家嫂

營業中

休息中

幾個月前食過，依架已經變曬質!!!刺身少左款，切得又好差小食炸埋d垃圾魚出黎 勁多骨我地一枱十幾人 個雞煲d雞肉少到每人食得個一舊 要個冬瓜盅湯底，黎到竟然係一片冬瓜切曬粒掉曬落湯底個海鮮盤仲大獲 冇鮑魚供應又五一早講又話五係樣樣海鮮都有得加泥鯭又五新鮮 蟹又腥臭 蝦肉又霉 d蟶子bb 又細又多沙 諗住叫翻d普通野食下 又話枝竹五比加又話冇餃 叫乜冇乜 同以前相差幾遠搵笨!!三百幾加一 出面大把選擇啦 職員態度又差又受氣五會再有下次!

講了耐終於有機會試下係家嫂打邊爐。打電話訂位時已經覺得店員趕住收線，但心諗可能太忙，需要見諒。店員知道我們是第一次光顧，所以就介紹進食流程。先來魚生，感覺尚算新鮮，再來菘露魚餅，魚餅好味，但覺得跟菘露不太夾，店員再三問要不要，因為蘇洲過後無艇搭，我們堅決不再要。再來雞煲，店員搞個雞㷛時，將D汁彈到我件白色衫。我知佢不是故意，但對唔住無聲，只係比一張濕紙巾給我，我覺得有不是味兒。雞㷛份量超多，完全後成只碟的雞骨，店員叫我地自己將D雞骨倒落個㷛度，那刻有點諤然，第一次有咁嘅service。之後再來海鮮、菜及牛肉，大部分尚算新鮮，但魚肉，蔬菜不太新鮮，有只菜肉丸好難食。因為實在太飽，牛肉及部分丸沒有吃。總括來説，價錢跟食物質素成正比，但要受氣囉！

朋友介紹，老遠嚟到柴灣試下家嫂啲手勢。人未齊，去攞嘢飲。有自家製飲品，每杯獨立包裝，似足台式飲品。夠哂衛生，不夠喺呢個走塑嘅年代，唔夠環保。幾款飲品材料十足，又唔甜，唔錯。繼續等人齊，先嚟兩個小食。蝦多士同三文魚。黑松露蝦多士無黑松露味，多士同三文魚一樣，炸得唔夠乾身，油。人齊，上刺身。刺身賣相唔錯，夠新鮮。跟住開始打邊爐。可惜牛得一碟，而且牛味唔夠。海鮮方面都算新鮮，有幾隻蝦自我跳入個爐自尋短見。🤦‍♂️蟶子肉地唔夠厚。蟹係水蟹，都係水汪汪，無味。丸類同菜不過不失。最後每人一件 New York 芝士蛋糕。飽哂。

之前係柴灣分店食過一圍小菜,又係旺角分店食過蒸鍋兩次價錢都係$3xx,食物服務都好讚,如果人多( 約10-12人),真心推薦食一圍小菜然後每次去都話下次一定要試打邊爐,試完果然無失望啊食法係食完一樣還一樣,無得食番轉頭,但其實真係好多野食,細食既人記得留肚啦炒辣螺&炸三文魚 -> 黑松露蝦多士 -> 刺身 -> 雞煲 -> 打邊爐我地都覺得黑松露蝦多士好好食,想留肚都忍唔住encore刺身都好新鮮雞煲就不過不失啦,因為我唔太喜好雞煲打邊爐方面,揀左椰子湯底同牛,外加一碟豬,牛同豬之外其他野食都可以任食果盤海鮮真係超新鮮!! d生蝦仲識跳,牛同豬份量都ok完全唔姑寒,仲叫左烏冬,,大家都覺得先收$3xx一個人,但俾手打烏冬真係好有誠意食足三個鐘,一D都唔趕服務員哥哥仲好好服務,主動幫我地換碟加水最後仲食到每日念念不忘既芝士凍餅,真係好好食!!!不過我同朋友就係希望可以係醬料區加淨莞茜依個選擇因為得蔥加莞茜溝埋,仲要得好少莞茜,滿足唔到好多莞茜愛好者

