宜家家居餐廳及咖啡室

營業中

休息中

今日行宜家傢私行到食飯時間，就決定係個到餐廳食晚飯。上到去已經超多人，咁我同朋友決定一個霸位一個買野，我地就叫左小食拼盤，蝦串伴闊條麵，雞肉肉丸，同埋薯格。小食拼盤可以話係宜家傢俬嘅必食，尤其係佢地嘅腸仔，百吃不厭。蝦串伴闊條麵覺得有驚喜，只係個闊條麵稍嫌唔夠入味。雞肉肉丸個人覺得比瑞典肉丸好食，口感有彈性。點左咁多野每個人都唔洗60蚊，CP值高，絕對係窮人恩物。

我超喜歡逛宜家傢俬，地方大，家品選擇多又精美便宜，最重要是他們的餐廳實在是「平、靚、正」之選，每次逛完家品後必定會光顧。男朋友負責去點餐，明明事先討論好只叫三款食物，誰不知他捧著五碟東西回來，說別人點的都超吸引，而且價錢便宜就買來試試，心想：真的吃得完嗎...「瑞典肉丸配薯蓉」$20(10粒)首先是每個人吃宜家都必點的瑞典肉丸 ，配上creamy的忌廉汁，真的吃幾多次都不會膩，肉味和口感都好好「蔬菜薯餅配牛肝菌汁」$18這個是我本人的至愛，以前是沒有配汁的，我比較喜歡之前的版本呀，因為其他菜底都已經有很多醬汁，而且這款薯餅單吃已經很好吃了。西蘭花切碎配上薯仔，而薯仔並沒有完全攪成薯蓉，反而保有少許薯仔粒增添口感。薯餅煎得外層帶點吃脆，而中心是薯肉的軟糯～好吃「香烤燒羊架」$59大推這款燒羊架！首先$59有三大枝羊架已經十分划算，正常去街市買高質一點的羊架也差不多價錢了。但平價不等於低質，羊架啖啖肉，只有少量肥膏(最怕那些只得肥膏的)，熟度亦剛好，咬下去肉質嫩口，充滿羊味如果這道菜放到平時的西餐廳賣，最少也收$178吧哈哈「香烤三文魚柳配雜菜」$49這款對比起其他食物就有點兒失色了，醬汁

真心想說這間ikea要行很遠…………不過超想食雪糕所以征服了那段路！今期是豆腐花味雪糕(忘了拍照就吃了…😂)表面撒上黃糖，豆腐味相當突出！完全有食豆腐花的感覺！價錢亦只需$4.5！超抵食！期待下期新口味雪糕

食過IKEA既人都覺得算係窮人恩物，雖然佢都加過價，不過比起出面餐廳，佢既性價比真係好好。🤩次次去食，都會樣樣都想食，最後叫多左野，今次都唔例外。—香烤三文魚柳睇個賣相幾好，再試下味先。調味適中，上面有少少黑松露，令味道更香醇。肉質滑嫩，仲食到肉汁，沾啲醬汁一齊食，yummy😆醬汁微甜，唔會搶左魚既味道。—蔬菜薯餅呢個私心推薦啊！😍如果鐘意食薯餅，黎到一定要食呢個，唔洗怕蔬菜味好重好難食，佢唔會食得出好大陣菜味。😣好似食緊普通薯餅咁，但又因為裡面既蔬菜而多左份甜味，一個人食兩舊都唔會覺得多。😳 —小食拼盤雞翼、薯餅同腸仔。份量好夠４個人食。藍妹最鐘意佢既腸仔，唔係平時cheap cheap既芝士腸，味道有少少唔同，肥身少少。😁美中不足就係雞翼炸得有啲燶。😫—幾個人去食野，叫到成枱都係野，飽到反肚，傾到收鋪先走，真係抵到爛。😜

伯爵茶新地筒🍦$4.5淡淡地，唔算好甜，幾好味😎可以一試👍之後就入左去IKEA Restaurant 開大餐🙈蝦肉🦐肉丸🍡派對😂總數$98😎又幾抵念

可能近期在九龍灣的宜家傢俬餐廳食過一次, 所以好容易就可以作出一個對比: 荃灣不及九龍灣好味。<香烤豬仔髀伴闊意大利麵> 香烤豬仔髀好味, 係真係香、滑、嫩。值得讚! 汁都ok, 個面就好似唔及九龍灣咁好味, 好似未熟透。<香烤三文魚柳配薯蓉>呢個三文魚柳就唔及得九龍灣嘅好食物嘢。唔識點形容, 比較腥咗少少。另外九龍灣嗰邊有一個酸菜伴碟 , 嗰個酸菜好好味, 荃灣依邊係冇嘅。所以有距離、有分別。荃灣嘅冷氣溫度比較適中, 舒適。

