家嫂一家大小

營業中

休息中

之前光顧過尖沙咀分店，今次遲左book，佐敦先有位。地理位置位於佐敦新樂酒店範圍內，要行樓梯先上到去，餐桌之間有頗大空間感唔會好窄，裝修格局擺位大致上與尖咀分店一樣。1. 多款前菜小食(任食)，黑松露蝦多士(必推介)、螺肉沙津等2. 刺身船：有三文魚、吞拿魚、紅蝦、帶子、鯛魚、鮑魚(每位半隻)、海膽配紫菜，想有刺身船是與人數有關係，上次4人就冇俾船，今次6人就有船，隻船都幾大隻 & 壯觀，打卡一流。刺身高質，特別一提海膽，無腥、無苦、無澀、鮮甜的。3. 麻辣雞煲(小辣)：好食，無坊間咁濃味，雞煲不是重頭戲，所以只食了一轉。4. 有多款湯底╴店員推介想飲湯可試花膠雞湯底(先飲湯後打邊爐)：材料有哈密瓜、花膠、雞、杞子，少可有哈密瓜，令湯味道更甜。5. 海鮮火鍋：首輪會先上新鮮鮑魚(旭旭下)、貴妃蚌、花甲、蜆、蝦滑釀花菇、八爪魚、鱔、海蝦、珊瑚蚌，之後再order 每樣海鮮黎一份就多左蟹，雖然有叫牛肉，在過程中享受海解盛宴都冇落過海鮮以外的肉類，湯底亦越來越鮮甜。6. 外面醬料區 & 飲品區都係任添，飲品區有多款夏日特飲，更有3款係需要特別落單。7. 蕃薯糖水，已飽到食唔落，海鮮之佔據肚肚

一家大細，記住‘唔好去’4歲小朋友，收成人正價，去到先知，又冇小朋友價祗係用高度，90cm限制,高大的概小朋友，2歲都過話任飲，要7:30 先開始派，其實限住唔比人自己攞，祗係由人派，差唔多30分鐘先加到一次,以為佢啲酒好好，其實質素非常一般有啲搵笨😡😵‍💫啲蟹又冇肉又梅，一般食物質素牛豬每樣得一種，食物選擇非常之小配料係幾多概，飲品選擇都多但係有小朋友，真係唔好去，唔岩《一家大小》間餐廳有啲小家，唔係好襯佢個名。

我哋一行11人訂座，俾咗張10位枱已經迫迫地，未開餐前待應阿姐已經order我哋咁款嚟擺好自己個位，好似擺酒咁要求留一個上菜位，仲要闊落過我哋坐嘅位，大佬呀，已經坐得迫仲要開多個位俾你😑，後來我話想上菜時直接起身俾你啦，阿姐先肯罷休。由於有朋友未到齊，要求食咗雞煲後再食刺身，阿姐威嚴地話唔得，公司規定上菜次序唔可以改，明白嘅公司行政安排，真係第一次聽🤣。上刺身船之前又大鑼大鼓要求左攝位右攝位覺得好擾民囉。WhatsApp訂枱時，店員推介燉椰皇甜品，於是訂咗三個試吓，食到9點咁上下，當時仲食緊火鍋，阿姐突然話椰皇燉好咗而家嚟，我哋話未食完嘢而且冇叫到而家上，阿姐又理直氣壯咁話廚房師傅整好咗所以而家上，呢下我真係嬲左，問阿姐邊個係客人，你哋間食店話點就點，全程order客人番食嘢安排，真心真係勁嬲一肚氣😠😤！！其實除咗刺身正常啲之外，個雞煲淡而無味，火鍋料好一般，唔值得影相，價錢係$428再加一，真係好多地有得食而且唔使受氣。重點係全程唔係一個阿姐嘅威嚴，係兩三個阿姐都係咁嘅口吻order客人，估計應該係食店嘅文化，難得約齊11個朋友開心慶祝生日，換來發火受氣的一餐，就算幾好食首都冇用，況

