客家好棧 (已結業)

晚市套餐於7:30前結賬可享半價,以銅鑼瀛來說可算抵食二人餐有雞絲趐2客,芥蘭炒牛肉,賽螃蟹,江搖柱浸菜芯,楊枝金露食品ok,招呼九流,尤其是門口counter個女人, 下午5:55 pm,一入去就問你做乜, 我話吾該兩位, 佢竟然話未開門, 佢地原來開6點,我話仲有5分鐘啫之後無人理你無人答你自己坐在門口等左一陣之後counter個女人問你姓乜都吾知問來作甚麼又吾會叫你又吾會記得你我答左佢之後寫抵你個姓之後又係無理你後來比我發現佢係張卡上面寫上”陳小”連”陳小姐”個”姐”字都懶得寫好不尊重客人整體感覺好似去乞食鄰坐的兩檯也不滿一檯叫人叫極都無人理叫到發哂火一檯叫開茶好耐都無之後又上錯食物銅鑼灣食店來說這家可算給你最差的服務!

1-12-07 (六) 午餐看見這裏不用排隊輪候，便試一試。結果真是失望。因為怕炒粉炒飯會油腻，叫了两個蒸飯，送來後發現雞肉和排骨都未熟，便退回。侍應說因為廚師看錯了鐘，後來一再問是否稍後再送上，聽見鄰座客人說沒有信心吃了，取消算了，我們也取消了蒸飯，改叫其他點心。但其實點心也猤 好吃，只是價錢稍便宜而矣。後來Ｔ終於點了一樣我們三人都滿意的點心，就是蒸饅頭，Ｔ說，只有這點心才没有油和飽肚的。唉……其實我是不介意那蒸飯的事，人誰無錯呢？我考慮再三寫不寫這個食評，但想想，或許以後大家吃蒸飯時，檢查一下才给小孩子和老人家吃，也是較安全的。

12月4日晚上在利舞台客家好棧叫了二人餐，粟米羮好咸；賽螃蟹無味兼一粒粒，口感太散，味道好淡；花菇扣玉掌原來一人一份，即每人一隻掌一粒菇同一條菜，非常搵笨；菜心正常少少；甜品楊枝甘露麻麻地；雖則7:30前埋單半價只是百幾蚊，但係彌補唔到味覺、肉體、心靈所受之創傷。另外叫了一個黃酒煮雞，雞肉鞋烚烚，同樣淡而無味。如果是因為健康原因而咁多味都落咁淡，其實事先應問問客人口味，但我覺得呢間野水準唔夠，否則點解獨沽一味粟米羮咁咸？落得如此下場，只怪自己試新野之過，一定一定唔會再去，狠評劣級，唔好意思。

十一月七日- 星期三晚可能免茶芥及加一夠抵食，次次去親都逼爆全場！不過如果想食得平d既話，呢度真係一個唔錯既選擇。見到大閘蟹做promotion，十蚊一隻，便叫咗四隻，雖然隻蟹係細咗d，不過都幾多膏食，算唔錯嘞。鮮果靈芝菇炒蘭花蚌、梅菜扣肉、大鱔窩同埋鳳梨咕嚕肉都唔錯，幾好味，不過鹽焗雞就差咗d，雞肉嚡到死。而家用AIG卡簽賬仲有全單九折優惠添。

因為老公生日,所以佢D朋友仔就請佢去呢道食飯啦!!!一行6人, 6時就到達啦... 因為有AIG信用咭,所以可以叫了2個$28的菜... 有四秀豆,味菜魚.... 再叫了布袋雞,三式茶稞,炸大腸,梅菜扣肉,排骨等...好好味, 好抵食!!

星期三晚同屋企人做節食飯, 諗住唔使煩order-$1688套餐, 點知樣樣餸都超咸!! 其中有一味珍珠魚翅, 我和我d屋企人都覺得怪怪, 一碗翅裡面有成十幾粒類似珍珠奶茶的白色珍珠, d感覺好怪!! 食的時間大家都無出聲, 差不多食完就大家望到個個人都剩咗d白色珍珠,就異口同聲話感覺好怪,加d白色珍珠落d翅到真係唔係好match!!仲有d魚勁魚"聲"!!好難食!!其實1688套餐係好抵, 不過d野食唔使咁難食, d侍應唔掂, 仲差d成碟野倒咗落枱!!認真一般!!

昨日兩人去吃晚飯,要了爆豬頸肉:肉又嫩又滑,還有很多菌菇.客家特色魚:醬不錯.銀魚蝦干蒸茄子:不過不失三式茶稞: 咸的比甜的好吃,只是比較油.總體還是滿意的.

