宮崎日式燒肉店 (已結業)

好耐無放肆大吃 所以走左黎宮崎食燒肉放題 首先呢個八色燒肉幾特別 有芭蕉 千島 紅酒等等既味道 我每款都試左少少 雖然每款味道唔太特別出 但肉質鮮嫩 都幾好食另外叫左唔同種類既肉 牛肉豬肉雞肉羊肉咩都有 最鍾意就係個牛舌 雖然唔係厚切 但薄薄地燒出黎另一種風味 燒到個邊脆脆地 而且調味適中 佢提供既醬汁我幾乎無點過 另外個羊架都值得一試 肉質鮮嫩 無咩so味 好想encore 不過要留胃呢 粟米同魚柳我都超鍾意 粟米加左牛油一齊燒 更加香甜 食左三次 魚柳肉質好滑 而且食魚健康d嘛 除左燒肉 仲有好多熟食可以選擇 我最鍾意天婦羅蝦 超大隻蝦 炸漿唔厚 熱辣辣 好好食跟住叫個青瓜蟹籽沙律 解下膩 再接再厲 叫左刺身 壽司 同泡菜 刺身都幾新鮮爽甜 壽司我好欣賞 因為夠細件 食多幾件都唔怕飽 泡菜我又係好鍾意 辣得黎好爽脆 有韓國地道既感覺

前陣子才吃完韓燒放題，再次大伙兒聚會時，又發辦了燒肉，似乎我們是離不開肉食生活。什麼時候才能回到連24吋腰都覺得胖的日子?減肥再次明天然後再明天，相信總有一天我們能夠成功減肥！這間宮崎日式燒肉，真係估佢唔到！估不到的是餐廳非特色食品都非常地出色，反而餐廳特色卻稍令人失望。安排入坐後隨即便送上八色燒肉，並且先選了憤怒火牛仔為繼後菜色，八色燒肉味道有紅酒、黑蒜、辛茄、千島、胡麻、芭焦，而食材主要為雞肉和豬肉。大概因為紙上已清楚介紹了有什麼味道，侍應似乎未有意識想介紹，唯有自己逐項對一下。後來便放棄了，因為烤了後，並不發現味道有什麼大分別，但肉質還是香滑幼嫩的，可惜了餐廳花心機讓客人嘗試不同味道。期望餐廳能找到更入味的方法。因為醃料不突出，好像吃了多款一樣的燒肉，與此同時，發現餐廳有提供生菜，馬上自行到雪櫃自取，並伴吃生菜！因為伴吃生菜，燒烤慣有的油膩感大減！沒有蒜頭，總欠了一點勁兒。於雪櫃取了罐凍頂烏龍茶，這值得一讚餐廳提供此類飲品，確實為客人減掉滿口的油膩感和熱氣！吃完八色燒肉後，不知道憤怒火牛仔會否為我帶來新希望侍應端上憤怒火牛仔，霧出大量白煙，雖然現實中的憤怒火牛仔沒有如圖般的完美的

將去日本旅行前,想來一轉燒牛放題是我最愛的選擇不夠量,款又多就是放題的優點當然要說番個時間,一定會限時今晚我吃了新鮮的剌身,加大量的牛肉,例如: 黑椒薄切牛舌,辣味薄牛,特級燒汁牛胸腹,芥末一口牛粒,每一碟的數量剛好,牛肉味濃加上有醬汁,立即剌身都放埋一邊.海鮮選擇都不少,用上原隻帶子,青口,蜆,用上少少的錫紙碗,放在爐一邊,等一陣就有得食,超便利的方法大大隻的海蝦燒了後,海蝦肉鮮而厚,好食~真的要再加多一碟.飲品自助走出去拎的,在啤酒,汽水,茶,由於燒肉都是飲上茶可解油膩.再加吃燒波蘿來幫消化.不過2小時真的很快過,4個人就剛好好,一起吃不同款又可試得到.默默燒燒燒~吃滿足後再找地方慢慢談而嘆甜品~

