家上海 (東港城)

營業中

休息中

這間店舖是近幾年食過算是優質的上海菜，小籠包即叫即做，炒年糕亦是很出色，每次必叫的鍋貼及上海粗炒，食極都唔厭。可能店舖人手有限，每次舉手🙋🏻‍♂️🙋🏻‍♀️叫人幫手，工作人員都視而不見，最後都是著黑衫，可能比較高級的職員過來幫忙！今次連埋頭盤共order 了八款食物，除了排骨粒（肉質比較鬆散），其他都很美味，我哋一行五人都食得很飽，所以都未能 order 甜品，正體這間店舖都會繼續幫襯，希望下次可以食到甜品！

很久沒有吃過上海菜家人們本身很喜歡中菜所以難得地試了這一家 家上海首先，這家店的服務態度不得不說真的很好👍🏻服務員會主動詢問顧客的需求 亦作出適當的建議。收盤速度亦很快速。環境夠大，坐得舒適。我們叫了四人的套餐，當中有拼盤，嫩雞煨麵，炒飯等等。。。整體味道尚算不錯，適合喜歡清淡口味的朋友另外，亦叫了蔥爆牛肉 鐵板式上菜 牛肉非常香口雞煲就不過不失額外叫了個酸辣湯，酸辣度適中甜點亦有高力豆沙香蕉不過豆沙蓉較少比較稀，味道較淡。

喺openrice叫咗外賣,跟完成時間去攞外賣,問門口個女侍應話六未有,跟住等咗十分鐘再問其他侍應,原來一早已經有做好咗擺喺度,唔想做外賣係咪可以唔做呢搞到啲嘢凍曬

這家．上海一早已有友人介紹過元朗分店好味，當時疫情嚴重都是試過外賣。而今次TKO真是初體驗店內用餐，為慶祝朋友生日已選了此餐廳。上海菜我自己必選主打一定是小籠包和花雕醉雞。有那個拼盤選擇非常適合樣樣都想試的我們，小籠包都肉質鮮甜，而蝦蟹炒飯嘗算入味和乾身。但最值得推介...是那個不知道什麼魚配年糕...味道給十個讚！！年糕能食到有煎魚的香味，很特別。所有店員都有二個分的服務態度，主動幫忙合照及提供服務，沒有限時的餐廳更是難得，而最後因友人生日還送了我們一桶豆花作甜品。感恩！他們提供了一個有「家」感覺的服務，這是令我再想為餐廳寫上一個值得被稱讚的食評，希望介紹各路都朋友試試。

東港城開左間上海新餐廳好鍾意食小籠包 見勁多人排隊就入去試下餐廳入面好寬敞好多位置 有梳化位置有卡位新開張套餐仲有優惠😍我地嗌左個二人同行一人免費嘅套餐勁多嘢食 三個大人都食唔曬要打包拎返屋企新開張嘅優惠真係超抵食 買一送一加左$12要楊枝甘露 超級好飲‼️睇相都睇得出係勁多料 一啲都唔馬虎入面仲有啲煙煙韌韌嘅類似小丸子嘅咬成杯飲品都好高質 加$12絕對值得紅燒三絲魚翅評分：👍🏻👍🏻👍🏻👍🏻👍🏻超足料 每啖湯都係啖啖肉咁 個味唔會好重味精味醬油年糕海中蝦評分：👍🏻👍🏻👍🏻👍🏻👍🏻我覺得呢個嘅主角係年糕多過蝦🤣超入味勁煙韌年糕 好好咬口好正蝦好爽口好鮮甜 但係蝦就唔夠年糕入味被搶左主角嘅位😂😂😂淮揚小四品評分：👍🏻👍🏻👍🏻👍🏻👍🏻前菜嚟講好高質 特別係個蜜汁脆鱔 真係好脆 食落甜甜地赤醬豬頭肉都好好食 好入味 好開胃蟹粉大籠包😂評分：👍🏻👍🏻👍🏻👍🏻👍🏻另外嗌左個蟹粉包 仲有支飲筒比你啜但建議都係就咁食 因為入面都好多料 難啜啲湯鮑魚蔥油拌麵評分：👍🏻👍🏻👍🏻👍🏻👍🏻鮑魚好煙韌 蔥油拌麵個味好正拌麵軟硬適中 撈埋啲蔥油榨食 好開胃鹹肉百頁小棠菜評分：👍🏻👍🏻👍🏻👍🏻👍🏻唔好睇佢好似好唔起眼

