宮葉 パフェ (已結業)

早幾日約咗朋友去太子行街，行之前諗住醫咗個肚先，見個門口同餐牌都好似幾吸引，價錢又唔貴，所以入咗去試下。朋友叫咗個和風豬軟骨拉麵，啲豬軟骨都OK，都入味，但係啲麵同湯就麻麻地。而我就叫咗個地獄湯叉燒拉麵，地獄湯好咸，但係唔辣囉。至於飯後甜品方面，我地叫咗個士多啤梨乳酪芭菲，外表都幾吸引，都好多士多啤梨，口感同份量都OK。總體呢講，食物雖然有賣相，但係味道就唔係好掂。不過，佢地收咁嘅價錢，係咁上吓。

旺角東，太子港鐵站附近的宮葉好就腳，天寒地凍好想吃拉麵，宮葉的午餐主打日本料理，拉麵、親子丼、咖哩飯也有。日式裝修。關西叉燒拉麵配熱柚子茶，叉燒有少少肥膏香味，不至於太硬。拉麵湯底很濃厚的豬骨味。有紫菜，溏心蛋半隻，半肥瘦叉燒，非常豐富。柚子茶的柚子甜甜地，很好味。親子丼配味噌湯賣相不錯，有很多飯，雞蛋香滑、蛋香味濃，雞肉嫩滑，多雞肉，白飯有少少汁不乾身。味噌湯夠咸，好暖胃。店員有禮貌，反應快，服務很好。

抹茶控的我，係太子比我搵到一間可以食晚餐又可以食抹茶甜品的地方，於是同朋友入左去試下啦。呢間舖頭除左有有拉麵、飯，仲有好多唔同的甜品，特別係好多抹茶甜品選擇啱哂抹茶控的我呀入邊環境都不錯，幾鍾意個設計。由於太肚餓了，2個人叫左吉列豬扒親子丼、豬軟骨拉麵、水牛城雞翼、一杯飲品同兩款甜品！首先個吉列豬扒親子丼，豬扒好足料，飯都好多，可以比我醫下個肚。而拉麵呢，估佢唔到又幾好味喎，湯味濃郁，豬軟骨又多。值得一試另外，水牛城雞翼比想像中好食，好夠味，有驚喜！飲品方面就叫左櫻花蘋果果茶，好清新呀，最後食埋啲水果。甜品方面就叫左個宇治綠茶心太軟同香橙西柚乳酪芭菲！期待已久，真係冇令再我失望呀，好香抹茶香，乳酪加抹茶原來都幾夾喎，心太軟更加唔洗講，加埋抹茶雪糕，好好食呀，太正了。下次要試下佢其他的抹茶甜品

陪朋友去太子攪結婚野，早左到，就去附近搵野食個晏先。經過始創後面條食街，見到呢間日式料理裝修整潔，價錢合理，就即管試試。平日嘅早上，可能入座時還未到午餐時間，人不算太多，坐了一會已經坐滿了人。呢間日式料理主餐有拉麵和飯，我今次就揀左日式豚骨豚肉义燒拉麵，湯底嘅豬骨味濃郁，不會太油，豚肉义燒肥瘦適中就最啱我口味，入口軟滑而不油䑉，拉麵又十分彈牙。加左一客燒魷魚筒，值得一讚魷魚筒燒得十分香口，而且魷魚新鮮，燒完都十分軟滑。呢間餐廳還有很多果茶和甜品，十分吸引，可惜實在太飽，下次真係不得不試一試！

今晚同老公睇完戲，去太子搭車時突然想食甜品，經過宮葉，老公二話不說就話入去食，因為佢和朋友之前嚟食過拉麵時，已經見到隔離枱D甜品好靚，今晚一於試吓我揀咗士多啤梨乳酪雪糕，老公就要青蘋果水果茶。好靚呀，好多士多啤梨，又大粒又甜，雪糕又滑超好食，原來底部仲有好多生果粒同綠茶果凍，份量和質量都係冇得彈！老公杯水果茶都好吸引，超多水果而且好新鮮，最重要係比起出面一般連鎖店果D冇咁甜，唔係好似飲糖水咁，讚！

今日約左朋友食晚飯，黎到太子都搵左一陣食咩好，見到呢間舖頭除左有日本丼、拉麵、仲有好多甜品，又多抹茶選擇，於是就入左去啦！（抹茶控見到不妨去試下）入到去無耐就揀好食物喇，雖然得2個女仔，不過由於好多款式都想試下，所以最後叫左一個親子丼、一個拉麵、水牛城雞翼、一杯飲品同兩款甜品！首先食左主餐先，親子丼同拉麵都正常，價錢黎講都幾平份量又多！另外，水牛城雞翼比想像中好食，有驚喜！可以一試！飲品方面就叫左櫻花蘋果果茶，可能飲唔慣咁清嘅口味，就覺得麻麻了！甜品方面就叫左個綠茶心太軟同芭菲！2款甜品都有抹茶啱曬我呢d抹茶控！整體來說，價錢合理，份量大！

