宴薈海鮮酒家 (已結業)

同屋企人食飯，通常食廣東菜；今次試吓搞搞新意思，去任食火鍋。呢晚揀咗位於觀塘嘅宴薈海鮮酒家。四季火鍋放題貨真價實乜都任食，由紅白肉，蔬菜，甜品，到汽水啤酒，2.5小時內，食到幾多都冇問題。最少一台有兩個食客，就可以了！獨行俠就要揾到多個人一齊嚟先得咯。有屋企人唔係太舒服，所以點左一個比較清淡嘅湯底；但唔使太擔心味道清淡得濟，調味料都放響自助區，客人可以自行混醬。同時間，去埋凍櫃拎汽水或者啤酒同埋甜品，可惜係爭個托盤，否則可以一次過拎曬。任食火鍋全部食材都係經過點餐紙落單，然後由廚房按客人數量分配，例如有四個食客，水餃寫「一」嘅話，上碟會有四隻水餃。下圖係鳳城水餃，入面有豐富蝦肉，無話因為任食而偷工減料。黑豚肉肉味十足，新鮮有口感，似乎來貨都唔錯。紅肉以外，都試一試白肉。鮮滑雞肉都係好新鮮，相當唔錯。芝心丸同埋魚腐亦係火鍋必備之選。魚皮就咁食就好香脆，淥一淥吸盡湯底精華，又有另一番滋味。份量好多，廚房出食材絕不吝嗇，呢點值得稱讚。習慣有澱粉質的話，可以點個烏冬，咁就一定飽肚。

酒家在大廈外牆安裝發光招牌，更容易辨認酒家位置。 酒家在南益商業中心一樓，只需乘搭扶手電梯，即可到達。酒家提供早市、中午茶市、下午茶及晚飯夜市。 夜市除了小菜，亦有火鍋放題。 火鍋放題食物與飲品無限量供應，從肥牛到生根，啤酒到汽水，絕對可以吃到肚滿腸肥。填好酒家提供的點餐紙，廚房大哥隨即按用餐人數及填寫數量預備食材，樓面靚仔靚女傳菜而至，食客就可開心享用。 飲品與甜品均是自取，存貨量非常充足，可以逐次取用，一來冷凍溫度保存更佳，二來按需要而取，以免吃飽火鍋料才發現餐桌有未食的甜品飲品而浪費喲。湯底只選了一款清淡的，可以好好品嚐食材滋味；如要濃味的話，就靠自助區的醬料，調出自己喜歡的味道。 這夜吃過的食材頗多，只抽選部份有拍照的介紹一下吧。炸響鈴是打邊爐必然之選，這一碟的質素也不錯，輕輕一滾，即可做到外軟內脆的效果，吃得開懷。 喜歡芝士腸吹彈即破的表面，包著香滑芝士醬。牛筋丸與普通牛丸有何分別？實在無從稽考。 滿以為長洲炸魚蛋是那種大得驚人的呎寸，但似乎和普通魚蛋沒看出分別來。 竹串海生蝦蠻有份量，也夠新鮮。 象拔蚌片也是另一個有份量之作。爽口是其最大的賣點。 百花豆腐切得非常迷你

同朋友中午一聚搵地方飲茶吹水， 在觀塘比較麻煩，唔想去鱷魚裇同apm 嗰邊迫， 搵間另類嘅就揀咗呢度。十二點鐘上到去人唔多，容易搵位。中午時段價錢唔算平，還有套餐及特價點心紙選擇。兩個人點了個炒麵加幾款點心， 叫做頂下肚就算。睇之前食評D comment 都話飲茶食物其實麻麻地。煎釀茄子算好食，叉燒餐包夠熱但個包感覺有D"削"，點心拼盤ok，係個賣相差D。至於個肉絲炒面，端上來大大碟，又熱樕樕，抱有期望，但食落，麵底太乾偏硬，而且淡而無味，可惜。埋單$190，地方算好坐，快閃聚腳可考慮。至於食味嘛....嗯，算吧啦。