家嫂一家大小提供前菜，刺身，雞煲，打邊爐一系列的進食過程。大量自家製健康飲品在雪櫃，任君選擇。家嫂的餐具也很別緻，地方闊落，坐得舒服。侍應亦有傾有講，會提示食物煮食的時間。前菜已經有很多款，每款試食完，都已經有飽肚的感覺。雖然朋友覺得有些前菜並不吸引，但是味道也不差。5人以上有大大隻刺身船，打卡一流。刺身質量不錯，欣賞家嫂的品質。雞煲惹味，新鮮熱辣，不夠可以再加。打邊爐有幾款海鮮，其他食物亦很新鮮。這個價錢有一系列享受，性價比高，食量大的朋友不妨一試。

兩個人晚餐，連服務費一共係$942簡單講下，食物質素可以，刺身都算新鮮，雞煲也嫩滑，火鍋食材也不少。整體不錯。但以這個價位來說，管理同服務質量真係好一般。都唔係要咩五星級服務，最起碼的，服務員企係旁邊落order，要記得上菜吧？吃到最後，明明order咗糖水，其他檯都上曬，就係沒上我地份，明明睇住推咗成車糖水出嚟係我地旁邊經過，居然可以上曬俾其他人就係我地沒。唔問就當沒事發生，問就得一句唔好意思沒曬了，真係好令人失望。係咪要客人係糖水車係你旁邊經過截住你先會有碗糖水吃？管理水平之低令人震驚。可能唔會再幫襯。

🆅🅰🅻🆄🅴.🅵🅾🆁.🅱🅴🅻🅻🆈家嫂一家大小 (佐敦)最近同一大班friend食咗間性價比超高嘅餐廳😂就係 #家嫂一家大小 Book枱之前上網睇到有啲評價話只係一般，好彩親身試吓先至無走寶🙂簡單啲講，除刺身外，小食、雞煲、打邊爐、酒水都係任飲任食無限時！一坐低，家嫂們先上小食，有蝦多士、蜆、螺肉、紅糖糍粑…(太肚餓無影相😂) - 全部食物都好ok🙂之後就上刺身船，會跟人頭安排份量，訂枱5人以上會有海膽同蟹🦀 - 刺身質素幾好！少食海膽嘅我都入到口！隻蟹初初以為係裝飾🤣，打開發現爆糕，有驚喜🤩清枱後上雞煲，有得揀辣度，個人覺得BB辣幾好，雞入味唔晦，另有蜆、豬皮、冬菇。但個人認為應留肚食火鍋！🤣🤣再再清枱後上打邊爐鍋，湯底一啲都唔hea，book枱當日家嫂會聯絡你預留👍🏻食物重點有：貴妃蚌、薯仔蜆、BB蟶子、蠔🦪、鮑魚(新鮮到上枱仲識郁！)、桂花蚌、鱔件、花膠、魷魚、極上牛、豬🐽另有：響鈴、炸魚皮、腐竹、手打丸、餃子、蔬菜盤、烏冬…(其實食重嘢已經好飽😂)海鮮中上質素，對得住個價錢！起碼我呢個玻璃肚食完冇肚痛🙂啲蚌同蜆鮮甜，無食到有沙，牛普通偏肥，豬反而幾好味😋飲品方面都係嗰啲啦，特飲值得

「家嫂」最出名就梗係佢架刺身船，我地成班同事今晚一行12人就去咗佐敦家嫂一家大小打邊爐，一去到店員先先上小食，之後就食刺身船，再食追加嘅象拔蚌刺身，跟住就雞煲，打邊爐湯底我地揀咗冬瓜盅，湯底鮮甜，我地個個都飲咗碗湯先開始打邊爐，火鍋海鮮仲要係無限refill，白酒紅酒sake都係任飲，雖然比之前加咗價，不過以佢嘅質素都係抵食嘅😌小食蝦多士、螺肉、牛肚、花甲、炸茄子、紅糖糍粑所有小食都可以無限追加，蝦多士炸得金黃酥脆，上面加上沙律醬同黑松露更加能突顯佢嘅香味。螺肉係最受歡迎，encore咗三次😂QQ彈彈嘅螺肉沙律菜加上芝麻醬，真係令人食唔停口，個人覺得炸茄子最好食，外面香脆內裡軟稔，再加上芝麻醬，芝麻醬配搭任何香口嘅食物都係冇得輸🤭刺身船成張枱咁大嘅刺身船，有鮑魚、海膽、三文魚、凍蟹、北寄貝、帶子等等，全部都好新鮮，最適合用黎打卡😆象拔蚌刺身只需$268/條，冰、爽、脆、新鮮，雖然唔算得上好大條，我地12人食每人都食到幾片，早知就加多條😆雞煲我覺得雞煲就真係麻麻地，啲醬汁一啲都唔夠味，雞又唔入味，開頭以為係因為點咗小辣嘅原故，之後加雞就加咗中辣，一樣冇分別，雞煲可以skip唔食，留返個肚

