宜家家居餐廳及咖啡室

營業中

休息中

宜家傢私出了名抵食，呢次就試下晚餐時段去幫襯！8點半時段，可以說是座無虛席，好彩都唔洗點等位，但三五成行而人數比較多的是真的需要等位架！幸運地搵到張枱搭枱，二話不說就走左出去買野食喇！叫左好多人都有點的小食拼盤：三文魚柳都好吸引，食落都幾好食，仲配埋薯蓉添！當然不少得IKEA的招牌，肉丸了！$22已經有10粒，抵食到呢!!!二人叫左三樣野已經食唔哂，晚餐埋單價只是$11X，人均都係$55，好抵食！

IKEA restaurant 有太多好野食！今次有成10幾位朋友一齊行宜家傢俬，所以嚟到餐廳都叫咗非常之多嘢食，有最經典嘅瑞典肉丸配薯蓉，不過我記得細個係配一個個嘅焗薯仔，我比較喜歡吃就咁薯仔多啲。時間可能尚早，所以仲有厚多士，都只係$3 ，仲有個麵包機可以幫我烘熱埋，再加多pancake同牛角包，非常之豐富嘅澱粉質啊。炸物類我哋就食雞翼，同埋薯格，仲有腸仔，當然唔少得都要食返啲菜啦，宜家傢俬嘅餐廳就係呢度好，咩都有得揀😃

荃灣IKEA新開了一段時間，一直都沒有時間過去走走。難得今天下午時分可以忙裡偷閒，一於去光顧一下荃灣的IKEA~~中午至下午時分黎到，還怕太多人，幸好荃灣店位於七樓的餐廳都比較大，亦有不少座位，算是繁忙時段，如果搭枱的話，都唔洗點等位，座位有高枱亦有正常高度的枱櫈。食品都有唔少的選擇，好似比其他店的食物款式還要多，最後點了一個pizza、小龍蝦沙律同雞翼，仲有兩杯咖啡！沙律份量好足夠、pizza簡單得黎又唔算漏、雞翼都好好食，咖啡任添都係$7咋，真係好抵

之前一直想食樓上餐廳，但次次都俾下面美食站吸引，其實重點係上面啲嘢一定要有枱先食到，人太多好難搵位，今次決心要食，仲剛好做小龍蝦派對。龍蝦仔濃湯，小龍蝦派對自然要食返啲小龍蝦應吓節，味道夠濃，充滿小龍蝦頭嘅味道，仲帶有小龍蝦肉粒。小食拼盤-新，美食站基本小食加粟米，健康啲。有個新字，舊款唔知係點？價錢同下面差唔多，質素都係，雞翼太乾之前下面都試過，但今次乾得有啲過份。燒特級西冷配牛肝菌汁，全熟西冷，但唔硬，連邊位脂肪都好軟熟，第一次食扒可以連脂肪食！有肉味，醬汁同佢感覺太接近，做唔到提味。配菜新鮮，炸薯球入面係純薯蓉，食時已經唔脆，純粹比食薯蓉方便同多個口感。香烤三文魚柳伴薯蓉，望落似煮多過烤，肉質滑，有魚香，似用低温煮，醬汁香濃帶芝士味，唔錯！但配梗大份薯蓉唔太夠汁。三重芝士焗小龍蝦扭紋通心粉，又一精選款，食唔出有三重芝士，焗得幾乾，中間只有一次仲有拉絲，蕃茄仔同小龍蝦都幾多，成份都係鮮蕃茄味，唔係用茄醬，幾抵食，只係每碟配菜都已經有蕃茄仔，依度再嚟成碟，就算依度焗到半熟味道有啲分別，都感覺唔想食，太多了！白桃新地筒，對佢嘅芝士蛋糕無興趣，落去先食甜品，今期白桃叫不過不失，無上期柚子

中午人山人海，排左20 minutes 先完成，再搵位，lunch time 會有D趕。食物質素普通，西冷有小小「鞋」、之前係沙田IKEA 優質好多，老實說有點失望，汁唔熱⋯⋯D菜都唔熱仲有，上去就比你一路上，食完走電梯有上冇落，迫你行大圈參觀購物，大佬呀，中午吃飯好趕架ikea 高層，我呢D打工仔應該唔會再去啦🤦🏻‍♀️