慶生日享用香港市民優惠免費乘坐360吊車遊昂坪、寶蓮寺和天壇大佛，遊畢全日又累又餓，和家人楝好一齊去任食火鍋真係爽，唔使腍食乜，清清地拾吓拾吓最啱我，家人揾到呢間宴薈海鮮酒家，任食火鍋每位$148都很抵食，但係好唔好食，咁就食過先知啦！我沒有取免費醬料，我喜歡食物原味。自助任飲和小量甜品罐裝飲品我楝咗呢三款，啱飲，ok呀！豆腐津白湯鍋真係夠哂清淡，不過，拾拾吓食物味道出哂黎，就好好味道！第一轉，枱上美食令視覺很豐富，視覺訊息傳到腦部，腦部感覺到食物豐富，即時心靈也富足，只等待湯水煑滾，大家就衝刺....最愛左邊的酥炸魚皮香脆冇油膩，隔籬的腐竹很有豆香，海蝦夠鮮，中間位置有黑豚肉和上面疊起的象拔蚌，只吃黑豚肉和象拔蚌已經超値，黑豚肉爽且有肉鮮味道，象拔蚌則非常爽滑美味。所以總結是好食和抵食。就咁樣過了快樂的生日。

之前曾經來過, 食過覺得質素唔錯!!!早前見佢改了名為(華悅),所以星期六的早上特意來此飲早茶!!!睇下佢的質素有否改變!!!其實早茶不算貴, 可以24.8叫2款點心, 而且早茶不收茶芥!!燒賣雖然沒有大大隻的鮮蝦, 但皮薄而有很香的肉味,好食小籠包皮薄, 有湯汁, 味道雖不能與xx豐的小籠包相比, 但好食!! 可惜的是皮很容易破開, 使內部的湯汁流走了！牛肉就有點失手, 味道不足!!帶子炸雲吞和腸粉都好味!8個點心收121元, 有此質素算抵食!!!

午餐約左表哥食飯，駿業街有新開酒樓，價錢大眾化，決定一試。除左一般點心紙，仲有午市自選全包套餐，個套餐已包茶芥，加一服務費，好抵食。我們當然叫了2位餐。套餐小炒選擇了翠肉凰片象拔蚌，夠鍋氣，除左翠肉瓜，仲有雲耳疏菜，增加整體爽滑感。套餐仲要揀多個時蔬，唔會淨係食點心咁唔健康，我地揀左小白菜，蒜蓉味十足。到點心了，有蟹籽燒賣及四寶雞扎，燒賣好大粒，蝦及豬肉比例剛好，不會太膩。雞扎有蟹柳、芋頭、雞柳及魚肚四寶，大大粒。我們仲加了兩款點心炸鮮竹卷及蝦腸，鮮竹卷我略覺得太多油了，蝦腸好味，新鮮嫩滑。整體而言，蒸的點心略為出色，在新餐廳來說，服務員態度一流。是次用餐為238兩個人，茶芥全免，而且加一計算方法也只是兩個後加點心，好化算。

今晚去官塘揾friend食飯，見到佢公司對面招牌好搶眼就行過去，門口嘅menu寫住火鍋放題，價錢幾吸引就上去試試。上到二樓地方好寛闊，魚缸啲海鮮好生猛。汽水櫃放滿各式各樣汽水同啤酒，仲有甜品，任君選擇。多種醬料可隨意混醬。因成日夜瞓要下吓火，揀了個芫荽皮蛋湯底，又可以當湯飲，又可以當湯底，真係一舉兩得。竹串海蝦好大隻又新鮮，入口好鮮甜，啲味我哋又encore😋👍精選肥牛猛火拖兩拖就已經熟，肉質嫩滑，一啲都唔靱。呢個價錢都有象拔蚌片任吃真係好抵。生魚骨腩、中山白鱔片同埋鯇魚骨腩好新鮮,入口嫩滑又鮮甜。鳳城水餃我至愛，皮薄餡多。除咗火鍋之外仲有好幾款天婦羅食品，天婦羅魷魚和茄子炸到脆bo bo,魷魚越𡁻越香口，勝在夠淋。䅗瓜外脆內嫩，越食越滋味。手拍青瓜好爽脆,夠晒清熱氣！埋單兩個人都係＄300元真係好抵👏🏻👍