見食評不錯，今天下午去食，叫左炸豬扒菜飯，鍋貼，四喜烤麩，烤麩調味咸甜適中，香軟多汁，十分出色，菜飯咬落啖啖小棠菜的香甜，咸味適中，可惜飯粒太硬，吃了半碟就放棄，如果炒飯時加少少上湯去蒸軟飯粒，結果定會好很多，炸豬扒賣相滿分，份量十足，但咬落表面堅硬，肉質乾柴，也只吃了3分1便放棄，鍋貼外表麻麻，但內裹多汁，調味可口，可惜底部看似香脆，但事實是十分軟淋，如吃濡米磁，可能是一早整定返熱比我，整體麻麻，下次在坑口食上海野，還是去謝謝濃會比較啱我口味

家上海 將軍澳重華路8號東港城1樓108號舖2023年1月21日（年三十）今年來到位於東港城的家上海吃團年午飯；之前吃過元朗那間分店兩次，今次為方便家人在將軍澳區吃。預訂了12時入座，出面已經開始要等位了。五福拼盤，冷盤好味精緻～ 尤其喜愛熏魚。炒飯，炒得乾身，但食唔到有蟹，但有大量火腿、雞肉⋯炸子雞，脆口、嫩滑。四季豆，好味，餸飯一流。小籠包，肉汁香濃。椒鹽小黃魚，香脆、惹味。大家都吃得很飽，沒有叫甜品。這午餐共$962，很抵食～祝大家兔年快樂，身體健康！

喺唔同商場都經過家上海門口好幾次，總見到多人排隊入座，所以都無入去食。終於有機會同屋企人book枱晚餐，抱着平常心食上海嘢，竟然有驚喜，烹調用心水準高，有些傳統菜式更注入了新派的小花巧，可見廚師嘅心思，終於明白點解咁多人幫襯。#上海煙燻脆皮雞 (半隻) $198脆皮炸子雞都經常食，有時都會悶悶地，但此雞確實不同，味道有點驚喜，雞皮香脆，有濃濃煙燻香味，肉質嫩滑，有雞味有肉汁好Juice，沾埋個蒜香甜醬汁，更加惹味。#脆煎灌湯小籠包 (5件) $54傳統小籠包就食得多，煎小籠包都係第一次食，做到皮簿餡靚，滿灌湯汁，真係要小心咬落去，包底煎得焦脆，上枱熱辣辣，用鐵板奉上更能保存其溫度。#薺菜肉絲炒年糕 $88年糕軟糯，薺菜清香味特出，唔會淨係得個鹹味，茨汁濃稠適中。#鍋塌豆腐 $88炸咗皮嘅豆腐，裡面好滑溜，茨汁味燶剛好襯返白豆腐嘅豆香，件件掛汁。家上海地址：將軍澳重華路8號東港城1樓108號舖