之前同朋友嚟荃灣唔知食乜嘢好，朋友就帶咗我嚟食IKEA嘅自助餐廳，如果唔係佢帶我嚟，我都唔知原來IKEA有咁樣嘅選擇。嗰陣時我哋兩個人嗌咗一份Pizza，一份肉丸，兩碗飯，同埋一個cheese cake，價錢都唔使$200 ，都算合理。首先講吓佢肉丸嘅部份，就同佢平時美食站食雞肉丸一樣，都算大粒仲有薯蓉添。而佢嘅Pizza部份，放左勁多芝士食落去又脆，食完之後，真係好有罪惡咁呀！Cheese cake我最欣賞嘅地方，就係佢嘅餅底。即使放咗喺雪櫃一陣，但係食落去個餅底都係脆脆地嘅！

碰巧彈性上班，有時間到荃灣8咪半嘅7樓~宜家傢俬嘆吓早餐。頗多選擇，有中式嘅糯米雞，也少不了西式健康烚蛋、炒蛋、麵包、肉腸、火腿配茄汁焗豆，還有著名的瑞典肉丸配茄蓉蜆殼粉。最正係免費任添的優質的咖啡而且價廉物美，值得推薦

星期六早上到宜家閒逛，出發前先醫肚去美食站買啲小吃先～～可能時間尚早，人流不是很多，可以長驅直入見識過繁忙時間真的會打晒蛇餅享用食物的位置也不太多人這店已非常寬敞（比起銅鑼灣）由於會吃午餐，所以點了應該唔咁heavy的素菜丸盛惠$9/5粒用紙盒盛上，輔有木叉怕熱的朋友要小心，紙盒不耐熱要在用餐區搵位立食先得除了素菜丸還配有蕃茄汁是比較稀的，不是傑“tart tart“的醬汁有蕃茄粒，洋蔥粒和羅勒葉，所以吃落會有明顯香草的味道講返主腳，粒素菜丸大小比四海魚蛋大少少咬開是薯蓉的質感，是有咖哩味的薯蓉，配埋羅勒，感覺有印度咖哩風味就是好多香料集大成的印度咖哩咁內有青豆，粟米，少少紅色，唔知係紅椒定甘筍（但又唔係好吃的出是哪一款），是關羅勒同咖哩已佔了不少味覺吃到底見有少少辣油，為咖哩味加多了一些層次

Ikea餐廳無係港島開分店，對一啲想食Ikea嘅港島人真係又愛又恨，今日適逢去開荃灣，終於有機會食了！小食拼盤啱曬啲有選擇困難症嘅人🤣有薯格，粟米，雞翼。薯格好好味！早知叫多一份剩薯格！

今日同事帶我嚟，話呢度有早餐食，我話已經食咗，佢話就不如飲杯咖啡，估唔到$3有交易，仲可以免費refill, 天呀！地方又坐得舒服，自助形式，朋友則點了烚蛋$3，烤雞扒$7，茄汁焗豆$2和一杯咖啡$3（朋友早餐共＄15），無敵！

我好鐘意睇傢俬,如果放假冇乜野做,我都會約朋友行宜家傢俬,今日約左朋友來荃灣分店,打算食完先行,順便可以消化下!!這裡不嬲都好多人等位,好好彩朋友眼明手快,見到有人準備走立即企定定係度,所以我們只需等3分鐘就有位了!!我們心中已經知道食咩,因為每次來都係食個幾樣,不過間唔中會有d限定食物出現,賣左一排就無左,所以我們都會拎來試下,我們決定好食咩就推車仔排隊攞野食啦!今次都拎左幾多野食,但都只係用左百幾蚊,晚餐算幾抵食!<肉丸配薯蓉,忌廉汁,紅果子醬 > 肉丸係宜家的招牌菜式,口感彈牙,將忌廉汁和紅果子醬同薯蓉一齊食好好味! 2種味道好夾,經常都會叫人倒多點汁和醬比我,每次都會整碟醬食哂!!<小食拼盤> 拼盤有雞翼,薯塊,腸仔和粟米!!雞翼炸到又黑又乾,仲有點咸!薯塊唔係好脆,炸得比較油!腸仔個皮好硬,硬到我覺得食左落肚應該都消化唔到!粟米好甜好味道!始終粟米無可能做得難食!<蝦串伴闊條麵> 蝦好大粒,煮得好入味,可能太過入味,所以有點咸,闊條麵煮得好淋,每條麵都又長又闊,口感不錯!醬汁配搭得很好,味道幾好!<雞脾> 幸好雞