今晚約了閨密去＂滚", 哈哈, 上次已鎖定呢間酒樓, 皆因價錢公度, 任食又任飲, 種類又多，真係食到好飽, 坐定定 2個半小時狂吃 咪所以企吾穩囉！都是在觀塘區揾食， 南益商業中心， 在友X保險大樓對面1樓， 行人電梯直上就是, 好易揾！面積不是太大, 但勝在每枱有充足空間, 不會太吵耳呢! 而且部長 (或許是經理）, 笑容可掬, 看得出對工作的熱誠!點了鴛鴦鍋底, 一面是沙嗲, 另一面是芫茜皮蛋。 沙嗲特別好吃, 濃濃的, 很香口, 伴入那些較清淡食物,如脆肉白鱔、腐竹、蝦等, 真的十分惹味! 蝦要赞, 夠大只, 又彈口,非常新鮮呢!種類的選擇真的很多, 食材也很新鮮, 超滿足! 幸福感又來了! 任食任喝就是"任性"， 我是典型港女嘛，最後甜品红荳, 馬荳糕, 還有芒果布丁, 任君選擇! 只可惜胃的空間有限..... 真想 encore 再 encore我會再光臨的, 因為還沒有試完所有的種類!

今天在觀塘收工，Lunch基本上沒有吃過飯，所以極級肚餓，行過駿業街見到這間宴薈海鮮酒家有任飲任食打邊爐，價錢又不貴，就去試試。每位$148加一，在觀塘區價錢不算貴。湯底選擇多，最多可以四拼。火鍋生料選擇算多，連平價任食火鍋比較少見的海生蝦、白鱔片都有提供。啤酒汽水自取任飲，汽水是可口可樂，不是常見的百事可樂。鍋底選擇了香茜皮蛋及麻辣，在任食火鍋水準來說，湯底質素合格有餘。火鍋生料上得快及齊，沒有漏單情況，肥牛質素正正常常，海生蝦大隻，白鱔片新鮮，鵝腸有驚喜，非啤水無味貨。還有小食任叫，豆腐、魷魚鬚，雞翼全部即炸，上枱時熱辣辣。整體性價比高，來這種任飲任食打邊爐，當然不會期望食物質素極高，將貨就價絕對合格之上。

觀塘區食飯時間真係一早已有人落去搵定位，如果唔係真係有排等未到食飯時間 茶樓依家都仲可以舒舒服服咁坐下🤭28蚊雞飯都幾大碟雞喎，本身個雞都鹹鹹地 夠曬味道， 跟住再攞埋啲薑蓉用嚟撈飯 夠曬滋味xo醬蘿蔔糕 煎到好脆口呀，外脆內軟， 好惹味由細到大飲餐茶例牌 一定會食籠蝦餃， 習慣改不了呢籠鳳爪都幾夠味，口感唔錯，唔會過腍xo醬乾炒肥牛河， 牛肉分量都幾足 ， 河粉都幾幼滑，唔會粗粗鞋鞋， 比平時用豉油炒嘅牛河味道反而淡番少少北菇牛肚燒賣原來係咁樣嘅，好大粒下， 啖啖肉定係送飯都幾好噃😆😆 灌湯餃做特價好抵呀 9. 8蚊一籠，必點😆天氣咁熱都忍唔住要飲番罐可樂

就咁，原先想去嗰間裝修暫停營業，跟著行行下就嚟左呢間，見到特價點心就入左去，價錢幾吸引，食左咁多野，計埋茶錢$7同加一服務費，每人$50蚊，話貴唔貴，但食物質素就......可以讚的是侍應，有禮貌。食具乾淨。阿同事見到個爆花寫住$9.8燒鴨湯米線，話好抵喎！拼盤$18.8有5款食物！但傳統點心如：山竹牛肉、鳳爪、蒸腸粉、蝦餃⋯⋯係無既。點心拼盤（潮州粉果、蟹籽燒賣、薑汁糕、素翅餃、义燒包）每款各一首先食义燒包，好味。素翅餃，都正常。薑汁糕，薑既辣越食越有。食左三樣都無事，諗住平都有質素啦，點知⋯⋯潮州粉果其實都有小小怪，有輕味酸，係調味？燒賣個味都一般般⋯真係大大碗，米線多，鴨其實皮多過肉，皮完全淋晒，湯淡味，即係如果$9.8就係呢啲質素，咁不如唔好賣囉⋯⋯寧願份量減，都唔應該降低食物質素嚟就個價錢，其實咁樣只會做衰自己個招牌。田園菜肉餃入面有蝦有菜⋯⋯咬一啖，酸味⋯⋯試第二隻，都係酸。睇嚟啲料唔多新鮮⋯⋯翠玉四寶扎我以為有雪藏雞肉、魚肚、火腿、芋頭是但三樣加翠玉瓜。拆開一睇，淨係估中左有魚肚⋯⋯其餘二寶係蟹柳同冬菇⋯⋯介紹返，四寶⋯⋯嗯，見到，食左⋯⋯完食不知其味，調味淡，翠玉瓜軟化

