宮崎日式燒肉店 (已結業)

朋友原本諗住sabusabu...點知出奇地要排長龍…所以退而求其次去左隔離bbq...唔講都唔知…好難發覺呢度地底有間食肆…如果無呢d五彩繽紛既壁畫襯托既話…相信都唔敢貿貿然行落黎…呢度都係限時任食既…分時段收費…當然黃金時間會貴d啦…2個鐘以我地既食量都已經好足夠…餐紙有7、8張左右…生同熟既都有…2人同行送一碟鮮味之選…4人同行就送兩碟…今次3人行…都送左兩碟比我地啊…^^…就係冰鎮大頭蝦同憤怒火牛仔…蝦大隻鮮甜…牛入口鬆化…唔點醬汁都已經好好味…至於汽水方面…指定要係fb度like左先有得飲…離唔開coke cola,7up,fanta等…好耐無見過呢款懷舊7up呢…壽司同sashimi都好細件同一般…無鮮味…天婦羅完全唔掂…又凍又唔脆…其實今次主打係黎食牛…牛有好多種味道選擇…黑椒，燒汁，胡麻，紅酒，大蔥蒜味等…另有牛舌，牛胸腹，一口牛...其中以大蔥蒜味最為吸引…胡麻味濃…紅酒味唔特出…唔知係咪燒完揮發哂呢…整體都算入味…牛多數都係薄切…好快就熟…食到咁上下…當然要點返d齋黎清清腸胃啦…燒菠蘿係個不錯既選擇…既多汁又甜美…仲有金菇同粟米…好有牛油香…一兜兜煮…完全無難度啦…

一個放題價錢有齊日燒及刺身、壽司、熟食, 兼且只要在fb打咭即可任飲罐裝汽水。但凡兩小時放題在完結前的半小時都是last order, 這是定理。看似獲獎無數, 實力的保證!?當我們領到檯前, 檯上已擺放了招牌熱爆的「八色燒肉」, 「八色」其實是經過8種調味的燒肉口味, 包括1,黃色．芭蕉、2, 茶色．胡麻、3, 鳶色．紅酒、4, 綠色．香蔥、5, 橘色．千島、6, 墨色．黑蒜、7, 青色．山葵、8, 赤色．辛茄 ...... 從清淡開始吃至濃味。燒烤蘸醬調味是有三種, 但個人認為大多數的生料已有調味, 燒烤後吃根本不需要再蘸醬汁來破壞原先的味道。只要在fb打咭即可任飲罐裝汽水。只要2人同行便可以免費從「冰鎮大頭蝦」、「憤怒火牛仔」或「仙境純情豚」3款裏自選其中1款。至於純情豚又是甚麼?   來自日本岩手縣的純情豚據說是以名產純情蘋果作飼料, 難怪燒烤後的豚肉肉質鬆軟, 肉香四溢。壽司這方面頗有新意, 飯糰總比其他放題店好, 至少不黏牙, 而款式方面有似辣非辣的「血池三文魚卷」及炸脆過的「千島棒棒卷」。炸物方面有天婦羅、吉列蠔等等例牌貨, 不過天婦羅的脆漿是炸得不錯, 少油之餘, 咬得

與朋友吃日式放題比較多，對於食物的選擇不太多。這天決定去最近很受歡迎的宮畸，吃日式燒肉的放題之夜。平日在旺角地鐵站，看見廣告的時候，已經感到有興趣。故朋友的建議之下，便馬上答應吃這個晚餐。當日已經是晚上的8時，門口正在排長龍，而店內的人數十分多呢!最出名的，當然是8色燒肉。所謂的8色燒肉，當然包括8種不同的雞肉、豚肉以及8種味道。分別為 1. 芭蕉 2. 胡麻 3. 紅酒 4. 香蔥 5. 千島 6. 黑蒜 7. 山葵 8. 辛茄以上的8色燒肉，由味道比較淺到濃味。 當中的千島十分特別，將沙律的清新帶到燒肉當中，十分入味，肉質都十分鮮嫩，令人十分意外。除此之外，2人同行都有送仙境純情豚，賣相很不錯。而當中的豚肉脂肪分布細膩，入口充滿豚肉的鮮味。牛肉方面的水準都十分高，有和牛的提供，大部份都十分入味，一方面吃得出牛的肉味，及其香料配搭下的味道。其中黑椒一口牛粒很不錯，除了十分入味之外，而一口牛的肉味十分鮮嫩，不用放大久便會把牛肉弄熟呢!! 半生熟的情況下吃，將牛的肉汁都鎖緊，鮮味十足。當然，除了燒肉之外，這家放題味還有其他食物，都令人十分回味。當中，少不了的當然是刺身: 三文魚，八爪魚，