開始小食,可無限添加,款式及味道十分嚟講有八分,第二度菜,雞煲味道質素非常之好,十分滿意,之後刺身,有喜出望外嘅驚喜,質量,味道,賣相,都非常之好,但火鍋方面,湯底已經比之前嘅淡咗好多,牛肉方面都尚算滿意,但火鍋海鮮料品質欠佳,尤其蝦,蟹,鮑魚嘅清潔度非常欠佳,明顯冇洗,表面上有不少黑色嘅污漬,避免不必要身體不適,所以都冇享用,只有食菜,魚為主力,以佐敦店,有呢個酒精飲品,免費供應,但我建議,整一個counter,可以自己出來由職員添加,唔使職員繞場一周嚟添加,而最後,我比較尖沙咀同佐敦,可能疫情後生意好轉,尖沙咀嗰陣時係兩位職員,可以服務三張枱,但係佐敦呢,好多時係叫唔到侍應款待嘅.

上星期六來了這家，聽說可以從5點坐到10點，食物飲品都是任飲任食，7時來到 ，好多飲品都已經冇晒，例如無糖茶，支裝水就大概8點幾都冇晒前菜都係任食，必試蝦多士，螺肉，麻辣牛展都唔錯火鍋前會黎一個好大既刺身船，有三文魚，蝦，八爪魚，北寄貝，海膽等，都係新鮮好食既之後再會上雞煲，都係任食，辣度🌶️都有得簡湯底簡左椰子🥥，都好清甜，最驚喜既係佢海情真係可以任叫，全部都係新鮮仲生猛既，如果鐘意食海鮮真係回晒本，平時唔鐘意出去食海鮮 因為又貴又唔抵，呢到係真心又新鮮，料仲靚過自己買其實食物種類唔多，都係肥牛，豬肉同菜，主要都係食海鮮另外紅酒🍷 白酒 清酒🍶都係任飲（各一款），待應會推車逐枱上有兩點不足既係待應態度唔算好好，問佢都唔係好想答，我地8人比左6人枱，冷氣唔係好夠，熱到個個流晒汗總括每人500左右，食到咁多野同新鮮既海鮮都好抵食，仲可以5點坐到8點，值得黎試，訂位要比Deposit

佐敦店係第二次飯聚尖沙咀試過三次 (第三次之感受最差)一家大小賣點 👉任飲任食👈另一最大賣點係👉不限時👈大夥兒聚腳點之選 👍價錢加咗少少 $428 再加一訂金 $500 (唔係每次都需要)今次係咁多次之中嘅最味美 😋食物最新鮮程序照舊前菜可以不繼加單蝦多士追加最多 👍 5人或以上刺身會用木船送上 (打卡)蝦、蟹、帶子、 鮑魚、三文魚、拖羅、海膽、北寄貝。。。。整個刺身船食物都好新鮮不需要沾任何醬料已經好鮮甜美味 (特別係蝦、蟹和鮑魚) 雞煲 (中辣) 👍嫩滑雞肉配惹味醬汁第一次將整個雞煲清理得乾乾淨淨 火鍋配上老火花膠湯底 👍加入了哈密瓜整個湯香濃甜味 火鍋食物都好新鮮因為不會所有食材一次上齊可以詢問有什麼火鍋食物再加點便可以當然唔少得有雪條 仲有糖水 (差不多食完要落單。。量唔多) 整體今次食物係最新鮮味美嘅一次 👍👍 ** 梳打飲品需要另外落單 (不需要另加收費)** 不需要收取切蛋糕費用