中秋前夕黎到坑口新開既家上海食中菜🤩餐廳開幕之前都已經聽到唔小好評，岩岩開既時候更加長期都有長長既人龍😮試完之後終於明，果然係菜式質素高，味道有驚喜，賣相亦好吸引🥳中意食中菜既朋友必試💯🐟松鼠桂魚（$198）呢道真係色香味俱全，好好食😍一上枱已經被魚既賣相吸引😋酸甜汁調得岩岩好，唔會太酸或者太甜😉桂魚炸得好香脆，肉質都仍然保持到嫩滑👍超級開胃，十分推介‼️🍜炸醬拉麵（$58）我一向都超中意食中式既炸醬麵😍呢碗炸醬麵亦冇令我失望，最驚喜既係麵質好好食☺️夠滑又彈牙，唔會太林😝醬汁味道亦岩岩好，加埋青瓜絲好清新😋下次想試下其他湯麵🤗🫓金牌小籠包（$54／6件）小籠包係食上海野必叫既🤣做到皮薄餡靚，好多湯汁😚一上枱熱辣辣食真係好滿足💯🥟寧波蜂巢餃子（$68／5件）呢個餃子賣相好似日式餃子咁，但味道就反而冇咩特別🤓同普通窩貼有啲似，可以唔洗特別試😛🌮蓮香蜜餞火方（$128／4件）呢款傳統上海菜已經唔係好多餐廳有做😊係白色類似饅頭既皮包住金華火腿同脆脆，再點有蓮子既甜甜地既汁🤭一啖食落去有幾種味道，之前都未食過，夠晒特別👍🫔蘿蔔絲酥餅（$52／3件）蘿蔔絲酥餅上枱熱辣辣，新鮮炸起😚入面滿滿既蘿蔔絲，

今年天氣過熱，大閘蟹延期上市，產量少了價錢貴了，不過坊間的大閘蟹宴不缺，令我食指大動，聽講「家上海」唔錯，專誠走到將軍澳的東港城去嚐嚐。 金秋淮陽大閘蟹宴，每位$888，二人同行一人免費優惠，需付茶芥及照原價算。茶每位$13，前菜收$15，最後埋單共$1110。 結論係抵食嘅、蟹靚、可惜蟹粉過鹹，就算要除腥味亦無需咁多鹽呀！大失所望！ 江南四式拼盤－陳醋紅蜇頭、花雕醉蝦、目魚大烤、准鹽溏心燻蛋水準幾好，各自精彩，給予我的第一印象非常良好！ 紅燒蟹皇三絲翅從來不抗拒素翅，環保是好事，味道豐富。 （四兩半至五兩）無疑今晚的亮點，雖然覺得唔夠四両半，但蟹膏滿滿，美味盡在不言中！ $188可以追加，合理呀。若非留肚吃蟹粉菜式，真有諗過。 蟹粉脆皮黃魚柳蟹粉香酥竹炭豆腐竹炭豆腐外脆內嫩，黃魚柳炸得脆，第一口食得好開心，但嚐真啲、愈食愈鹹，開始覺得有點過分，曾經諗過是否炸漿出問題，結論仍然覺得問題在蟹粉，也許為了除腥，下鹽太多，對我來說，實在鹹得過分，未試過食蟹粉菜是撥開蟹粉唔吃的，大失所望！ 生拆蟹粉小籠包兩件小籠包的蟹粉味道正常，好吃。 夠薑湯圓薑湯的確非常夠薑，香辣暖胃，正中下懷我鍾意。 整

之前這餐廳新開張的時候曾經大排長龍這次趁著接近假日下午茶沒太多人的時段去一探究竟 😊家上海主打地道淮揚美食的中菜館 🍚淮揚菜是指江南地區淮安、揚州、鎮江一帶的菜式與魯菜、川菜及粵菜同列中國四大菜系我們大多數人一般會說去吃上海菜上海菜但其實也屬於淮揚菜🔹️ 淮鹽溏心燻蛋 (2隻) $32 🥚蛋白口感滑嫩 😋蛋黃熟得剛剛好保持著半熟流心的狀態而且蛋黃味道濃郁 配上磨得細細的淮鹽非常配👍🏻🔹️ 脆煎灌湯小籠包 (5件) $54除了普通用蒸籠上的小籠包和生煎包外這裡還有這種比較特別的脆煎小籠包用鐵板上 外皮比較厚小籠包底部煎到變成金黃色後會變得焦脆的更有口感但同時小籠包裡面依然充滿湯汁😳簡單來說是結合了小籠包和生煎包的優點🤗這裡的豬肉餡和湯汁都很好吃 有鮮味 😋😋😋調味不會太重剛剛好🔹️ 流沙奶黃千層酥(3件) $52以往我吃淮揚菜最常點的小吃是「蘿蔔酥」這次看到有這種流沙奶黃千層酥就已經很想試了🤣果然外皮跟蘿蔔酥一樣保留了同樣的層層相疊酥脆的口感🤩而裡面的流沙奶黃也很出色(如果以流沙奶黃包的標準來評鑑的話評分也很高)就算不是馬上就吃 奶黃依然能保持流心的狀態另外奶黃餡夠鹹夠甜沙沙的 大推

