宮葉 パフェ (已結業)

小店的下午茶實在太優惠，但平時星期一至五很少機會食到，幸好下午茶優惠一至日都有，今日會到太子附近，於是留肚食它的下午茶優惠set😬1。只要自選任何一款拉麵或丼，便可以加$5，揀可樂/熱柚子茶/日式煎茶或$8，揀波子汽水/凍柚子茶/各款水果茶2。自選親子丼+菓茶 $583。所有甜品8折😍😍實在太抵，就算凍凍地都忍不住食雪糕🍨4。一杯水菓茶+$10，可配櫻花抹茶卷/流心芝士撻/炸雞翼薯條/蟹柳湯烏冬之前試過拉麵，所以今次試丼，喜歡日式咖喱勝在不太辣，且帶點甜，就揀「日式咖喱雞扒丼」$49。先吃一口日式咖喱，oh my god！很美味！先有香濃咖喱味撲鼻，繼而嚐到辣辣甜甜的味道，good👍🏻咖喱汁內有薯仔，經過處理的薯仔，已經好淋配上咖喱汁，實在不得了！雞扒幾大塊，有巴掌般大；外皮煎成香脆，帶點微燶；雞肉嫩滑，肉汁還流出，真正外脆内嫩😋😋還有不起眼的溫泉蛋，靠碟邊放，要小心翼翼裝起，一口把它瀡入口，滑！香！好食！🤩這雞扒丼出色，must eat item🤩朋友則選擇十勝紅豆抹茶雪糕，正價$32，但下午茶八折優惠$27，太抵！又是必食😬抹茶雪糕，又軟又滑，有茶味亦有奶味，唔會側重一邊。伴隨有紅

喺始創隔離而家整條內街都係小店, 晚飯時間無咩idea見有人等, menu又ok就等埋一份. 香港人地道文化^^ 望入去鋪面不太大, 枱與枱之間比較窄, 好彩今日唔係一抽二袋. 蕎麥冷麵隻蝦比想像中大, 啖啖肉, 當然食得出好新鮮. 蕎麥冷麵條條分明, 一大箸麵連冷麵汁𠽌入口, 好fresh, 配料豐富, 份量夠飽. 水牛城雞翼另外同朋友share左水牛城雞翼, side dish menu 選擇唔多, 店家應該走貴精不貴多嘅路線. 有一點微辣嘅水牛城雞翼燒得好均勻, 仲啖啖肉, 唔dry, 佐酒一流, 一人一隻全翼剛剛好.食完見到仲有咁多人等都唔好意思再拎menu嗌甜品, 留返下次. 順帶一提, 職員EQ好高, 有d坐低左見到二人枱剛走就話要轉去但佢地照entertain之餘仲好快手.

行完太子, 係附近穩野食.見到宮葉有位就入去試下.一坐底, 見差不多每枱都食梗好精美既甜品,睇見都想食, 但我地實在太肚餓, 要食正餐先 海老茶漬飯 $46好耐都無食過茶漬飯喇, 而且價錢只係$46.梗係要叫黎試下啦.擺盤精美, 好多蛋碎. 蔥花, 紫菜碎點綴左D顏色同味道.重有3隻已剝殼既蝦, 蝦新鮮, 整得剛剛好, 唔會太老茶係綠茶, 味道唔太濃, 好快比飯吸晒D茶如果係珍珠米會更加好味.不過衣個價錢已經好好了關西叉燒拉麵 $ 52豬骨湯底, 拉麵係幼麵叉燒都厚肉, 彈牙. 但麵底男朋友話比較小. 唔係好夠飽. 