宜家傢俬真係食極都唔厭, 每次行完宜家傢俬都會去佢嘅餐廳度食嘢。今次同男朋友去食~ 兩個人食，一人一個主菜加埋都唔使一百蚊。 佢啲質素都唔差嘅, 呢個價錢非常合理，仲可以話喺抵食~我地叫咗個三文魚柳配蔬菜薯餅同埋蝦串蘑菇闊條麵。 三文魚柳份量雖然少咗啲, 但勝在夠厚身，亦冇話煮得過熟。 因為三文魚柳好容易因為過熟而令到肉質變得好硬身好難食。蝦串闊條麵就麻麻哋。。 雖然都知道係雪藏嘅蝦，但個蝦串嘅雪味好重，味道帶酸，唔好食。 闊條面亦冇乜味道，冇汁。

Ikea期間限定伯爵茶雪糕🍦，作為茶控 係正公司附近又點可以唔試試佢呢食完午飯就捉埋飯腳們去，$4.5一杯抱住一試無妨心態，點知...好有驚喜！價錢抵不在話下啦，佢嘅質地唔會話太creamy, 爽爽的好有冰感。而且佢無我最唔鍾意嘅重奶味，淡淡嘅伯爵茶香唔會覺得好漏，絕對對得住個價錢有餘呀！如果可以用杯上就更加好，因為我個人麻麻地食甜筒姐，哈哈😂要襯住佢仲未完promo捉埋男友子去試試先，不過唔肯定係咪全部分店都有呢

由於我住荃灣，所以周不時都會去ikea行下同玩下，佢個food court都食過好多次，最期待就係佢嘅豬手，但係唔係成日都有，唔知佢邊日先有豬手食，所以耐唔耐經過要你望吓，有啊即刻晚餐就決定喺呢度食，佢個豬手好似係$68定係$78,仲要係脆皮，所以真係好抵食同埋好好食，但係真係有緣人先至食到，另外仲叫咗個招牌嘅肉丸，基本上次次都叫，仲有加多咗個Pizza全部食物都好食嘢，飲野就買一杯就無限任添唔買唔得啦。下次又唔知幾時先預到膽皮豬手啦！

今日行完IKEA都夜, 順便喺度醫埋肚閒日仍然全場爆滿 , 不過地方闊落都容易插到兩個位嘅! 門口買餐係自助形式, 將想食嘅餐放係tray推住車仔好方便.. 樣樣試下, 叫左 ⬇️新香炸黃金雞翼 $16香烤燒羊架配烤 $59薯蓉 $5三文魚柳伴蔬菜 $49龍蝦仔濃湯 $13奇異果汁 $13支總結: 所有野都水準以下, 大失所望首先三文魚超級難食 (雖然都知係雪藏), d肉好鞋, 個汁淡而無味, 加埋d豆同件蔬菜餅真係無哂食慾.. 雞翼中規中矩, 羊架一般過唔一般, 個薯蓉都好dry無薯味，明顯所有都係keep住常溫無驚喜 .. 價錢無疑係算經濟實惠, 但會唔會諗下改善食物水準來挽回食客信心 ?

今日又係荃灣啦, 荃灣開左ikea之後都未去行過, 今日想去買個矮櫃去門市摸下, 順道就係ikea食埋夜晚啦, 沙田果間就成日去食, 荃灣依間位都好多, 仲有好多立食位添, 食快餐企一陣都ok既叫左龍蝦仔湯同三文魚柳, 個湯都濃味, 唔會好似出面溝水咁, 三文魚不過不失叫左個羊架, 唔so都唔錯既, 薯蓉就要加$5, 少少貴啵仲叫左雞翼, 每次去ikea必叫牛肉球同雞翼居然今次唔記得左叫牛肉球 好似成餐少咁d野咁最後拎左枝kiwi juice 埋單$155, 依個價錢算係唔錯啦