忽然想食蒸鍋，想去的地方全部full,諗起呢間食市，所以試試。見OpenRice冇乜食評都心𥚃有數。6:30pm到冇乜人，蒸鍋有兩個選擇，龍躉或龍蝦，我地揀龍躉因為平D,話晒都係試水温，唔想投資太大。龍躉set有龍躉，蝦，蟹，蟶子，砂蜆，帶子，種類算多但量少。蒸完就打邊爐，我們點咗唔多嘢，但量就好多。如果食剩要收錢的話，我地就要食哂佢出嘅嘢,所以我本人係唔太喜歡這種不能自訂分量嘅放題。總括來說$148係火煱放題，加多$100係龍躉蒸鍋的話，咁呢$100唔太值得加。因為海鮮質，量都唔驚喜。而甜品任食都只有貴花糕及馬豆糕！失望😞

早餐來到了公司附近..想不到吃什麼..於是同朋友選擇了經常光顧但是已經好久沒有吃過的宴薈通常第一時間看看特價點心紙12.8有1個蒸飯。例牌必叫很快看著熱辣辣的蒸飯放上抬那個感覺好興奮！全部蒸飯都是熱得很。我們叫了鳯爪排骨飯同咸魚肉餅飯那個飯底非常美味，每粒軟綿綿，當然要加上豉油這個靈魂，咸魚唔係好咸嗰種，配肉餅有好餸飯還有加大件的鳳爪及排骨，絕對足夠飽肚。燒賣是飲茶必點的一道點心，剛出籠熱呼呼的沾著辣油一起品嚐，熱辣辣無敵美味好吃。櫻花煎薄餅，一大塊金黃香脆的薄橕。好香啊！以蝦米、蔥花做材料，沾辣油品嚐一樣味美！一向很喜歡虎皮椒，煎得微微的金黃增添了一份香氣，魚肉夠鬆軟中富彈性，虎皮椒保持青葱翠綠入口爽脆椒香埋單七十多，算是平

約左一班同事一齊去飲茶一上去就有位望下張點心紙食物都係大路野棉花雞-魚肚軟淋魚肚已浸透了雞油的香味湯的味道幾鮮美.而且綿密滑溜腸粉皮厚薄適中非常滑加上鼓油一絕鮮竹卷蒸得夠熱夠軟身!加上少少筍絲咬落爽口蠔油湯汁幾入味南乳豬手蚊得入味鳯爪排骨飯熱辣辣正常無乜特別特別在特價九個八一煲我地叫四煲蝦餃上檯熱辣辣體積大細適中皮夠薄晶瑩蝦頗多,彈牙，味道ok牛肉球勝在大粒及內有馬蹄咬落爽口燒賣幾爽好好食蝦豬肉比例均勻整體的服務都滿，意價錢屬中上,環境不錯相信日後必會再光臨呀 !

經常約朋友在此飲茶超過十次，晚飯亦吾少其實酒樓菜式間間都差不多這間亦沒有甚麼特別 最喜歡佢有好多特價孖寶早市經常爆預咗同人搭檯再講上星期同朋友在此吃飯當然選一份孖寶$118叫了咕嚕肉及燒味四寶一條青班寫住$78十兩因為見到十檯有九檯都叫另外還有叫了蒸鮑魚最先到咕嚕肉及燒味四寶相當美觀咕嚕肉份量適中茨汁亦不會傑亦不稀酸甜度適中，可惜今天大家無飯隠否則每人兩碗坐底燒味四寶又是開謂前菜燒肉保持皮脆肉嫩鹵水後炸的豆腐保持熱度上檯海蜇分碲很正常青瓜次次都吾食，無酸味乜味都無真係都吾知點形容青班睇來吾止十兩太鮮味，吾怪得咁多客叫我地嚟親一定叫不到五分鐘鐘清哂清蒸鮑魚吾洗講亦夠鮮毎人三隻好快Ko 埋單平均每人二百二好低平日晚上來悠閒舒適當晚飯後甜點芝麻胡招呼普通酒樓沒有多少分別勝在價平所以經常來