蛋絲😋跟餐嘅野係一樣嘅 呢個個飯就多d 完全夠食唔洗出去添飯 但食左2碗椰菜沙律😆#🔹茶碗蒸 $10umm 真係好一般😂 雖然係$10 但都可以慳返

想食平又多魚生嘅丼飯，我諗定食8係其中一個選擇。佢地個上盛海景丼有三文魚、赤海蝦、帶子、三文魚子等等，仲有三款小食，miso soup 同甜品。唔想食呢個，佢哋仲有好多唔同嘅款式，例如拉麵，芝士豬扒飯，鰻魚丼等。

本身諗全黎荃灣碌保齡球...嘩...多人到呀...我以為自己去左外國...好有異國風情既場地...唯有係附近榴槤一下..最近就係熊貓啦...兜個轉先...又餓餓地喎....諗住食個tea啦....見有壽司set...點知入到去...原來壽司下午茶係平日囉!!!!自己傻怪得邊個?焗住叫啦~食"拉麵"~茶記拉麵質素~傻既先會食^0^燒魷魚定食~一d熱都無...唔知佢係咪燒左十世放係度等你叫...凍食咩? 傻的嗎...出面個自助吧...我都唔知有咩值得添食...總結:2連中伏...好後悔食左佢唉不過好彩...d水都係甜既

Lunch時間黎呢間野試下去到既時候前面有幾個人等緊見咁少人就排隊等入面好多人食完野都仲係到傾計最後等左二十幾分鐘先有位Lunch meun都有好多選擇我就嗌左岩鹽牛排黎試下個牛煮到唔錯既！唔會太硬，唔會太生，中間有少少紅，但係接受到既範圍牛就無咩牛味 不過呢個價錢已經唔錯但個份量就真係細🙈我係女仔但食完都無咩感覺😂每個餐都會有麵麵同甜品甜品係泡芙 食個陣泡芙入面既cream已經溶溶地 我諗未溶個陣食會幾好味

經常經過定食8，裝潢以為係貴價日本餐廳，今日母親節試下，點知做下午茶特價2:30開始，試下啦，都2：45仲排哂隊，老公睇住先，我去睇下野，收銀員很忙咁都不敢打擾，有個人經過問排隊乜野，就有位俾佢。即刻問佢冇排隊點解有位，收銀員話以為我問野，唔係食，有個俾錢客話等好耐，其實大把位，唔知點解要排曬長龍。 之後即刻入咗十幾個， 我都有位坐，就費事同佢追究剛才打尖亂入情況。入到去梗係冇下午茶餐牌啦，但佢都會幫你落Order,3:02pm, 開始等食，見到自助麵豉湯，白飯任裝，幾好喎，但係冇碗， 咁飲住茶先啦，咁飲到飽曬，飲到個肚都削埋，仲未有得食， 原來佢有個15分鐘送餐承諾， 諗住等夠15分鐘先催佢，點知佢話電腦壞咗，要等耐啲，咁等耐D啦， 等咗三十分鐘再催，即返來了三碟食物，都係唔使點準備一夾就可以上臺的， 終於都可以有啲餐具食下自助食物。 自助食物有白飯任裝麵豉湯椰菜沙律，都好豐富，所以一有餐一堆人去自助下。食食下又過咗廿分鐘， 我的炸蝦天婦羅還未到，再催兩催，終於到，等了55分鐘。但來到是驚喜的，廿多元的餐有蠔有炸蝦有蔬菜。食物非常滿意。總括來說此用餐經驗是差的，因為服務員非常冇效率，

價錢合理，質素真係幾好。吾怪得甘多人排隊啦,牛扒餐煎得吾錯有牛味煎到0岩0岩好熟，鰻魚飯都吾錯，鰻魚無骨。另外天婦羅都炸得幾鬆。仲有燒蝦都好正喎人好多係排隊排得來但吾洗盲中中揾位。有條隊比人排明碼實價都好啦。