這間家嫂位置在柴灣工業區內的 商業大廈6樓 位置上算方便 柴灣地鐵站一出 行五分鐘 即可到達 這次午膳時間比較早 未到十二點一個人都沒有餐牌有兩款類型選擇第一款是米線 有點兒像車仔麵 選料選米線選湯底 第二款碟頭飯形式 這次我選了一個名字很特別的碟頭飯 叫 非一般龍躉粟米飯 可能時間上早廚房還未準備好坐了大概15分鐘才給我一下餐湯這個餐湯是可以逐添的用料也十分足 喝下去沒有很重味精的感覺 再過多五分鐘 粟米石斑飯來臨了 粟米汁是另上的非常有心 龍躉炸得非常酥脆肉質十分厚但不會很嚡 另外 斑塊上加了一些味分調味也很香口 粟米汁很清香 不會有很重生粉芡的味道 可以當作另一個蛋白粟米湯除此之外半價可選購餐飲餐飲類型也十分特別 不是 奶茶檸茶檸水咖啡 而是養生的飲料 這次我選了桂圓杞子茶 像台式飲料預先膠杯裝好不太環保。這個碟頭飯78蚊但我覺得物超所值

有朋友推介，所以專程去食。今次去慶祝朋友生日，特登預先book位。環境裝修都幾靚，第一次去食，飲品種類選擇多而且有心思。睇唔明個餐牌，個職員過到來解說，好似講俾自己聽，坐隔離都聽唔到職員講，一講完就收走餐牌。刺身拼盤海膽明顯唔新鮮，完全冇味，雖然冇腥臭味，同平時食開嘅明顯唔同，始終刺身唔夠膽亂咁食。之後個小食炸蝦餅都幾好食。食雞煲，雞煲嘅位置基本上都係雞胸，雞骨少肉的部分，咁明白嘅始終都唔係主打雞煲。終於去到主打嘅海鮮打邊爐，本來叫花膠雞湯，但係職員跟我們要預先預訂 ，不可即場叫，跟住我哋就問有咩湯底可以選擇，然後職員沒有回應就走左去，我同朋友都俾個職員嚇親，本來有諗過佢係咪比餐牌俾我哋，但是沒有，我哋只好拎隔離枱餐牌自己看，揀完唯有叫其他職員幫手，跟住我哋選擇咗個職員話係海鮮湯底，結果嚟到，有一片魚乾，真心無言了，順帶一提煲蓋同埋煲都幾污糟有污跡。打邊爐嘅食物來了，蝦是新鮮，枱面仲係識得郁，但係都見到其他海鮮即係例如聖子BB，唔可以加嘅肥牛（牛肉質素差，大昌質素，蟹是霉的，最糟糕的是放蜆落煲之後，全煲臭了。芝士蛋糕真的幾好食。因為我們是慶祝朋友生日的，我們叫職員蛋糕給我，結果真的突然

我們七人行在的位置是正中央冷氣吹得非常勁剛開始的時候我們表示要求換位， 附近的士應要我們自己和reception講， reception的態度是十分差， 解釋的原因也極不合理， 說如果每個客戶都要為那就 十分麻煩不可能這樣。我們再次和店員要求，他給我們電話，說經理 去飲如果有意見要我們自己打電話去和他說， 他就不會給我們作任何安排經過一輪 商議之後他們願意關一台冷氣， 關了一下子另一個店員便說不可能關冷氣因為其他 客戶會投訴很熱。 整個過程我們都十分無奈。 就這樣七人就坐著十二人的桌子桌上沒有任何餐牌也沒有人介紹如何進食， 詢問之下店員才告知上菜的次序。基本上食物的味道是不錯的， 只是服務欠佳。 當要求要一支水的時候雪櫃沒有，他要我自己去 吧檯取， 去到吧檯另一個又叫我去雪櫃， 最後不願意的情況下在箱子攞一支水給我這樣的服務態度完全不可接受整體來說食物是很不錯味道也很好但如果你不要求任何服務的話可以去！

