容記小菜王 (已易手)

4月份原本隔左咁耐都唔想講,但見到今年只得3個食評,真係想比d意見大家..曾經上openrice見咁多人話ok,而且bf鍾意食廣東菜同埋近我屋企,同bf提過,佢都話有機會要試下... (第一次) 某一天的9:25pm,見到門口貼住好多明星同以下果個男人影好多相,我和男友入到去坐低,見到有個牌寫住9:30pm入坐7折,咁咪問下個侍應係咪7折囉,佢話緊係唔係啦,佢話其實價錢唔差太遠,因為9:30pm後茶錢$6..9:30pm前就$2..特價野冇得折,佢話其實呢度好多特價野,計起都係差唔多,我地再問另一個男人(我地諗佢應該係老闆)可以當我地9:30pm嗎?個男人話: 緊係唔得啦!~我地咪話咁我地5mins後再入黎囉,個男人話: 你地鍾意囉!(怪不得門口有幾個人等位,可能佢地等9:30pm後入坐),我同bf諗諗下唔多like咪走去第二度食囉,佢唔識做,我都唔洗比面佢>.<(第二次) 某一天的9:30pm後,我同bf想食廣東菜,諗起呢間,見到門口又有幾個人等位,咪再睇下同呢間野有冇緣囉~點知好快有位,都知道呢間野又多人,又迫,唔緊要啦,最緊要好食,睇佢menu,都唔算平喎,唔通真

今次係第三次幫趁,記得第一二次幫趁時,所有餸的份量都很大碟,好味又抵食,但今次真係很失望,其實味道無變,只係細碟左好多啫.叫了:中式牛仔骨-6小件+大量洋蔥,味道不錯,好開胃.蒜泥蒸絲瓜-好清,不過蒜蓉味差不多蓋過晒d絲瓜味.豆腐魚雲湯-無味精,味道一般.好小魚雲好多菜.大size拼盤-墨魚餅,炸小唐菜較為好食,好香口,炸大腸好多肥膏,不過都好鬆化,豬頸肉就比較乾身.2可樂+2白飯埋單$270

男朋友話之前食過呢度d燒肉,好想再食,咁岩又去開深水步,又係食飯時間,所以去試下.叫左1)細碟燒肉$38; 2)西蘭花帶子$88 & 3)炸蝦餅$48.1)燒肉真係非常之有名無實+浪得虛明, 平時阿媽係燒臘舖買個d好好多. 一食落口有種講唔出既難食感覺,味道非常之怪, 講真如果大家一心諗住去食燒肉,奉勸各位唔好浪費時間去!2)西蘭花帶子收酒樓既價錢,但係以佢既環境同食物質素貴左d喎,同埋真係炒得mama地,d帶子好孫兼薄到大風d都吹得起!3)炸蝦餅都幾抵食,$48有成八塊,不過冇味道同口感可言,由於2個人食唔晒八件,打包左2件比媽媽食,連媽媽都話唔ok,d蝦唔新鮮wor!總括黎講,唔值得去第二次lor!

一行6 人去到, 5/5 , 7 時30 到達廿幾人等人, 要等6 張枱叫number 勁亂黎讀錯, miss 咁幾個, 咩都有有d 人入到去, 爆住粗出返黎事關細枱 ( 3 個都好難頂) 要坐4 人我地大約等左一個鐘叫左最出名果幾味:雞, 正, 但唔係得佢先有, 熟左d燒肉, 正, 皮脆, 但肉有d un蜆, 辣得黎好正, 又夠大隻但超搵笨, 得4 成有肉第一咀, 香口, 正唔出名有:帶子西芹, 普通野菲律賓炒年羔, 垃圾係受氣d lor野食都幾ok ga

真係有小小失望,本人非常鍾意食燒肉,滿懷希望咁一食,味唔係唔好但硬係有D講唔出,可能係其他食家講既似煲湯豬肉,第一雞冇特別,泉章居好好多,環境激嘈!嘈爆!冇辦法坐耐小小,價錢都唔係特別貴,但深水步講就一D都唔覺得抵食囉

叫咗碟燒肉,肉無乜肉味,祇有豉油味,又太過油膩,古法浸菜心係d杞子和湯浸住d菜,但d湯又唔係上湯,好淡!腰果炒蝦仁,d蝦仁超細唔在講,一d都唔爽,仲好似"媒媒"地,勁難食!最離譜是買$10一煲的排骨飯,成煲碎米飯,怕係第二度你一定食唔到,依家边有人用碎米煑比客人食?大排檔都唔會啦,我都覺得奇啦!十元咁平,咪即本試下囉,將貨就價成咁,不如唔好整出來啦!叫人再回頭吃,咪儍啦!大把食店好過佢!