難得大家收早, 又係約個返屋企嘅中間點-太子食個便飯, 夜晚6點半, 未行到門口已經見到人頭湧湧, 吹吹水, 大約二十分鐘就輪到我地.Menu由前菜, 主食, 甜品至近排好hit嘅鮮水果茶都有, 係有點眼花撩亂, 但餓, 食正餐. 吉野牛肉拉麵(HKD52) 首先單憑typical大大個日式拉麵碗已俾人正宗日本feel. 標準配料如紫菜兩大片, 筍, 碎京葱, 青葱粒, 雲耳全部有齊, 無馬虎skip邊樣. 喺勺子上的半隻溏心蛋, 半熟蛋黃好味, 牛肉份量夠, 最鐘意係無太多肥膏黏著肉片, 厚薄適中, 又香又juicy. 湯底好濃而拉麵好彈牙, 個人超好九州style拉麵, 這裡價錢的水準可以媲美很多上百元一碗的名牌拉麵呢. 鹽燒鯖魚（忘了幾錢） 有趣的是, menu內佔大篇幅竟是我最愛的甜品, 可惜外面等候人數多得誇張所以放棄了. 鯖魚非常厚身, 魚骨一夾便出來, 正合我這些容易哽魚骨的人, 個人最愛燒得微脆的外皮(朋友竟想把皮夾走一邊😂), 唧了點檸檬汁, 夾附一少箸蘿蔔蓉吃, 魚肉又滑又清新, 秒速清碟, 甜品唯有下次吧！

行街行到倦倦地，呢間輕食日式食肆最適合食個tea, Hea一Hea.下午茶時段不是太多人，所以坐得很舒服自在，打開餐牌選擇實在很多，尤其是甜品，款款都非常精美、吸引，花多眼亂的情況下揀了士多啤梨窩夫，以及芒果牛奶乳酪芭菲。士多啤梨窩夫：士多啤梨非常新鮮，完全找不到半點爛的跡象，而且很大粒和「實浄」，雖然不可以說是太甜，但可以令人食得非常安心滿足，窩夫烘得很脆，配合士多啤梨雪糕食，口感非常夾。芒果牛奶乳酪芭菲：這杯甜品的材料非常豐富，除了有牛奶乳酪雪糕，旁邊還鋪上很多大大粒的芒果粒，第二層還有火龍果、蜜瓜、脆脆米；最底層則有粒粒綠茶果凍。還未食只看賣相已經覺得很完美，真的有點不捨得食；食第一口的時候感覺有一些酸味，不太習慣，這可能是乳酪的味道吧，但當把雪糕與芒果粒或其他生果粒一齊食時，效果就非常好味了，因為生果的甜味和鮮味可以把乳酪的那一股酸味完全分解，這種化學作用，真的可以說是令這杯甜品質素昇華了不少呢！

開完OT，成9點鐘，拿拿聲就要醫肚！經過始創，見到成9點都重有人排隊，應該都唔係伏掛！睇睇餐牌先！叫左個鰻魚炸蝦飯，加個可樂。本來想飲果茶，不過此刻想飲可樂only！不過佢果茶係超級抵，你一個飯or拉麵($48)加8蚊就可以配，重要大大杯。我就加5蚊要可樂，蝕底左。。薄切鰻魚，加上炸蝦，配菜有酸僵、紫菜絲及溫泉蛋。配料撈埋飯一齊食就得！至於鰻魚，味道不差。薄切鰻魚口感無原條好，如果可以原條上，賣相應該更好(不過可能份量睇落會少d)。不過48蚊原條or半條應該會蝕死，算啦，已經不差！炸蝦的粉不厚，食落剛剛好！個飯亦成座山咁高！夠晒飽啦！之後叫左個心太軟！正阿！中間既生果加得幾有心思，可以點d朱古力食，其實地方既心太軟多數得朱古力同雪糕2樣野！不過個心太軟個心就唔係太流，係咪焗得唔夠好？下次黎會試試其他甜品，份量超大阿！整體黎講咁既價全錢，咁既質素，性價比超高！

太子附近原來都好多好嘢食。今日行過見到呢間睇落幾正宗的日本料理，沒想到價格也十分親切。室內環境簡約風格，乾淨清爽，令人放鬆。餐食有拉麵，丼，甜品同串燒小食，雖然每種不是特別多選擇，但小小料理店也算可滿足不同食客需求。今日特別想食「飯」，就叫左個【鹽燒三文魚丼】。擺盤精緻整齊，有埋配菜同溫泉玉子，幾抵食。三文魚燒的唔錯，肉質仲鮮嫩，火候啱啱好。米飯亦唔會好硬，配上溫泉蛋，很日本風味。加左一份【Buffalo wings】串燒雞亦，燒的好入味，小小辣，小小甜，啱晒餐後小食。雞亦一邊已經去左骨，所以好易入口，唔洗食得成手都係。一餐$95好味日本料理，算係幾抵食。唔加個小食都已經好飽，所以一人幾十蚊搞掂。