姐妹同男友請客，約咗去食燒肉放題，姐妹講她知道一間還不錯嘅店，入到裏面見到座位井井有條，裝修新又乾淨，還真係唔錯嘅感覺，就是唔知東西掂。首先係店方會送嘅8色燒左上起紅酒雞肉，黑蒜雞肉，辛茄雞肉，香蔥雞肉，左下芭蕉黑豚肉，千島黑豚肉，胡麻黑豚肉，芥辣黑豚肉一次可試勻8色調味嘻嘻又幾盞噃。憤怒火牛仔，一上枱就係咁一片片掛哂係度，都幾搞笑，燒左塊黎食，肉質係正架喎，唔會似平時韓燒果D食完都唔知係咩黎，而且咬落仲唔會話好乾。仙境純情豚，見到個名真係笑左，但原來佢係食左純情蘋果所以先咁叫架！黎到見到有D乾冰既煙霧效果，D豚肉就可以置身係仙境入面咁，呢個係日本岩手縣直送黎嘅，脂肪分佈平均而且唔會話好油膩，唔錯！另一賣點就係呢度有得燒海鮮，大海蝦、蜆、青口、扇貝，通通都有！燒起仲要幾新鮮！大蝦係爽脆既。這裡主打係和牛， 這一碟包括有胡麻薄牛，燒汁薄牛， 以及黑椒薄切牛舌， 這裡的和牛肉味不太濃， 但加上不同的醃料之後， 食味亦不俗。雞肉皮薄肉厚，食落不會太肥，加上預先醃好的關係，所以味道很足，非常惹味！和牛炒飯，飯炒來夠乾身成粒，和牛量稍為不足，多一點和牛味道會更好。仲有其它嘅嘢也很不錯D，東西有些

平日與朋友食飯, 若諗不到食甚麼, 就會選擇日式方題或燒肉, 因為當中總會揾到大家想食的款式, 今次我地去了位於旺角的宮崎日式燒肉店食飯.我好鍾意這裡的牆上的畫.這裡不同時段, 價錢也有不同, 由$188至$268不等.二人同行就在冰鎮大頭蝦、憤怒火牛仔和仙境純情豚三款中免費選一款, 我地要了憤怒火牛仔.憤怒火牛仔上枱, 賣相幾特別.牛肉好薄, 好快就燒熟. 牛肉是辣, 味道有點似泡菜的辣味, 幾惹味.這裡有不同款式選擇, 包括海鮮和野菜, 壽司和卷物, 烏冬, 飯和麵, 炸物,黑豚肉, 和牛, 刺身和小食, 地雞.但我自己最愛牛肉, 所以以燒牛為主.另外,試了佢地的八式燒肉, 一共有四款口味豬和四款口味的雞, 包括紅酒, 黑蒜, 辛茄, 香蒽, 山葵, 芭蕉, 千島和胡麻.基本上燒完後, 我都不太分得出八款味道.豬肉和雞肉相比, 我較愛雞肉. 因為燒完後, 肉質仍然嫩滑, 不乾身.再來黑椒薄切牛舌和大蒽蒜牛舌.牛舌好薄身, 好快熟, 帶少許咬口, 口感不俗.黑椒味較大蒽蒜味濃, 所以兩者中我較愛黑椒味.胡麻薄牛.這個薄牛的胡麻味幾出, 燒完後也不用點醬汁.特級燒汁牛胸腹和特級黑油牛胸

記得第一次來宮崎都已經有一段時間了，上次的經驗覺得宮崎尚有進步空間，其實食物質素很好，只是服務水準有待改善，今晚再度光臨，發現令人驚喜！首先，環境裝修不同了，感覺新派而且充滿時代感。同時有些食物多了花款，有個12星座8式燒肉很有創意，多了些gimmick東東，擺脫老式放題之感！這樣在爐的兩旁放上一塊半月木板，安放了4式豚肉和4式雞肉，每式味道各不同。豚肉我沒試，雞肉方面明顯醃過，味道很不錯，有看到黑色的醬油，橙色的醬汁，可是我吃着吃着實在分辨不到當中的分別，嘻嘻！二人同行就可以再來個鮮味之選三揀一，分別有憤怒火牛仔、冰鎮大頭蝦和仙境穀飼豚。後來我們選擇了憤怒火牛仔。一上桌，待應生就放了水在盒底，隨即那乾冰效果的“怒火“立刻噴出來，效果分一百分！手機先食的我也忙不迭把這個moment立刻拍下來呢！薄薄一片牛很快也就烤好了，帶點點韓式醬油和泡菜風味，很合我心意呢！這真是一個令人心滿意足的一個牛盛宴吧！紅當當的特級燒汁牛胸腹加胡麻薄牛加黑椒薄切牛舌和期間限定的憤怒火牛仔！很吸引呢！對吧？！尤其那牛胸腹的色澤真是美得沒話說了吧！那通透的雪花，那鮮艷欲滴的顏色，美得令人暈眩！燒好之後，更發現是無