早排試了這類的出名燒肉, 皮係好脆, 肉亦好腍, 但食落十分怪, 感覺有點像煲完湯o既豬肉, 燒肉應有o既味不知在那裏? 皮好像頗油膩, 是燒出來的嗎? $80一碟算份量十足, 但兩三個人叫完燒肉就唔多試得其它菜. 後來才知, 原來燒肉可以叫細份, 但餐牌無寫, 伙記又完全唔提, 激死!講到燒肉, 澳門大東、李康記、紅街市旁好到底同碼頭樓上海港城都係傳統口味上上之選, 一定比這裏的好吃. 元朗金記燒腩骨亦不俗; 就算中環蓮香, 燒肉皮唔算脆, 肉唔夠嫩滑, 但都一定更有食味.另外試了炒菜, 不過不失, 俬傢菜(我無寫錯, 佢地真係咁寫, 其實係白菜心)都頗甜. $10一煲排骨飯算好抵, 食得過. 焗鯧魚用上酸甜汁, 但早已太飽, 吃不出味道了. 其它菜式亦未有機會嘗試, 保留日後再評.

同幾位食友打完波，加埋日前行蚺蛇尖，兩隻腳得番四份三隻郁得，梗係拿拿林搵地方食飯為上算。大家都不想去到小菜王咁遠，就近近地來了這裡。九點幾都有幾多客人，坐落至知，原來呢度九點半後食物有八折﹝啤酒除外﹞，可能都有d關係。T教練一聲令下，先來一支大嘉士伯，十蚊一支都幾抵飲。已經沒有燒肉，焗魚腸都賣清，有點失望。伙記counter offer容記第一雞，但不少在座食友不久前才吃過靚雞，無謂搏，所以只隨意叫了幾味，包括炸墨魚咀、椒鹽鮮魷、XO醬銀魚干炒銀芽、XO醬爆象拔蚌、沙拉骨、肉鬆炒四季豆、腊腸炒白菜芯、竹笙魚腐及排骨煲仔飯。菜色不算出色，可幸還算熱辣辣的。炸墨魚咀說是「容記第一咀」，不算很差，但墨魚咀腍腍的，完全沒有吃墨魚咀軟骨的爽脆口感，比起東寶的是差一截。將店名也押上去，未免冒險一點；椒鹽鮮魷雖然熱但都夠香脆香口，好在魷魚是新鮮厚肉的，都吃得過；XO醬炒銀魚乾在牆上寫成「好評如潮，清爽可口」，吃過都不錯，銀魚干脆脆的，同爽脆的銀芽配搭不錯，都吃得過，值不值得「好評如潮」就見仁見智；另一味XO醬炒的，只收幾58蚊的，當然不會是象拔蚌，同炒的鮑貝太腍身，沒有吃頭；沙拉骨是沙拉豬扒，雪藏豬

小菜真係幾好. 雖然唔好燒肉,但都係試唔到出名o既燒腩仔.是夜,打完波,叫o左六個小菜,兩個排骨煲仔飯.小炒王-即係韮菜花炒脆卜卜蝦干. 香口但以炒菜o黎講都幾油膩.椒鹽墨魚咀-第一次食,好香口.同係size細o左d. 都係覺得椒鹽鮮魷有咬口d. 以前以為墨魚咀中間有舊骨,原來已經起o左.椒鹽九肚魚-香口但又唔會炸到好燶. 仲有九肚魚o既滑口.天下第一雞-滑又有雞味,亦都好入味. 雖然有沙薑同薑容點,但唔洗點其他醬汁都夠晒味. 果然係出名o既雞! 藉得encore.金銀旦豆苗-咸旦同皮旦都好多. 足料,但係冇咩話特唔特別.沙拉骨-冇咩特別,個沙拉汁太杰.唔會再試.唔知點解有七折,可能係夜gar? 地點唔係太就腳,o黎開深水步都可以考慮再食gae!