星期六同屋企人去左食家上海，人都多，但過左8點後就基本有位，一行四個人，有叫以下餸菜前菜埋位就有，但真係普普通通：先上揚州炒飯，炒飯炒得一粒粒，味道ok擔擔面就好濃味，辣味十足，但個人覺得麻麻地，始終太濃味。餃子🥟煎都香日，入面汁多，係幾juicy小籠包入面都係充滿哂汁，但係個皮就做得比較薄、好容易爛🤷🏻‍♀️叫咗沙鍋雲吞雞，店員同我們裝左湯先，雞就另外盛上。煲湯雞唔好期望好好食。今日叫得有點失敗，因為呢個上湯雲腿浸津白，同上面有點重覆左，點果時醒唔起🤦🏻‍♀️ 最後四個人食咗六百幾蚊

🌹早前電店飲食節目介紹一間上海食店十分正，放在收藏，星期日天氣不隱定，取消行山去探店，我去是新開的將軍澳分店《家上海》。🌹由西灣河出發，搭港鐵廿多分鐘便可到達，早上在openrice 訂位，確保有位及賺分。去到食店，已很多食客在進餐，餐廳裝修一般，環境較暗色，打卡位欠奉，估計食物是的主角。翻開餐牌點了鐵板小籠包包皮香口，皮內湯汁味美，不容易漏出香蔥煎餅蔥香餅酥家上海楊州炒飯料豐富，飯粒分明蘿蔔絲酥餅餡料豐富，蘿蔔味濃桂花軟糕糕點軟身，很難夾上，口感一般

單叫$208（得3-4兩）大閘蟹，家上海竟然無得送薑茶，要自己點薑茶湯圓，那晚已吃了很多食物，根本就吃不下湯丸，埋單成＄1500，都無得送浄薑茶。夜晚又無得買薑茶，結果就唔舒服，簡直是貼錢買難受。

終於明白為何開業這麼久，仍人龍不絕，無論平日，還是假期，門外均有等位的人。今天早於6時多入座，還要是平日時段，未有很多人，不用等位。先說說環境，我覺得座位寛敞舒適，沒有迫的感覺，坐得很舒服，環境裝修也很精緻高級，給我很舒適的感覺。三人叫不了很多食物。小籠包，其實和其他上海菜餐廳差不多，沒有多少驚喜呢！上海湯麵，是我的至愛，每次食上海菜，必點的食物。這個保持水準，和其他上海餐廳差不多味，喜歡但沒有驚喜。勳魚，真的很美味，無論口感還是味道均很美味，沒有很乾或「鞋」的感覺。甜酸調較得不錯。可以說，比其他上海菜餐廳好。牛肉餅，一客三小件，上碟仍熱的，口感很好，味道也不錯，值得推薦。楊州炒飯，看似平平無奇，但好味又足料啊！最後，點了西米焗布甸（$68）只有將軍澳東港城分店才有，還要等20分鐘製作呢！味道可以，略嫌不夠甜。此外，個人覺得布甸很乾，且不夠滑，口味普通。下次食其他。服務，侍應有禮，上菜也快。整體滿意！