又到了放工去happy hours既時候了，今次友人揀左黎旺角既「宮崎」，去到即使有book位都要準時入座，唔可以提早啲啲入去坐⋯不過好彩我地都係等左五分鐘到就入到去了⋯先講佢內裡既裝修係門口等位處暗暗地，但入內又幾乾淨企理，～好岩年輕人聚首一堂～呢度都有好多款式既肉類俾我地揀,最初以為係即食的,但原來佢係要我地自己燒好了!開始預備燒烤~首先緊係試下佢個啦!店員話係新野黎另外我地二人同行佢地送左8色燒肉:原來要順序食,所以每檯客人都有"說明書"教你點食而當中分兩種肉類(豚肉、雞肉)每款口味以不同醃料醃制,味道各具特色.憤怒火牛仔:雪花分佈尚算OK,起瑪食起上黎唔使咁痴牙, 而辣味十足和牛:辛茄一口牛粒、大蔥蒜牛舌、紅酒薄牛等等...(已知的自己點部分)另外我地都叫左幾款唔同既沙律&前菜:蓄茄沙律、胡麻雞絲沙律、胡麻冷豆腐、冰鎮車厘茄,而當中冰鎮車厘茄最令人失望地雞:辛茄雞中翼、蜜糖雞中翼、黑椒雞中翼HEHE~我差不多都係叫"辛茄"口味因為我覺得蕃茄酸酸甜甜撞落去辣椒味度會幾開胃其次都點左幾款壽司同刺身,其中以希靈魚最鮮味整體而言, "宮崎"佢係醃肉醬料上真的頗為用心,迎合唔同客人既口味

最後愛上食燒肉，韓燒食多了，又試下日式，友人提議黎呢間燒肉放題，宵夜時段一九八，好抵食！食九點半，唔使點等位就有枱了，坐低後會送上醬料，生菜同芥末。店員送上呢個八色小碟，由唔同味嘅豚肉同雞肉排成，建議由淡味食先，menu寫話應該跟住咁樣食～，芭蕉，胡麻，紅酒，香蔥，辛茄，山葵，黑蒜，千島，個人最鐘意黑蒜雞肉，好香蒜味好正。除左點左燒肉外，仲叫左壽司刺身，主要想食燒肉，呢個就叫少少試下味道先，刺身好新鮮鮮甜肥美，壽司size唔細，飯有點硬實，一般。另外叫左呢個冰鎮車厘茄，二人份真係得兩粒，凍冰冰，食完燒肉食又幾正。仲有枝豆，純粹個人喜歡吃，每次放題都有點。除左食肉，梗係要叫返啲沙律中和下，胡麻豆腐，野菜沙律，蕃茄沙律，同胡麻雞絲沙律，胡麻汁同日本醋汁都好味，新鮮蔬菜～燒肉到啦！！牛，魚，雞，豬，自己食量唔大，每樣點兩份試下先。二人同行會送一款宮崎鮮美，揀左憤怒火牛仔，呢架木制牛仔架好得意呀。食到咁上下，再番點了牛，蔬菜等。燒燒燒，有汁個啲好搶火，要小心燒，易燶又怕燒親。睇下燒成品，見到就想食，牛油廿香肥美，雞肉嫩滑，豬都好肥美，燒鯖魚又幾香口喎，係啲雞翼失敗左燶哂，撕左層皮食入面ok加，

之前看過介紹旺角的宮崎日式燒肉的8色燒肉，覺得幾特別，所以今天去完旺角維修手機就去試下。8色燒肉上菜時，以豚肉及雞肉各分別醃製。由清淡 1) 開始至 濃味 8) 來佞依次進食。- 豚肉 : 1) 用香蕉醃製 2) 用胡麻醃製 3) 用千島醬醃製 4) 用山葵醃製- 雞肉 : 5) 用紅酒醃製 6) 用黑蒜醃製 7) 用番茄辣椒醃製 8) 用香蔥醃製以上 8 種味道各有特色，本人較喜歡以雞肉來醃的 4 種味道，因為我比較喜歡濃味的。除 8 色燒肉外，仲點了其他的燒肉以飽肚。1） 蒜香雞中翼 : 雞翼大都算大隻，但蒜香味略為不足，多點蒜就更正。2） 黑椒薄切牛舌: 輕輕的黑椒味加上牛舌切得十分薄，味道口感不錯。3） 大蔥蒜牛舌 : 大蔥及蒜都是壬重味的食材配上薄薄的牛舌，味道口感成對比，夠特別。4） 法式香草羊架 : 羊架夠大隻，肉質算腍。5） 燒汁薄牛 : 雖然燒汁不算強烈，但牛肉質地不錯。6） 芥末一口牛粒 : 新奇的調味，夠特別。7） 辛茄一口牛粒 : 酸酸辣辣的，好味。8） 黑油薄豚 : 豚肉俾黑油醃，所以有點黑，油香味 OK。9） 牛油半殼帆立貝 : 牛油在燒時香味四溢，帆立貝爽