今日睇到動新聞介紹柴灣有間好出名火煱，做到在旺角開分店，我住咗柴灣將近十年，都唔知有間咁嘅火煱放題，於是即刻打去柴灣訂位，諗注一家三口去食，点知個女話腸胃好似不適無去，得我二個人去，第一次上到去，有位員工就問我倆嚟過未，我答未嚟過，於是位員工就攞起枱上餐牌，就話先食魚生拼盆，之後又送上一碟炸虾餅，位員工話唔夠可以再加，但我哋無加到，因為怕太多嘢食唔哂，跟著又嚟咗個雞煲，個雞煲好香好好味，但我倆都唔唒，跟著再嚟海鲜火煱和其他火煱配料，我見都經已飽咗八成，二個人怎可能食得到咁多，好似好浪費！好彩我問員工可以攞走未食食物嗎？位員工就話如果全無加添過食物就可以，但要收回盒錢，我覺好合理，好過浪費D食物。位員工服務態度好好，我問有無人會食得哂d食物，位員工話有，仲要係一男一女食完還要加添，嘩！真係唔明点解可以食得到咁多嘢！勁整體嚟講超低$298星期一至四還有88折環境舒服

山友又出來聚餐，舊同事勁讚家嫂，咁即刻打電話去卜，旺角、、、冇機會啦！全埸爆，10点、、、点得呀！咁柴灣，好遠下喎！都打去試下啦！因為卜第二日，爆都應該，聽電話的話我地好彩喎！有一張8人檯、、、咁就遠都去啦！大家都好準時咁7点差不多就到齊，近窗一張大圓檯，都好闊落，見餐牌有兩款套餐，另外見到放題，此放題吾係自己点㗎！一來伙記就話人齊就上魚生，先來了一大條船魚生，有蝦，三文魚，北寄貝，同有海膽，整體都新鮮，仲來了每人一件黑松露蝦多士，多士可以再order，之後上雞煲，少辣，有花膠，腐竹，夠野味，知道接著有打邊爐，雞煲就吾加，火鍋湯底有8個選擇，但當晚得6款揀，又一輪商議，選了魚民湯底，海鮮拼盤有蝦，哈哈哈，好多蝦，都新鮮，貝殼類有四，五種，吾識分，都新鮮，牛肉可以，丸有三，四款，仲有餃子，一盤蔬菜。整體來說值得推介，星期一至四仲有折抵食

今日同屋企人去咗試一間叫家嫂GE火鍋放題，因為我哋早到，唔係太多人。但一過咗七點，成間餐廳已經坐到滿座咁濟，睇黎真係幾受歡迎。佢GE火鍋放題同一般GE唔同，係分階段食的，先食咗啲炸物，唔夠可以再叫，之後可以同待應講就會去下一個主打 – 刺身，但記住唔可以再叫返之前 GE 炸物 (因為已經去咗下一個階段)，之後仲有個雞煲再到火鍋。刺身，份量算多，每人都有三四件左右，味道一般，值得一讚個蝦，幾好味幾新鮮雞煲，個汁比較咸，雞GE份量好足，唔夠GE話仲可以叫佢再加，可以選擇唔辣/小辣/大辣，本人覺得小辣都有啲辣，有興趣GE可以試試大辣火鍋，先黎一碟牛肉，味道幾好，不過份量好少，仲要冇得追加，可惜咗啲反而啲海鮮幾新鮮，尤其是啲蝦，黎到GE時候用個碗 CUP 住，驚啲蝦會跳出黎，仲有蟹、魷魚，蟶子，花甲，全部都好新鮮好正其實仲有個甜品，係芝士蛋糕黎，不過已經太飽所以放棄咗 XD埋單每人298加一，都算抵食 !

其實之前訂枱已經覺得職員好串，昨晚我們一行7人在家嫂食火鍋，到達家嫂時朋友覺得坐位冷氣好大想調枱，換來極不友善對待，職員話佢set好晒D位唔想再調，如果個個客都話要調枱咁我地咪好唔得閒，其實調唔調到位都唔重要，問題係態度差，仲要係連續3個職員都係咁差，最後我們坐回原位，覺得好受氣，話揾經理，佢地話經理去咗飲唔係度，朋友們山長水遠來試食，最後個個都話無下次，不會再來，食物水準ok ！不過香港地300蚊內，有水準又好食嘅店都大把選擇，如果職員態度唔改，公司唔正視，相信好快會趕走晒D客！