今日心血來潮想食拉面，入左依間日本野試下。見佢可以免費轉地獄湯底，咁就叫左一個海鮮拉面配地獄湯底，仲加8蚊加配左一杯荔枝士多啤梨果茶怕自己口渴。因為芭菲好似都係推介，作為草莓控，都叫左一個士多啤梨乳酪芭菲。個拉面一黎，其實望兩眼同普通拉面店既冇乜分別，但夾下夾下就愈來愈驚喜，有蝦有帶子有魚有魷魚圈...真係好多料，因為佢對比其他拉麵其實算平，原本諗住冇乜餸，但真係比想像中足料，味道都非常唔錯！拉麵麵質就同其他拉麵店冇乜分別，不過湯底都好好味！唔會冇味又唔會唔辣，真係岩岩好，配埋杯果茶都真係好正，果茶唔會又好甜，味道都唔會好假、係糖味，而係真係有水果個種新鮮感，同個湯底相輔相成。其實食完個拉面都好飽，諗住芭菲應該唔會好大，但又係一個驚喜，大大粒士多啤梨而且真係好大杯！雖然48蚊係唔算平，但係有完整既士多啤梨都足足有5大粒都好值（仲未計切左個啲）！個樣唔錯，份量又大，又好食！食完真係飽到行唔郁，非常值得再黎！

今日黎到太子(旺角）既宮葉係太子地鐵站B2出口都係一條直路行就見到地埋位置好方便店內環境好多可組合既二人枱，岩曬約左朋友一睇餐單覺得好吸引我嗌左叉燒拉麵$52 +$8白桃西柚水果茶食曬個溏心蛋，紫菜，同荀先記得影相湯味好濃豬骨同麻油味，好食！啲配料都好認真，平時出去食拉麵配料普遍偏少，但呢到無論荀、本耳、蔥等等都俾好多，叉燒都有4-5塊叉燒肥瘦適中水果茶亦都係高評價，內裏既水果又多，飲完可以食埋啲水果🍊🍓🍑甜品都係價㾾物美 $38我諗到到都食唔到重要係抹茶最後先記得忘記影朋友既食物總結兩個人加埋一都係$187一間噤多選擇，又有主食、野飲、甜品，又平又好食又唔洗轉場食甜品，真係要俾個like

黎開太子一帶突然肚餓，見有間門面睇黎有小小光鮮，仲係以食日式丼飯、拉麵同芭菲為主既食店，同其他店舖、周圍環境有點格格不入，好奇心起就試下，竟然有驚喜先睇餐牌，真係好多款式選擇，特別係甜品因為晏晝食左麵，依餐就想食番飯叫左個豬扒丼食，仲係親子丼，貪佢有蛋味道真係好唔錯熱辣辣，豬扒雖然淋上汁，但仍然外脆內軟同香口配埋滑蛋一齊食，口感豐富，味道亦有層次見餐廳幾宣傳佢既果茶，所以加8蚊叫左杯試，入面真係好多生果，砌到大大粒大塊，果味濃，又唔好甜，幾值得一試最後，一定唔少得叫甜品我叫左依杯芭菲係餐廳推介款式之一。一上枱就發現好大杯一食就食出綠茶味好濃，真係有宇治抹茶既味道配料亦好多，由頂食到落底，簡直係大滿足50蚊一杯係幾值得既整體黎講，唔好睇佢細細間舖頭開係太子，間餐廳食物係幾好食，真係有驚喜

同🐒喺旺角行街，順便喺呢度食dinner。因為平時行過都見到有人等位，所以今日就六點三左右早啲嚟食啦。我地叫左個咖哩照燒雞飯、吉列豬扒拉麵、兩杯水果茶、木瓜火龍果抹茶芭菲同埋朱古力心太軟，埋單＄200左右，絕對抵食！咖喱照燒雞扒飯咖喱汁係真係有辣味！唔係日式甜咖哩啊真係非常好😍個雞扒燒得超好食🤤個雞皮又香又脆，絕對係重點，唔好好似🐒咁怕肥唔食佢！個飯好似成座山咁，我食唔哂比左🐒食，挑剔下既係個飯只係暖暖地而唔夠熱~另外隻温泉蛋好甜，🐒話好耐都冇食過咁甜既蛋喎🤤日式吉列豚肉拉麵湯底好有麻油嘅香味，濃而不 “利” ，好似係日本食果d咁。拉麵都有d口感，有d咬口但又唔會太硬。最欣賞係佢嘅豚肉，炸完之後唔會有油煙果，同埋食落好鬆化😝芭菲真係好好食，作為抹茶控一定要食🤤佢係重奶味既抹茶味，我特別鐘意，可惜雪糕偏少，下面全部都係生果，我好想食多啲雪糕啊😂欣賞佢夠健康，多纖維tho😂心太軟配雲尼拿雪巴心太軟唔似其他餐廳嘅咁甜，但係又有幾濃嘅朱古力味，不過少少苦，配合埋凍嘅雲尼拿雪巴食，食落唔漏~水果茶好抵咁加$8就有， 荔枝士多啤梨果茶有好濃嘅荔枝味，而且佢嘅甜味好清好天然，唔會越飲越口渴。仲有成支