早幾日想去容記,但留意倒已經好耐無食評了,所以去飲食廣場問問,點知果晚眾食家去曬食蛇無人答, 本應諗住唔去了,怕會出現"番版大榮華結局",但大食妹話即本去一次啦,點知,如我預料之內.......馳名海外的燒肉變了脆的烚豬肉,只是脆,d肉一d味都無!彈牙炸蝦餅,係有d彈牙,但味道全無,如果無左佢個沙拉汁,我都唔知仲點食落去!草菇扒豆苗,嘩!一放低,已知道是罐頭草菇一d味都無!全晚竟然最穩陣係個賣十蚊0既排骨煲仔飯,唔難食!我在它最光輝的時侯無去過,實在可惜,所謂"人怕出名豬怕肥"又一個好例子了!

昨晚星期日差唔多8點，由朋友帶路，3個人來呢度食晚飯。燒腩肉：好大碟，啖啖肉，d皮厚得黎幾脆幾香口，正；黑椒牛仔骨：都幾大碟，d蒜粒同黑椒同洋蔥mix得好fit，牛仔肉有d肥膏，炒得好香濃，相信係用左好多燒酒來炒，食完胃痛；西蘭花草菇：炒得都好味，如果味道可以濃d就更正間舖好多人好熱鬧，週圍牆壁貼滿報紙線稿，都好遠近馳名咁喎，下次班多d人來吃至得。

友人係容記常客老街坊. 佢帶我來食2人火鍋. 份量都幾多又蝦, 帶子, 好多菜等.仲有老火湯同白飯送...正$88都幾抵啦.友人話佢地d小炒都好正, 每晚都有d新鮮魚. 有一次我地就試過豉汁蒸倉魚, 又真係幾試甜. 不過環境咪係一間茶餐廳

試過有次差不多傍晚6點左右去到容記，買左一份燒肉和兩隻炸乳鴿。我家住柴灣區的，由深水步返回柴灣，最快捷的交通當然是地鐵啦!!佢地班伙計幫我響燒肉和炸乳鴿的外賣盒上「開洞」，避免吸入倒汗水。單是車程就要差不多40分鐘，響車內眾人都聞到一陣又一陣的燒肉和炸乳鴿味道。經過差不多40分鐘的車程之後返回家中，摸一摸盒身盛裝燒肉和炸乳鴿的外賣盒，仍然是暖和的!!

11/10 7:30pm同家人一行5人黎食晚飯,之前食過一次覺得普普通通,今次對佢加左d分數.我地黎到都等左15分鐘左右先有位.我地叫左燒腩肉$80,沙薑雞$6x,枝竹火腩炆鯰魚$68,鮑汁什菌$4x,菜心炒牛肉,冬瓜湯.燒腩肉---真系同平時食果d好大分別,皮脆,肉質鬆化,而且吾韌.$80系物有所值!沙薑雞---雞肉頗滑,有雞味,唯雞肉肥左d.枝竹火腩炆鯰魚---阿姐介紹,鯰魚味道鰂魚+石斑.有鰂魚既泥味+石斑既味道,但肉質無石斑咁實.個人吾太喜歡果浸泥味.但整體都ok.鮑汁什菌---呢款麻麻地.吾知系咪鮑汁令什菌食落有d苦味,還是本身d什菌吾新鮮.菜心炒牛肉,冬瓜湯---2款都ok.埋單$352,都算系抵食!

1) 燒腩肉- 真係好正, 皮脆肉滑, 略帶肥肉, 加埋wasabi好味道!2) 墨魚咀- 好香口, 唔錯, 送酒一流!3) 沙拉骨- 呢個就有d失望, 因為比外面既差...另外叫咗個白飯同兩罐飲品.