家嫂 本身都食過幾次不過一大班人食特別正，有浮誇刺身船小食任食我食左好多蝦多士，雞煲因為我怕辣所以試兩三舊就停象拔蚌刺身＄268都抵湯底佢今次有冬瓜盅揀，不過我地都係飲返花膠老火湯今次食佐敦新嘅家嫂，其實之前剛開食過一次，可能未熟手今次再食已經好左好多，員工態度亦十分好海鮮佢有鮑魚，蠔，蝦，沙白，大隻蜆（唔記得叫乜蜆），尤魚，蟹蟹都幾肥美，可惜鮑魚同大隻蜆想再點已無晒，好彩蟹都食得好滿足，肥牛就不過不失正常滿足住咁走😊

午市十一至四點$298五點入座十點截單$428五點入座七點前離座$348就咁睇個價錢又海鮮放題又刺身船以量取勝嘅話性價比一定係高將個味道同服務放上秤就完全兩回事全個餐除咗刺身之外其他都係放題嘢飲甜品都係仲有個姐姐斟咗四次紅白酒全晚由三款炸物同三款小食開始類似係普通放題餐廳食到嘅食物質素之後環遊刺身船有十款刺身除咗蟹腳其他刺身都正常水準順帶一提全間餐廳冇較剪得個鉗食蟹腳雞煲嗌小辣所以得豉油同蠔油味😀咁始終佢原先個名都只係惹味雞煲👌🏻鍾意食雞記得預早通知費事廚房收咗冇得加去到全晚主打打邊爐🍲因為本身晏晝留咗嘅冬瓜盅經理話冬瓜壞咗變咗老火花膠湯所以個人都食到頹頹地見到啲海鮮就好似海市蜃樓咁迴光返照咗陣的確係幾新鮮而且食得多嘅話一定值回票價但其他火鍋配料嘅質素就同屋村酒樓差唔多餃嘅餡大部分係韭黃同韭菜丸嘅餡就幾乎成粒都係馬蹄預先留嘅冬瓜盅冇晒好彩啲椰皇冇壞到味道唔錯嘅不過食完就唔會食到出面嘅甜品所以建議可以唔洗嗌食返任食嘅仲實際另外提返本身食嘢食得慢嘅千祈唔好去因為成晚都會有趕巴士趕火車嘅感覺就算本身刺身船等咗半個幾鐘先上就算個煲蓋闔唔埋個煲未滾起啲店員都會非常急不及待咁幫你上嘢食亦會提醒大家

新店舖，新裝修，地方寬敞，服務周到小食多，飲品款式多，混醬料都多，睇到人都開心啲。食材新鮮，海鮮火鍋料不斷追加，非常滿足，食到一半已經開始飽飲了六杯飲品傻咗一定再嚟食過，讚

多位朋友介紹下一試，未食前都有好大期望，食完之後幸好都沒有好大失望，有機會的話，都會再食過。餐前小食都唔錯，蝦多士有驚喜，不會太油；但酸菜魚就有D失望了；刺身新鮮好味，可惜無得添食，有點失色；最後，打邊粒既海鮮、食材都唔錯，可以一試。最後，負責紅酒白酒既姐姐服務唔太好，扣分。

好友生日緊係要去食好西啦😆今次點名食＜家嫂一家大小＞小食最好食係蝦多士👍👍👍刺身船超型，一上枱就勁有睇頭，見到個個都哇哇聲！ 雞煲就no good ，完全唔夠味，基本上下次黎可以直接skip👎👎👎時令海鮮夠新鮮，任你食問你死未😂象拔蚌加二百幾蚊都幾抵吖！今次真係食痛風餐😝總括黎講性價比高，任飲任食無限時，成班fd去食都真係唔錯，book位真係要襯早！！佐敦呢間夠哂大，而且坐得幾舒服，廁所仲好乾淨添！