去到有位, 我們八人叫了差不多三十籠點心/蒸飯/灼菜, 雖然不是很好味, 但大致上都沒有太咸或太淡, 味道適中, 而且價錢亦相當便宜, 平均每人$30.00, 在銅鑼灣區午餐消費算是抵食。要特別一提的是蜆介鯪魚球, 即叫即整, 個子小小且彈牙, 我只搶到一粒, 不消一會便沽清。

6/7/2007同媽咪, 阿姨去飲茶其實呢間野真係算唔錯架啦...平得黎d野都唔差...不過水準就比較飄忽...有時好好食, 有時味道好淡, 有時好咸,但係有幾樣野, 真係好好食, 好似黑椒大腸同鯪魚球咁..次次食都咁好食, 之前食過一個杏仁茶都唔錯,總體黎講, 真係好好架啦

突然落好大雨，呢d天氣好反常，一係好熱，一係咁大雨。上黎呢度飲茶，我地未黎過，都幾熱鬧，但係場地都好大。我地點了排骨蒸陳村粉，炸鯪魚球，豆腐花，鴨腳札同京醬餃子。排骨蒸陳村粉，陳村粉熱辣辣，好好味，排骨都幾好味。炸鯪魚球，鯪魚球有蝦米，荵粒等，增加口感。豆腐花，好香滑，好有豆味。鴨腳札，配合芋頭同蝦膠，包上一塊腐皮，好好味，鴨腳幾入味。京醬餃子，一碟又六粒，配上辣油同醬油。

2007年5月23日。共5人，客家好棧。叫了一個四人套餐，再加了一個。套餐有老火湯、豆醬魚、鹽焗雞，自選2個（賽磅蟹及蒸豆腐），然後加了一個什麼海參菜煲，但酒樓落錯了單，個金銀蛋浸莧菜。另外還叫了三色茶粿。一般的家常菜，你絕對不會覺得難吃，湯是不錯的，雞有一定水準，魚（應該說是豆醬）是鹹了點，其他的都穩穩陣陣。這裏是諗唔到去邊，但又唔想太貴時的一個選擇。

事源係５月１日同屋企人上黎飲茶叫左好多點心，其中一樣係灌湯餃。個阿姐拎住ｄ點心黎到我地前面但係又唔小心撞到我爸爸，灌湯餃既湯倒瀉左出黎，或者係咁，個阿姐就放低曬其他點心，淨係拎走籠灌湯餃。因為我好想食灌湯餃既源故，我一直望住個阿姐點解佢唔放低我個灌湯餃呀？係不遠處一個沖茶位，個傳菜阿姐放低個托盤，拎起籠灌湯餃放係側邊，倒返個托盤裏面倒瀉左既湯入去o個籠灌湯餃度，跟住又拎番黎比我，我望住兜野．Ｏ．”左咀，跟住我就同第２個侍應阿姐講，個傳菜阿姐既事，個侍應阿姐剩係係度笑，話整過一個比我，我咁梗係話唔要啦，但係媽媽叫我等，佢話２分鐘之後比我，２分鐘之後又３分鐘，真係火滖！都話唔要啦！自此唔再上黎飲茶。

去完同集團的迎囍，心心不憤。這裡食過多次味道不錯喎，試試水準有沒有下降先。四五六月向來是飲食業旳淡季，去到唔駛等位，仲有不少吉檯。食左.....鹽【曾瓦】雞：有雞味但是還是覺得泉章居的做法正宗得多。三鮮骨髓：必叫菜式，好味道，正！o者唐生菜煲：正！$38，仲平過榮興！東江豆腐煲：個湯好鹹呀... 豆腐上釀魚肉，不過不失。炸大腸：皮脆肉嫩，不錯可能管理做得好，待應招呼有道，看見我們眼甘甘的望住鄰檯的布袋雞湯（豬肚湯）笑笑口的介紹給我們。捧菜的阿嬸見到小朋友也主動逗玩。次次食都不曾試過一人要付過百，如此價錢如此服務，夫復何求？

早幾日同家人到客家好棧食晚飯，一家人簡簡單單叫套餐，點知八味菜有七味都咸到你叫晒救命。先黎一碟豆醬魚塊，一食就以為係豆醬太多，所以比較咸。點知食落舊魚度，一樣好咸。跟住就有個牛仔骨，又係咸到痺，又霉，梳打粉多多，無乜牛肉味。重有個湯，又係唔知為乜比較咸，都好勉強先至飲得到。之後食左咸雞，全檯人都係食左四舊就物歸原主。同待應生講過，無反應，唔知係廚房唔理定唔知乜事，之後既炒麵飯一樣咸到你叫救命，唔知佢係咪想D客叫多D野飲呢。食完咸雞之後，家人一個一個都感到頸背發熱，頭痛，舌麻，全部都係味精過多o既徵狀。之後同經理講，叫佢試埋味，點知都係走左去就算，我諗我o既黑名單又添一員。

上星期六, 晚上一行十人, 到銅鑼灣客家好棧吃晚飯, 由於訂座一分二個時段, 1) 18:00, 2)20:30, 我們選擇了第二個時段, 簡直非常之失望, 因為叫乜就冇乜, D WAITER & WAITREE, 態度極差, 拿個MENU等足十分鐘之不過20:30, 作為一個食肆旺區, 居然好多都沒有1) 炸大腸冇, 梅菜扣肉冇, 炸蝦(阮)冇, 酥皮雞冇, 腩肉冇, 最慘連啤酒都只係得加士伯, 汽水都只係得忌LIM, 可樂, 沒有第個CHOICE所以以後不會再來, 比錢還要受氣, WAITER & WAITRESS懶到出汁