平日的晚上，跟E先生來到朗豪坊閒逛，晚餐E先生想吃日式BBQ放題，於是我們就來到位於雅蘭中心的宮崎日式燒肉。19:00-21:30時段 週日至週四 $248/位，入座起計120分鐘放題。點菜紙有A-H八款選擇，分別是A海鮮/野菜、B壽司/卷物、C烏冬/麵/飯/其他、D炸物、E黑豚肉、F和牛、G刺身/小食、H地雞。入座後沒多久，在我們還在點選食物的時候，店員就送來初登場的8色燒肉－芭蕉、胡麻、紅酒、香蔥、千島、黑蒜、山葵&辛茄。店方建議從清淡吃至濃味，但由於每款分量只得一件，單看外表亦分不到顏色，於是就隨意分吃罷了；個人認為香甜的芭蕉及濃郁的辛茄味道最為特別。 海老天婦羅、南瓜天婦羅、蕃薯天婦羅、冬菇天婦羅、脆蝦多士、吉列蠔天婦羅不油不膩，炸粉不算厚，味道還可；脆蝦多士香口好吃；吉列蠔外脆內軟，只略為油膩了一點。法式香草羊架肉質不錯的法式香草羊架，入口有淡淡的羊羶味，加上法式香草醃料甚為惹味，必吃！黑椒薄切牛舌&大蔥蒜牛舌牛舌切得夠薄，兩邊烤至香脆後，入口爽口彈牙，而且富有嚼勁，黑椒味與大蔥蒜味均好吃，推介！黑油薄豚薄豚肉質軟腍，加上黑蒜油的味道，頗為惹味。憤怒火牛仔另外，每二人同行可免

宮崎燒肉令人欲罷不能其「抵食夾大件」實令筆者難以忘懷所以是晚又再來一次 再下一城再次看到這拼色的小圓盤筆者的胃就立即進入作戰狀態準備好又來與八色燒肉拼搏一番這輪盤似的小小「八色品鑑」實在玩味重來讓我向未來過的朋友介紹一下吧！"八色燒肉"是宮崎新品燒肉包括豚肉和雞肉而八色亦代表了不同口味「八色品鑑」更以星座為藍本正好讓星座控寓美食於娛樂與三五知己同玩啊宮崎這份八色燒肉以不同醃料醃製肉類每款口味各有特色相機拍下的更是大有排場的感覺單是看到已經食指大動啊！最愛還是其鮮味之選二人同行即送一份這次我們選了憤怒火牛仔誓來看看這頭憤怒得冒煙的火牛仔無疑 其冒煙時的英姿的確搶盡風頭食落脂肪分佈平均肉質偏嫩，尚算上乘之選必吃自然有筆者最愛刺身類三文魚和素鮑每次都要吃得飽飽才滿足筆者發現這裡的素鮑偏甜而三文魚亦鮮味重難怪刺身燒肉能並存 而各有愛戴者！主打海鮮的情況下我們要了牛油半殼帆立貝份量屬大件頭，而且入口嫩滑，燒過30秒同樣吃出其鮮甜的味道肉感重而味鮮最難得是燒過亦沒有一縮水，抵讚！另外要了不同款式的和牛類牛舌牛粒薄牛及牛胸腹我們全部都有下單實行少吃而盡食的方式將全部美食都試一次然後重點出擊最愛美食得