旁晚來到太子，為免排隊等位，所以先找地方吃晚餐再去shopping,今晚想吃日本菜及甜品，所以就決定到位於始創對面的宮葉試一試。打開menu ,見到有拉麵、親子井、定食等，翻到後面，就是女士們絕到抵受不住的甜品啊！這裡有很多甜品供應，waffles、芭菲、心太軟、軟雪糕等等，比我想像中的多。此外有十款口味的菓茶，大約$30一杯,相信有700ml一杯吧！看過menu 後,我選了『燒三文魚井』$55三文魚扒煎得金黃，入口軟嫩的，而且有很香三文魚的味道，加入檸檬汁來吃，更能帶出鮮味。 配菜有軟溜溜的泉蛋及炒雜菜，此菜式合適喜歡味道較清的人士呢！套餐加$8就有宮葉水菓茶，我選了『士多啤梨繽紛果茶』(原價$30)，內裡有很多款的水果，沒有冰的，甜度剛剛好，玄米茶加入水果，清新解喝，又大杯，夠晒飲！！最後點了一份士多啤梨窩夫$37，士多啤梨雪糕有很濃的牛乳味，窩夫內有朱古力粒，份量很大，為這頓晚餐劃上完美的句号！

9點幾, 未食飯, 又想食甜品, 見到呢間好多人排隊, 又有拉麵同甜品, 就入左去.叫左個海鮮拉麵+水果茶拉麵一上枱就好香, 麻油味冇得頂, 立即試下佢個湯底, 好正, 唔太鹹, 好香.麵軟硬適中, 除左拉麵必有的嘢外, 海鮮每款有2件, 仲有糖心蛋. 好好味.值得一提, 佢加配水果茶都8蚊.. 慳平.士多啤梨水果茶唔太甜, 仲有好多水果, 好好味甜品必叫抺茶芭菲我怕瞓唔著所以轉左牛奶乳酪, 好大杯, 配上紅豆小丸子一流, 仲有好多水果包括蜜瓜、火龍果, 綠茶啫喱, 蜜糖脆等，好得

小女生考完試，當然帶她吃喜愛的東西啦！雖然天氣寒冷，可是無論在任何的天氣，都很難抵受雪糕的引誘，辛苦了兩星期，今晚就決定帶她去吃甜品吧！在太子西洋菜南街有很多食肆，不過我就被「宮葉」這店吸引著，除了是日式餐廳外，當然是「抺茶雪糕」吧！餐廳裝修雅緻，燈光柔和，店舖不是很大，我們五時半來到不用等位，不過走的時候就開始人多了。一打開餐牌，小女生就翻到後面的甜品頁，嘩！真是很吸睛呢！抺茶心太軟，抺茶waffles, 抺茶cheesecake,抺茶蛋糕，抺茶芭菲、抺茶軟雪糕。。。。。看到這麼多的抺茶甜品，我這抺茶控真的很興奮！除了抺茶外，當然也有其他口味，這是小女生最愛的牛奶乳酪軟雪糕，還要是用北海道3.6牛乳制成，而且所有甜品在六點前下單還有「八折」，二十多元就能吃到這個級數的雪糕，真的真的真的很便宜啊！除了甜品外，還有大大杯的菓茶供應，還有很多口味，價錢是$28～$30，與台式餐廳相比，價錢又是平了一截，真的很抵喝呢！而且全日有超值套餐供應，只要加$8就可選水菓茶一杯呢！既然套餐這麼超值，而且又被大大杯的水菓茶吸引著，那麼就決定點一份吧！小女生點了最喜愛的日式咖喱吉列豬扒飯$49，吉列豬扒炸