約左朋友仔傾計，佢就當ikea係飯堂，咁我就一於以生命試菜la。以填肚心態去點餐是可以的，但像我不斷嘗偏門食物的話就幾危險。前菜帶子沙律，份量足，醬汁好像只有沙律醬，帶子有啲霉，叫普通沙律已可。主菜雪魚枊意粉，填肚ok，味道一般。香草雞脾味道幾好，少少乾。蔥油肉餡餅。。。食落以放耐了的生煎包，不推薦。海蝦pancake，完全不知自己叫了什麼，食了什麼，只感到好似無吃過蝦，又幾唔好食。歐洲有汽果汁。。。以為自己飲藥水，幾種味都有藥水味道。其實幾抵玩，多款食物都係$150兩人份量。

第一次嚟荃灣宜家傢俬餐廳～餐廳環境不是太大～～但座位舒適！！晚上七點多到餐廳～人已經很多了～😀餐廳採用自助形式～ 環境企理乾淨！😁羊架超級抵食～ 夠曬juicy～也沒有很大的蘇味🤭🤭牛扒稍微薄了一點～如果厚啲就更加好啦！小食拼盤很豐富～雞翼薯格亦都炸得好脆！！芝士薄餅好多芝士味道濃郁👍👍甜品有蘋果批～超多蘋果皮亦很酥脆只賣13蚊好抵呀！！！睇完傢俬過嚟坐下食下～帶小朋友都好開心～～！！價錢十分便宜下次有機會都會再嚟！！

宜家家居餐廳食物質素唔錯，款式多又好抵食好多人都知，但最吸引我係貼心嘅餐廳有個室内遊戲室。好似今次我哋4個帶住3個小朋友去完愉景新城玩完後想休息吓食個下午茶，小朋友當然仲想再玩，而且佢哋食嘢唔多亦唔會有耐性坐太耐。呢度好好，可以登記少少資料，小朋友食完嘢就可以喺預訂時間玩30分鐘，裏面設施簡單安全，大人唔需要陪住，可以安心食嘢再接返小朋友，大人小朋友都開心，另外飲品亦可以無限自助任飲。小食拼盤，薯格都幾新鮮，無炸過龍變硬脆，腸仔雞翼都幾好。唔夠再叫多個香脆薯格。蔥肉餡餅，皮薄餡多脹卜卜，放到最後先食都無乾同硬，都唔錯。好似係夏威夷Pizza，呢個太乾。瑞典肉丸，叫咗兩份，唔會乾爭爭，大人少朋友都鐘意食，差唔多每枱都見到。釀雞翼，糯米可以軟少少會好啲，都可以。燒豬脾，可以無特別。蜜糖烤雞腿，夠味又香，好味。芝士焗開邊龍蝦配扁意粉，汁夠多又唔貴，抵食。燒特級西冷，見到朋友點咗後見到又大塊又厚，顏色吸引，我又忍唔住買多份，不過我嗰份薄好多，人手切無計，肉質係嫩嘅，味道都幾好。仲有呢度係自助形式，所以食完後要清枱，眼見所有食客都好自律。

掛住肉丸，所以走去食ikea啦😬😬😬宜家傢私肉丸真係必食，每次我都要食10粒加好多紅果醬🤣🤣呢間餐廳係Ikea既最高層，今晚我地大概7點9去到，好多人丫。我地都搵左15分鐘先位，之後就出去排隊買野食。。。。原來想食西冷，點知已經無哂啦，可能太受歡迎啦，所以最後點左呢幾樣👇🏻👇🏻肉丸：一如既往既好好食，連舊薯泥都係好正，切開一半沾醬真係好正！菠菜薯餅：呢個都係好好食，素食泥咖。個味道調得好好，夠清新。。千層面：賣相吾差，但食落有點伏。底果塊千層面都未熟，係硬既。另外個汁都吾太好味，較差。。。偶然食下都幾好，不過龍頭個員工姐姐西哂面，態度有點差，但後面肉丸姐姐就勁nice,好好笑容，要讚下😬。