原本book左晚上7時6位任食2小時(最後5位), 但去到個staff話無我地reord, 搞左一輪之後話比張4人枱我地座住先, 話有大枱就幫我地轉返. 雖然一去到見到無我地record有點勞氣, 但係呢一男一女staffs 處理得相當好,所以都沒有太影響當晚用餐既氣氛. 總栝而然, 服務質素我覺得好好.至於食物質素, 種類我覺得都好多, 有肉(豬牛羊雞)有海鮮有菜有sushi有刺身有天婦羅, etc. 汽水任飲. 和牛好好味, 燒至8成左右熟就最好味, 有好多唔同調味既和牛選擇, 所以都唔會話食黎食去都係同一款. 其他食物都OK, 不過最唔掂係豬肉, 一落爐燒好似燒油咁, 搞到好大火, 食落口好似飲油咁, 油太多, 只食到好重既油味 所以黎左1 round 都食唔哂最奇怪係佢話每2個人free 1份既豬同牛肉 (佢用個木架掛住D肉黎上枱果D). 食唔到有乜野特別, 又唔係特別好食, 同埋D豬肉係8成肥膏2成肉, 仲油過之前叫果D豬肉 仲以為乜野高尚野不過總括而言, 除左豬肉同埋佢用木架上果D"特別肉"之外, 其他食物既質素都好好

朋友約晚飯, 想吃日式燒肉之餘, 又想吃刺身, 雖然有很多選擇， 但提到有質量要求的話. 想起來都只有宫崎, 原因是裝修靚而且座位夠大, 坐得舒服坐下就看到個烤肉爐, 鐵網非常乾淨,  而且官崎的網燒起時，肉完全不會緊緊的貼在網上,因此肉是不會爛掉的.店方非常細心準備了濕紙巾, 方便我們吃蝦之後清潔雙手.第一味菜先來個八色燒肉, 有四色雞, 四色豬, 每色不同同味的. 而且味道非常入味, 肉質鬆軟, 單看四色豬肉的外表肥瘦均勻, 便知道肉質是上乘的店家贈送的兩隻虎蝦, 放在網上剛剛好佔領了中間的位置, 兩隻蝦的SIZE真的非常巨大要再次稱讚一下店方的細心, 他們會提供生菜, 用來包著燒肉來食的, 這樣可以令我們熱氣的程度降至最低, 而且用生菜包著來吃, 又有另一種味道, 平衡肉的油膩.除了贈送虎蝦外, 還有另外兩款可以選擇, 憤怒火牛仔,仙境純情豚, 都是上等燒肉, 這兩款肉用是用特制的木架放起, 而且還會在底部放乾冰, 制造仙境效果.食完以上的肉後, 還有 豬頸肉, 黑椒薄切牛舌, 黑椒一口牛粒, 燒汁薄牛, 粟米, 可以慢慢燒, 慢慢歎. 當然還有好多種類的肉, 但要下次才有空位去

今日同fd慕名而黎，book左5點半，遲左少少，但佢話都係食到7點半，5係坐低開始計。因為要分秒必爭，所以冇點影相。送ge八色燒肉好快到，雞肉冇咩特別，豚肉太多肥膏，5多想食。3選1選了大頭蝦，ookk, 冇咩特別。叫ge牛粒好韌，又多肥膏，叫得太多好後悔，5推薦。薄牛就係咁"必"血水，冇咩醃味，都係點醬油加味。扇貝一開始個兩粒幾大同肥美，但第2round開始會縮細同質素變差。金菇同奶油粟米就係金菇粟米ge味，冇特別，奶油味5多覺。豬頸肉又脆又嫩，幾好食~雞翼好難燒，變焦炭了~燒波蘿好食，酸酸地，好juice，叫少左，不過個人認為無一間燒波蘿係5好食ge……刺身只點了三文魚，普通質素，切得好5掂，切成長條形，扁平咁瞓係蝶上，四四方方好難夾，口感亦麻麻，我係用筷子戳黎食架，而且第2round魚片上有魚鱗一片，有d5小心~送ge生菜洗得5係好乾淨，有d泥黏附係上面~likeFB有得任飲汽水(但由始至終都無人check我地有冇like) ，不過得7喜百事之流，餐牌上單點雪碧個d要18蚊，其實我想飲日本茶，不過好似冇，定係有得叫我5知la~點了魷魚同天婦羅蝦，魷魚好細好乾，5好食，天婦羅個炸粉

今次搞十七人慶功宴要搵間有房又岩budget 所以揀食呢間燒肉呢間燒肉最抵讚係叫咩有咩吾會好似其他放題甘第一round先識黎齊牛舌同牛胸腹都好食刺身都吾錯豬頸肉金莎骨同雞翼都好食係個二人同行送個牛同豬麻麻 吾抵叫 只係送黎好似幾得意如果叫既記住揀食蝦 夠大隻最後結論都係味精好重食完口苦晒間中一次半次ok既不過都係建議吾好落甘多味精