工作太忙難得有半日補假當然要停下炭下叉燒拉面勁香麻油味配上濃濃豬骨湯面軟硬道雖然冇得簡對我黎講軟硬適中(+8)就可以轉飲水果茶隻隻睇落都好靚最後簡左 士多啤梨繽紛果茶😍好靚唔甜好有果味唔會好似出面果d甘味道勁假入面仲有新鮮水果邊飲邊食*隻杯有d難開，細心侍應主動提出幫手食完正餐好似差dd，未滿足甜品Le度樣樣甜品都好吸引胃所以決定食埋甜品驚食雪糕會咳香蕉太妃批甜點下午茶時段仲有8折抵!原本以為係細細個批隻點知一黎到甘大個😱

同朋友去始創中心買完嘢，就喺附近覓食。行經宮葉 パフェ，見到有好多款芭菲，裝修亦好有日本風格。細個睇卡通啲主角都好恨食芭菲，所以我哋對芭菲都有種情意結。難得搵到間價格相宜嘅日系甜品店，一於試試！因為心太軟焗製需時，所以先上日本紫薯雪糕芭菲~好大杯芭菲！完全係我夢想中嘅樣T^T底層由火龍果、蜜瓜、脆脆米同抹茶凍層層堆疊而成。$48好多時只係買到球雪糕，呢杯芭菲咁多料感覺真係好抵。Top view可以見到配料相當豐富。紫薯蓉薯味濃陏，比較甜，但配埋水果就啱啱好。三色小丸子為芭菲添上日本風情。估唔到又幾黏韌軟糯。雖然三隻顏色都係純糯米味，但口感一流~仲有士多啤梨啫喱，酸酸甜甜，中和咗紫薯蓉嘅甜。原來雪糕並唔係紫薯味，有少少失望。不過佢嘅朱古力雪糕唔稀，仲混入咗唔少朱古力碎，而且一味紫薯都有啲漏嘅...咁就放過你啦XD始終唔係時令，蜜瓜唔夠甜。抹茶凍都稀咗啲。抹茶心太軟駕到~上次食咗人生第一次新鮮心太軟之後就一試難忘，今次一於食抹茶味！賣相極之吸引。抹茶雪糕盛於薄荷綠macaroon之上，中間用cream同士多啤梨砌成玫瑰，睇得又食得嘅擺碟係最值得讚嘅~心太軟比想像中大件，拳頭咁大，呢個價位好

今日去咗旺角上堂， 落堂都差吾多中午已過，兩點幾先食晏， 一個人去咗呢一間日式餐廳食，又抵又好食。嗌咗個下午茶set， 親子丼加果茶都係58蚊咋，點左鯛魚親子丼配麵豉湯，果茶選了青蘋果檸檬果茶。原本以為下午茶份量會好少， 但原來都大大碗，鯛魚加左滑蛋好食，仲有少少洋蔥，好味道丫， 麵豉湯都好好飲，熱辣辣又唔會太鹹，吾錯。果茶入面真係成大杯水果， 甜度適中唔會太甜，幾好飲丫， 另外環境服務都唔錯，食完可以坐下休息下都ok，見佢仲有好多好吸引嘅甜品，有機會再食先。

豬軟骨拉麵套餐 $54+$8豬軟骨都好入味 而且好淋😻但佢啲水準都有啲飄忽 都係一時時好食😪但糖心蛋就做得好 非常流心🤤藍莓乳酪菓茶相入面影唔到 但超足料!!!!!入面有火龍果 西瓜 奇異果 芒果等仲要款款都大大舊 而且係甜唔會酸飲完都唔會膩🙆🏻評分.8.5/10

今日第二次食，主要係俾佢個價錢同杯果茶吸引咗，要再去會一會宮葉！今次叫咗雞扒親子丼配麵豉湯同日式豬扒拉麵加配2款果茶雞扒親子丼配麵豉湯 ＄50親子丼最好既係蛋唔會過熟，仲有蛋液就係親子丼既精髓，好彩宮葉做到呢個要求，雞扒亦有預先調味，飯亦唔會好乾，所以整體黎講算唔錯日式豬扒拉麵配地獄湯底 ＄54上次試過普通湯底，今次要滿足下我既辣癮就免費升級做地獄湯底。細問之下，好似沒有分辣既級數，但食落個湯底都唔太辣，但偏咸，好彩有杯果茶解咸，個湯辣度可以接受但實在咸啦，希望店家會改善下啦～白桃西柚果茶 ＄8士多啤梨繽紛果茶 ＄8因為叫咗2個主菜所以可以加＄8要果茶，上次食已經叫過白桃西柚但結果黎咗個哈蜜瓜西柚，所以今次叫次前再一次問職員今日有無白桃提供，佢話有～我就再俾多次機會叫多次白桃西柚結果又要再次失望，今次上枱仍然係哈蜜瓜配西柚，真係失落咗。明明問咗有白桃都要係變咗哈蜜瓜，如果店家沒有白桃請改一改MENU或者清楚話俾客人知士多啤梨繽紛果茶小妹就無飲啦，不過用咗真水果去整既果茶無論點配搭都會好飲既～飲完記得食埋D水果啊～