-🦄Ikea-雜菜碗 Hkd5Rating🌕🌑🌑🌑🌑蘿蔔麥包 Hkd6Rating🌕🌕🌗🌑🌑朱古力軟雪糕 Hkd3Rating🌕🌕🌕🌗🌑-果然Ikea最多人係餐廳同小食站😂今次經過都冇特別話想食啲咩隨便買左幾樣野食🙈🍃🙈🍃雜菜碗雖然5蚊幾平下🧐但食得出佢係雪藏個啲蔬菜😠雪味真係好濃 蓋過左蔬菜味😺同埋都係啲青豆 蘿蔔 西蘭花咁因為係雪櫃拎出來既蔬菜再整返熱🔥🔥所以當然冇左蔬菜既鮮味之餘仲有股臭青草味🌱🌱🌱雖然我好愛食菜但我都頂唔順呢股臭青草味😂😂😂-然後佢個蘿蔔麥包係新鮮出爐架💥都幾大個既一個麥包🍞因為岩岩出爐既原因食落都鬆軟😳🤭不過係完全冇蘿蔔味架😀😀打撕開又會見到好細好細既橙色粒粒🥕🥕如果佢可以重返啲蘿蔔既甜味咁就更好喇-到最後最後落返去小食站個度就更加多人😂😂😂大部分人都係食雪糕同熱狗🌭️呢隻軟雪糕🍦其實都係第一次食其實都幾細支下😗😗😗😗有朱古力味但當然可以更濃啦但雪糕都幾軟滑 都不錯既😉-

雞肉丸: 我記得以前有香草在內, 而家無, 咸左D, 好普通, 配埋個薯茸, 其實已經是一餐, 都幾大碟蔬菜薯餅: 入面好多薯仔絲, 本身好淡, 要夾埋個磨菇汁食先好味道。芝士火腿PIZZA:  算薄, 又大塊, 但餅底林左, 如`果夠脆就正了, 好多CHEESE, 好多火腿, 但蕃茄汁唔夠。APPLE PIE: 好大舊, 多APPLE肉, 但好死實, 又無肉桂味, 麻麻。加左7蚊任飲, 蘋果綠茶正, 唔太甜又香, 金吉綠茶難飲, 梨子茶又係難飲, 紅莓汁就怪味

位於港鐵「荃灣站」以西的位置，除了有幾個委人屋苑之外，還有兩個大型的高級購物商場，其中一個是有名的「愉景新城」。至於另一個購物商場，則是在往「愉景新城」途中天橋旁邊新落成的商場「八咪半」。「八咪半」什麼咪多少咪，「咪」這一種距離單位叫法，是香港比較早期新界路牌經常都會用來標示距離，與「英里」同樣是以前的人做測量的時候，都會使用作計算距離的的一種量化名詞。「咪」這種叫法，我們現在有時坐車去到新界西，尤其是去到經過「青山公路」、「屯門公路」的時候，都還有機會見到有人用「多少咪」，「多少咪半」的距離定位叫法。「八咪半」相對於「愉景新城」，或許「八咪半」現在還是一個新落成，商舖設備還未做到十足完善的商場，不過有一類店舖「愉景新城」現在還未擁有，但是「八咪半」現在具備了的店舖，就是北歐大型傢俬品牌店舖「宜家傢俬」。「宜家傢俬」現在在香港，已經建立了不少分店，當中有些分店在店舖功能上，都附設了一種新功能，就是在店舖樓層內，另外設立了現代化的大型餐飲設備。至於位於荃灣新商場「八咪半」，新開張的北歐傢俬店「宜家傢俬」都不約而同地，在中間的七樓樓層內，新增了具餐飲服務的餐廳，名稱叫做「宜家家居餐廳及咖啡

好似好耐冇去Ikea 開餐了，正想由荃灣往港島，行過愉景新城路經八咪半，這裏的IKEA附設餐廳，正合時，有啲肚餓就去看看有什麼好吃。去到IKEA我必選的是瑞典肉丸，肉丸有幾好味我唔太清楚，但配了薯蓉 肉汁 和紅莓醬就非常之美味，以前醬汁是跟碟上，現在是去自助醬料區自己取自己所需的份量。當我正選擇瑞典海鮮沙律時，看左看右也看不到沙律醬，原來又是自己去取醬的。這個沙律 有好多非常新鮮的沙律菜，新鮮得清甜爽口，還有size細細鮮甜的蝦仔、成熟好味車厘茄、甜粟米、黑橄欖、熟雞蛋和煙三文魚等，有益健康又便宜。鱈魚柳伴闊條麵配番茄忌廉汁，魚身烘得太乾，麵的味道還可以。我還要了芒果汁，$13.00便有一瓶，其實其他的果汁也好飲，按個人喜好啦。