日式燒肉、放題任食等的食肆在旺角成行成市，恍惚變成了旺角的其中一個寫照。這次在旺角附近Training完，隨即便來到宮崎吃日式燒肉放題。這是另一半選的餐廳，名字不錯; 網上搜尋餐廳的食物及環境照片也不錯，令我也有一份期待的感覺。裝潢有別於傳統日式放題店的那種死充Japanese style的感覺，日式之餘; 反而採用了較有活力的彩色牆壁繪畫，配不同顏色如紅、白、綠等顏色的座椅。黃金時段$208燒肉任食放題，價錢看似中等沒什麼特別，可是食物選擇非常多，光是牛肉也有很多不同的優質部位，在這價位的放題實屬少見。說明是任飲任食，大量飲品放在當眼處，看來主打的是烏龍茶、青蘋果汽水和百事可樂，其他飲品還有七喜。在等待的同時，當然要先飲一口烏龍茶，一解這半天training的悶氣。烏龍茶清津解渴，當然是燒肉放題的好幫手，去油膩一流。還不含糖份，除了較healthy外，還沒有那麼飽肚，可預留quota大吃特吃。八色燒肉是該店的特色主打，每座客人也會於入座後随即被送上一份，其後還可無限追加。八色為八種不同醃料所組成的配搭，包括紅酒、香葵、芭蕉、香蔥和黑蒜等。有趣的是，店員竟派發這圓形的八色燒肉「運程表」

講真，真係無乜可能唔燒蝦，哩度既蝦超曬班既大size, 幾分鐘就熟，食落去好有初戀既感覺，肉質彈牙猶於少女肌膚，鮮味十足，我諗我真係可以成晚淨係燒蝦食。「八色燒肉」每枱都有的，分別係黑蒜味、芭蕉味、胡麻味、紅酒味、千島味、辛茄味、香葱味同山葵味， 味道各有千秋， 我個人都幾鐘意芭蕉味，感覺很fresh , 很特別， 另外， 香葱味也不錯， 有點葱爆既感覺， 很惹味。清酒白蜆不能錯過，剛上枱既蜆酒香扑鼻，蜆經過白酒既提鮮，顯得更鮮甜，而且無沙，食得稱心又放心。刺身整體黎講都很新鮮，可能因為仲係好冰凍既關係吧，三文魚肉質厚實，唔會軟patpat，最緊要既係厚切，很有口感，充滿魚香味。黑椒一口牛粒醃到非常入味，就算燒到完全熟曬，肉質依然嫩口，唔會咬唔開，更surprise既係，肉汁牢牢鎖住係牛粒入面，咬開後，肉汁同牛味融為一體，美味到難以形容。豆腐沙律同係其他放題店食既一口豆腐無咩太大分別，都係凍豆腐加芝麻醬，我反而唔鐘意佢加沙律菜落去，我唔會食，好 'ah' 位。甜品方面，竟然無布甸，竟然係雀巢雪糕，本身已經食到厭，不過睇在佢係海鮮同燒肉無偷工減料既份上， 我就原諒佢啦。

肉好好食，作為放題很抵食.和牛讓人有點失望.我最愛的牛俐表現不錯.牛肉紋路不錯,肥瘦比例適當. 胡麻豆腐和胡麻沙律是一個特色，最鍾意胡麻醬了. 蘸醬裡也有胡麻醬. 刺身表現一般.不過能蘸著胡麻醬吃或者燒著吃也是不一般的體驗.同伴說龍利魚不錯.是一個錫紙盒裝著兩小塊龍利魚，裡面有牛油，烤的過程裡牛油融入魚，味道幾好.地理位置靠近旺角地鐵站，很適合食肉者.

一如標題，這裡的燒肉真的好好吃！其他的，就一般吧，不過都夠食肉獸開心興奮了～ 其實多年前在九龍灣吃過一間宮崎，味道只是麻麻，因此朋友推介這裡的燒肉時，都有一點出奇。不過來到，環境、食物選擇及風格都與九龍灣店完全不同，到底是兩間完全無關的餐廳，還是餐廳徹底轉型換了風格，就不得而知了～總之，旺角這家店企理乾淨、裝修型格前衛，放題任食店來講坐得很舒服，抽風又好沒有一點油煙，環境方面是很滿意的。吃燒肉少不了要飲東西，一進場先看飲品，其實飲品要另收費的，不過凡惠顧晚市又讚好餐廳Facebook，就可以獲罐裝汽水任飲，幾抵，雖然選擇不算很多，但有我愛的烏龍茶就足夠了，這晚也飲了好幾罐。二人同行就可免費任選一份宮崎鮮味之選，選擇包括冰鎮大頭蝦、憤怒火牛仔或仙境純情豚，後兩款名字都很過癮，最後因為嗜牛而點了憤怒火牛仔，原來即是辣辣的牛肉，不錯吃。依次介紹，這裡也是有條理地以A-H將食物分類，A是海鮮／野菜，選擇包括：香烤海蝦、鹽燒花鯖魚、酥烤秋刀魚、爆蛋多春魚、牛油香草龍脷魚、牛油半殼帆立貝、牛油半殼青口、清酒白蜆；新鮮菠蘿、奶油粟米、奶油蒜肉、茄子、京蔥、鮮冬菇、雞腿菇、一口尖椒、朱古力脆脆。點了