依間叫宮葉既日式食店，近日多左聽見啲人話佢好食，咁岩依日行開依頭，就食番餐當晚飯，的確有啲驚喜餐廳其實仲有拉麵同埋日式丼飯食既，我就揀左佢推介既日式豬扒拉麵食物都幾快上枱賣相都唔錯個湯底唔太油膩，而麵質都不錯架跟住就試下溏心蛋個黃半生熟，算不錯，食落依然滑流講番塊豬扒先其實係普通一塊吉列豬扒，新鮮炸好，脆卜卜係好食叫個拉麵加8蚊都可以選擇果茶一杯我就叫左杯餐廳推介既櫻花蘋果果茶又大杯又飲佢入面真係落好多生果，同時茶味又好夠必試最後必食重點，當然佢既甜品啦我就一早打算食抹茶雪糕架啦我就揀左寒天啫喱抹茶雪糕抹茶味真係好香好濃，睇唔出間小店做得咁好佢既配料丸子都好彈牙，整體而言，個甜品係必點架

今晚又是寒流襲之夜，又凍又微微細雨，最好整番碗熱辣辣嘅拉麵……入到店內四週環境整潔舒服，店員送上熱茶和menu,……選好了，來一碗义燒拉麵，轉地獄湯底也是免費，天寒地凍梗係轉啦。麵到了，一放到枱面，已經感受到火辣的感覺，先試一啖湯底，嘩……豬骨辣湯底正到呢，义燒又有好幾片，十分足料，但最欣賞的，都是那隻流心溫泉蛋，一口咬落去。。。好溫暖呢！！最後連湯都清埋，如果唔係女朋友要我減肥，一定整多碗，哈哈！總结，下次經過太子附近，一定要再嚟！

最近聽朋友講過一間食拉麵丼物同芭菲都好食既日式小店，位於太子，距離地鐵站三分鐘路程，地鋪，好方便一去到就怪不得有小人龍店舖入面都幾多人幫襯架，一個人黎食都可能要搭枱我就叫左關西風豚肉豚骨拉麵🍜有板有眼，麵質彈牙，湯夠濃，三塊豚肉片都好食整體係不錯之後就試佢既重點，日式精選抹茶芭菲真係算大杯，用料極之豐富架有成串丸子、抹茶蕨餅、抹茶啫喱、抹茶蛋糕同埋水果，重中之重係佢既抹茶軟雪糕，真係抹茶味爆濃架之後就加8蚊叫番杯白桃西袖果茶，大大杯內有大量水果，好健康睇番餐廳提供好多款果茶架，都係推介之一餐牌既甜品超多選擇，長遲成起碼8-10頁依款就係我叫既日式精選抹茶芭菲啦真果杯仲多大杯過幅圖架唔鍾意抹茶既都有其他選擇餐廳既拉麵都有唔少選擇，仲有款冷麵添，下次要試

諗住未食過嚟試下，次次行過見咁多人食，今日終於嚟食，預咗要等，等咗大約15分鐘叫我上一個53號（我係54號兩位），之後叫56號一位，之後竟然叫60號兩位跳咗我哋個no.，我即上前問點解會叫60號唔係叫54號，嗰個員工仲企定定傻咗咁企係到，真係嬲到爆，唔識處理自己做錯咗嘅安排（可以即刻同啱啱坐下嘅客人話安排錯咗）個員工淨係企咗喺度，咁嘅服務態度真係唔會再嚟。

這段時間比較忙 預計未來半年都冇時間去日本 唯有在香港食返碗好拉麵來平衡一下～ 宮葉好方便 我經過太子 間中都會去～ 旺區 $60唔洗有一碗拉麵 質素不錯 又唔收加一 性價比當然高。今日我食豬軟骨拉麵。湯底濃郁但不會太咸 亦不會太油膩。拉麵有咬勁。豬軟骨好入味 亦都好軟熟 配料豐富～ 木耳 大蔥 荀絲。半熟蛋忍不住追加了一隻 yummy關東煮 幾抵食 豐富。$38大大碗 年糕福袋 芝心丸 獅子狗 蘿蔔 冬菇。甜品好吸引架 抵食大杯好味。抹茶控唔可以錯過 可惜身體不佳 今次食唔到。