放題e家開到成行成市，連柴灣都唔例外，今次要介紹嘅就係係柴灣工廠大廈區嘅一間火鍋放題店，叫家嫂！不過e度玩法同普通放題有d唔同，佢有分唔同環節，如果要再添就要係同一個環節添，過咗就無得番添。一嚟係刺身，e個係計人頭，無得添嘅，但海膽係超好味，唔腥！之後係素鵝，都幾好味，唔錯！再嚟係雞煲，真係好難得有得一次滿足咁多個願望，但驚太飽，就無添。最後係期待已久嘅海鮮同邊爐，款式都多，但有小小沙，同埋唔係真係咁鮮，有小小失望！不過整體都還可以，重點係佢有超多唔同嘅特色醬，隻隻都好好味，而且飲品好多自家煲嘅，都唔錯，算係優勝位。

呢間家嫂呢， 真係同好多班唔同friend食過。 又抵又好食。 睇返相先發現次次食完都拍拍囉柚返屋企都冇寫過。 可能因為覺得已經夠多人夠難book, 客太多都已經費事寫。不過都介紹下啦。嗱， 點解話抵啦。 都係㗎啦， 都係「任食」呢兩個字吸引我。簡單介紹下點解呢個任食抵食。 首先， 有小食頭盆（呢樣唔夠食可以無限再叫） 雖然佢地係隨機俾你食， 但樣樣都熱辣辣。 我就食過佢地蝦餅最好食， 翻叫兩次！呢度仲有樣規矩， 就係跳到食下一樣打冇得翻頭叫。 即係你要同佢講食夠先會上刺身或下一樣。 上左下一樣野就冇得食返上一樣野。再黎係 刺身拼盆。 呢個就非常新鮮好食， 連相機都可以食飽。佢地會因人數每人每樣一份， 唯一呢樣冇得refill, 所以小心唔好俾同台既人搶食左！好喇， 我地下一樣， 就係無限既雞煲。 只有兩個字「好食」。 用雞仔， 所以好嫩滑。 有得大中小辣。 我地次次都食佢4煲先停！完左雞煲， 下一樣係無限既海鮮， 再加埋香濃既藥材醉雞湯底（真材實料）呢樣野真係抵到爛。 三點蟹， 花膠， 飽魚仔， 蝦， 赤貝， 等等， 食完就隨你refill. 可能因為任食賣太多， 所以都好新鮮。 另

半年前去過~第2次去食家嫂啦~好滿足。KEEP 到水準!家嫂的食法係一樣一樣有次序咁食冇得返轉頭食頭盤係黑松露蝦多士(可Refill)重有炸三文魚骨同冬陰公煮青口魚生拼盤有海膽啊, 重有大大隻的牡丹蝦。其他魚生都好新鮮(不可Refill)花膠雞煲叫左中辣, 夠香味濃! 想再入味D可煮耐少少。但平時唔係好食得辣的我都覺得中辣都唔係好辣。食得辣既要叫大辣。花膠係爽身果重。啖啖雞肉唔係剩係得骨。重頭戲當然係海鮮邊爐。湯底選擇了椰子湯。先呷一口椰子湯鮮甜青新。所有食材都好新鮮。蝦都係生猛扎扎跳。聖子鮑魚馬刀貝北寄貝墨魚滑蟹etc. 大部分海鮮可以refill佢D手打丸都好好味! 肥牛就無得Refill,好香牛味! 正最後甜品係芝士蛋糕! 正!佢D飲品除左一般的罐裝飲品外, 重有D係佢地自己煲既糖水,例如竹庶茅根同柚子茶等等。真心呢間野值得推!!! 好高汁!!!

第一次食家嫂午餐，估唔到有驚喜！米線湯底揀左艇家蝦湯，飲落冇味精！好濃蝦味！勁好飲個湯！估唔到碗米線黎到咁大碗，自問自己食野都幾大食，估唔到食完碗野可以飽到上心口。$48有3個餸，沒有加一收費，都叫抵食！雞翼炸脆身，手打松露墨魚好正，魚腐都好好食。不過午餐就唔包餐飲。要飲野就要加$8飲佢自家制特別飲品。有竹蔗茅根，紅棗元肉，杞子花旗參胎菊蜜，等等......眼見場內有其他客人叫客飯，都大大碟。下次要返轉頭食下客飯先