好耐無試過日本燒，又試下呢間先，最中意任食，可以好放縱咁食！呢間既選擇都幾多，而且食物既品質都唔差，一開始枱面有8款味既燒肉比大家試試岩左再encore就唔怕食到唔中意食既味啦。八種口味包括：紅酒、黑蒜、辛茄、香蔥、千島、胡麻、芭蕉、山葵。千島同胡麻都相當唔錯！而家每2個人就可以揀以下三款既其中一款：冰鎮大頭蝦、憤怒火牛仔、仙境純情豚，今次試左後兩者。憤怒火牛仔，一上枱就係咁一片片掛哂係度，都幾搞笑，燒左塊黎食，肉質係正架喎，唔會似平時韓燒果d食完都唔知係咩黎，而且咬落仲唔會話好乾。仙境純情豚，見到個名真係笑左，但原來佢係食左純情蘋果所以先咁叫架！（認真Mode）黎到見到有d乾冰既煙霧效果，d豚肉就可以置身係仙境入面咁，係咪好靚先，呢個係日本岩手縣直送黎架，脂肪分佈平均而且唔會話好油膩，唔錯！必食既仲有一口牛粒，係和牛黎架！不斷encore再encore，超正！啖啖JUICY牛粒，諗起都覺得正啦！雞翼都有必食，推介蒜香味，燒到香口外面微脆就岩岩好啦。d野未熟果時又好肚餓咁點算，有好多野可以嗌黎食住先架有魚生、壽司，或者炸物好似天婦羅、吉列蠔、餃子等，再唔係食番個沙律都仲得！呢間日式燒肉

近期其實都幾興食燒肉放題，但係淨燒肉嘅話一來太多肉二來都幾悶！諗返起兩三年前響銅鑼灣利舞台食過嘅宮崎燒肉，只係得燒肉嘅佢難免系爭左少少野。今時今日，宮崎燒肉又變成點呢？行過旺角見到竟然開咗間放題，就試下佢！入到裏面見到座位井井有條，裝修新又乾淨，掂～ 講多無謂睇睇餐牌先～一坐低先來一牛一雞做主打，牛肉全部靚野,雞肉嫩又有咬口，已經打響頭炮。再嚟一客刺身，新鮮冰凍厚切嘅三文魚，旺角黎講已經可以話超晒班。另一賣點就係呢度嘅燒野有得燒海鮮，大海蝦、蜆、青口、扇貝，通通都有！燒起仲要幾新鮮！大蝦係爽脆既～另外值得一讚係佢啲調味，一啲都唔會味精重，着重原汁原味。如果你想食燒肉，又唔想就咁一舊肉硬梆梆，一定要試試佢個薄切牛肉，就好似鐵板燒既薄燒牛肉一樣，軟綿綿肥瘦均勻，正！食得太多燒肉，又想食番啲生果，好彩佢都有冰凍嘅車厘茄～爽呀～價錢又幾啱feel都係208加一，CP值幾高嘅～應該會有下次！尤其是今次見到宮崎燒肉，真係好似見返舊朋友一樣，但係成長左好多！

今晚2115路過門口見到2130做緊宵夜價錢$198+10%，見到價錢ok,就選擇等15分鐘試下。準時入座喇，我倆被安排坐了一張4人枱，原來好多2-4人都係呢個size,2人就當然覺得相當鬆動啦，相比平時放題既迷你枱，實在太好了👍🏻飲品種類不多，3-4種汽水烏龍茶+一款啤酒，另外牛記雪糕不是自取的而係埋單時職員會每人比一杯。講到食物方面，如果係食肉獸，當然都會好滿足的，味道絕對可以接受，唔會太難食，其實仲有其他壽司刺身小食可供選擇，但我都以燒烤為主，只order左幾次沙律同少量刺身。日式醬燒骨係成晚既亮點，夠香口又入味，雖然燒烤時間比較耐，但值得一食，可惜忘記影相🙈牛肉類-牛舌同牛胸腹比較突出，穩陣之選。一口牛就⋯無咩牛肉味，細粒，有時仲會好碎食早場同宵夜場都係$198，黃金時段$268，所以食$198係明確之選😑