在旺角吃日式放題選擇多，又方便又地方位置容易找，重要是食物款式選擇多以及價錢合理又要坐得舒服，「宮崎」就是一個不錯的日式燒肉放題店。昔憑假日，在百忙的上班日子裡終於能抽出空擋放鬆一下身心，而品嚐美食就是人生享受佔據很重要的部份，想令自己大飽口福滿載而歸，去食放題就是最佳的選擇。這店的裝潢很潮尚又富有特色，由地面入口沿途爬著樓梯往地下層的餐廳前，周邊牆壁也圍繞著色彩繽紛有趣可愛的圖案，非常引人注目。美酒佳餚，飲品必定不能缺少的重要元素。食物選擇多元化；有海鮮、野菜、壽司、卷物、烏冬、麵、飯、煮物、炸物、黑豚肉、和牛，地雞，刺身和小食等。點餐紙色彩奪目，設計簡單易明別具特色，很讚！ 8色燒肉分別4色豚肉和4色雞肉，有食法教學要由淡至濃順次序吃。醃肉的味道較淡不太明顯很難分別出是哪款口味。享用過程中自己也沒有順著次序吃，放在燒爐上已混合的吃，全都燒得惹味香口，外皮脆卜卜。1.黃色.芭蕉2.茶色.胡麻3.鳶色.紅酒4.綠色.香蔥5.橘色.千島6.墨色.黑蒜7.青色.山葵8.赤色.辛茄生菜杯出乎意外地這裡竟然有生菜杯供應給客人，通常只見韓式燒烤才會有，稀見日式燒肉放題也提供生菜。這樣就可以用

單看店名，不知道是吃放題的。同其他放題店一樣，是分時段收費。不同時段，有不同的飲品奉送。如果在facebook俾 like，可以任叫飲品。放題已不是新鮮吃法，最吸引的是傳單有一個叫8色燒肉的，不知是甚麼。侍應姐姐很有耐性解釋這菜式的吃法及分別。後來發現她對每枱客人也不厭其煩地解釋，辛苦了。8色燒肉，不可單點，是每枱也有一份（好像是任點的)。另外每倆位客人送一份三選一的鮮味之選：冰鎮大頭蝦（兩件）或 憤怒火牛仔 或 仙境純情豚如果是6位客人，可以三款全送。真是人多有着數。冰鎮大蝦很大隻，肉質很爽，很新鮮。憤怒火牛仔，雖然menu 顯示一隻紅椒，但其實不辣，反而因已調味，燒過後更香口入味。上枱時加乾冰營造煙霧效果，紅色的肉, 白色的煙霧，掛在木架上，加上已調味，名符其實憤怒火牛仔，又可滿足視覺享受，夠gimmick。燒爐在枱中心，枱邊有旋轉制控制火力。8色燒肉是以兩個半月形碟盛載，4件豬肉，4件雞肉，圍著燒爐，好grand，賣相滿分。根據單張介紹，原來8 色燒肉是分別以4種調味醃製：黃色 — 用香蕉，水果味茶色 — 用胡麻，芝麻味橘色 — 用千島汁，沙律味青色 — 用山葵，微辣鳶色 — 用

朋友聚會最方便的地方不是尖沙咀就是旺角了，基於近日韓風泛濫的關係，好像很久沒到過日式烤肉店了，所以這次就選址朗豪坊鄰近的「宮崎日式燒肉店」吃吃燒肉之餘，又可吃刺身及各款日式料理～一向以為餐廳是樓上舖，原來走進門口後，是一條通往地窂的樓梯，感覺有點神秘呢門後擺放著一個摩天輪，上面於上了一份份餐牌，有點遊樂園的感覺～環境燈光暗淡，座位蠻多，以梳化卡座為主，紅色花紋天花配上下方的燈光，蠻有氣勢呢～ 價錢及時段大致分為4種：週日至週四:17:30-18:00前 成人$188。小童$13818:00-19:00前 成人$208。小童$13819:00-21:30前 成人$248。小童$13821:30後 成人$198。小童$138週五/六,公眾假期及前夕:17:30-18:00前 成人$198。小童$13818:00-19:00前 成人$218。小童$13819:00-21:30前 成人$268。小童$13821:30後 成人$198。小童$138週五至六還有一節宵夜時段:23:00-02:00 成人$188 。小童$138飲品以汽水為主，亦有啤酒任飲，若果可多設烏龍茶及綠茶就更健康了最具特色的