宴薈海鮮酒家 (已結業)

午餐約左表哥食飯，駿業街有新開酒樓，價錢大眾化，決定一試。除左一般點心紙，仲有午市自選全包套餐，個套餐已包茶芥，加一服務費，好抵食。我們當然叫了2位餐。套餐小炒選擇了翠肉凰片象拔蚌，夠鍋氣，除左翠肉瓜，仲有雲耳疏菜，增加整體爽滑感。套餐仲要揀多個時蔬，唔會淨係食點心咁唔健康，我地揀左小白菜，蒜蓉味十足。到點心了，有蟹籽燒賣及四寶雞扎，燒賣好大粒，蝦及豬肉比例剛好，不會太膩。雞扎有蟹柳、芋頭、雞柳及魚肚四寶，大大粒。我們仲加了兩款點心炸鮮竹卷及蝦腸，鮮竹卷我略覺得太多油了，蝦腸好味，新鮮嫩滑。整體而言，蒸的點心略為出色，在新餐廳來說，服務員態度一流。是次用餐為238兩個人，茶芥全免，而且加一計算方法也只是兩個後加點心，好化算。